العنيدة المتمردة
الفصل 1
قبل القراءة صفى ذهنك من كل المشاكل المحيطة بك .. نقى قلبك من كل ما يغضبك .. واقرأ بهدوء وتخيل أصغر التفاصيل وانت تقرأ .. لأنني سأغوص معكم لعالم ملئ بالغموض والأسرار عالم العنيدة المتمردة وعاشقها المتيم .
إلى اول ملحميه خط بها قلمي .
.........................................................
في قرية ما غير معلومة الهوية ،، في أحد أراضي الأرياف المصرية ،، في مكان شبه مهجور ،، أشبه إلى غابة مظلمة و مخيفة بكل ما تحمله الكلمة .
بتجري بطلتنا وفي ايديها طفل رضيع بأقصي سرعة عندها .. خايفة و تايهه ،، مش خايفة على نفسها قد ما خايفة على البيبي اللي في ايديها ،، ملامحها شاحبه و باهته باين عليها علامات الصدمة والرعب وكأنها كانت داخله معركه مع الموت وقدرت تهرب بصعوبة .
ايديها ملطخة بالدم وجسمها كله ندوب و كدمات
حتى البيبي اللى في ايدها جسمه كله متغرق دم !! أنفاسها قربت تنتهي من شدة الجري .
وفجأة بيظهر صوت من وراها مش معروف هويته :- وصلتلها يرجاله .. تعالوا علي هنا بسرعه .. قربت امسكها .
وبعدها وجه كلامه ليها وقال :- هاتي الولد يا حرامية .. مش هتفلتي من ايدينا المرادي .. بقالنا شهور بندور عليكى واخيرا هتترمي في السجن ومحدش هيعرف يطلعك .
ردت عليه وهي مكمله جري بأقصى سرعه عندها وهو ما زال بيجري وراها :- ده اللي انت بتتمناه ومش هيحصل إلا في أحلامك ،، هاهرب منكوا زي كل مره .. هفضل اهرب .. طول ما فيا نفس مش هتعرفوا تلمسوا مني ولا من ابني شعره .
رد عليها بسرعه:- مش ابنك .. انتي مش متجوزة اصلا .. كل ديه تهيؤات مش بتحصل إلا دماغك .. كل اللي شوفتيه مش حقيقيه .. الولد اللي في ايديك انتي خطفاه والدنيا مقلوبة عليكي .
مستوعبتش اللي قاله !! عندها يقين تام ان ده ابنها
بس بسبب اللي مرت بيه عقلها مشوش جدا ومش قادر يستوعب الحقيقة !!
اتمسكت بالبيبي اكتر ودخلته في حضنها عشان تتطمنه يمكن يبطل عياط ويهدي ..
وكملت كلامها وهى متلغبطه :- الحقيقة محدش عارفها غيري .. انتوا
قاطعها :- الحقيقه انك هربانه من المصحة والولد اللي في ايديك مخطوف وأهله قالبين عليه الدنيا .
ردت بكل غضب :- انت كذاب .. ده ابني انا .. ومحدش هياخده مني ومهما حاولتوا مش هتعرفوا توصلوله
اتمسكت بيه اكتر واكتر ودموعها بتنزل من كتر حزنها على نفسها مش عارفه تصدقه ولا تصدق نفسها !
اتكلم بشفقه و حزن على حالتها :- لازم تفوقي لنفسك وتفهمي الحقيقه قبل ما الوقت يعدي لأن المرادي مش هترجعي المصحه هتدخلي السجن او هتموتي هنا ومحدش هيعرفلك طريق .. انا عايز اساعدك واطلعك من هنا سليمه .. بس انتي كمان لازم تساعديني .
YOU ARE READING
العنيده المتمرده
Romanceعشقت تلك المتمرده التى تخطت كل الحدود وسرقت قلبي ! حطمت كل الجدران المحاطه بي لأقع بحبها وهى لا تدرى ماذا تفعل ! جعلتنى مثل المجنون أُتيم بها ،، سحرتنى ببحر عيونها الزرقاء التي تشبه المحيط ،، جعلتنى مثل العاشق المتيم بجمال روحها العنيده ! تفاجئت بإ...
