الخلفاء الراشدين

الحلقة 20

اللهم صل وسلم وبارك على سيدنا ونبينا محمد وعلى آله وصحبه أجمعين ______________________________________

خلي الامل بالله موصول:
النهاردة طولت الحلقة شوية عشانكم
لو جاهزين يالا بينا
صلوا على النبي الأول 
( 20 )
عارفين عدد أفراد جيوش الرومان كام ؟ ٢٦٠ ألف جندي يعني ربع مليون .. تخيلوا ! ،طب والمسلمين كام ؟ ٣٠ ألف جندي ( المجموعة اللي بعتهم سيدنا أبو بكر فى خمس جيوش )

طبعا فرق العدد كبير بين الرومان والمسلمين .. لكن زى ما أتعلمنا فى السيرة النبوية وشفنا فى غزوة مؤتة لما كان عدد الكفار أضعاف عدد المسلمين .. فسيدنا عبد الله بن رواحة رضى الله عنه قال: أيها الناس ! نحن المسلمين لا نقاتل بعدد ولا بعُدَّة .. ( اوعوا تفتكروا أن احنا بنقاتل بعدد وأسلحة ) ولكننا نقاتل بقدرة الله عزوجل ( طبعا يا جماعه ربنا حينصر المسلمين لو فعلاً بيتوبوا لله وصادقين النية )

المهم هرقل حاكم الرومان  وقف وسط النصارى وقال: أيها الناس أطيعوا وصالحوا هؤلاء، هؤلاء أصحاب الدين الجديد ( احنا مش حنقدر عليهم )  بس النصارى ما سمعوش الكلام وأصروا على القتال لأن هرقل بردو مش لوحده ده معاه قادة تانيين فمينفعش ياخد القرار لوحده .. فأصر باقى القادة على رأيهم وأصروا على القتال .. فهيحصل إيه؟

هيحصل القتال بالفعل .. وجيوش المسلمين الخمسة هيتجهوا للشام .. بقيادة عمرو بن العاص، يزيد بن أبي سفيان ،شرحبيل بن حسنة ،أبو عبيدة بن الجراح ،خالد بن سعيد بن العاص.

خالد بن سعيد بن العاص بدأ جيشه يقرب جداً من الشام، وجيش الرومان أتجمع عليه .. فحصلت ما بينه وبين جيش الرومان مناوشات صغيرة قريبة من الشام وأنتصر على الرومان .. وبعت لسيدنا أبو بكر وقال له:  أنا انتصرت .. أكمل ؟ فأبو بكر قال له كمل بس ماتدخلش جوه الشام أوي

بس خالد بن سعيد دخل جوه الشام أكتر للأسف .. والرومان عملوا فيه كمين .. ازاى؟ لما خالد بن سعيد دخل يحاربهم جوه .. ف الرومان تظاهروا بالهزيمة .. مثلوا أنهم مهزومين .. طبعاً خطة محكمة .. فبدأ جيش خالد بن سعيد يدخل جوه أكتر وفجأه خرجت الكمائن وأحاط الرومان بجيش المسلمين .. وأنهزم جيش سيدنا خالد بن سعيد هزيمة كبيرة وبدأ يرجع ..

وخالد بن سعيد قدر يعدى من الكمائن هو وشوية من الجنود وراحوا على مكان اسمه ذي مروة، وبعت لسيدنا أبو بكر الصديق رسالة باللى حصل ..

فأبو بكر قال له خليك زي ما أنت .. لكن أنت خلاص مابقيتش أمير على جيشك، فأستنى لحد ما باقى جيوش المسلمين تلحقك ..

جيوش المسلمين وصلت الشام وبقوا مستعدين للقتال بس جيوش المسلمين نفسيتهم في الأرض لأنهم بيواجهوا مشاكل، إيه المشاكل دي؟
١. أول مشكلة أن عدد الرومان كبير أوى فمفيش نسبة وتناسب ٣٠ ألف جندى مسلم و ٢٦٠ ألف جندى من الرومان فالفرق صعب جداً.

٢. الحرب في أرض الأعداء ،فَهُما عارفين الأرض كويس وعارفين خباياها أما المسلمين مش عارفين.