فصليه الشيخ 👳 كرم

بارت 13

قاسم شوفو هاي كاميرت بيت الجيران شوف شوف ابن النعال جاي يضرب بيه

لطمت ضليت اصرخ شبكني كرم يمه اسد المدلل بعده صغير حرام عليكم ولكم حرام هيج تضربونه سوده عليه بعد روحي اخذني كرم للغرفه حطني على الجربايه ويهدء بيه واني اون عليه ودموعي تنزل بقوه

حياه كرم اريد ابني فدوه جيبه

كرم اهدي والله يجيج اجيبه الج نامي هسه

شبكني ونمت على صدره بس عيوني ما وكفن من البجي وما نمت ولا كرم يفكر الليل كله

حياه كرم شصار ويه نجلاء

كرم  ما بيهه شي حامل بالشهر الأول وراح تدخل بالثاني

حياه الله كريم

كرم شنو انتي ما نمتي

حياه كلي كرم شلون اغمض عيني واسد مو يمي تدري ما انام اذا ما حاضنته ويشم بشعري وراسه بركبتي هسه اكيد جوعان لو بس يبجي ويضربونه

كرم خلي ايمانج بالله حبيبتي نلكاه ان شاء الله

مر اسبوع ما خلوا مكان ما دوروه اني لا خليت دعاء ولا خليت نذر ولا قران ولا صلاه كلشي سويت وادعي ربي يرجعلي اسد مر شهر واني ميته بين الموت وبين الحياه من الصبح لليل حاطه راسي على كاروكه واشم بملابسي وابجي واون عليه كرم متخبل اي واحد يحاجيه يطلع غضب الدنيا كلهه بيه وجم مره كتل انصاف ونجلاء عمتي كل يوم تجي تواسيني وتكلي بناتج يردنج تقوي صيري قويه وخلي امل عندج يرجع كلتلهه املي اكبر من امل اي واحد ما ادري عنهم خسرت كيلوات صرت ضعيفه ما اكل الا بالغصب كرم يوكلني بالكوه نساوتي قوت وكلش ضجت مرت اشهر هواي يوم بالليل اجتني اوجاع هواي حاجيت كرم اخذني هوه وعمتي وغراضي ورحنه للمستشفى ضليت اطلك وابجي تعسرت ولادتي اكثر من سبع ساعات اطلك وماكوو اخير شي اجت طلوكاات قويه ضليت اصرخ اخير شي صحت اسد بكل قوتي وسمعت صوت طفل وجبت بنيه وطحت نهد حيلي بلعومي تجرح من الصياح غفيت كعدت كرم لازم ايدي وطفله بالكاروك وعمتي وهديل موجودات

كرم الحمدلله على السلامه حبيبتي

حياه الله يسلمك

تحمدولي بالسلامه والعصر رجعنه للبيت سميتهه همسه لان دائما اسمع همسات اسد وصوته رضعتهه اول ايام تالي ذبيتهه عند البنات وعند عمتي هن يدارنهه وبناتي هم ما ادري عنهن شي ضليت حاضنه ملابس اسد واسولف وياه
اجاني كرم عيونه حمر كانه باجي

حياه ها كرم شبيك اسد بيه شي

كرم لا بيه شي

حياه كرم احجي الله يخليك

كرم حياه دورنه على اسد ولكينه كاميرات وشفناه ويه اطفال هواي ذول عصابه يبوكون بالجهال وطالعين تهريب لالمانيا وما نكدر نحصله

حياه صخام الصخمني راح ابني مني راح وليدي

ضليت ادك والطم بعد ما نلكاه راح لالمانيا مرت اشهر  واني بالفراش نايمه على المغذي واون باسم اسد مره نايمه دنيا ليل وسمعت صوت اسد يناغي كعدت كرم

حياه كرم كوم شوف هذا اسد صوته والله

كرم شسالفه حياه شبيج حبي نامي

حياه دكوم شوفه

كرم نامي حبيبتي

ضليت اصرخ وركضت بره كلهه كعدت وكرم يلزم بيه

حياه بصياح كرم شنو عبالك تخبلت والله سمعت صوته اطلع شوفه الله يخليك

قاسم رايح اني اشوفه

راح شويه وصرخ اسد ركضت لكيت اسد بيده مصاصه وكاعد بالحديقه ويلعب شلته وابوس بيه متغير وضعفان سوده عليه  صار 6 أشهر مختفي ابوس بيه بكل قوتي وهوه شبكني ويدفن راسه بركبتي سوده عليه ما ناسيني كلهه تبوس بيه اخذته وكلته وكاعدين يمه اكو شي بجيبه جريتهه رساله فتحتهه مكتوب بيهه

اني اسفه واعتذر منكم سبق وان ولدت سبع اطفال عندي اربعه ولد والباقي بنات بس عصابه باكتهم وكتلتهم كلهم من وكتهه وزوجي تخبل وصار يموت من الجهال ضل يبوك الجهال ويتاجر بيهم ويعذبهم قبل فتره كلتله علمود اريحه من الحياه وقررت ارجع الاطفال لاهلهم هذا ابنكم وجان بامانتي ورجعته الكم نص الاطفال ما اعرف اهلهم وديتهم بهذا المكان * **** بلغو اهلهم واعتذر منكم راح اقتل نفسي والحك زوجي وجهالي

حياه كرم هاي شنو كوم بلغ الشرطه خطيه الجهال هناك

وراحو الولد وبلغو الشرطه وراحو للمكان ولكو هواي اطفال ورجعو لاهلهم ونص بقو لثاني يوم اني رجعتلي الحياه فدوه لاسودي حبيبي كبران بعدله كم شهر ويصير سنه حضنته ونمت ثاني يوم من الصبح هوسه ذبحو ذبيحه سوو ثواب ووزعو والفرحه رجعت النه ابتهال انخطبت واحد صديق كرم وطلعت بالخطوبه تجنن فدوه خلصت الخطوبه وهيه الفرحه ما واسعتهه الله يدوم فرحتهه للابد انتبهت اكو طفله ما شايفتهه بالبيت دائما موجوده

حياه سرى منو هاي البنيه

سرى هاي بنت نجلاء

حياه صدك شو ما ادري

سرى هوه انتي ملتهيه

كمت اخذتهه نايمه بالكاع صغيره كانو عمرهه شهر شهرين هيج

حياه شنو شبسرعه جابت