الشيخ والعنوديه

بارت 15

الشيخ والعنوديه
الكاتبه صفوو 💕

الاهمال يفسد كل شي حتى وإن كان عظيماً 🖤 ‏

اتركم مع اقصه
""""""""""""""""""""""""""""""""""""
الشيخ حمدان: ليااااالي وينج شيخخخه
ليالي: جايه جدي جااايه
-رحت عل جدي لكيته واكف بلباب مال ديوان اجيت يمه
ليالي: كول جدي امر خدمه
الشيخ حمدان: يابعد جدج جيبي بنت عمج قاسم وتعالي
ليالي: حاضر جدي
-رحت للمطبخ صحت روان واخذتها وياي للديوان
روان: يصير نفوت
ليالي: يي جا لويش
روان: حسب ماعرف هذا ديوان شيوخ وميصير ندخل احنه البنات
ليالي بأبتسامه: هو صح ميصير بس انه الي حق افوت منطيني جدي الصلاحيه بفوتت الديوان وبكيفي وشوكت ماحب
روان: حلو لعد خنفوت
ليالي: يله
-فتحت الباب مال ديوان لكيت جدي وعمامي ورجال يطلع بعمر عمامي تارس الشيب راسه ولابس بنطرون وبدي وحذاء سبورت موو مثل زلمنه زي عربي عرفته هذا عمو قاسم وشفت علي واخويه ارشد واكو شاب كاعد بصف عموو قاسم جان شكله حلوو هم كاعدين اول مدخلنه صاح جدي
الشيخ حمدان: هلا بشيخه تعالوو فوتو بويه
ليالي: هلاا بييك جدي
-دخلنه اني وروان اني رحت كعدت يم جدي وروان راحت كعدت بحظن ابوها وتعلكت بركبته وبقت تشم بي وحجت ويا
روان بزعل ومبرطمه: دادي رجعني للسويد
قاسم: ليش باباتي
روان مبرطمه: ماعرف هنا شي بلييز دادي رجعني عند خالتو
قاسم بأبتسامه: لا باباتي منرجع بعد لسويد هنا اهلنه وحياتنه الاصليه ونتي تعودي على الوضع
روان بزعل ومبرطمه والدمع بعيونها: بس دادي ناني اخاف هنا وبس يصيحون ويخوفون
قاسم بضحكه: لا باباتي مو هيج بس لان جديده على المكان والجو
روان مبرطمه: دادي شوووف شلبسوني ناني موو هذا ستايلي اهئ اهئ رجعني حباب
قاسم: يي حبيبت ابوج غيري لبسج وبعدين هل ملابس حلوه عليج منو انطاهم الج
-كللها هيج جان تندار عليه واشرت بأصبعها عليه جان عمو قاسم يبتسم ويحجي
قاسم: بويه منو هل بنوته
الشيخ حمدان: هاي ليالي بنت اخوك شاهين
-كمت وكفت كبال عمو واخذت ايده بستها ورجعت كعدت يم جدي
قاسم بأبتسامه: ربي يحفظج بنيتي
كومي باباتي روان سلمي على جدج وعمامج
روان مبرطمه وتحظن ركبه ابوها: لا دادي اخاف
قاسم: كومي باباتي مياكلوج بلعكس سلمي عليهم
-اباوع روان معانده تسلم تخاف من جدي وعمامي كمت يمهم ولزمت ايد روان وجريتها وحجيت
ليالي: كومي ولج عوبه مياكلوج هههههه هذا جدي حمدان احسن جد بلعالم طيوب وحباب وراح يحبج بوسي ايده
-راحت روان دتبوس ايد جدي وهي متردده وخايفه اخاف ميتقبلوها بس جدي مخلاها تبوس ايده حظنها وكعدها بصفه وباس راسها
الشيخ حمدان: هلا بيج بعد جدج لتخافين يبنيتي
ليالي: هذا زغل جدووو
الشيخ حمدان بضحكه: اعرف هذا مكانج وهل بوسه الج لتغارين
ليالي بضحكه: جا مادامك تعرف هل شي مالتي لويش تنطي الغيري
الشيخ حمدان: معزتها من معزتج بعد جدي
ليالي بزعل: هاي شنوو ماقبل انه جا انه معزتي خاصه بگلب الشيخ حمدان واله نسيت يجدي
الشيخ حمدان: يبوو شيخلصني من لسانج تعالي تعالي بلجهة الثانيه
-ابتسمت ورحت كعدت بصف جدي وحظنته قوي وحجيت
ليالي بضحكه: ولج روان هل مكان مالتي اموتج اذا اخذتي حظن جدي مني
روان وهي تعيب الليالي: ماا صار مكاني وحدي ههههه
ليالي بزعل: جدوو شوف هل خبيثه
الشيخ حمدان بضحكه: شيخه انتي مكانج مو بس بصفي جا انتي مكانج هنا
-باوعتله يأشر عل كلبه فدوه اروح الگلبه اني ابتسمت وحظنته حيل طبعا اني جنت احجي هيج حتى اخلي الجو حلو عل روان لان جديده وتخاف
الشيخ حمدان: شيخه هذا ابن عمج اسمه احمد
ليالي: تشرفت بيك
احمد بأبتسامه: الي الشرف
روان: لا جدو مو بس ابن عمها هذا احسن اخ بلكون كله
الشيخ حمدان بأبتسامه: يي يبنيتي
-اباوع عل جدي كلسع يباوع عل عمو قاسم كأنو يريد يحجي ويا بشي ومتردد اباوع ارشد وعلي يحجون ويه احمد وعمامي يسولفون مع بعض وجدي حاير ماعرف شنو الشاغل باله شوي وجان يحجي
الشيخ حمدان: اطلعو كلكم عندي چم كلمه انه وقاسم
-كمنه كلنه نريد نطلع جان يصيح جدي
الشيخ حمدان: شيخه انتي هم ابقي
-اباوع الكل صفن بوجهي حتى عمامي رجعت اشرت عل نفسي وحجيت
ليالي: انه جدي
الشيخ حمدان: يي انتي شنو الجديد يله تعالي
-اباوع عل كل بقه صافن رحت اني كعدت بصف جدي ونتضرهم يطلعون وصاح عل كهاوجي وكله ممنوع احد يدخل للديوان كائن من يكن ڱڵـه. حاظر شيخ وراح اباوع جدي يهز برجله ويفر بسبحته هل حركتين اعرفهن ميسويهن اله يكون عنده كلام ومتردد يحجي
الشيخ حمدان بتردد: قاسم يوليدي هاي بنت اخوك راحت فصليه الحفيد صكر
قاسم بصدمه: وانت يابوي شلون ترضه بهل شي
الشيخ حمدان: ماجان اكو حل ثاني
قاسم: بس يابوي انت تعرف الشيخ صكر حك المعرفه بويه شني القضيه وهي تعرف بلسالفه
الشيخ حمدان: لا متعرف هو محد يعرف بهل شي غير انه وانت وماعرف شلون احجيلها
-اباوع عليهم يحجون عن الشيخ صكر شنو السالفه مفهمت شي جان احجي
ليالي بستغراب: جدي شنو الي متعرف شلون تحجيليا فهمني تره انه لحد هسه مامفتهمه
الشيخ حمدان بتردد: بعدين افهمج كلشي روحي هسه
-كمت عفتهم وهمه يباوعون عليه مفهمت شي طلعت من الديوان واني افكر شنو هل سر الي يعرفه بس جدي وعمو قاسم بقت هل فكره تجيبني وتوديني رحت صعدت فوك بلغرفه لكيت هديل سابحه وضبطه روحها وكاعده عل مبايل وترتيل نايمه وسهى جانت تخابر وروان دتصفط بغراضها وملابسها دخلت للغرفه وكعدت بصف سهى اجتي روان يمي
روان: جدو شنو جان رايد منج ومن دادي
ليالي: مراد شي سوالف عاديه
-انداريت عل هديل اشرتلها انو سهى ويامن تحجي اشرتلي انو هذا فهد اتذكرت سالار ياترى سالار شنو ديسوي هسه ؤف التفكير حيموتني ماعرف بمنو افكر بسالار بكلام جدي وعمي قاسم حرت بيناتهم وماعرف شنو اسوي حطيت راسي بين رجليه وكمت ابجي بهدوء ينزلن دموعي بقيت عل هاي الوضعيه الحد مصحاني صوت هديل وهي تطلب اجي يمها دتحجي وياي رفعت راسي شافتني ابجي فتحت عيونها بستغراب وحجت
هديل بستغراب: ليالي لويش تبجين
-كالت هيج وروان وسهى اندارن عليه وهم استغربن اني كمت ابجي بلزايد بس ماطلع صوت سهى سدت المبايل نهت المكالمه وندارت عليه وروان كعدت بصفي وهديل اجتي كبالي يردون يعرفون مني لويش دابجي شجاوبهم وهو اني ماعرف لويش دابجي
روان: لويش تبجين
سهى: خيرج ليلو شصاير
ليالي بجي: ماكو شي
هديل: لج شنوو ماكو شي جا شنو هل دموع
ليالي بجي: صدكني ماكو شي اصلا ماعرف لويش دابجي
-بقن صافنات بوجهي ميعرفن شيكولن مسحت دموعي وحجيت
ليالي: سهى باجر يجيني فهد مو
سهى: لا
ليالي بستغراب: جا منو يجيني
سهى بفرحه: اصلا كلي انو ليالي لتجي خليها كم يوم يمكم واني فرحت كلش راح تبقين يمنه كم يوم
-سمعت هل شي صفنت شنو كم يوم شديصير لعد اني مو فصليه شو عادي ابقه بكيفي هل عائله حتجنني وبعدين سالار شلون قبل ابقه حجيت ويه سهى
ليالي: لا سهى جوز فهد ديشاقه مستحيل سالار يرضه ابقه هنا كم يوم
سهى: والله يختي انه ماعرف فهد هيج كال وكلي هل حجي سالار كلي كوڵـهٍ السهى حتى توصله الليالي
ليالي بستغراب: برئيجن لويش سالار كال هيج تتوقعن شكو
روان: يمعوده شلج علاقه بي اهمشي حتبقين
هديل: يي صحيح اهمشي حتبقين شلج غرض منه يمعوده اصلا احلى خبر
سهى بفرحه: يي بلعباس احلى خبر
-بقيت صافنه مستحيل سالار يسوي هيج اله اذا جان اكو سبب اخذت المبايل
سهى: عليمن حتتصلين
ليالي: عل ديلار استفسر
سهى: والله انتي بطرانه فوك ماخلاج عدنه شبيج ماكو شي
ليالي: لا سهى لا انتي متعرفين شي سالار ميكول هيج منغير سبب
-خابرت عل ديلار جاوبتني
ليالي: الوو ديلار شلونج
ديلار: يمه هلا بهل صوت خاب هيو اشتاقينالج
ليالي: هلا حبيبتي والله انه اشوق شكو ماكو اخبار البنات
ديلار: كلنه بخير لج ليالي مكانج خالي الحيه الصفره مشتاقه رزاله منج هههههه
ليالي: خليها انه بعدين ارزلها هههههه انتي شنو اخبارج وضعج
ديلار: سكتي خيه كومه سوالف من تجين احجيلج وله اكلج عل طاري الجيه جا شوكت ترجعين
ليالي: يمكن باجر اكول جا سالار وينه
ديلار: خيه سالار رجع للولايه
ليالي: لويش رجع برئيج
ديلار: خيه بيني وبينج جنه كاعدين كلنه بليل بيوم خطوبه ابن عمج فجئه اجا اتصال وجاوب شوي وملامح وجهة تغيرو وكمل اتصال وكال الجدي انو باجر من الصبح هو رايح للولايه
ليالي: معرفتي شكال بلاتصال
ديلار: خايبه ماتنجبين هو انه فهمت شي كل الفهمته والي حجا ( هاا خوش خلص انه باجر الصبح جاي خلص انه احل الموضوع )هذا كل الفهمته بس حسب مافتهمت الي جان عل اتصال خيه بنيه
ليالي بستغراب: بنيه شنو
ديلار: لج قصدي جان ديحجي ويه بنيه لان كللها لتشيلين هم انه باجر جايج
ليالي: هاا جا خوش يله حبيبه يصيحوني بعدين اتصل عليج سلامي للكل
ديلار: اعرف بيج جذابه محد يصيحج بس يله يوصل هههههه
-سديت الخط وبقيت صافنه سالار يحجي ويه بنيه منو هاي اتذكرت من وديتله الريوك سمعته يحجي ويه بنيه معقوله هي نفسها يي هاي حبيبته ماكو غيرها الجان يخابرها ؤف شسوي يربي هو شنو شسوي اني شعليه ميهمني بس شلون ميهمني واني مرته لا اني مو مرته هوووف مليت من التفكير جريت مخده وحطيت راسي عليها كعدت يم راسي روان كامت تلعب بشعري سهى هم حطت مخده وتمددت بصفي بقيت عل هاي الوضعيه وروان تلعب بشعري جان انام محسيت بشي
""""""""""""""""""""""""""""""""""""""""
قصر الشيخ صكر †
ديلار: من بعد ماخابرتني ليالي كمت رتبت البيت النواعم اني واديار وهاله جنت دارتب من يم باب الديوان بلصدفه سمعت جدي يحجي ويه عمامي
الشيخ صكر: عگاب خابر
عدي ابو هاله: شيريد خابر من بعد هل سنوات
الشيخ صكر: عنده موضوع
مروان ابو رسل: وشراد منك بويه
الشيخ صكر: يريدني اروحله للبصره
عدي ابو هاله: جا بويه روحله شني المانعك
الشيخ صكر: انه مامانعني شي بس انه اخاف يفتح موضوع حمدان
مروان ابو رسل: والله بويه ماعرف شكلك هل شي راجع الك
عدي ابو هاله: بويه هل سالفه مضه عليها 20 سنه وماناويه تنتهي
مروان ابو رسل: جا شلون تريدها تنتهي
عدي ابو هاله: انت شوف بعينك هل موضوع محد يعرفه غير ابوي وحمدان ولا واحد من العشيره يعرف بي
الشيخ صكر: شني التردوني اكوله فهموني شوفو انه هذا الموضوع دافنه من 20 سنه وراح يبقه مدفون الحد مماتي
عدي ابو هاله: بس بويه مايصير
الشيخ صكر: عدي بله بس وبله شي انسى الموضوع
-جنت اسمعهم يحجون عن الشيخ حمدان شنو هل شي المدفون من 20 سنه ويخص الشيخ حمدان وعگاب منو هذا اكو سر ضامي عن الكل شنو هذا ويخافون يحجون بي بقيت ارتب بلبيت وافكر بهل موضوع سوينه عشه اني والبنات وهنه يسولفن وياي اني بالي مو يمهن فجئه انفتح باب الكراج ودخلت سياره سالار فرحت كلش باوعت من شباك المطبخ نزل سالار شو انفتح الباب الثاني منوو ويا جان تنزل بنيه جانت لابسه بنطرون وبدي وطويل وحجاب ومكياج خفيف وبيدها جنطه اتفاجئت منوو هاي يربي دخل هو من باب المطبخ ودخلت ورا هل بنيه
سالار: هلا ديلار شلونج بعد اخوج
-هو يحجي واني صافنه عل بنيه وهي هم
سالار: هيوو ديلار موو احجي وياج
-انتبهت عل روحي جان احجي
ديلار: هلا بعد اخيتك بس منوو هاي
سالار: مالج غرض انتي
ديلار: سالار كول منوو هاي وشعدها هنا
سالار بعصبيه: موو داكلج مالج غرض جدي وين
ديلار: بلديوان
سالار: منو يمه كاعد
ديلار: عمامي
سالار: جاا خوش تعاي وراي
-اباوع عليه مشه بتجاه الديوان والبنيه تمشي ورا معرفت منيه شافته امي وسألته كللها مالج غرض يمه عل صوته طلعن البنات وهم مستغربات منوو هل بنيه دخل للديوان رحنه وكفنه نسمع جان باب الديوان مفتوح بقينه واكفين شفنه سالار راح باس ايد جدي وراسه
الشيخ صكر: هلا بلذيب شلونك
سالار: بخير جدي بخير
الشيخ صكر: منو هل بنت يسالار
سالار: بعدين افهمك جدي
الشيخ صكر:  كول سالار منووو هل بنت يوليدي
سالار: جدي انه كلت بعدين
الشيخ صكر: شوكت بعدين مدخل بنت منعرفها ودكول بعدين شني بويه شلاكينه عگلنه طايحه لوو مالك بعد رداد يسالار
سالار: انه ماكلت عگلنه طايحه ياجدي كلتلك بعدين افهمك الموضوع انه شني السالفه جدي
ديلااار تعالي اخذيها فوك
-دخلت دائخذها جان جدي يصيح صوته فززني
الشيخ صكر بعصبيه وصياح: هي شنييي تاخذها فووك هل بنت مالها مچان عندي اله اعرف منيه واصلها منين
سالار بعصبيه: هي شني جدي هاي ضيفتي وانه جبتها وياي
الشيخ صكر بعصبيه: لك سااالار لا طلعني عن طوري والله افصمك فصم كوول هل مره شمسوي
سالار بصياح: هيي شني شمسوي شمالك جدي انه مو جاهل واكعد اخربط جدي داكلك بعدين ديلااااار موو داكلج اخذيها
الشيخ صكر بعصبيه: وانه كلت مالها مچان ابيتي
سالار بعصبيه وصياح: لا الها مچان وتبقه هنا  دشوف منوو يطلعها
-اباوع سالار صاير عصبي كلش عاف جدي ولزم ايد البنيه وجرها صعدها فوك واحنه باقين صافنين جان يصيح جدي وره سالار
الشيخ صكر بصياح وعصبيه: والله يسالار طالعه عينك اله اكسر رجلك ادبسزز سكط لك انه تعلي صوتك بوجهي بسيطه يسالار انه الك دشوفك شلون تعصي شوري
-بقينه وحده صافنه بوجه الثانيه منعرف شنوو الصاير رحت للمطبخ اجني البنات ورايه
اديار: ولجن هاي منو
ديلار: ماعرف
ايات: تتوقعن متزوج وهاي مرته
رسل: انجبي شنو يتزوج بعيد الشر
ايات: باع هاي بطرانه بابا ميكلبج
رسل: معليج انتي
ديلار: هوهو علينه شمالجن حتنچلبن مو خلينه نفكر منو هاي البلوه الجابها سالار
هاله: تتوقعون ليالي شحتسوي اذا شافت هاي البنيه
ديلار: عل طاري ليالي اليوم خابرتني والله عرفت اكو شي شصاير
اديار: هف احنه شلنه غرض اكيد بعدين حنعرف مِڼـّي هاي
-كملنه العشه وصبينه وكعدنه نتعشه صحت سالار كال جيبي الاكل فوك وديت صينيه اله وللبنيه رحت دكيت الباب ودخلت لكيت البنيه كاعده عل سرير ونازعه ملابسها لابسه دشداشه وشعرها جان عسلي وهي بيضه ثلج رموشها كثيفه بقيت صافنه عليها سبحان الخالقها ذبيت الصينيه ونزلت اتعشينه كملنه عشه سويت چاي وديته جان يدك جهازي شفتها ليالي جاوبتها
ديلار: هلا ها ولج
ليالي: هلا ديلار اكلج عفيه شوفيلي فهد كوليله خلي يجي باجر ياخذني
ديلار برتباك: هاا لا شكوو جايه يمعوده اشبعي من اهلج
ليالي: لويش ابقه جا انه موو فصليه شلون ابقه عند اهلي
ديلار برتباك: خليج يمهم بعدين انتي شيخه شمالج خيه اتونسي
ليالي: هاا ماشي يله باي
ديلار: باي
-سديت الخط من ليالي يالله شلون ورطه شحيصير جانت هاله كاعده بصفي حجت
هاله: ليش كلتيلها ابقي
ديلار: يمعوده اذا شافت هل بلوه الفوك اله تنكلب وحق علينه
هاله: خلي تجي تشوف الخيانه بعينه
ديلار: هي شني خيانه شمالج خيه
هاله: ماعرف اتمنى النار الي بهذا القصر متوصل الليالي مثل موصلتلنه لان متستاهل
ديلار: انشالله
-بقينه كاعدين  اني وهاله نسولف دخلت اديار بيدها المبايل وتضحك ودخلت ايات بقينه نسولف اني والبنات تقريبا ساعه جان يدك جرس القصر طلعت اباوع من الشباك منو طلع فهد يفتح الباب جان انصدم
""""""""""""""""""""""""""""""""""""""""""
بيت الشيخ حمدان ★
ليالي: من بعد ما اخذتلي غفه اني والبنات كعدتنه عمتي ترتيل
ترتيل: صخلاتي كومن اكعدت
ليالي بنعس: شكوو شتردين
ترتيل: كومي هايشتي اكعدي
ليالي بنعس: اني موو هايشه
ترتيل: والله هايشه يولي سمنانه
سهى بنعاس: شبيجن تلغن خلي ننطمر
ترتيل: دكوومي يمسعده كومي
سهى بنعاس: تيتوو بس شوي
ليالي وهي تصحصح: سَـآعــهْْ بيش
ترتيل: ب 7 بليل
ليالي: يبوو شكد نمنه
-كمت من الفراش رحت غسلت وجهي ونزلت جوه لكيت ماما ونسوان عمامي ديسون عشه ساعدتهن اني وهديل وكملنه صعدت صحت البنات نزلنه وصبينه العشه كلنه كعدنه نتعشه صارت سفره جبيره
الشيخ حمدان: شيخه باجر ترحين الزلمتج
ليالي: والله جدي ماعرف هسه اكمل عشه واخابر واشوف
الشيخ حمدان: شيخه اذا ميجي ياخذج بعد احسن ضلي يمنه بويه نشبع منج
ليالي: بعد كلبي جدي
-اباوع جدي يباوع العمي قاسم وعمي قاسم هم يباوع عليه واكو بيناتهم نظرات مفهمتهم شكاعد يصير باوعت عل علي لكيته صافن بيه كبر هذا شكوو يباوع مهتميت اما احمد ابن عمو قاسم جان مدنج راسه وياكل بهدوء هل ولد مؤدب كلش اما ارشد اخويه طالعه عينه ياكل ويباوع عل هديل ويغمزلها والاخت اهنا ممقصره توزع ابتسامات الاخويه مثل الشاذي امداهة سهى عبالك مفجوعه قضت عل اكل عمتي ترتيل تاكل لكمه تصفن ربع سَـآعــهْْ اما الكارثه روان تاكل شويه يمكن اللكمه مالتها البلبل ميشبع اذا ياكلها دغيتها باوعت عليه
ليالي: اتزقنبي
روان: وات
ليالي: استغفرالله غير تكعد راحه ام الوات داكلج اكلي
روان: داكل
ليالي: شني شبيج خيه شدتاكلين هاي اكلج بعده خايبه امداج دشوفي سهى قضت عل ماعون كله ونتي بعدج مماكله شي
احمد اخو روان: شنو شبيها روان
ليالي: ماتاكل لكمتها اصغر من لكمه البلبل
احمد: هههههه هو هذا اكلها ماتعرف جنها بلبل يزقو
روان مبرطمه :دادي صيح بأحمد
قاسم بخزره: احمد عوف اختك
احمد بضحكه: بابا والله اشاقه وياها
قاسم: عوف اخيتك الصغيره وليدي
احمد بضحكه: بابا والله داشاقه ههههههه
ليالي بضحكه: عموو ديشاقه عادي
احمد بضحكه: بلبل صغير
ليالي بضحكه: لالا ولك البلبل شوي لكمته اكبر
احمد بضحكه: هم صدك عاش هل لسان ههههه
روان مبرطمه: عابتلج بابا صيح بهذا احمد لا اموته
احمد بضحكه: اغوو كولي والله
قاسم: احمدد انه شداحجي
احمد بضحكه: بابا شداسوي قابل
ليالي: عموو عوفه الله عليك ديشاقه ههههه
احمد بضحكه: راح انكتل ولج شيعوفني امداج هههههه
علي بعصبيه: كمل اكلك انت ابو بابا وعوف السوالف
احمد: هو منو يمك
علي: اي سد حلكك واكل
الشيخ حمدان: عليووووي هشششش
علي: جدي انه بس ..... قاطعه
الشيخ حمدان: انه شداحجي هششش سكتو
-الكل سكت اباوع علي يخزر بيه كبر حتى كبر شيريد مِڼـّي كملنه عشه شلنه المواعين عفناهن عل فاطمه وترتيل وصعدت فوك خابرت عل ديلار شو كلتلي لتجين وابقي يم اهلج شنو السالفه هي خابرتني كالتلي شوكت تجين شتاقينالج لا اكيد اكوو شي صاير سديت الخط منها خابرت عل سالار دكيت مرتين بل مَـرّھٌ الثالثه رد
سالار: الوو خير شرايده
ليالي: مميته عليك شوكت تجي تاخذني
سالار: وين اخذج
ليالي: وين يعني للمهجوم القصر
سالار: ادبسزز احجي عدل لا اجي اعدلج حلكج تره مناسيجياها مال روحه بله رده
ليالي: اهوو عود اعلى مابخيلك اركبه
سالار: ابقي يم اهلج هل فتره بس بعدين انه الج
ليالي: جاا انه موو فصليه غير مكاني بلقصر
سالار: يي مكانج بلقصر بس حتبقين يم اهلج هل ايام اخلص من دوختج
ليالي: انت وين
سالار: مالج غرض
ليالي: هم صدك يله باي
سالار: ولي يله
ليالي: لتضل تطلع مراجلك عليه بلتليفون خوش
-حجيت هيج جان اسد الخط بوجهة شويه واجتني رساله منه كاتب (انه اعلمج يا ليالي لج انه تسدي بوجهي بسيطه اله اراويج المراجل عل اصولها بس الكفج) قريتها ومهتميت شحيسوي يعني يكتلني طبه مرض يطلكني بعد احسن تهي بهي ميته عليه قابل خليت سهى ادك عل فهد وعرفت منه انو سالار بلقصر معناتها راجع للديره لعد لويش ميرضه ارجع انه الك يسالار كمت حطيت ملابسي بلجنطه شافتني سهى حجت
سهى: وين رايحه
ليالي: للقصر
سهى: خبله شعندج موو كلج لتجين شمالج يخايبه ارتاحي هنا
ليالي: لا حبي صاير شي انه متأكده جاا شعدهم واحد وره الثاني يكول خلي ليالي لتجي اله اكوو فد مصيبه شمالج انتي
سهى: منوو حيوديج
ليالي: اخلي ارشد اخوي ياخذني
-لبست ملابسي ونزلت بيدي الجنطه شافني جدي الشيخ حمدان: وين شيخه
ليالي: والله جدي اريد اروح للقصر ارشد وصلني
الشيخ حمدان: ليش بويه صاير شي
ليالي: لا جدي مصاير شي بس اخت سالار خابرتني تبجي دكول مشتاقتلج وكلت اروح خطيه
الشيخ حمدان: هاا جاا خوش شيخه كووم ارشد وصل اختك البيت زلمتها
ارشد: حاضر جدي
-طلعت اني واخوي ارشد ركبت بلسياره ورحنه للقصر وصلت دكيت الجرس انتضرت طلعلي فهد شافني اتفاجئ انداريت عل ارشد سويتله حركه روح هاهيه حرك السياره ومشه انداريت عل فهد بعده صافن بوجهي
ليالي: هاا حتبقيني هنا واكفه وخر دافوت
فهد برتباك: هاا يي فوتي بس شتسوين اجيتي سالار موو كلج لتجين هسه
ليالي: هيج عجبني ارجع
-اباوع عليه مرتبك شكوو شصاير عفته ودخلت لاكتني ديلار بلمطبخ وهم شفتها مرتبكه ومصدومه وهم سألتني شجابج مجاوبتها عفتها ودخلت للصاله سلمت عليهم كلهم وبست ايد الشيخ صكر وراسه كعدت جان يدخل سالار ودخلت ورا بنيه لابسه دشداشه وحاطه شال عل راسها اتفاجئت منو هاي
سالار بستغراب: انتي شجابج
ليالي بصدمه وتأشر عل بنت: سالار منو هاي
سالار: مالج غرض احجي شجابج انه موو كلتلج لتجين هسه
ليالي بعصبيه: تريديني ماجي حتى تلعب بكيفك يسالار موو منوو هاي احجي
الشيخ صكر: احجي عاد منوو هاي
سالار: مالكم غرض بيها
الشيخ صكر: ڵـڱ انت ناوي تموتني احجي وكول منوو هاي لا تسودني
ليالي بجي وصياح: هااااي منوو سالار احجي ولك منوو هاي الحقيره احجييي
سالار بصياح: ولكم هااااي شذر اختتتتيييي .... يتبع
""""""""""""""""""""""""""""""""""""""""
هذا بارت لعيون قلبوشاتي خاب مشتاقتلكم بكد رحمه الله شنوو رئيكم بلبارت صوتو وعلقوو فدوا داتعب بيها والبارت داسوي طويل 3177 كلمه يله اتفاعلو وسوولي واهس انزل بعد
مًمًمًمًمـً💋ـحًحًحًۦ˛⁽❥😋₎⇣ فديتكم فدي قلبوشاتي
احبكم ❤️
الكاتبه صفوو 💕