أولا الطلاب الدحاحين:
دول بقى اللي بيذاكروا 24 ساعة في اليوم "مش ده يعتبر اليوم كله؟"
مش مهم نرجع للموضوع ده بيذاكر طول اليوم لو سألته أتفرجت على الماتش
"لأ مش عندنا تلفزيون مقفول"
النوع ده بيفكرني بالناس اللي مش عندها حاجة غير المذاكرة تحسي إنها الأوكسوجين بتاعه وإن اللعب هو ثأني أكسيد الكربون
النوع الثاني النوع الغلبان:
دول بقى ناس على نياتهم ومعظمهم مش شاطرين عندهم الأجتماعيه صفر يقعدوا باصين قدامهم طول الحصة لو قولتلهم أنزل هاتلي شيبسي هينزل وهيجيبلك بسكوت وينسى يدفع الفلوس ويجيبهالك على أنها باقي (ده أنا لما ماما تطلب مني حاجة,منور يا ملوكةXD)
النوع الثالث النوع الشرشوح:
"ممكن قلم علشان نسيت بتاعي"
"لييه ياااااااختيييي وايه اللي خلاكي تنسيه يا قطة آه ما أنتي مش فاضيه عماله تعدلي في شعرك وتصبغيه وعقبال ما تحطي الميك أب تكوني أتاخرتي مش بدي حاجتي لحد"
متقولي مش بدي حاجة لحد وتريحيني
النوع الرابع النوع الأهبل
"قولتلك قومي يا متخلفة أنتي ده مكاني"
"يا ماما أحنا الموضوع عادي اللي بيتأخر بيقعد في أي داهية"
"الديسك ده بتاعنا"
أولعي أنتي والدسك والمدرسة كلها
النوع الرابع النوع المتكبر
"بابا جابلي جزمة من السعودية"
شبه وشك والمصحف
"أخويا هيجيبلي بوكس شيكولاته بمناسبة عيد ميلادي"
"كدة أو كدة مش بحب الشيكولاته"
في اليوم اللي بعده
"هوزع عليكم النهاردة"
اوصل لحد عندها تحطها كلها في بؤها
"ممكن والنبي حتة كمان"
واضح مش بتحب الشيكولاته
النوع الخاص النوع البارد
"أنتي عسل"
"ما أنا عارفة"
"أنا مش هكلمك تاني"
"يعني أنا هموت لو مكلمتنيش يعني عادي"
"أنتي يا بت أنتي سيبي الموبايل وركزي في الحصة"
"أشرحي عدل وأنا أركز"
**************
هيلو إيفري وان
عاملين إيه...؟
أي أنتقاد؟
نتكلم عن إيه المرة الجاية؟
رأيكم؟
سي يو ماي شوكليت
