Sunbae [JaemRen]

Episode 7

ယနေ့ Jaemin ကျောင်းမတက်ဟု ဆိုသောကြောင့် ကျောင်းတွင် Renjun တစ်ယောက်တည်းသာ ဖြစ်သည်။ အလုပ်ကိစ္စရှိသဖြင့် Jaemin ကျောင်းမတက်သော်ငြား Renjun ကိုတော့ ကျောင်းသို့ လိုက်ပို့ပေးခဲ့သည်။ Renjunလည်း လိုက်ပို့ပေးတဲ့ Jaeminကို နှုတ်ဆက်ပြီးတာနဲ့ စာသင်ဆောင်ကို တန်းသွားလိုက်သည်။

နေ့လည်ဘက် မုန့်စားဆင်းချိန် Haechanနဲ့အတူ ကန်တင်းသွား နေ့လည်စာစားကြသည်။ နေ့လည်ဘက် အတန်းချိန် မရှိတော့သဖြင့် Renjun ရုပ်ရှင်သွားကြည့်ရန် စိတ်ကူးမိလိုက်သည်။ ဒါပေမယ့် ဇာတ်ကားတွေ ရွေးလိုက်တော့ တစ်ကားမှ ကြည့်ချင်စိတ်မရှိပေ။ ဒီလိုနဲ့ နောက်ဆုံး အိမ်ပြန်သာ အိပ်ဖြစ်တော့သည်။

Haechanကတော့ Markeu hyungနဲ့ ရုပ်ရှင်သွားကြည့်မည်ဟု ဆိုသည်။ Haechan တို့ကို နှုတ်ဆက်ပြီးတာနဲ့ RenJun အိမ်ပြန်ဖို့ ကန်တင်းက ထွက်လာခဲ့သည်။ အိမ်ပြန်ဖို့ ကားမှတ်တိုင်ဆီသွားနေရင်း ညနေစာ စားဖို့ အိမ်မှာ ဘာမှမရှိတာကို သတိရမိသည်။ မားမားနဲ့ပါပါးက ပါပါးရဲ့အမေ နေမကောင်း၍ တရုတ်ကို ခဏပြန်သွားသဖြင့် အိမ်မှာ RenJun တစ်ယောက်တည်း ဖြစ်နေတော့ ကိုယ်တိုင် ချက်ပြုတ် စားသောက်ရလေသည်။

Renjun ညနေစာချက်ပြုတ်ဖို့အတွက် အိမ်နားက Super market တစ်ခုမှာ ဟင်းချက်စရာ ဝင်ဝယ်သည်။ ဟောပေါ့ကြိုက်သူမို့ ဟောပေါ့ချက်စားဖို့ ပစ္စည်းတွေက မပါမဖြစ်။ ပြီးတော့ တခြားဟင်းချက်စရာလေးတွေ နည်းနည်းထပ်ဝယ်ပြီး ကျသင့်ငွေရှင်းလိုက်ကာ Super market ထဲက ထွက်လာလိုက်သည်။

Super marketဘေးမှာ ရှိတဲ့ Bakeryဆိုင်လေး ဝင်ပြီး မုန့်နည်းနည်း ဝင်ဝယ်လိုက်သည်။ Renjun မုန့်မှာထားချိန် အအေးပါ မှာသောက်လိုက်သည်။ ထိုစဉ် ဘေးကို လူတစ်ယောက်ရောက်လာသည်မို့ မော့ကြည့်လိုက်တော့

'ညီလေး ဒီမှာ ထိုင်လို့ရမလားဟင်´

'nae´

ရုတ်တရက်မို့ သူ့ကိုကြောင်ကြည့်နေတော့ သူက ..

'တခြားဝိုင်းတွေက လူပြည့်နေလို့ပါ ထိုင်စရာက ညီလေးရဲ့ ဒီခုံပဲ အားတော့လို့´

သူပြောတာနဲ့ တခြားဝိုင်းတွေကို ကြည့်လိုက်တော့ ပြောသည့်အတိုင်း ဝိုင်းတွေက လူတွေအပြည့်။ ဒါကြောင့်မို့ Renjunလည်း ထိုလူကို ထိုင်ခိုင်းလိုက်သည်။