وفاء : نوسه فهميني😳
نسرين"بصوت مبحوح ومتقطع" : عدااا ياوفاااء خلاااص عدااا 😭😭
وفاء : منن عدا..
وفاء "مافهمتهااش خيرها بالزبط كانت تبكي بهستيريا حاولت نهديها بس كانت تزيد ..دخلتها اني ونورا حاولنا نفهمو منها بس كانت تبكي وتتكلم وكلامها مش واضح وبعد تقريبا نص ساعه من العياط هدت وارتخت عليا"
مراد "خاش ويغني وجوا تمام ومايندري عالدنيا وين زارقه"
سندس لمراد: لاوالله
مراد"قعمز" : نووضي شوفيلي حاجه ناكلها"وشبح في نسرين يلي كانت وجها أحمر ومتكيه عوفاء وتبكي بدون صوت"خيرها هادي ..شن الكآابه يلي فيها ..اضحكي للحياه تضحكلك ياغوله
نورا : غير لاياشيييخ ..تي بريييي نوووض شووف حناااك شنن صاااير فيهااا ..وانت دييمه منعززل علينا
مراد : خير"شيرن فونه".ايوااا ...شني ..غير شن يااحاج ...شنصاير...باهي به شوي وجاي ..مستشفى ال.... تمام"وسكر" انشالله خير "وطلع"
"اما نسرين رن في ودنها اسم المستشفى خلاته يطلع ووقفت بتطلع ورا"
نورا : وييين ماشيه
نسرين "ماعدلتش وطلعت"
"وجايه بتنوض نورا وراها وقفتها وفاء"
وفاء : خليها ع راحتها
"اما نسرين ركبت سيارتها ومشت للمستشفى وطوول الطريق تبكي بعبره نزلت لقت مراد خاش للمستشفى مشت وراه وقلبها يدق بسرعه وقعدت تبع فيه لوين ماشافت بوها وامها وعمها "بو أيوب" واهل رواد كلهم وام رواد كانت تبكي وتخبط في روحها "
امها : بسم الله شن جااايبك هنا
نسرين"ماسكه دموعها" : ماما بالله قولي شنصار
امها : قاعدين انراجو مش عارفين شي"وشبحت في ام رواد وخواته يلي يبكو" ينااري المسكينه في حوييله ..من بكري وهي تبكي تووجع الحق.. حاولنا نهدوها بس مافيش فايده ..الله يساامحك يااأيووب هادا واني مداايراته العاقل
نسرين"شبحت فيها نزلو دموعها😢 طول مشتلها وقعمزت جنبها وقعدت تبكي معاها و تهدي فيها ..مصعبهاا والله وخااصه امه..وخوات رواد يبكو ويشبحو في نسرين يلي تحضن في امهم وتبكي و مستغربين فيها "
فردوس : ماما خلااص بالله مش باهي علييك را
امها : ينااااري في وليييدي ينااري اه اه😭😭
نسرين : خلووها بالله 😟
نسرين "اني وماقدرتش نشد روحي مبالك امه"
هديل "مرت رواد ": مررت عميي خلااص علااش البكي مافيشي شي تو شوي وينووض صحيح.. اني ويلي هو رااجلي و مابكيتش "وقتها نسرين تشبح فيها ومصدومه من وقاحتها وفي نفس الوقت انصدمت ان هادي مرت رواد"
أميره "تمسح في دوعها": ايييه تخيييليها فيي خووك .😡😡.ياااعدييمه الاحساس وبعدين هاادي امه يااغبيه عندها الحق تبكيي عليه
هديل : بالله خلليك سااكته اميره😒
نوران :: مش وقتك انت ويااها بككل ..أميره اسكتي وماتعدليش عليها
هديل : اسمعي كلام اختك واسكتي
أميره "تقلد فيها " : اسمعي كلام اختك واسكتي ..بالله أخطيني وقسسم بالله كان مش اهني را قطعتك طررف طرف
فردوس : أمييييييره مش في الحوووش رانا
اميره : اووووف
هديل"تمضغ في المستكه ومش معدله"
امهم : بااااااااهي خلااااص انت وياااها ماعندكنشش ذرره إحسااس بككل
نسرين "هادي مرت رواد اييي علييك برااده مقزززه ماتنبلعش بككل الصراحه غرررت والله كان نلقى نجبدها في تركينه ونطيح فيها شد شعر وضرب معقووله ماعندهاش أحسااسه بكل روااد داخل بين الحياه والموت وهي تضحك وتمضغ في المستكه وجوها عادي كي تحملها بس الباين عليها شرريره بس فتها كأنها مش موجوده...شبحت في امه ... شكلها كيف تبكي والله يقطع القلب ...احسااسي يقوول ان روااد قوي وبيطلع منها انشالله ....تلفتت شبحت في عمي يتوسل في بوه رواد وبابا وخوتي وولاد عمي معاه ...يلي دااره أيووب غلطط كبيير ولازم يتعاقب عليه مش لعبه هي"
سالمه لفردوس: علاااش جايبينها امكم ..وعلاش اصلاا مخبرينها ..غلط را ها شوفيها توا حالتها تسهف ..وكان صارلتها حاجه بعيد السو عليها
فردوس"تمسح في دموعها": هيااا اول وحده وصلها الخبر ..
نسرين "خليتهم ونضت مشيت لاقرب حمام شبحت شكلي منظري يخللع غسلت وجهي وساويت وشاحي وقعد نبكي منجديد معااش قدرت نشد روحي حاولت نهدي روحي بروحي ونقول انشالله مافي شي وباذن الله بيطلع سالم بس كل نفتكر نبكي ..مسحت دموعي وطلعت لمحتهم كلهم متجمعين ع حد مشيت نجري باش نشوف من فيه هوا أكيده دكتور ..بس لااسف جيت في وقت متأخر والدكتور عدا وقفت في مكاني نشبح في امه يلي زادت تبكي وفجأه داخت ..وفي بوه يلي يسب ويعاود ..وفي عمي يلي حاط يده عراسه "
سند"شاد امه": تي بريييي بسسرعه جيبي ميه
نسرين "لالا رواد مااماتش ايه كذذبه هادي "
"نسرين وقتها علامات صدمه في وجهها هيا ماسمعتش من دكتور ان مات .. بس تعبيراتهم تقول ان رواد عطاهم عمره ...مشت بخطوات مش متوازنه لمراد بتفهم منه بس فاتها وخالد نفس شي مشت لامها بس كانت لاهيه بام رواد قعدت تلود بالواحد زي مجنونه تبي تفهم هل رواد صح توفه ولا هيا تتخايل هل رواد صح خلاها وعدا كانو كلهم لاهين ..نسرين وقتها وجهها مايعبر عشي تشبح وساكته وكل اللحظات الحلوه معاه مرت عليها في تانيه ولااراديا مشت تجري للغرفه يلي فيها رواد وفتحتها وبعد شافاته وقفت في مكانها معاش قدرت تكمل كان في حاله مايعلم بيها الا ربي دموعها نزلو ع خدها ممرضات بدو يطلعو فيها بس هيا تبكي وتصرخ😭 وتقوول خلوووني نشوفه نبييي نسسمع صوته
ممرضه: بالله اطلعي مش ناقصين مشااكل😒
ممرضه 2 : حاالته متسمحش لاي حد يخش
نسرين "تبكي وتصرخ": نبييييبي نشوووووفه حراااام علييييكم ..رواااااد عمرييي رد علياااا مستاااحشاتك ..
ممرضه : لاااحول ولاقوه الا بالله
..في اللحظه هادي نسرين معاش قدرت توقف عرجليها ..كانو الممرضات شادينها وهي تصرخ تبي تسمع صوته تبي تتأكد هل خلاها وامشي تبي تشبحه مستحيل تقدر تكمل حياتها وهوا مش موجود في هالدنيا ..وبعد مافكت روحها من ممرضات مشتله تجري
شدت في يده يلي كاين حاطها فوق قلبه بالزبط "
نسرين"تبكي" : رواااد حبيبي تسمع فياا ..رواد اني نسريين ..رد عليا بالله علييك .. ماتخليينيش
برووحي بالله علييك رووااد عارفاتك قوي اني ... قوول شي عشان خااطري ..والله مستااحشاااتك وااجد ..
"نسرين دموعها ماوقفوش حطت راسها عصدره وبدت تبكي بعبره وتقول ماتخليينيش برووحي ..اما خالد بعد سمع صوت هرجه الممرضات مشي بيشبح لقاها تبكي وحاضناته وتدوي معاه استغرب وطارته منها خش دكتور يجري .نسرين حست بنفس عخدها "
نسرين"ببتسامه خفيفه ": لاا يتنفس.. روااد قاعد حي ..وربي ليتنفس.. صح دكتوور"حالتها كانت زي المجنونه بحداهم..دكتور حاول يخليها تطلع بس كانت نسرين رافضه تبي تقعد جنبه وبس "
خالد "شدها من يدها من فوق": نسرييين ورااي بسسرعه😡
نسرين "انصدمت بعد شافت خالد مكانتش تندري ان خالد قاعد بكلل ..وفي خاطرها تقوول أكيد فهم كل شي" جبدها من ايدها وطلعها معاه وهيا لحظتها تشبح في رواد وتراجي في اللحظه يلي يفتح فيها عيونه "
خالد "معصب": شننن عرررفك فيه بككل الننم .. والحاله يلي مداايرتيها داخل علي منوو انشالله
نسرين "زرطت ريقها مسحت دموعها ونزلت راسها لوطه"
خالد : تكلميييي ....وبعدين الولد حاالتها مش مستتقره بككل وانت خااشه عليه
نسرين : اااا..ن"هنا نسرين لسانها تجمد معاش عرفت شتقول"
خالد : ماشي نسرين ماشي خود راحتك توا ...لكن حسااابك بعدين في الحوش
- - - -
"اما وفاء ونورا قاعدين يراجو وخلاص وسندس تلود وتتصل عليهم بس مايردوش لاسراج يرد ولا مراد انشغلو عليهم .."
نورا: تييي شن الهم هادا منقعدوو هكي احني
وفاء : والله شنتبينا انديرو
نورا : قصدي شنو هادا معاش عرفنا حنينه شنصار فيها ولا يلي صار برا امبكري
سندس : علييك حااله
وفاء : انراجو وخلاص لين يفرجها ربي
نورا : اووووف
- - - -
في السياره
سراج : نروح بيكم ونرجعله وانشالله جنبها لوين ماتنوض
امه : خلاص تمام ..أكيد توا البنات مشغولات علينا
سالي"خاله نسرين": المهم حالها كويس توا وباهي يلي لحقنا وكيف ماقال الدكتور كان تأخرنا را مشت فيها
سليمه : الحمد لله
سراج : غير ماتكبروش القصه بس ..وبإذن الله الليله مروحه
سليمه : غير ردبالك ع روحك وليدي
- - - - - -
مراد : قتتتلك روووحي وامك معاااك
نسرين : منييش منققعد
مراد : تي الزح رااس مسككر ...مشش وقتته عناادك بككل
نسرين : به منطمن عليه قبل نروح بالله عليك
مراد : تييي شنن دخلللك فييه اننت ...ورب العزه يانسرين كان ماتروحي..تي منرتكب فيك جرييمه اليوم اني.."مراد كان مش مصدق يلي داره أيوب"صديق عمره" ماتوقعش بكل يدير حاجه زي هادي ..من اول ماوصله الخبر كانت زي الصاعقه عليه ..كدبهم كلهم وقال مستحيل يدير هكي ....بس للاسف يامراد صدق .. يلي داره أيوب مش منه لا.. هادا من حبه لنسرين ...يمكن يدير كل شي مش متوقعين يديره ع خاطر بس نسرين "
نسرين "كان يحس باحساسي بس والله خايفه ع رواد تصيرله حاجه بعد نمشي واني نتكلم مع مراد يلي قريب بياكلني سمعت بوه رواد ودكتور يكلم فيه ويقوله ان حالته مش مستقره ولازم نسعفوه بسررعه برا البلاد ..انصدمت روااد بيااخدو مني مستحيييل ..اااه ياروااد علااش رجعتلي بسس كان مصاارش هاده كله ..استغفر الله هادا المكتوب.."
مراد : وربي كان نكلم في حيط راه رد علياا..توييين ماااشي باالك عنجدك بككل نكلم فيك اني
"مشت نسرين تجري لغرفه رواد وفتحت الباب بهدوء شبحت في رواد يلي كان يفكو في الاجهزه منه الممرضه طارتلها منها بس بعد قعدت تتوسل فيها وجعتها عرفت ان الشخص يلي مطروح ع الفراش غالي عليها مشت نسرين وقعمزت ع ركبيها وشدت يده وقالت وهي ماسكه دموعها تبيش ترجع تبكي وتصرخ ومن دااخل موجوعه"
نسرين : بيااخدووك مني روااد بياخدوك مني ...سامحني كان غلطت عليك ولا قصرت في حبي لييك..وربي يارواد حبي لييك مايتنساش بتقعد في قلبي لوين ماربي ياخد أمانتي..وكان صارتلك حاجه غادي وانشالله لا ياربي"ونزلو دموعها".. اني ورااك طوول مستحييل نكمل حياتي بدونك .صح انت غلطت وتزوجت بدوون ماتقولي وكسرتلي قلبي وقعدت قرييب شههر واني في حاله كآبه وحزن ونحااول ننساك وماقدرتش بس والله مسامحاتك من رغم الوجع يلي قضيته بس مسامحاتك ..انت غاالي علياا انت قلبي وروحي وكلل شي نحبك رواد نحبك.. ..وقفت نسرين ومسحت دموعها وباست ع راسه وفجأه خشو الممرضات يجرو فكو الاجهزه وجبدو السرير وطلعو بيه يجرو
اولل مااشافته امه مشتله تجري ووقفتهم باست عراسه وهي تبكي وتكلم فيه قعدت فردوس ونوران يهدو فيها وكملو طريقهم الممرضات
وامشو ..لحظتها نسرين واقفه في مكانها ودموعها ينزلو حست بجزء من قلبها امشي معاه طاحت لوطه تبكي بعبره .. اما امه حالتها حاله تبكي وتدعي لولدها وفردوس تهدي فيها وتدعي معاها ..اما نوران وأميره يبكو بدون صوت وهدييل كيف ماقالت نوران عدييمه الاحساس مش هامها شي "
