في الصبح يجهز الكل في نفسه عشان المرواح ....
قعمزو في طاولتين جنب بعض في حديقة الفندق بعد ماطلبو الفطور..
هيثم: خلاص ياراجل فوت الموضوع انت عارف ردينة تعفج في الكلام وتحط
علاء: مستحيل ردينة تكذب.. أكيدة شافت وسمعت اللي قالاته
هيثم: باهي لنفرض الكلام صح شن بدير يعني
علاء: افهمني ياهيثم...باه توقع عمي عبدالله شاف صوري في نقالها او حتي عمتها شن بيكون منظري قدامهم
هيثم: وانت شن ليك علاقة؟!
علاء: في الوقت هاذا بالذات حتنفهم القصة غلط ممكن يفكرو إني نرسم عليها عشان فلوسها او حاجة خصوصا بعد عرفت بمرض بوها 😪
هيثم: سامحني ياعلاء بس انت تكبر في الموضوع....حاجة عادية ولو البنت في من ناحيتها مشاعر اتجاهك انت ماليكش علاقة ماتقدرش تفرض عليها شي ...المهم انت عارف نفسك
علاء: أني غلطان مفروض من زمان اتخدت قرار وسيبت الخدمة عندهم 😪
هيثم: تكون غبي لو درتها...راجل زي عبدالله حاسبك زي ولده مفروض هوا اللي تشتغل معاه مش تسيب
علاء: تعرف متغلغل عليها هالبنت بشكل مش عادي كان نلقي نكسرلها رقبتها...😡 شن هالوقاحة اللي عندها...
هيثم: الحب ياباشا 😉
علاء: عطها جرب 😪 بتورطني مع بوها
هيثم:😂
لجين: شفتي كيف يكشخ عليا حتي صبحت عليه ماردش 😢
ربا:شو كشخ عليا 😕
لجين: اوووف ربا معناها زعلان مني ومش شايفني من أساسه
ربا: كلامكن كتير صعب 😓 يمكن ماانتبهلك لوجي
لجين: شنو أعمي يعني😡
ربا: اشش وطي صوتك لاتفضحينا 😓
عبدالله: هيا ياجماعة نتوكلو علي ربي...
علاء: هيا...خلي نشغل السيارات يسخنو شويا...
ردينة: بابا أني بنركب مع عمتو نجاح
هيثم: لا عيب اضايقي ع الناس 😡
عبدالله: خليها هيا والاء يجو معانا ع الاقل يوسعو عليكم
ردينة: هيييييييي 😀 ومشت تجري حتي من قبل مايرد بوها...
عبدالله: 😁 ربي يحفظها
هيثم: الله يسلمك
~~~~~~~~~~~~~~~~~~~~~
بعد ساعة تقريبا...وصلو...
علاء امشي لحوشهم طول حط بوه وهيثم وضياء ورجع لحوش عبدالله عشان يروح بالاء وردينه...وفي نفس الوقت في حاجات بينزلهم في حوش عبدالله...
لجين كانت مقعمزة مع ردينة ع الكراسي...
علاء عاقد حواجبه: هيا دودي اركبي للسيارة..وين الاء ؟!
ردينه: الاء مست تسوف البطات
علاء: بري ناديها وهيا
ردينه: باه...
علاء تأكد من ردينة مشت ولف للجين: ترا عطيني موبايلك
لجين تفاجأت: نعم 😳
علاء: نبيه شويا...لو ماعندكش مانع
لجين حست كأنه عرف بموضوع الصور: لا عندي مانع...فيه خصوصيات مانقدرش نعطيهولك
علاء: لجين 😡
لجين: لا موبايلي وحرة فيه 😓 شن بالسيف
علاء يحاول يتمالك نفسه: اوكي زي ماتبي...براحتك قبل بنخزنلك رقم ربيعة تبي تكلمك عشان تعزمك علي فاتحتنا
لجين: 😳
علاء: شن مافيش مبروك😏
لجين: مبروك طبعا 😏.. بعد إذنك بنمشي نرتاح تعبت من الطريق
علاء: إذنك معاك...
مشت لجين....تنهد علاء بحيرة: غير شن قاعد اندير بس.😪 لالا هكي خير خلي اطلعني من راسها مش ناقص أني هبال المراهقات...😪
عبدالله من بعيد: علاء كمل باقي اليوم إجازة ارتاح من تعب الطريق. وتعالا غدوة
علاء أشرله براسه بمعني حاضر.....
~~~~~~~~~~~~~~~~~~~~~~
ŞİMDİ OKUDUĞUN
ياريتني
Romantizmالقصة منقولة من صفحة عالفيس اسمها 'قصص من عالمي' القصة رومنسية وفيها مشاعر مختلطة. طبعا القصة جزئين . الأول اسمها ياريتني . الثاني إسمها نسيت أنساك. إن شاء الله حنبدا انزل الجزء الأول ولو ف تفاعل حنزل الجزء للثاني
