بس العتوي شنوه شلت المخاد والغراض ورجعتهن انوب كعدت اضحك واتذكر الموقف
كرم.. الحمدلله والشكر الله ينطيج العقل طفلتي
مر اليوم يوم عادي فرشت للجهال بالغرفه يمي اخاف بعد انومهم بالهول
طفيت الضوه وشبكت كرم ونمت كعدت بنص الليل الجهال نايمين وضوه احمر مشعول كرم ماكو وين راح هذا شويه واشوفه معلك بالزاويه مشنوق من ركبته صرخت واني اشوفه
حياه.. لاااااااا كرررررمم لااااااا ليييييششش هيييييجج
انهزيت حيل وانسطرت راجدي قوي
كرم.. شبيج ولج تصيحين شبيج حياه
باوعت ماكو شي بالحايط شبكت كرم وبجيت
حياه.. كرم والله جاي اشوف اشياء مرعبه
شبكني وخله الضوه مشعوله والجهال رجعو نامو ضل يسولف وياي وطفلتي وماكو شي ومن هالحجي وما نمت ولا هوه نام ضل لخاطري
من الصبح تريكنه وبدلنه واخذت جنطه بيهه ملابس شويه النه ورحنه لبيت عيالي كتلهم اللي صار
بتول.. خاف سحر عليج
حياه.. ولج مو سحر هذا جني يا ربي
الام.. اسم الله يمه شنو هالافكار اكيد تعبانه حلمانه
كرم.. يمه كاعده على حيلهه وتباوع للحايط وتصرخ ورجلهه امس شوفيهه انشخطت
الام.. يا ستار اخذج لهاي العلويه تقره عليج وما بيج غير العافيه
العصر رحت للعلويه قرت على راسي وكالت شعلي بخور وقران المغرب والصبح وبكل اوقاتج
البيت ما وصلتله بقيت عد عيالي اسبوع اسمع قران واشعل بخور واصلي والبيت ما يخله من القران صوته عالي حته انصاف ارتاحت بسماع القران
اسبوع كلساع اشوف شي بس مو بالبيت يطلع كدامي ويختفي بسرعه بس ما صرخت واشوف شي يخطف بس بعدين ماكو هالشي راح الحمدلله رجعنه لبيتنه وماكو شي يوم يومين ثلاثه شهر شهرين ماكو شي وانوب رجعت نفس قبل اشوف اشياء اموت من وراهم وكرم وياي الجهال مخلوسين كلش من وراي
كبرت بطني وكمت اسمع أصوات
(كتلي ابنج. شردي. حياه. و...... )
هواي اسمع مره جنت كاعده بالغرفه وناس سوده يطيرون عليه كمت اصيح ويصيحون ضربي بطني سديت اذاناتي وعيوني بس اسمع صوتهم واصرخ بكل قوتي كمت اضرب على بطني ويقل الصوت لحد ما لزمني محمد لزم ايديه وهزني وكلهه اجت همزين لابسه دشداشه لان بالفترة الاخيره اسمع كلامهم واطبقه خوفا منهم لبست حجابي وطلعت بالهول كعدت ابجي والجهال تبجي ومخلوسه وعمتي تقره قران على راسي والبنات وعمي موجود والولد شويه واجه كرم كلوله هالشي تخبل شلون ضربت على بطني ضلو شويه وراحو ضل كرم طول الوكت مكابلني وكاعد والقران ما ينطفي كله مشعول مره كاعده يمه ما اشوف الا العتوي بحضني يعني طبيعي ثكيل وشكله عادي اختلست كمت اطفر وهوه لازك بملابسي وكرم يريد بس ييلزمني اصصررررخخ فتحت الباب البره وطلعت اركض بالحديقه بلكي يشوف الحديقه ويعوفني مجلب بملابسي بعدين عمي
حجه كلام ما سمعنه ايات قرانيه وحط ايده من بدايه صدري لحد رجليه
وطكه طاح بالكاع ضل يصيح وعمي يقره قرآن ولازم راسي شويه واختفه
شايفين من دوده تصعد على بطنكم تجلب يجي واحد ويطكهه مثل المدرسه من تلزم العوده وتضرب الطالم تبدي من الفوك وتنزل عمي هيج سوه
عمي.. بويه مرتك مسحورلهه اخذهه بسرعه
حياه.. عمو شفته
عمي.. لا عمو ما شفته بس قريت قران وطيحته
ضليت كاعده بالحديقه بالمكان الطاح مني حسيته بيه ايه قرانيه ومحصن واشوف العتوي يصيح ويعوي يوصل شويه الي ويرجع عمي يقره قرآن بصوت حلو ويخبل وأيده على راسي جنت لابسه برموده وفانيله تعلاكه غطاني كرم بعبايه اكو مسبح ببيت عيالي حلو وجبير محفور بالكاع اباوع جواد واكف يمه ووراه واحد يريد يدفعه
صرخت جواد بعد ما شفته طاح بالمي ما اشوف الا قاسم مطلعه جره من رجله شاله ضل يفرك بيه ما بيه شي يبجي
اخذني كرم اني والجهال وويانه عمتي
كرم يخابر ويسئل عن ساده لهيج سوالف دخلنه لاول واحد انطيته اسمي واسم امي
الرجال.. بيهه سحر مكابر وما اكدر افكه
طلعنه لثاني واحد نفس الشي كالو اكو واحد بالبصره اسمه ابو مرايه ركبنه واخذنه ملابس وغراض ورحنه اني وعمي وكرم وعمتي ابتهال وسرى الجهال ضلو يم فاتن وبتول وفاطمه وهديل تروح وتجي زياره
وصلنه للبصره حجزنه بفندق وكعدنه ثاني يوم طلعنه لابو مرايه سلمنه عليه
ابو مرايه.. هذا سحر مكابر والبنيه معروفه
كرم.. منيه
ابو مرايه.. ما اكدر اكول تصير مشاكل
الاب.. خويه نروحلهه ونكللهه وين المكان الدفنتي بيه ونطلعه
ابو مرايه.. اطلع مكان السحر وين بس ما اكدر اكول اسم البنيه اول شي اريد طفل عمره من 7 سنوات لل10 سنوات كون ما يفتهم للي صاير يعني ما كايليه امك بيهه سحر تجيبونهه وما يصيرلهه شي مجرد توكف بطشت باديه واقره عليهه وتشوف وتحجيلي
اختارينه ودق قويه وما تخاف وجبيره
ثاني يوم جابهه قاسم ورحناله كعدنه كلنه واني خايفه عليهه اول شي جاب طشت لونه برتقالي متوسط الحجم حط بيه مي ووكفهه بالوسط ببرموده وفانيله تعلاكه نزعت ملابسهه حط ايده على راسهه وغمض عيونه وقره هيه شهكت رادت تطلع لزمهه قاسم بس ما بجت
