يوميات شاب عراقي

ابو كرش

عمار ولؤي گاعدين بالاستقبال وكل واحد بيهم لازم موبايله ومكنك..

لؤي : اويييلي(ويغم بگصته) ..

عمار : يباوعله بنظرة سخف واستهزاء ..

لؤي : خرب حظي .. هاي مره والعندي حاسبينها مره عليه ..

يلتفت عليه عمار : خايب اشبيك متگلي .. مو حتى ٦ أشهر مصارلك من اتزوجت.. اشبيك غير المفروض تعقل

لؤي يضحك ضحكة قوية من الأعماق : خاب والله بطران انت .. هو اليتزوج يتخبل بعد أكثر..

عمار : ايباااه ، شلون بالله؟!

لؤي : آني اگلك.. المامتزوج بعده ماشايف شي ويصيح بس اتزوج اعقل .. بس من يتزوج يشوف ويضوگ .. بس يشوف نوع واحد وشكل واحد ويضوگ طعم واحد بالبداية .. بس الانواع والأشكال هواي .. وراح يطمع بالمزيد .. يعني لو باقي ماشايف شي احسن له.

عمار : هااااا.. بعدين تعال اگلك شغلة ..

لؤي : گول حبي أسأل واستفسر براحتك بحكم خبرتي بالزواج وانت مامتزوج..

عمار : خاب لااضل تبيع بيهن عليه هو انت مصارلك سنة من اتزوجت.. بعدين اني مااريد لا أسأل ولا استفسر.. اريد اگلك ع شغلة ..

لؤي : گول يخوي ..

عمار : مرتك هاي اللي مو راضي عليها شايلة البيت شيل .. طبخ وتنظيف وجهال وغداء وعشاء .. وحضرتك شنو؟
باوع لنفسك بالمراية عندك كرش واگرع وهاي بعدك شاب لو كبرت شلون؟

نصيحة مني الك احمد ربك ع مرتك واترك هاي السوالف