قلب جريح بين فتات الماضي

البارت 3

قالت لهم لين الفكرة وأكثر وحدة تحمست منهم هي سارة...

دق الجرس وردوا لكلاساتهم الا سارة..

راحت بسرعة تييب شي للخطة من وحدة من الكلاسات قبلل ما توصل الابلة..

على حظها حصلته وراحت تحطه على كرسي الابلة من دون ما حد ينتبه وقعدت مكانها...

وصلت الابله، دخلت، سلمت، وبدأت تشرح..

الآنسة سارة قاعدة بس تنتظر الابلة تقعد وتفطس ضحك عليها،، ما مرت ثواني الا والابلة قعدت وطلعت صوت الطقعة بالكلاس كامل..

تسمروا البنات مكانهم من الصدمة وبقا الكلاس هادي الا من ضحك البعض واكثرهم سارة، وبعدها انفجر الكل ضحك..

تفشلت الابلة وعصبت، قامت من مكانها بعصاتها وراحت للشلة اللي دايم مبهدلينها في الكلاس..

الابلة: ممكن تفسرولي شسر هالضحك كله..!

سارة: ههههه آخخخ بموتت، احلا طقعة بالتاريخ..

وضربت كف ايدها بكف لين اللي ميتة ضحك معاها..

اما فجر وليان سكتوا قبل لا يبتلشون بالإدارة وهم بالغصب ماسكين ضحكتهم..

الابلة: وقفوا بسرعة!!

وقفوا سارة ولين وحاولوا يمسكون ضحكتهم،،

الابلة: عالادارة بسرعة لا تييكم العصا على حلوجكم..

سارة: شسوينا احنا الحيين تبلشينا فالادارة..
لين بغيظ: أي صح،، واذا عالضحك ترا كل الكلاس ضحكوا..

الابلة: ولا كلمة،، وقفوا برع جدام الرايح والياي عقابا لكم..

سارة بتأفف: أفففف كل ها بس عشان ضحك!!.

لين بضحكة: عادي عادي، نفتك من حصتها شوي..

وقفوا برع الكلاس والابلة حدها مقهورة منهم.

حاوطوا في االجامعة وهم مسوين أنواع الازعاج الى وقت نهاية الدوام،، راح الكل لبيته..

.....................................................................................................................

عند سالم...

طالع مع ربعه سليمان وحميد للكورنيش،، وقاعدين يتمشون...

حصلوا لهم طاولة وقعدوا عليها..

سليمان: سالم،، شبتسوي على سالفة عمر الحقير..؟

سالم: والله مادري، مرات أقول اراقبه واراقب تحركاته حتى اصطاد له أي ثغرة لكني افكر بانه شي خطير وانت تعرف شبيسوي لو انكشفت....

حميد: وانا اقولك ياخوي، خلها علي وادَخلك هالولد السجن وانت مغمض..

سالم: ادري انه سهل كذا، لكني ابي آخذ حقي منه بايدي..

سليمان: خلاص خلونا نسكر عالسالفة الحين ونستانس،، نتكلم بهالسالفة في مكان ثاني..

حميد: شوفوا شوفوا من طلع لنا بس... قمرين يايين..!

التفتوا الشباب يشوفون وين ما يشوف حميد،، شافوا بنتين يايات، وقعدوا على طاولة قريبة من طاولتهم..

صفر سالم بحماس وقام من مكانه...قاموا معاه الشباب واتجهوا لطاولة البنات..