" بقلمي نجم اليل "
" البارت الثاني "
" والتقت اروحنه في ذالك اليوم💖 "
حنين...كعدت الصبح غسلت وصليت ومريم شالت الفراش جنه كاعدين واجت امي
ام حنين...يلا كومن غسلن وجهزن هدومجن راح اروح ع بيت عمتكن رنا
حنين...صدك نبات ومنو ويانه لو بس احنه لو مرت خالي تجي
ام حنين...ايي احنه وياها والبنات معرف امكن نبات يمهم
حنين...كلش فرحت واخيارة راح نطلع من البيت خنكه رحت جهزتلي كم دشداشه اخذت 4 حمرا وسوده وزركه ورصاصيه
وشالات طقمت وياهن ومشطت شعري وحطيت عطر وشوي مرطف نيفيه ع البشره وحطيت مرطب شفه لان جانت شوي شفتي
تتقشر صبغت اضافري لون اسود جانن شوي طوال والله لو ابويه يشوفهن يموتني ومي هم متقبل لان حرام اليطول
الاضافر ومساكن الشيطان معرف شنو وهم منصبغ حيل لان اضافرنه زغار من يطولن لازم كص وبيبي عنكضت بوجيهنا
وكامت ادردم دكول شلون مره ي ميه طالعه هي وفروخه ولا تكعد امي مهتمت الها ولا لكلامها اصلن وبقت ادردم اجه ابويه
ومن سمع بيبي كاللها ع بنتج تعاونها يبوو بيبي سوت راحت ع السوك جابت خضره وحلويات كالت لعد اخذو بس عرفت
بنتها امي مقبلت وكالت والله ماخذها وابوي قنعها كالت لعد ليش من الصبح تهوس وتسب وبس عرفت لعد شكد تفرق
ابويه كال كافي سدي الموضوع واخذيهن واكسري الشر ماجذبنه خبر اخذنه وسكتنه وكل شويه فوك راسنه سلمن عليها
عود جيبوها وياكم وكلولها خل تتصل عليه وطلعت امي كامتت تحجي عود بيبي عبالها نبوك من الخضرة والحلويات خاف ممنطيها لعمتي
وسكتنه واجت مرت خالي وبناتها وخالي وساهر رحنه بسياره ابويه ابوي يسوق وخالي وياه وامي ومرت خالي وره وياهن
مريم وضحى وساهر كعد وي خالي كدام ثنينهم بكرسي
واني وسجى تحاصرن وكعدنه بحضن امنه وميتين ضحك
ونسولف ع الفلم بيت عمتي شوي بعيد موهنا هي عايشه وبريف وعازلها عن بيت حمواها او عيلته صايره مقابيلهم
جيران وبينهم باب هي وعيلته وعدها بنيه ولد البنيه 10 سنوات والولد 7 سنوات وعلاقتها مو حيل وي حمواتها
