ضلينه كاعدين طول الطريق تقريبا للظهر وصلنه قبل الغده وصلنه بيت حلوو ومرتب وجبير
نزلت
حياه.. والله فشله جايه بدشداشه والبنات تراكات
كرم.. دمشي تبقين أجمل بنيه شافتهه عيوني شنو ناقصين جمال
دك كرم الباب وفتحه ولد سبحان الله صدك يخلق من الشبه اربعين نسخه من كرم ليكول تؤامه
حلوو بس فرق العيون كرم عسلي وهذا عسلي مايلات للصفار
دخلنه جوه ويسلم
خاله.. كوواد صارلي شكد ما شايفك
كرم.. انجب كرير وجيبلي ماي
خاله.. لا يا سكط فشلتني كدام مرتك
جابلنه مي وكعد يسولف ويتشاقون بيناتهم ميانه كلش قويه والفاظ ما اكدر اكولهه واسمه كرار بس كرم احلى منه
عاد اني كمت للمطبخ احضر الغده وما اعرف وين حاط الغراض
كرار.. ها ام اسد شجاي تسوين
حياه.. ها عمو اريد اسوي غده
كرار.. عموو شنوو بكد رجلج اني لك كرم هاي بس لا تصيحلك عموو
ضحكت
كرار.. تتعبين نفسج وصيت جاهز
حياه.. لا جاهز شنوو شلون تاكله
كرار.. خوش جا سوي دولمه وقوزي ومطبخ سمج وطرشانه
حياه.. من عيوني اسوي التريده
كرار.. سالمه عيونج
كرم صاح.. لك قندره تعال اكعد
هنا خليهه براحتهه
راح هوه بسرعه ضلينه نطبخ اني وميلاد وايه وودق وهمسه هناك
سويت دولمه ولفيتهه وحطيتهه على الطباخ وسويت طرشانه وتمن
شفت الساعه ب2 ونص
كلت خاف اتاخر اذا اسَوي مطبك سمج ومو قويه بيه كلش
كلت يولي وقوزي منين اجيب
صبيت ونقلت للهول ما لكيتهم
ضليت افتر بالبيت طابقين وهذن وياي يمشن انوب سمعت صريخ ها همسه ركضت بسرعه ليجوه والكاهه حاطه ايدهه بالمركه وتبجي شلتهه بسرعه وغسلت ايدهه صارت حمره
اجو يركضون وشافهه كرم لو تخبل طاح بيه بالغلط والرزاله
حياه.. ايي كافي كرم شكد تحجي وتغلط طفله ميت الف مره تحترك
عفته وطلعت للمطبخ حطيت لايدهه معجون طبخ وحطيتهه على صدري وهزيتهه ونامت بس تشهك من البجي صاح عليه كرم مرتين وكرار هم صاحلي بس ما كمت انسدت شهيتي ولا يحترم البنات وكلهن هوه
خلصو ونقلو المواعين
كرم.. احنه طالعين تردين شي
حياه.. سلامتك
اجه حضني
كرم.. مو قصدي اغلط واصيح عليج بس غلط تعوفين طفله يم اكل حار وتروحين احترك كلبي عليهه
باوعتله
حياه.. لا عادي ما صار شي حقك
كرم.. شنو مشتهيه اجيبلج
حياه.. سلامتك بس جيب حلويات اليوم نبقه
كرم.. اي نبقه هذيج الغرفه مالتنه ارتاحي بيهه
باسني براسي وراحو طلعو ودق كلبتهه مناحه الا تاخذني وياك
كرم.. عندي شغل باباتي بالليل نطلع افرفركم
فعلا جان عدهم شغل حطيت همسه بالغرفه ويمهه ميلاد وايه ورحت جريت ودق جر وراحو وسديت الباب وهيه تصرخ وتبجي
حطيت لعاباتهم وكعدن يلعبن سكتت تريد خواره
اني غسلت مواعين وكعدت اباوع تلفزيون وبيدي طاسه بيهه مركه طرشانه عشقي هاي
ميلاد.. أريد جبس
حياه.. ها هسه وصيت ابوج هسه يجي ويجيب حلويات وياه
للعصر يالله اجوو احنه ضلينه نلعب
ونسولف
اجو ويسولفون ويحجون بخصوص الشغل وجايب حلويات شكد وجايبين عشه جاهز هم
كباب ودجاجه شوي وصمون حار
رحت كعدت يم كرم
حياه.. اكول كرم ما كتلي شبيهه رغد
كرم.. مممم
شعل جكاره واخذ نفس ويباوع تلفزيون
كرم.. لزمتهه عدهه علاقه ويه
واحد
حياه.. وانته شسويتلهه
كرم.. كسرت النقال براسهه بعد شسويتلهه قابل اكلهه كملي حجيج منا معصب وهيه منا وطحتلج بيهه تكسر
حياه بهمس.. شكد حقير ايدك والطك
كرم.. ادري حقير وايدي والطك شسويلهه اشجعهه
حياه.. ايي يجوز يحبهه ويريد يتزوجهه ليش تخرب حياتهم
كرم.. لا صدك تحجين ما عدنه علاقه حب احنه ابتهال وكوه قبلنه نبقه اشهر مخطوبه عدنه البنيه بشهر واحد تنخطب وتتزوج
حياه..شنو هالهمجيه العدكم
كرم.. تردين اكوم اراويج الهمجيه الحقيقيه
حياه.. لا اكعد ارتاح وين جنتو
كرم.. انقل شغلي هنا فتره
حياه.. واحنه نبقه هنا
كرم.. لا نرجع بس كل اسبوع اجي يومين هنا
حياه.. اكلك شو هذا عمك كلش يشبهك
كرم.. خالي مو عمي
حياه.. اي المهم خالك عمك يشبهك كلش
كرم.. هوه انولدنه سوه امي جابتني وبيبيتي جابته فرق دقائق سمونه كرم وكرار روحنه ضلت سوه
حياه.. شعجب ما يتزوج
كرم.. مو كتلج حبيبته خانته وكتلهه
حياه.. وإذا قابل يبقه هيج
كرم.. حياه هسه انتي شعليج الرجال ما يريد يتزوج الا تزوجينه
حياه.. اووي انتم مدري شلونكم لعد شكد يحبهه وصاير وفي الهه هلكد
ضحك بهدوء ودار يباوع تلفزيون
كمت وصلت يم المطبخ ورجعت
حياه.. كرم جا بيبيتك ما تستحي بتهه بطولهه ومتزوجه وهيه بعدهه تخلف
ضحك بكل قوته
كرم.. هيه ما تستحي شسويلهه اني
جا اختهه عمرهه 51 ذاك اليوم جابت
حياه.. ياا والله فشله وعيب
كرم.. حياه هسه انتي شكد تسئلين كوومي منا سوي العشه حته نطلع اونسكم اراويكم المكان
حياه.. ماشي
رحت حضرت كلشي وحطيته بصينيه وديته بالهول كعدنه ناكل
حياه.. شو عمك ماكوو
كرم.. خالي مو عمي
حياه.. ميخالف اي شي وينه ما يجي ياكل
كرم.. بالمطبخ جاي ياكل من الغده موتني مساع كلساع وكال طعم الاكل بحلكي
حياه.. خطيه هسه كون يتزوج حته مرته تطبخله
كرم.. هم رجعت لسالفه الزواج كملي اكل بابا كملي
حياه.. اي دسمعني
كرم.. بعدين هسه اكلي شلون صارت ايد همسه
حياه.. ما بيهه شي كعدت مساع ورجعت نامت
خلصنه العشه وغسلت المواعين والسفريات ذبيتهن وعدلت كلشي لكيت كرار ساحك الجدور سحك كلت بالليل اسوي اكل واضمه بالمجمده بس يحميه وياكل
بدلت اني والبنات وطلعنه وين طلعتي تذكرت هوه كالي اسد هناك جا وينه
حياه.. كرم
كرم.. ها
حياه.. مو كتلي اسد هنا وينه
كرم.. هوه رايحين نجيبه حاطه عد مربيه
حياه.. خوش
شكيت بسالفه المربيه بس عبرتهه
صعدت وره اني والبنات وكدام هوه وكرار وكرم يسوق ويسولفون
جنت متشوقه اشوف اسد همسه بحضني حطيتهه بصفي وميلاد ودق وايه كالعاده منحصرات سوه ويسولفن همس
نزلنه يم بيوت هواي
كرم.. هسه نجي
راحو وتاخروا ساعه وماكو اتصل ماكو رد شويه واجو
كرم.. خبصتيني بالاتصالات جنه يما اصدقائنه هذا اسد
من كد ما متشوقه عليه بس باوعتله راحت ابتسامتي منو هذا وليش هيج متغير ضعيف كبران طولان صاير اسمر وصخ ملابسه كبار وصخه هذا ابني اسد الناس كلهه تمدح بجماله هيج صاير شكله
اخذته وبسته ناسيني ما عرفني ولا عرف كرم ضال بس يباوع بالوجوه
كرم.. ها اشبعي منه
حياه.. كرم هذا مو ابني شنو هذا ليش هيج متغير
كرم.. من يوم الاتصوب لحد هسه ما سابح ما تشوفينه متغير
حياه.. وهاي شنوو ملابسه ليش هيج وصخه شنو ينقصن فلوسك لو اشتريتله جدد الكومدي كله ملابس جدد وحلوات ليش هيج ضعفان شبيك كرم
هوه سكت شغل السياره ومشه بينه واني ابوس بيه بس ما اعرفه هوه اسد اللي راح وهوه لابس الغتره والدشداشه الحلووه وعطره وراه لو كرم بدله ما فهمت السبب وما عرفت العلامات اللي على ركبه كرم علامات 🔞 شكد حقير ونفسه دنيئه وسافل
حياه.. رجعنه للبيت
كرم.. راح نروح للملاعيب نلعب الجهال
حياه.. لا رجعنه للبيت
حجيت وياه واني كاشه نفسي منه ضرب الستيرن
كرم.. انعل ابوج يا ابو الخلفج يا ابو اليطلعج كلبتي وجهج
كرار.. هدي يمعود
ودق.. انه اريد اروح للملاعيب ما ارجع للبيت
عاندن البنات وياي الا يطلعن ويروحن عاد هوه ودانه لمدينه العاب حلوه وجبيره اسد ليكول ابن خدامه ولا جنه ذاك ابو الضحكه الحلوه ضليت ابجي كلهه نزلت ضليت بس اني اجه
كرم.. شبيج تبجين
حياه.. والله ما أنزل الا تجيب ملابس حلوه لاسد وبطل مي اغسله
كرم.. هسه اشوف محل اجيبله ملابس بس لا تبجين وداعتج هوه تعبان
حياه.. كلي كرم تونست ويه ذيج الادبسسزز
صفن بوجهي وعدل فانيلته من يم الركبه
حياه.. امشي روحي جيبله
كرم.. نتفاهم بالبيت حياه خلي البنات اليوم يتونسن وعود اسئلي واجاوبج على كلشي تردينه
