الشيخ والعنوديه

بارت 1

الشيخ والعنوديه
الكاتبه صفوو 💕

قبل 7 سنوات :
كعدت الصبح متأخره عن دوامي نزلت جوه اني وكفشتي
-ماما ماما
-ها أمي شمالج تصيحين من الصبح
-ماما اتأخرت عل دوام شلوون
-دصعدي بدلي ملابسج واشوف أبو علي وين
-حاضر يوم
صعدت باوعت على شكلي عززا مثل العجوز شعرها معثك يبوو اني شبيه خلي اسبح وابدل والحك عل امتحان
تعالو اعرفكم عن نفسي اني اسمي ليالي عمري 18 طالبه سادس علمي احب دراستي بشكل مو طبيعي أبوي رجال على كد حاله أمي مره تخاف الله هي كل حياتي صح مرات اتعصب عليه بس من اسوي فاينه لان ما اكعد راحه اله افين عندي اخ أكبر مني عمره 20 اسمه ارشد طبعا احنه ساكنين ابيت جدي بيت جبير يجمعنه كلنه جدي اسمه الشيخ حمدان جان متزوج وحده من بغداد شوفته الويل ممتعلمه على العيشه اهنا لان بعتبارها بنت ولايه صارت حامل وجابت عمي قاسم الجبير طلبت الطلاك منه لأن متتحمل هل عيشه جدي وافق يطلكها لكن شرط اله يأخذ ابنه منها وهي وافقت بكل برود وبدون تردد انطت عمي الجدي وطلكت ورجعت للولاية بعدها جدي اتزوج بنت عمه الي هي بيبيتي جابتله 3 ولد وبنيه اسمائهم مرتضى وضرار وشاهين طبعا شاهين أصغر اخوته وهو أبوي وعندي عمه وحده اسمها ترتيل عندي بنات عم خير من الله بس أكثر وحده قريبه عليه بنت عمي ضرار اسمها سهى وياي بالمدرسة طبعا كلنه ساكنين بنفس البيت طبعا عمتي ممتزوجه ما اجتها قسمه زينه هي مو جبيره عمرها 24 سنه يعني بعدها شابه اني شكلي متناسق عيوني كبار سود بشرتي حنطاويه شفايفي منفوخه وصغيره وخشمي صغير ونازك عبالك مرسوم شعري طويل ينزل أسفل خصري لونه اسود ويلمع ابد ما أفكر اكصه احبه اني جسمي بارز صح رشيقه بس انوثتي بارزه كلش طولي مناسب لا طويله ولا كصيره طبعا جدي عنده ثأر من زمان ويه عائله شيوخ الي عرفته بيت الشيخ صكر لان جدي بوكتها صارت اطلابه على كاع وادخلو ولد الشيخ صكر وجدي قتل واحد من ولده بدون قصد ومن وكتها بده الثأر بيناتنه بس جدي شكد مديحاول يبعدنه عن عائله الشيخ صكر اني الحفيده المدللة عند جدي ويصيحلي الشيخه لان يأخذ رئيي بكلشي
ليالي :سبحت وكملت وبدلت ولفيت شالي وأخذت كتابي ونزلت
-ها ماما وين عمو
الام :اجه ماما صحته اكعدي اتريكي
ليالي : لا ماما مستعجله...... ويينك عمووو سسسسهىىى يمعووده
سهى :لج هااا اجيت كله من وراج اتأخرنه
ليالي :يله عادي هسه عمو يوصلنه
سهى :اي احنه نكعد متأخرين وبابا يبتلي بينه يوصلنه
ليالي :هففف ديله عاد قابل شديسوي هو ديوصل بنته وبنت أخو شصار عشتوو
سهى :خرب يومج ولا تسكتين هذا السانج كون واحد يسكته فد يوم ادعي من الله أقضي حاجتي وخلي هل مصكوعه ينبلع لسانها
ليالي :خايبه شمالج انتي تدعين عليه الله هيج خالقني قابل اعترض على قضاء الله
سهى :يمه يمه من لسانج اكلتيني بكشوري خايبه اسكت احسلي
ليالي :تسوين فضل اذا تسكتين .......يمعوووود عمووووو وييييينك اتااااااخرنه كللللللللش
ضرار أبو علي وسهى :شمالج عمو غير بدلت يله امشينه ابتليت بيكم
ليالي :اخذنه عمو ضرار للمدرسه وكالعاده يوصي بينه ديربالجن انتبهن لتختلطن بهاي وهاي بس بالبنيه الزينه اكعدو وسولفو وديرو بالكم تجفصون ودكولون احنه من بيت حمدان واذا انفتحت سيره الشيخ صكر واهله ابتعدن ولتسمعن ولا تحجن فهمتن لو أعيد
ليالي وسهى :حاظر عمو
ضرار :باعن اليوم انتن ارجعن لان خابرت أبو الخط مالتجن سيارته عاطله واني عندي شغل عدجن فلوس ترجعن لو انطيجن
ليالي :لا عمو عدنه
ضرار :ميخالف هاجن هاي مصرف الجن وفلوس الرجعه
ليالي :تسلم عمو
ضرار :يله اني رايح في أمان الله
ليالي وسهى :الله وياك
-دخلنه جوه شفنه البنات صديقاتنه واكفات يسولفن وشفت بنات عمي مرتضى شكد عقده وحقيرات طلعن جايات ومكايلات ولا مكعداتنه رحنه عليهن
ليالي وسهى :صباح الخير
البنات :صباح النور
ليالي:فاطمه من كعدتي الصبح انتي واختج هديل مكلتن نكعد سهى وليالي
فاطمه :ياعيني شمدريني انتن مسعدات نايمات قابل أشتم كفه أيدي
ليالي:حتى لو متدرين جان سألتي أمي او زوجه عمو ضرار علينه لو هي خباثه
هديل :يا شمالج ليالي اكلتينه حاصل فاصل فاطمه كالتلج مندري نايمات عبالنه طلعتن قبلنه احنه شعلينه يخيه كلمن عليه بروحه
ليالي:لا والله انتن مو متدرن لا انتن من يوم يومجن حقيرات ومسمومات
فاطمه :لج احترمي نفسج على شنو شايفه روحج انتي خلك نعال تهي بهي
هديل :أمشي روحي منا حبابه مالنه خلكج من صباحيات الله
ليالي :هه باع منو الدتحجي اثنينجن بربع ما اشتريجن بقن عليه بس الحشرات عشتوو
البنات :هههههههههههههه خرب يومج لج انتي كارثه
فاطمه :يا ادبسز يا كح.... ماتستحين عل نفسج ام الولد يوميه نايمه بحظن عليوي الكو....
سهى :لج صارلي ساعه ساكتتلج بس هذا مو معناتها تجفصين ابطني اخوي خط أحمر
فاطمه :ليش عيني خط أحمر لان طلعت سوالف اخوج وبنت عمج انتن اثنينجن وحده اتضمضم للثانيه صايرات عصابه عبالجن ماعرف بسوالفجن وهذا عليوي أبو النسوان يوم يومين يتونس بيج ويذبج حالج حال الجلب
سهى :احترمي نفسج عاد ولتجيبين سيره اخوي على السانج الوصخ شوفي لج والخلقج بس ارجع للبيت اروح العمي مرتضى واحجيله شنو كلتي
هديل :روحي كولي البابا شنو كلنه بس يا حبابه احنه هم منسكت نحجي بسالفه عليوي وليالي
سهى :هديل انتي اطلعي منها تره اجيب سيرتج كدام عمي واخلي يلعب بيجن خلقه عبالجن ناسيه شسويتن قبل أسبوع بالبستان
هديل :اا ها اا لا سهى شهل حجي احنه بنات عم بيناتنه على شنو نوصلها الاهلنه
فاطمه :هديل على شنو خايفه اروح واحجي العمو شاهين واكله تقبل ابنتك بوس واحضان هي وعليوي بليل وسهى تراقبلهم
سهى :شوفي فاطمه راح أسكت وما اكول الابوج اذا جبتي بعد هل سيره على لسانج متلومين غير نفسج لان اخوي وليالي ماكو بيناتهم شي
فاطمه :لا خيه شنو ماكو بيناتهم شي والليل كله ليالي ليالي ياجيبي ماي يا سويلي اكل ليش ميكلج الج
سهى :هذا الشي ميخصج ومو معناتها اذا طلب منها شي عدهم علاقه بس انتي غيرانه منها لان علي منطاج مجال من ذبيتي روحج عليه وماعندج كرامه فتذبين تهمه عليه وعلى ليالي
فاطمه :اكلي خر.... ادبسز اني اعلمج اله افضحكم
سهى :روحي احجي للكل عن علي وليالي واني هم احجيلهم شنو شفت بالبستان وشجنتن اتسون ويه الش... قاطعتها هديل
هديل :لا سهى هاهيه يمعوده عليش نكبر السالفه أمشي فاطمه أمشي
فاطمه :لا ما أمشي اله اربيهن بسيطه اني اعلمجن
ليالي :شوفي فاطمه اني جان رديتج على اتهامج الي بس تربيتي متسمحلي بس سهى ردتج دفاعا الاخوها وإنما هذا حجيج واتهامج باطل كله انتي بيج مرض الحقد
فاطمه :لا كلامي كله صح ومو باطل
ليالي :هاهيه يحلوه روحي جفينه شرج
فاطمه :حقيره ساق.... ام الولد
ليالي :كلمن يشوف الناس بعين طبعه
سهى :أمشي ليالي عوفيها لتعبين لسانج وياها
-أخذتني سهى دنمشي جان اتصيح علينه هديل اندارينه واجتي يمنه
هديل :ليالي اني اسفه عن الكلام بالنيابه عن فاطمه أعتذر وانتي سهى هم اسفه قللنه أدب بخصوص علي
ليالي وسهى :لا عادي
هديل :سهى لتجيبين سيره البستان الأهلي فدوه
سهى :لا ما اجيبها اصلا راح أنساها
هديل :اسفه مره ثانيه
ليالي :عادي مصار شي يله سهى اتأخرنه عل امتحان وانتي هديل بالبيت نتشاوف باي
-أخذت سهى ومشينه حاجيتها واحنه نمشي
ليالي :لج سهوه تعالي كوليلي شنو سالفه البستان وتهدديهن فهميني يولي
سهى :ماشي احجيلج بس مدكولين الأحد
ليالي :لا والله ما اكول وعد
سهى :دمشي خلي نروح للامتحان ومن نطلع من القاعات احجيلج
ليالي :خوش
-طبعا جان بوكتها امتحانات نهايه السنه البكلوريا ودنمتحن المهم دخلنه اني وسهى للامتحان كعدنه وزعو الدفاتر والأسئلة وبدينه انحل الاسأله جانت زينه وصعبه يعني كدرت احل صح جانت الاسئله صعبه بس جاوبت الحمدلله وكملت وسلمت الدفتر والاسئله وطلعت من القاعه انتضر سهى لان بعدها دتمتحن كعدت عل رحله جانت بصف القاعه وكعدت عليها انتظرها جانن اكو بنات قريبات عليه وديسولفن سمعت حجيهن جانن يحجن عن حفيد الشيخ صكر
البنيه :احب الشيخ سالار ولجن اليوم شفته بكل هيبته وغروره
البنيه الثانيه :اي يخيه شمالج سوي فضيحه ويه الشيخ سالار واخذي
البنيه الثالثه :لا لا تسويها ويه الشيخ سالار تره مايرحمج لاتلعبين بالنار تره تحركج
-سمعت حجيهن عن الشيخ سالار حفيد الشيخ صكر خبلوني بي كل البنات يحجن بجماله وشخصيته بس اني ولا مره شفته خبصوني بي عبالك هو ماعرف منو البنات راحن جان تجي سهى وهي مبتسمه
ليالي:ها جاوبتي
سهى :جا هاي الابتسامه العلى وجهي المن الأمي اكيد جاوبت
ليالي :اي خوش وهسه تعالي احجيلي سالفه البستان
سهى:خررب يومج ولا تنسين
ليالي:لا حبيبتي ما دام السالفه اتخص فطيمه ام الوصخ وهديوه ام الكمل ما انسه يله احجي اكلني الفضول
سهى :خوش جاا افتحي اذنج واسمعي الراح اكوله بالحرف الواحد
ليالي :اسمعج واذاني صاغيه الج
سهى:اوعديني الي راح تسمعي مدكولي الاي بشر وتنسي مفهوم
ليالي:مفهوم
سهى:ليالي مفهووووم
ليالي:اي اي والله ما احجي
سهى:حتى الجدي متوصل أدري بيج كلشي تحجي الجدي
ليالي:هههه لا والله هل مره ما أفتح حلكي
سهى :وعد
ليالي:هففف هاي شبيج سهوه كلتلج والله ما احجي
سهى:لا مو أدري بيج تحجي الجدي ومن اكلج ليش حجيتي ادكوليلي زله لسان
ليالي:ههههه تدرين بيه ما أضم عن جدي شي
سهى:ولهذا السبب اكلج وعديني
ليالي:تمام وداعت جدي ما احجي ولا كلمه الاي بشر حتى الجدي هم ما احجي شي وعد هذا واني ليالي بنت شاهين ماخلف بالوعد
سهى :تمام راح احجي
ليالي:يله عاد مو شلعتي كلبي شهل مذله
سهى:اتوسلي بداعت جدي ههههههه
ليالي:يااا دمشي لج اتوسل شنو عوبه
سهى:شبيج الله عليج اتوسلي حسسيني اني مهمه ههههه
ليالي:ايباااخ اني حفيده حمدان اتوسل لويش عود عشتوو ماريد اسمع بطلت
سهى:انجبي عوبه أدري بيج حفيده الشيخ حمدان المدللة عنده عبالك بس انتي حفيدته مدري شبي حظي حتى ويه جدي مكاعد غميني ولج غميني
ليالي:ههههههه دطيري هو بس جدي مدللني ومخلي عندي قيمه بالبيت ولو ما هو جان حالي حال الكرسي لايحل ولا يربط
سهى:ههههههه وداعتج اني الحالي من حال الكرسي
ليالي:هسه لا تغيرين الموضوع واحجي شنو سالفه البستان ولدكوليلي اوعديني اني وعدتج وخلص يله بسرعه احجي
سهى :تمام اسمعي قبل أسبوع جنت داقره بالغرفه وانتي نزلتي صاحتج امي اني كملت قرايه وجنت محتاجه الدفتر مال الماده وجان عند فاطمه فرحت الغرفتهن لكيتهن ماكو بس اختهن نور وانتي مثل متعرفين اذا سألتي نور عن شي اتكتلج الأول والتالي كلتلها وين فاطمه كالت هي وهديل لبسن عبيهن وطلعن للبستان بله محد يدري ويخيه اني كتلني الفضول شعدهن طلعن بله محد يدري لبست شال وطلعت للبستان مالتنه اسمع صوت شباب وصوتهن اتقدمت وجان اشوف هديل نازعه العبايه والشال وبحظنها ولد شاب ودتبوسه أما الصدمه الأكبر فاطمه هم نازعه شالها وعبايتها وكاعده بحظن الشيخ فهد يصير اخو الشيخ سالار حفيد الشيخ صكر وجانت كاعده بحظنه وهو كوه متحملها من نضراته مبين مطايقها هو دار وجه وشافني دفعها وكام والولد الويا اعتقد صديقه هم كام عدلو نفسهم والشيخ فهد اعتذر مني وجر صديقه ومشه بقيت صافنه عليه وهو يمشي مشه مسافه وجان يندار ابتسملي ورفع ايده للسمه ورجع باسها مثل الديدعي بس ماعرف شنو دعه ودار وجهة وكمل طريقه اني باوعت على فاطمه وهديل لونهن مخطوف ويحجن بتوتر اني كلتلهن ما راح احجي شي والي شفته مينعاد وعفتهن ورجعت للبيت وهذا كل الي صار ها ارتاحيتي
ليالي :عززززاااا اذا عرف جدي شراح يصير بيهن
سهى:اياج اتجيبين هاي السيره الجدي اذبحج خاصه الشيخ فهد بالكلام مفهوم
ليالي:احم احم لوويش ما اجيب سيره الشيخ فهد
سهى:اكلج بس متحجين
ليالي:باعي انتي جاي تعصبيني هواي منج يايوم الاسرار البيناتنه نحجيها الأحد
سهى:صح ماشي راح اكلج شوفي اني انعجبت بالشيخ فهد من وره هاي الحادثه بس متعصبه لان السعلوه جانت كاعده بحظنه ماعرف ليش عصبت
ليالي:ياعيني ياعيني وهو شنو حسيتي انعجب بيج
سهى:ماعرف بس من اندار وبتسملي خجلت
ليالي:شلون جان شكله
سهى:يشبه الشيخ سالار هواي
ليالي:شلون راح اذبحها هو اني شايفه سالار حتى اعرف شكل فهد انتي والله بطرانه
سهى:لحد هسه مشايفه الشيخ سالار يمعوده كولي غيرها
ليالي:اي والله مشايفته والله خبصتوني بي ويله خلي نرجع للبيت جدي ينتضرني
سهى :امممم امشينه
ليالي:اكلج خلينه نرجع مشي اشويه انشم هوه
سهى:ليالي دنيا ضهر وبالشارع وبوحدنه صعبه
ليالي:لتخافين منروح من الشارع على جهة بستانه ونرجع للبيت
سهى :تمام
-طلعنه من المدرسه بقينه نتمشه وندردش وصلنه البستان مالتنه طبعا البستان مالتنه محد يدخل بي فقط احنه هو جبير ويخبل بي أشجار وزرع ورود اترد الروح بقينه نمشي بي على كيفنه فجئه شفت اثنين واكفين يم شجره التفاح المفضله عندي وكل شي بداخلي اكتبه عليها وممنوع أحد يقترب عليها جدي مانعهم منو هذا الي اتجرئ وقره اسراري جان داير وجهة ومندمج يقره بيهن اتقربت عليه اني وسهى وكفت ورا وحجيت
ليالي :منو حظرتك ومنو سمحلك تدخل بستانه ومنو كلك تقره خصوصياتي
-اني احجي وهو داير وجه من كملت كلام اندار عليه وياريته ما اندار وحجه
الشيخ سالار :اممم الضاهر انتي ليالي
ليالي:اي اني ليالي منو حظرتك وشعندك اهنا بستان جدي
الشيخ سالار رفع حاجبه :بكيفي ويعجبني
ليالي وترفع اصبعها بوجهة:منو انت احجي لا والخلقك اشكيك للشيخ حمدان ويخليك وره الشمس
الشيخ سالار :جريئة وحلوه جاا انتي طلعتي حفيده الشيخ حمدان هيين يصير خير
-معرفت منو هذا بس سهى موتتني بس اتنز بيه وتجر بيه
ليالي:انتي وخري كافي اتنزين وانت منو حظرتك وتحجي وياي هشكل شوف اكلك بعدك متعرفني اني منو خلي اكلك منو اني اني ليالي حفيده الشيخ حمدان مو واحد مثلك يحجي وياي بهاي الطريقه
الشيخ سالار:الضاهر بعدج متعرفيني منو اني شوفي لج وصلي رسالتي الجدج كوليله الشيخ سالار رجع للديره حظر روحك
ليالي:اهاا اهنا الحجي اكيد دزك سالار علينه شوف لا انت ولا سالار مالتك يخوفنه افتهمت
سهى:كافي ليالي أمشي راح اتوكعينه بمصيبه
ليالي:يا مصيبه انتي الثانيه هذا كاعد يهدد بجدي واسكت لا والله شوف انت روح كول السالار حفيده الشيخ حمدان اتسلم عليك ودكولك انجوم السما اكربلك من الشيخ حمدان
الشيخ سالار:رسالتج وصلت بس وصليله شي ثاني كوليله الشيخ سالار يكول حفيدتك توكع بيدي
سهى :كافي ليالي أمشي انتي متعرفين ويه منو تحجين أمشي
ليالي:لا ما أمشي لويش هو منو شوف لك ارجع السالار وكله مثل مكلتلك
الشيخ فهد :سهى كولي البنت عمج خلي تضب السانها لا ينكص
سهى:ليالي الله يخليج أمشي
ليالي:شو وخري لا ما أمشي وهمزين طلعلك صوت انتي الثاني شوفو اثنينكم اتروحون السالار وتبلغو الي كلته وهل مكان ماريد اشوف واحد بيكم
الشيخ فهد :سهى كوليلها احنه منو
ليالي:منو يعني جلاب سالار اكيد
الشيخ سالار:شوفي لج السانج كصري لا والخلقج ادفنج اهنا
الشيخ فهد :سهى اخذي بنت عمج وضبي السانها
سهى :كافي أمشي عاد موتيني
ليالي:مو كافي مو كافي فهمتي ديحجون عن جدي واسكت .... يتبع

شنو رئيكم بدايه القصه انطوني رئيكم

هلاووو قلبوشاتي اول بارت اريدكم اتفجرو بلتعليقات والتصويت حتى اكمل
انطوني رئيكم بيها 🤔
اموووواح 😘😘😘
احبكم ❤

صفوو 💕