كرونيك: 💖💖الوقوع_ في_ الحب💖💖

💞البارت 32💞

جزء 32
في الحفلة
كامل مجتمعين لتحت، مروى جابها وائل وجا معاها، كانت تبان صفرا من فقر الدم، وهي مش تاكل مليح هاذ الفترة وتظل تخمم، ريم واقفة حذاها ويحكو مع يمات امين، وبين فترة وفترة تسرق نظرة من وائل لي كان يحكي مع جماعة تماك، حسام واقف ةحدو بعيد ويشوف في العباد كانو يدرس في حركتهم ، المفاجأة كانت كي دخل اياد وشابك يدو في يد طفلة، وراح عند بابات امين ولي معاه راحت عند يماه.
الام: يااااا دلال بنتي وقتاه جيتي.
دلال تحكي من فوق نيفها : طاطا، CV
ريم تشوف مع يمات امين، بمعنى شكون.
الام: هاذي دلال لي تقدري تقولي خطيبة اياد.
مروى تقول هزيت كاس ما بارد كبيتوه عليها ، تشوف معاها ومش مصدقة، رغم انو كانت عندها نوعا ما فكرة على الموضوع بصح مش كيما تشوفها قدامها، حست بغصة ، وقلبها يتقطع من الوجع.
كانت دلال طفلة زوينة ، شعرها قصير شوية وصابغتو ، طويلة كيما رهام، ومتعجرفة بشكل غير معقول.
اياد من بعيد يشوف في مروى، كانت رايحة لجيهة الحمام تغسل وجها باه تفطن، وتبكي براحتها، شاف وين كانت لقا دلال وريم واقفين ودلال توري حوايجها لريم، يعني تزوخ ، بالساعة والروبة ومنعرف وش.
اياد لحق يشوف مروى وشبيها.
هو مكانش مرتاح انو يجيبها بصح هي وصلت اليوم الصباح ولصقت فيه باه يديها معاه.
لفوق، سحر مقابلة المرايا تحاول تغلق الروب تاعها ، كانت روب بيضا طويلة من تحت ، ومن فوق محدة شكل الصدر بلا خيوط، ظهرها نصو عريان وتتغلق بجنب، كانت روبة تلمع، سحر عملت مكياج صاخب بمعنى الكلمة، روج قاوي، عيون مكحلة بطريقة زادت في سحرهم ، شعرها موجاتو ودارتو بجنب.
كانت ناوية تخرج وتعيط للخدامة تغلقلها روبتها.
حست بيد وراها تغلق رفدت راسها في المرايا شافت امين غلقلها روبتها وحط ايدو على خصرها من قدام وشفايفو على رقبتها.
امين يهمس: تزوجتك باه نعذبك، رجعتي نتي تعذبي فيا.
سحر ساكتة ، كانت رافدة البروش في يدها رح تحطو على شعرها بجنب.
امين هبط يدو بشوية على ذراعها حتى وصل ليدها ونحالها البروش،
سحر كانت تتنفس بزربة ونفسها سخون.
امين: هبلتيني.
في قلبها راهي تقلو ، نتا لي راك تهبل الليلة.
هز البروش حطو على شعرها وبقا يشم فيه.
امين: راكي تشهي ، كان يشوف فيها في المرايا ويحكي