الفصل السادس عشر
هبط الاثنان الي الاسفل لتجد روما جميع أطفالها يجلسون على الطاوله يتناولون الإفطار سحبت مقعدها المعتاد بجانب سيف ثم بدأت تنظر لهم بحب "نوران و إياد" وهم جالسين يتناولون بصمت بينما "حمزة وريم" يتسامرون بمزاح بينهم أعادت النظر الي " نوران"
كيف كبرت بتلك السرعه تألم قلبها وهي تتذكر ان الحب الذي كان يحوي قلبها والآن تغير
هل حقاً هذا رد جميلها؟
"إذا أردت شيئا بقوة فأطلق سراحة فإن عاد اليك فإنه لك وإن لم يعد فإنه لم يكن لك من البداية"
ترددت تلك الجمله في عقلها، هل حقاً سوف تتركها صغيرتها؟ ابتسمت بألم وهي تردف بتوتر بعد ان تأكدت من قرارها
- نور انتي عايزة تمشي؟
رفع الباقيين اعينهم من أطباقهم ليردف سيف بحده وهو يسمع الي حديث روما
- ايه اللي انتي بتقوليه ده يا روما؟
تجاهلت روما حديثه لتنظر الي نوران التي كانت تنظر الي روما بصدمه لتردف مرة اخرى
- انتي فعلاً عايزة تسبينا وتمشي؟ عايزة تروحي تعيشي مع مامتك؟
اتسعت ابتسامة "نوران" لتحرك رأسها بالإيجاب وهي تردف
- ايوة عايزة اروح
- ايه الهبل اللي انتو بتقولوه ده انا مش هسمح بكده!
- سيف لو سمحت ممكن شوية نتكلم فـ المكتب؟
قالتها روما بلطف وهي تسحب كف سيف ليستجاب لها فـ هو أصبح يتجنب اي شئ يقوم بإتعابها
- ممكن أعرف انتي بتقولي ايه يا روما؟.
- سيف احنا مش مستفدين حاجه من نوران وهي محبوسه عندنا هي مش حابه تقعد معانا وغير كده مش هنستفيد حاجه غير انها هتكرهنا زياده
- روما حبيبي افهميني انتي مش فاهمه قصد نرمين
قالها وهو يمسح على وجنتها بحب كي يفهمها وجهة نظره
- نرمين عايزة تستغل نوران وتضغط عليا فاكره نوران نقطه ضعفي انتي متعرفيش تفكير نرمين
- سيف لو سمحت انا متأكده ان نوران هترجع لو سمحت خليني اعمل اللي انا شيفاه صح مش انت عايز تريحني انا هرتاح اما الاقي نوران فرحانه
لمحت نظرات الرفض في عينيه لتمسك بكفه وهي ترسل نظرات الترجي لـ عينيه
- عشان خاطري يا سيف مش عايزة لو مت نوران تكون زعلانه مني افهمني
طبع سيف قبلة على كفها وهو يردف بحزن بسيط وهو يردف
- روما انا مش عارف اقولك ايه هي خلتني احس ان خسارة اقول عليها بنتي انا مش عارف ازاي مخدتش من طيبتك وعرق مامتها طلع عليها فـ الفتره ديه حاسس اني مش عارف احط عيني فـ عينك ازاي بنتي تعمل كده؟
