قلب جريح بين فتات الماضي

البارت 2

خلصوا الفطور وكل واحد اتجه لدوامه،، سالم كان وده يكلم سارة ويعرف شفيها، لكنه ماحب يضايقها فخلاها، لأنه يعرف أنها بترجع ..لفلتها وهبالها بعد فترة

ف جامعة سارة، وصلت سارة لكلاسها وأول ما شافت شلتها رجع لها نشاطها..

سارة: صباح الورد والفل لأحلى ربع - صديقات في الدنيا..

لين: يا هلا والله بساروونه، تو ما نور المكان..

ليان: صباح الياسمين،، صادقة لين تو ما نور المكان..

فجر: اي والله، هلا حياتي..
سارة: أهلين، النور نوركم بناتات.. الا أقولكم بلا مقدمات ورسميات، خاطري نسوي شي اليوم ونفلها..

ليان: وأنا اقول شسر هالنشاط يايه بدري..

فجر: اي، ابهرينا شتبين تسوين..!

سارة: ههههه وانتي ما عندج غير الظلم ليانوهه.. المهم ابي فكرة جامدهه منكم..

فجر: عاد تعرفينا ما عندنا أفكار، انتي ولينوه ام الأفكار عليكم دواهي..

ليان: الا على طاري لين شفيها ساكتة مالها حس..!

( تمرر ايدها جدام لين وتقول: هلوووو! )

لين: معاكم معاكم، بس قاعدة افكر بفكرة تسر عقولكم و أبدانكم..

ضحكوا كلهم على جملة - عقولكم وأبدانكم - ههههههه..

الا فجر قالت: ههههههه حلوة هاي عقولكم وأبدانكم، من وين يايبتنها بالله

ردت لين: الله يخلي المسلسلات اللي يتكلمون فيها لغة عربية فسحى، تموت ضحكك هههههه..

ليان: اي وانا اقول من وين لج تعرفين تتكلمين عدل، انتي دايما تكسرين في الكلام..

سارة: بس انتي وياها، كلتوا البنت بقشورها... الا اقول لينوه بشرينا، حصلتي شي؟؟..

لين: اي اكيد، معاج ام الأفكار، قربوا قربوا بس اقولكم الفكرة الخطيرة..

قربوا البنات الا لين تقولهم قربوا اكثر واكثر..

انفجرت فجر اللي مافيها صبر في لين وقالت: ايييييهه، ذليتينا ما صارت فكرة، قوليها عاد وخلصينا..
سارة: وانا أأيد كلام فجر هالمرة، اسمحيلي لينوه، يلا عاد طولتيها قربوا وقربوا..

ليان: خيانة كبرى هههههه

لين: هههههه، عادي هانت هانت بس حبيت اختبر صبركم، تمام تمام اسمعوا.......