RADIO DRAMA SCRIPT | ANG HALIPAROT NG KALYE TRESE
[STANDARD INTRO/MUSIC TEASER]
[bubungad ang umiiyak na babae]
CLARISSE: Itay! Tama na po! (iiyak, hahagulhol)
MARIO: Tumahimik ka! (sampal)
CLARISSE: Itay, ano po ba ang nagawa kong kasalanan? (iiyak)
MARIO: Simula nang dumating ka sa buhay ko ay nagkasunod-sunod na ang kamalasan! Peste ka sa buhay ko, Clarisse! Peste ka! (sampal)
CLARISSE: Patawad po, itay. (hahagulhol)
JOEL: Mario! Anong ginagawa mo kay Clarisse? Ibaba mo siya sa pader!
MARIO: ‘Wag kang makialam, Joel! Papatayin ko na ‘tong peste na ‘to sa buhay ko!
CLARISSE: Itay, tama na po.
JOEL: Kuya, ang gago mo. Ibaba mo ‘yang anak mo o babarilin kita. (clicks gun)
MARIO: Hindi ako natatakot sa kalibre kwarenta’y singko mo, Joel.
JOEL: Bahala ka, kuya. (tunog ng baril)
MARIO: Ah! (naghihinagpis sa sakit) Bakit mo ‘ko binaril, gago ka?!
JOEL: Ibaba mo si Clarisse o mawawasak na ‘yang ulo mo, kuya.
CLARISSE: ‘Tay, Tiyo Joel, tama na po. (iiyak)
MARIO: Magsama kayong mga peste! (maririnig na aalis ng bahay)
JOEL: Clarisse, hija, tumahan ka na. Wala na ang tatay mo.
CLARISSE: (humihikbi) Bakit po ganoon na lang ang galit sa’kin ni itay?
JOEL: Hindi ko alam, hija. Ngunit alam ko na hindi karapat-dapat na ganito ang pagtrato niya sa’yo.
CLARISSE: Naaalala niya si inay sa’kin, hindi po ba? (humihikbi)
JOEL: Mali pa rin ang ginawa niya sa’yo. Kailangan nating umalis dito. Itatakas kita sa tatay mo.
CLARISSE: Hindi ko po iiwan si tatay.
JOEL: Hija, mamamatay ka sa kamay ng tatay mo. Kailangan kitang ilayo rito.
CLARISSE: Sa’n naman po tayo titira?
JOEL: Ako na ang bahala.
[MUSIC TEASER]
[mga babaeng nagtatawanan]
BOY 1: May bagong ibon raw si Donya.
BOY 2: Ah, birhen ba? Edad? Maganda ba?
BOY 1: Birhen! Kasing-edad ng Lucy mo. Maganda raw sabi ng mga nakakita kagabi.
BOY 2: Aba’y sigurado akong mabigat din ‘yan sa bulsa! Presko, mahal. Alam mo na si Donya, swapang sa pera.
(tatawa ang dalawa)
BOY 2: Itong bagong ibon, ano raw ang pangalan?
BOY 1: Ang narinig ko… Ano nga ba ‘yun… Ah, oo, Clarisse!
BOY 2: Masubukan nga natin ‘yang Clarisse na ‘yan. Matikman kumbaga. (tatawa)
BOY 1: At sa’n ka naman kukuha ng pera, aber?
BOY 2: Eh, syempre, kay misis!
(tatawa ang dalawa)
[MUSIC TEASER/STANDARD INTRO]
DONYA: Oh, ito ang kwarto mo. Nasa baba ang kubeta at ang kusina. Kung may kailangan ka, lumapit ka lang dito kay Poncha.
PONCHA: Hi, ako nga pala si Poncha. Anim na taon na ‘ko rito. Anong pangalan mo?
![](https://img.wattpad.com/cover/12433195-288-k77568.jpg)
BINABASA MO ANG
ISKRIBOL (Mga Suka ng Isang Bored na Otistik)
Random[Written in Filipino and konting English] Kompilasyon ng mga mahahabang maiikling kwento, mga anik-anik, mga suka ng isa talagang bored na otistik, mga pighati habang naglalaslas, at iba pang mga walang kwentang kwento. Palakpakan!