العنيده المتمرده
الفصل 17 النصف الثاني
الجزء الثاني
بقلم الكاتبه / ريناد بلال
********************
فريده:- دلوقتي هحكيلك عن بنت سيده واللي عملته فيها .
آدم باستغراب:- ايه اللي رجع بنت سيدة بعد السنين دي كلها ؟!
فريده سندت ضهرها للوراء بزهق:- رجعت عشان تنتقم هي وخالتها .
آدم:- خالتها !!
فريده:- أنعام .. الست اللي مراد اتجوزها تبقي اخت سيدة .
آدم استغرب اكتر:- يعني مراد كان عارف ان مراته تبقي اخت مديره الملجأ !!
فريده هزت دماغها ب لا :- مراد مكنش يعرف .. محدش فينا كان يعرف حاجه زي ديه كلنا اتفاجئنا
آدم ضحك:- وانتي اتفاجئتي طب ازاى ؟!
فريده ابتسمت:- الصراحه متفاجئتش .
آدم:- يبقي تقولي متفاجئتش علطول بلاش تحوير .
فريده ضحكت:- انا بحور !! على فكرة انت واخد عني فكره غلط خالص .
آدم ضحك:- طبعا اومال .. يا حبيبتي انتي عندك مشاعر الصدمه و التفأجأ دول معدومين .
فريده:- والله بتصدم و بتفأجا عادي بس مش ببين
وانت كمان عندك نفس الصفه مش انا لوحدي
آدم:- قوليلي موقف واحد يثبت صحه كلامك
فريده:- مش هعرف اجبلك موقف محدد بس
آدم قاطعها:- مش هتعرفي تجيبي لان مفيش اصلا
فريده:- طيب .. استني هفهمك وجهه نظري
آدم:- فهميني
فضلت شوية ساكته مبتتكلمش وهو مستنيها تتكلم لحد ما زهق و زعق:- ما تفهميني
هي كمان زعقت:- يا ابني بفكر هوصفك ازاى
آدم حط ايديه تحت دقنه:- اما نشوف
فريده عينيها لمعت بابتسامة:- لاقيتها
آدم رفع ايديه لفوق بفرحه:- الحمد لله و الشكر لله خلصت تفكير في سنه .. قدامنا سنه كمان على ما تتكلم
مع انه بيتريق عليها الا انها ضحكت و اتكلمت علطول:- انت بتعرف تتحكم في مشاعرك كويس
لسه هتكمل باقي كلامها فهو قاطعها:- غلط يا فريده غلط خالص انا مبعرفش اتحكم في مشاعري نهائي
لما ببقي فرحان بيبان عليا اني فرحان ولما ببقي مضايق بيبان عليا اني مضايق !!
فريده:- مهو ده بالظبط اللي انا اقصده بتعرف توصل للناس اللي جواك على حسب مزاجك يعني لما بتحب تبقي جامد و تقيل بتعرف تعمل كده
آدم فكر:- ممكن يكون عندك حق بس في حاله واحده بس كلامك غلط .
فريده:- انهو حاله ؟!
أنت تقرأ
العنيده المتمرده
Romanceعشقت تلك المتمرده التى تخطت كل الحدود وسرقت قلبي ! حطمت كل الجدران المحاطه بي لأقع بحبها وهى لا تدرى ماذا تفعل ! جعلتنى مثل المجنون أُتيم بها ،، سحرتنى ببحر عيونها الزرقاء التي تشبه المحيط ،، جعلتنى مثل العاشق المتيم بجمال روحها العنيده ! تفاجئت بإ...
