زي ما قلت بما أن في ناس وافقت على الفكرة فهنزل هنا مش روتين واتباد بس كل حاجة وفي عنوان البارت قبلها هكتب النوع عشان اللغبتة
هنزل الأول كل الحاجات اللي كانت في كتاب روتين المدرسة وأبدأ في الشابترات الجديدة
النهاردة هنتكلم عن الطلبات الغريبة اللي بيطلبوها مننا
****************
الجزمة لونها أسود
الموضوع ده منرفزني جداً يعني أنتوا خلاص فضيتوا مش عندكم منهج يتشرح وبقيتوا فاضيين تبصوا على الجزمة عشان تتأكدوا أنها سوداء
ليه؟
سمعة المدرسة هتكون في الحضيض بعد ما ألبس جزمة زرقاء مثلاً
ولا وزير التربية والتعليم هييجي ويهزقني عشان لابسة جزمة برتقالي
محدش يلبس ألوان فاقعة
بصراحة أنتوا اللي بتفقعوا مرارتي بصراحة
إيه...؟!
عينيك هتتعمي عشان هتبص على التيشرت بتاعي مثلاً ولا إيه
جلاد الكراريس
محدش يجيبلي جلاد أحمر
أنتي مالك يا حجة أنتِ أنا بحب الألوان الدموية
هو أنتي وأنتي بتعلمي الكشكول اللون هينقط عليكي
إيه التفاهة دي يا جدعان
أنتو حليتوا مشاكل المدرسة كلها مش فاضل غير الجلاد الاصفر
محدش يفرد شعره
دي كانت أكثر حاجة بتستفزني في المدرسة
أنا أنسانة مش بعرف أربط شعري عشان بيتفك
ومش بحب أربطه عشان بتخنق
وبعترف كنت في أبتدائي وميس واحدة بس اللي بتعمل كده وبتطلب الطلبات الغريبة دي وهي بتاع العربي
يمكن عشان كده بكره العربي
وكانت تافهة جداً و وأنا في سنة اولى ابتدائي بالذات كنت بقعد جنب أخويا
تقولي متقعديش جنب اولاد ونص الفصل كان قاعد جنب ولاد
هي اللي انا كنت هنتحر بجد
وقبل كده تنحت معاها وقلتلها أنا لازقة انا ومش هقوم أديتني جواب فصل أسبوع
**************
هيلو إيفري وان
عاملين إيه...؟
أي أنتقاد؟
نتكلم عن إيه المرة الجاية؟
رأيكم؟
سي يو ماي شوكليت
