عشق محرم دوليا (لهجة جزائرية )

الحلقة 44

الحلقة 44 :
ألينا؛ كيفاه هادي متقدرش !!! دوك برك قتلي البسي لبسة العمليات .. كي بدلت تقولي مش راح دير العملية .. نورمال في مخك .. كي هكا علاه مديتولي رونديڤو فلول
الطبيب؛ مدام سامحينا مش بيدنا
ألينا؛ كيفاه هادي مش بيدكم .. بيد شكون
جود؛ على خاطر بيدي أنا ..
حسيت الدم حمد في عروقي.. و أنا نسمع في هدرتوا .. مقدرتش حتى نتلفت نشوف معاه .. صوت خطواتو قرب  ..لين جا مقابلني  قدام الطبيب ..
جود؛ كملت خدمتك تقدر تروح
مشا هاداك الطبيب .. تلفت يغزرلي واحد النظرة ..
ألينا؛ و وش قاعد دير
جود؛ وش قاعد ندير
يحكي و يرص على سنيه ..
جود؛ هو سؤال واحد علاه !
غزرتلوا .. للحظة كلش تعاود في راسي .. من أول نهار حتى لدوك .. كل تفصيل .. كل نظرة حب .. كل دمعة وجيعة .. كل لقطة .. لاول مرة منلقاش جواب ..صح علاه .. قاعدة ننتقم من طفل بسبة اللي داروا هو .. بصح منيش غالطة تاني .. مستحيل نجيب طفل .. خاطر بش يكون فالظلام .. فالخماج .. وسط انتقام .. طلعت راسي غزرتلوا
ألينا؛ بصفتك واش راك هنا مفهمتش !!
جود؛ ************* بصفتي واش !!!
ألينا؛ متعيطش
جود؛ طيحي طفل بلا ما تقوليلي ... يا ديني ..
عدا يدو على وجهوا .. يحكي بهستيريا ..
ألينا؛ نظن هاذي حاجة تخصني
جود؛ شفتي كون يتقاس  بشعرة .. والله يا ألينا والله .. راح نخليك تبكي الدم ..
ألينا؛ مدامنا مطلقين .. معندك حتى تصرف عليا ..  يعني هذا الأمر يولي ليا ..
جود؛ هههههههههه مطلقين ؟ شكون قالك ؟ ..
قدم عندي جا وجهوا مع وجهي
جود؛ مزلتي مرتي
ألينا؛ ك كيفاه
جود؛ ممم على خاطر ما سنييتش .. و مام كون سنييت .. تطلعي غالطة كزن تخممي بلي نخليك ديري رايك..
ألينا؛ هه و كيفاه بش تمنعني .. راح تحبسني مرة خلاف ..
جود؛ وصل الوقت اللي لازم تعرفي جانبي لاخر 
ألينا؛ ما تقدر دير والو  .. فالح غير فالتسوقيط و خدايم ***** .. زيد وش دراك بلي ولدك .. بالاك ولد واحد راجل عليك ..
مع آخر كلماتها .. طرف العقل اللي كان فيا طار .. منعرفش كيفاه خبطتها بكف وجهها تلف .. حطت يدها على وجهها ..
ألينا تحكي ؛
حسيت الدنيا دارت بيا ...ضربني !! .. تلفت ليه ڨحرتلوا .. جيت نمشي ..
جبدني من يدي يجر فيا.. قريب نطيح .. الناس كامل يغزرولنا .. واحد ما خمم يقدم .. باقية نعيط .. و نحي في يدو والو .. حل باب للطوموبيل .. دزني وخبط الباب .. حكمت يدي .. حسيتها تكسرت .. قاعدة نرمش بزربة بش منبكيش. . ركب ..
ألينا؛ رايحة ندمك و
جود؛ غير بلعي هذا والو ..
غزرتلوا بغل .. دوكا هذا هو اللي حبيتوا .. يضربني !! ... زدت تأكدت بلي قراري مكانش غالط و تاع الصح .. الطفل هذا ملازمش يعيش مع اب هكا ..
حبس قدام الفيلا قصدي الحبس .. نزل .. و جا حل الباب جبدني.. نزلت .. هز اشارة قدموا رجالوا كامل وقفوا .. غزرلهم .. و هز صبعوا شاور عليا ..
جود؛ شفتوا هاذي .. حون تحط خطوة خارج الفيلا.. خطوة وحدة .. ميشقاش تستناو كيفاه نقتلكم .. كل واحد يحط سلاح و يقوس روحو .. فهمتوا
-حاضر مسيو
جبدني من يدي دخلني للفيلا .. قوتي تهدت .. دوخة حاكمتني .. بصح يطلع غالط كون يخمم بلي هكا ممكن يربحني ..
فلتني  فنص الصالون .. و راح للكوزينة .. باقية واقفة في بلاصتي .. تعديت عينيا عالفيلا .. تنهدت .. سمعت خطواتو من التالي .. مبعد ترما عالفوتاي .. تلفت غزرتلوا .  هاز كاس ويسكي و حاط القرعة فوق التابل .. جبد سلاحو من تحتو حط تاني فوق التابل .. رشف من الكاس و غزرلي
جود؛ ملخر وش حابة
ألينا؛ منحبش نجيب طفل منك
جود؛ يعني
ألينا؛ مستحيل نجيبو المستنقع اللي عايش فيه سيادتك .. و كان في بالك بلي كي ضربتني كف رايحة نخاف راح تكون غالط بزاف .. خاطر مستعدة نعمل كلش و منخليكش تربح
جود؛ ههه وش رايحة ديري
قدمت ليه جيت واقفة قدامو ..
ألينا؛ علابالك علاه مخفتش.. و نتا جايبني لحبس .. و نتا توصي في رجالك هكاك .. و نتا تخبطني بكف .. مش لانوا معندي مندير .. بالعكس على خاطر معندي وش نخسر بالعكس نتا  اللي راح تخسر
غزرلي بسخرية .. و هز الكاس رشف منو ..
جود؛ ولدي يجي برضايتك بالغصب.. حبيتي محبيتيش .. ميهمنيش .. اطلغي لبيتك مش حاب نشوفك ..
ضحكت بالشوي .. و مبعد ضحكتها علات ولات قهقهة .. مبعد ولات شهقات .. حبست خلاص .. تنطرت هزت الفرد اللي عالتابل .. و وجهتوا ليا ..
الينا: وش كون نفرغوا فيك دوك .. و علابالك نقدر ..
ركحت الفرد باقي نغزرلها .. و مبعد ضحكت بسخرية ..
جود؛ ممم وش تسناي .. تعرفي منين تطلقي ولا نعتلك .. حطي صبعك على الزناد مليح .. و تركزي برجليك فلرض
طلعت راسي غزرتلها .. دموعها نازلين .. خدها احمر .. شوي و ضحكت .. هزت يدها مسحت دموعها ..
ألينا؛ مرسي عالدرس .. اما مش رايحة نطبقوا عليك ..
حطت الفرد على جبهتها .. تنطرت وقفت من بلاصتي ..
جود؛ أليييييينا
ألينا؛ حبس .. احسن لك تبقا في بلاصتك
جود؛ حبست هبطي الفرد بركي بلا هبال
ألينا؛ ههه شفت قتلك بلي نخسرك .. أنا أكبر خسارة بالنسبة ليك ..
جود؛ ألينااا
ألينا؛ قتللللك حبس في بلاصتتتتك
جود؛ حابة تقتليني صوري عليا .. و نحي ****** الفرد من راسك .. تزيد تغلطي ... راهو مرككككح
ألينا؛ هههه مستمتعة بزاف بمنظرك هكا .. قتلك بلي اللي معندوش وش يخسر ميهوم حتى حاجة .. بصح نتا عندك
ريقلت الفرد على راسها أكثر..