#...عشقت رجلاً متزوج

البارت الرابع

" بقلمي نجم اليل "

" هل لي بنظره فقط😜 "

حنين...جان يسوي بل واير واني امثل النوم اريد اراقبه معرف الهدف من هذا تصرفي بس حبيت اراقبه اباوع ع طوله

وع حركات ادينه من يسوي بل واير ويتيبه وجان شوي هوى
الصبح حلو كمت كلت خل اكوم وهو ماحس نزلت داريد

انزل نزلت اول درجتين كالت مريم شيلي الفراش بل بيتونه وتعاي ام نوم الضهاري ابتسمت ع كلامها ورديت شلت الفراش وهو

منتبه عليه خلصت ضل بس الخصير الحاطين علي الفرش طلع صوت وهو نادر عليه وشفته جاب العده مالته واني

اسفط بل حصير اريد افوت وهو اجه يفوت اني مشيت صفح
لان لازمه الحصير وهو عفته وراي بخطوات صريت بين

السطح والبيتونه واكفه بنص الباب لان الحصير وكفني وهو صار وري اريد اوز حالي رجعت وره صار ضهري ع صدره

رجف جسمي حسيت بشي غريب وعركت صرت بين هدوهي هو لزمني من اكتافي بدينه وكفني ثبتنه وهو وراي عدل الحصير

وفتت جوى وكلوولش خجلت منه حطيت الحصير ونزلت قبله وهو عفته ينزل لدرج ع كيفه نزلت وطلع هو يسوي

الكهرباء البارحه عطلانه ومعرف صاير بل واير غسلت وصليت وهو جان يحجي وي ساهر وزوج عمتي رحت صليت

وجيت حطيتلي ريوك وكعدت بطرمه بل كراج سمعت عمتي صاحتله كالتله هذا ريوك تعال تريك يبو احس خدودي

راح يطكن من الخجل معرف ليش اجه كعد واني ع اكل كمت اكل مثل اليارحه مستحيه منه وجنه نسولف وهو ياكل بشراها

واباوع عليه شلون ياكل ويسولف ومبتسمه بوجها خلص ريوك شرب مي ورح هو مثل مكلت اصغر خوانه وعمره 32

سنه اكبر مني ب17 سنه المهم هو انشط من اخونه وحركي
ويعرف للكهرب الشي العطلان بل بيت هو يصلحه وكذا

وهو نوعه ياخذ ميانه وي الكل مو حي الله واحد لا الي يعرفهم بس واذا بينه وبينهم ياخذ مينه مو وي ماجان

وهو الوحيد الي يخوف الاطفال الوكحين بس يكوله اكعد يكعد وبدون كلاام المهم خلص شرب مي وراح

بقيت اباوع ع طوله هو ويمشي خلصت اخذت المواعين اخذتهم عمتي وكالت مشطي لنوره كعدت ونوره كعدت كدامي

وكمت اسوي بشعرها تسريحات وكمت اخذ نوره بل كلام ع محمد واسلها وهي جاوب بس اكيد لا مو بس عليه اسل عليهم