بعد كثير من التجارب .. بفشلها ونجاحها .. يتحدد شنو اللي نريده ونعرف اللي يريحنا ويفيدنا ..
نتنازل عن هواي متطلبات .. ونبقى متمسكين بمطلب وحيد .. يمكن يخلص عمرنا ومانحصل عليه ..
لأن اكو فرص تجي مرة وحدة .. وماتتكرر ..
البنات ، منهن اللي تحلم بشاب طويل جميل ابيض اسمر .. الخ
والشباب كذلك يحلمون بمواصفات خاصة ،،
بعد فترة من الزمن ، بعد الزواج ، بالحياة الحقيقية والواقعية الصعبة ..
نكتشف انو كل هاي المواصفات مو مهمة .. وأصلاً لا شيء گدام شي واحد ..
هذا الشي اللي مااهتمينا بي قبل او ركزنا عليه .. واكتشفناه متأخرين بعد فوات الأوان.. هو ،،، الروح ،،،
اي نعم ..الروح اذا ما كانت جميلة يصير جمال الشكل لا شيء ..
الروح اللي تفهمك وتحتويك .. الروح الفرفوشة الجميلة .. اللي ماتحمل كآبة ولا حزن ..
الروح هاي تصيرلك وطن ثاني، وبدونها راح تعيش طول عمرك غريب وممرتاح .. تباوع لنفسك وللمقابل .. اتشوف كلشي موجود وكلشي تمام ..
بس اكو عدم تفاهم .. اكو تنافر ارواح .. اكو طباع مختلفة وصفات وتصرفات مكروهة .
