قلب جريح بين فتات الماضي

البارت 4

استغرب سالم،، كيف تعرف هاي اسمه وفي نفس الوقت الصوت ما كان غريب عليه..

سالم: سمعت غلط ولا تعرفيني؟

ردت البنت الثانية بغرور: لا يالحبيب، سمعت صح..

البنت الأولى: ترقَم يا سالم، افا افا.. وما عرفتني للحين، افا ثالثة..

سالم بضحكة: ايه صح  ايه عرفتج محد غيرج اسيلوه العربجية، وانا أقول مو غريب علي هالصوت..

واشر عالبنت الثانية وقال: وانتي نور ما غيرج..

نور: صباح النور ف الليل..
سليمان: ههههه قفطوك..

قعدوا الشباب مع أسيل ونور بنفس الطاولة..

سليمان وحميد ماخذين راحتهم لنه عوايلهم ربع ( أصدقاء ) ويعرفون بعض وكذا مرة طالعين العوايل مع بعض..

حميد: الا وين ناصر ما اشوفه معاكم..

أسيل: أي جايين بروحنا..
سليمان: غريبة،، ما أحيد ناصر يخليكم تطلعون بروحكم..

نور بغيظ: وأنت شلك ( شدخلك )، اخونا وانا مادري..

سالم: حد كلَمج يا ام لسان انتي..

وقفت نور وعطت سالم نظرة غيظ (قهر) وقالت لأسيل: أسيلوه يالمعفنة قومي،، وايد ماخذة راحتج مع هاييل..

أسيل وهي ولا مهتمة بكثر ماهي تفكر بالموقف: أي طيب، يلا باي شباب، وصح قبل ما اروح،، سالموه سواياك بوصلها لسارونه تشوف لها حل معاك..

وراحت...

انقهر سالم منها لنه يعرف انه السالفة بتوصل لاخوه وبتستوي مشكلة وقتها..

خلونا من الشباب ونرجع للسارة نشوفها..
...........................................................................................

كانت سارة يالسة بغرفتها بروحها حدها طفشانة،، ما كان عندها شي تسويه فقررت تنام..

مر باقي اليوم بدون شي مهم..