العنيده المتمرده
الفصل 5 (1)
الجزء التاني
بقلم الكاتبه/ ريناد بلال
ده نصف الفصل ال 5
**********************
وبنرجع من تاني نستكمل لعبه القط والفار وعندهم فى بعض اللى مش بيخلص وقفنا الفصل اللى فات على ان آدم و فريده كانوا مستمتعين جدا بلحظاتهم الرومانسيه اللى بيقضوها مع بعض لحد ما شافوا حاجه صدمتهم و خلت الدم ينشف فى عروقهم !! حاجه مش موجوده فى واقعنا اصلا و كدبوا عينيهم كتير لحد ما الحاجه اللى ذهلتهم اتحركت و بعدت عنهم والشي اللى شافوه كان عباره عن حد لابس اسود فى اسود من غير راس يعني رقبه بدون رأس والرقبه كانت مليانه دم و ماسك سكينه كبيره او بمعني أصح ( ساطور )
آدم بتوتر:- انتي شوفتي اللي انا شوفته !!
ولا انا لوحدي اللى بقيت اشوف حاجات مش طبيعيه ؟؟
فريده و هي بتبلع ريقها:- شوفته شوفته !! بس هو مشي خلاص
آدم بعصبيه مكتومه:- مشي خلاص ايه يا بنتي ممكن فى اي وقت يرجع !!
فريده بصوت واطي:- بقولك ايه متتعصبش عليا هو انا اللى ندهت عليه و جبته !!
آدم:- بس انتي جيتي هنا و جبتيني وراكي
فى انسانه طبيعيه تيجي المقابر فى الوقت ده !!
فريده بنرفزه:- ايوه يا حبيبي انا مش طبيعيه وبعدين انا قولتلك تيجي انت جاي هنا بمزاجك محدش غصبك على فكره
آدم:- هشش فى ايه انتي ما صدقتي تفتحي
وطي صوتك هيسمعنا و اسكتي خالص يا فريده دلوقتى عشان انا فعلا مش عارف افكر !! هنخرج من المكان ده ازاى ؟؟
فريده:- انت خايف منه كده ليه عادي يعني مش هياكلنا . مفيش حاجه هتحصلنا
آدم ردد الكلمه باستنكار:- خايف !! تعرفي يا دكتوره هانم أن انا فعلا اول مره اخاف النهارده و خوفي كله كان عليكي انتي قلبي كان بيتنفض من كتر خوفه عليكي .. انا عمري ما خفت على نفسي ابدا عمري كله ما عرفت حاجه اسمها خوف .. و بما انك فتحتي موضوع الخوف عايزاك تعرفي حاجه مهمه وهي ان انا لما عرفت ان عندي القلب كل اللى حوليا حسسوني ان عندي حاجه مستحيل الشفاء منها و ان حياتي هتدمر و هتقف لحد هنا كلهم كانوا بيبصولى بخوف و شفقه بس انا عمري ما فرق معايا اصلا ولا حسيت ب اى خوف ووقفت على رجلى و اتحديت اي صعب و بقيت اروح للخطر برجلى عشان اثبت لنفسي و للناس اني قلبي قوي و يقدر يتحمل اى ظروف مهما كانت !! تيجي انتي و تقولى خايف !!
فريده وهي بتهز راسها:- انا مش عارفه ارد اقولك ايه اصلا !!
آدم:- لان مفيش رد يتقال بعد اللى سمعتيه
فريده:- لا فى رد بس مظنش انك تستاهله .. انا كل اللى قصدته من كلامي متخافش من اى حاجه لان ربنا معانا .
آدم:- ونعم بالله يا فريده بس اللى اعرفه ان فى آيه فى القرآن بتقول و و و
حاول كتير يتفكر الآيه بس معرفش:-
مش فاكرها بس معناها بيقول متحطيش نفسك فى الخطر و ترجعي تقولي ربنا معانا .. ايوه اكيد ربنا معانا بس انتي اللى حطيتي نفسك فى الموقف ده بارادتك و مجيك هنا فى الوقت ده اصلا مينفعش
ولا انا غلطان؟!
YOU ARE READING
العنيده المتمرده
Romanceعشقت تلك المتمرده التى تخطت كل الحدود وسرقت قلبي ! حطمت كل الجدران المحاطه بي لأقع بحبها وهى لا تدرى ماذا تفعل ! جعلتنى مثل المجنون أُتيم بها ،، سحرتنى ببحر عيونها الزرقاء التي تشبه المحيط ،، جعلتنى مثل العاشق المتيم بجمال روحها العنيده ! تفاجئت بإ...
