#...عشقت رجلاً متزوج

البارت - 34 - الجزء الثاني

" بقلمي نجم اليل "

#عشقت رجلاً متزوج

#البارت - 34 - الجزء الثاني

.

حنين...اجو بس الجهال وهو رجع وكال

محمد...احجي عاد شبيج

عدلت كعدتي وكتله بخوف

حنين...هذا محمود اجه ورايد يعتدي علي

محمد...سوالج شي هذا العار

حنين...لا مخليته

محمد...بسيطه انه اله وهسا انتي ع هاي تبجين وسوين هيج بحالج ..

حنين...والله ردت اموت اجه علي جنت وحدي بالبيت ..

محمد...ادري واهلج وين هذوله اهلج مدري شنو من اهل لخاطر الله لا يحسون ولا شي ..

حنين...كتلك اخاف والله ابوي يذبحني ماجان بيني وبين الموت غير شعره

محمد...اني اله هل حقير

كام يريد يروح مبين معصب وكتله

حنين...عفيه محمد لا تروح

وكالي

محمد...انتي ليش هيج ضعيفه بس العتب مو عليج العتب ع امج بدال مدكول لابوج ادزج

حنين...شوف طول عمرنا اني ومريم ابونه ربانه ع العب والحرام حتى من المدرسه بطلنه لسداس ابتدائي

ضلينه محبوسين بالبيت حتى طلعه نلعب خارج البيت مايقبل نطلع ضلينه بس كاعدين ..

مانطلع لو ويه امنه لو محد يطلعنه ولو هنا لو ع بيت خالي و ع خوالي مانروح بالسنه مره وشهر لو نكمله لو لا ماختلطنه وي بشر ابد 

وناس تتقوة علينه وامي خافت علي ودزتني هي ماخافت من احد هي خافت من ابوي لان ابوي مايتفاهم بهيج مواضيع
والله والله يذبحني

كتله اخر كلمتين وكمت ابجي هو عافني ورح

جانت الدنيا عصر .. بقيت انتظر ع نار صارت الساعه بال9 عاد اجه ..

علي وع عمتي جاب علاكتين كال هاي امج دزتهن ..

رحت اخذتهن اني ومدنكه فتت جوة فتحت لكيت هدوم الي والعلاكه الثانيه حلويات وبيهن شراب مال مشهي ..

خابرت امي حاجيتها وكالتلي ..

ام حنين...شلونج يامي