علاء يطق علي الغرفة اللي راقدة فيها ربا بقوة...
ربا فتحت عيونها مخلوعة: شو في ؟!... وناضت فتحت الباب
علاء بخوف: ربا بالله عليك تعالي شوفي لجين بسرعة...
ربا تحك في عيونها: شو بها؟
علاء: خشت للحمام سكرت عليها الباب وتبكي بهستيرية...كلمتها ماتبيش لا ترد عليا ولا تفتحلي
ربا: ليش شو صاير بينكم؟!
علاء مسح شعره بارتباك: غير بري شوفيها توا
ربا: اوكي... ومشت بسرعة جيهة الدار...ووراها علاء...
ربا : لوجي حبيبتي شو بكي؟
لجين: ..........
علاء واقف بتوتر ومش عارف كيف يتصرف....
ربا: لوجي أنا ربا طيب افتحيلي حتي نحكي..بليز
لجين بصوت مخنوق من البكي: انتي بروحك؟
ربا شافت لعلاء: أه... اي لحالي...وأشرت لعلاء عشان ماتشوفاش.. قعمز علاء ع الكنبة
شويا وفتحت الباب..بس ماطلعتش ...خشت ربا لقتها مقعمزة جنب الحوض وحالتها حالة عيونها منفوخة من البكي والباين انها كانت تضرب علي وجها لان خدودها حمر....
علاء قرب من الباب بتوتر بس بدون ماتشوفه لجين...
ربا بصدمة: لوجي شوبكي شو اللي صاير 😨
لجين بعبرتها: حاسة بغصة كبيرة ياربا..نتمني نموت بجد 😢
ربا: ليش؟
لجين: قالي ربيعة ياربا....مازال يفكر فيها حتي وأني في حضنه ومتأكدة يتخيل فيها كل لحظة وعايشة معاه....حتي اللي صار بينا متأكدة يتخايل فيا ربيعة مش لجين 😢😢 ياربي قداش مااني غبية ومانفهمش...عشان هكي مايحبنيش ولاقادر يتقبلني ربيعة مازال في قلبه وعقله ومسيطرة عليه 😢😢
غمض علاء عيونه بألم علي كلامها اللي كان جزء منه صحيح...
ربا: حبيبتي الغلط بيصير...أكيد ماكان بيئصد..
لجين: اللي يفكر فيه القلب احيانا يغلط اللسان ويقوله ياربا...وربيعة في قلبه هاذي حقيقة واضحة
ربا:طيب اهدي... وخلينا نطلع مو حلوة قعدتك هون
لجين: مانبيش نشوفه ياربا مانبيش...حاسة روحي كرهته بجد 😢
خدي علاء موبايله ومفاتيح السيارة ونزل بسرعة قبل ماتشوفه....
~~~~~~~~~~~~~~~~~~~~~~~
هيثم : ايوه علاء...صباح الخير
علاء بصوت ياذوبك طالع: صباح النور...انت وين؟!
هيثم: قاعد في المطعم....
علاء: خلاص وتيلي طاسة قهوة قوية ومرة شويا ونمر عليك...
هيثم بااستغراب: اوكي تم
بعد تقريبا نص ساعة وصل علاء للمطعم عند هيثم.....طبعا هيثم كان يكمل في تجهيزات المطعم اللي حيفتتحه عن قريب....
جبد علاء كرسي وقعمز مهموم.....
هيثم : تفضل القهوة.....سكت شويا: خيرك متغشش؟!
رشف علاء رشفة من القهوة: حاسس روحي مخنوق ياهيثم...
هيثم: ياساتر علاش؟!
علاء: جرحت لجين من غير مانقصد والله
هيثم: كيف مافهمتش؟!
علاء بتوتر...أمس في حاجة صارت بينا فهمت
عليا
هيثم: لا مافهمتش 😕
علاء: تي افتح هالدمنقل شويا😡 ...أأأ...نقصد أمس صار بينا زي مايصير بين أي اثنين متزوجين فهمت توا 😒
هيثم: باه 😁
علاء: المهم اليوم الصبح....مش عارف كيف غلطت وناديتها ربيعة...😩
هيثم شهق: حي ياحي...تي كيف صار
علاء: قتلك والله من غير قصد مش عارف كيف طلعت مني
هيثم: باه ولجين وين توا؟
علاء: في الحوش وحالتها تقطع القلب تبكي وماتبيش تشوف وجهي
هيثم: عندها حق...كاني منها عطيتك كف برمتلك وجهك ع الجيهة الثانية 😡
علاء: تي أني جاي نبيك تساعدني مش تزيدني علي مابيا 😪
هيثم: كيف بنساعدك؟ البنت عندها حق تزعل وادير اكثر من هكي معاها.. واعرة راه ياعلاء واعرة
علاء: تي عارف الهم....بس مش بقصدي أقسم بربي مانقصد
هيثم: مشكلة والله..
علاء: خايف يصير فيها شي😩
هيثم: حبيتها ياعلاء؟!!
علاء: نكذب لو قلت نحبها زي ماتحبني بس بدت تحرك فيا حاجات حلوة...حنيتها وبراءتها وكيف متمسكة بيا وتحبني خلوني نبدا نميل ليها.....اوووف بس بعملتي خربت كل شي 😣
هيثم: خليها تهدأ وتكلم انت وياها ووضحلها كل شي....وهي أكيد حتسامحك...لجين تموت فيك ومستحيل تقدر تزعل منك
علاء: زعما؟
هيثم: انت حاول... غلطتك كبيرة...معناها ضروري تبذل مجهود كبير عشان تصلحها...
علاء تنهد بقيلة حيلة: يستر الله وخلاص.... ضرب موبايله وكانت ربا..: يستر الله....ايوه ربا
ربا : علاء الحقني لجين طاحت من طولا ولا من تمها ولا من كمها
علاء بخوف :خيرها😳
ربا: مابعرف 😢
علاء: باهي سكري اهو جاي..... شفت قتلك خايف عليها....وطلع يجري
هيثم: كان تبي شي كلمني
علاء: ان شاء الله خير
~~~~~~~~~~~~~~~~~~~~~~
YOU ARE READING
ياريتني
Romanceالقصة منقولة من صفحة عالفيس اسمها 'قصص من عالمي' القصة رومنسية وفيها مشاعر مختلطة. طبعا القصة جزئين . الأول اسمها ياريتني . الثاني إسمها نسيت أنساك. إن شاء الله حنبدا انزل الجزء الأول ولو ف تفاعل حنزل الجزء للثاني
