انا هي جميع نساؤك

بارت مفاجئ٢٣

#أنا_هي_جميع_نساؤؤك
ﺍﻟﺒﺎﺭﺕ ﺍﻟﺜﺎﻟﺚ ﻭﺍﻟﻌﺸﺮﻭﻥ
ﺭﻭﺍﻳﺔ ... ﺍﻧﺎ ﻫﻲ ﺟﻤﻴﻊ ﻧﺴﺎﺅﻙ
ﺑﻘﻠﻤﻲ ... ﻧﻮﺭ ﺳﻤﻮ ﺍﻟﻌﺮﺍﻕ
💔💔💔💔💔💔💔💔
ﺑﺎﺭﺕ ﻣﻔﺎﺟﺊ ﻟﻌﻴﻮﻥ ﺍﺣﻠﺊ ﻣﺘﺎﺑﻌﻴﻴﻴﻴﻴﻦ ❤❤
.......................
ﻫﻮ ﻻ ﻳﺴﺘﻨﻜﺮ ﺗﺠﺎﻫﻠﻪ ﻟﻚ ﻭﺍﻫﻤﺎﻟﻪ ﻋﻠﻴﻚ
ﻫﻮ ﻻ ﻳﻌﺘﺮﻑ ﺑﺎﺛﺎﻣﻪ ﻭﻻ ﻳﺤﺎﻭﻝ ﺗﺮﻣﻴﻤﻬﺎ ...
ﻫﻮ ﻳﻈﻦ ﺑﺄﻥ ﺍﻧﺴﺤﺎﺑﻚ ﻳﺪﻝ ﻋﻠﻰ ﻫﺸﺎﺷﺔ ﺷﻌﻮﺭﻙ ﺍﺗﺠﺎﻫﺔ
ﻭﺻﻤﺘﻚ ﺍﻟﻴﻮﻡ ﻫﻮ ﻧﺘﺎﺝ ﺻﺮﺍﺧﻚ ﺍﻟﺬﻱ ﺿﺎﻉ ﺇﺩﺭﺍﺝ ﺍﻟﺨﻴﺒﻪ
ﻫﻜﺬﺍ ﺟﺒﻠﺖ ﺷﺮﻗﻴﺘﻪ ﺍﻥ ﻳﻘﺴﻮ ﻓﺘﻜﻮﻧﻲ ﺍﻧﺘﻲ ﺍﻟﺼﺒﻮﺭﻩ
ﺍﻥ ﻳﺒﺘﻌﺪ ﻓﺘﻜﻮﻧﻲ ﺑﺈﻧﺘﻈﺎﺭ ﻋﻮﺩﺗﻪ
ﺍﻥ ﻳﺼﻤﺖ ﻓﺘﺤﺘﺮﻣﻲ ﺻﻤﺘﻪ
ﺍﻥ ﻳﺘﻜﻠﻢ ﺣﻴﻨﻤﺎ ﻳﺸﺄ ﻓﺘﻨﺼﺘﻲ ﺍﻟﻴﻪ ﻣﻐﺮﻣﻪ
ﻭﺍﻧﺘﻲ ﺍﻟﻄﺮﻑ ﺍﻟﻤﺆﻫﻞ ﻻﺧﺘﻼﻕ ﺍﻟﻤﺒﺮﺭﺍﺕ ﻃﻤﻌﺎ ﻓﻲ ﻛﺴﺐ ﺑﻘﺎﺋﻪ 💔
...............................
ﺑﺎﻭﻋﺖ ﻟﻠﺒﻴﺖ ﻫﺎﺩﺉ ﻭﻣﻀﻠﻢ
ﺗﻨﻬﺪﺕ ﻭﻣﺴﺤﺖ ﺩﻣﻌﺘﻲ .. ﺑﻌﺰ ﺍﺷﺘﻴﺎﻗﻲ ﻭﻟﻬﻔﺘﻲ ﺗﺒﻠﺪﺕ ﺭﻏﺒﺘﻲ ﺑﺎﻟﺮﺟﻮﻉ ...
ﺟﻨﺖ ﻣﺤﺘﺎﺭﻩ ﺑﻴﻦ ﺍﻻﺭﺟﻊ ﻭﺑﻴﻦ ﺍﻻﺿﻞ
ﻛﺮﻫﺖ ﺟﻨﻮﻧﻲ ﺍﻟﻤﻔﺮﻁ ﺑﺸﺨﺼﻴﺘﻪ .... ﻛﺮﻫﺖ ﺣﻮﺍﺳﻲ ﺍﻟﻲ ﻣﺎ ﺗﺸﺘﻌﻞ ﺍﻟﻪ ﺑﻮﺟﻮﺩﻩ ...
ﺣﺴﻴﺖ ﺍﻧﺘﻬﺖ ﺣﻴﺎﺗﻨﻪ ﺑﺼﻤﺖ ... ﻣﺜﻞ ﻣﺎ ﺑﺪﺕ ﺑﺼﻤﺖ ﻣﺮﻳﺐ ...
ﺍﻟﻴﻮﻡ ﺍﻋﻠﻨﺖ ﻣﻮﺗﻲ ﻭﻣﺎﺍﻣﻠﻚ ﺍﻱ ﺣﻖ ﺍﻥ ﺍﺭﺛﻲ ﻧﻔﺴﻲ ....
ﺍﻟﻴﻮﻡ ﻭﺩﻋﺖ ﻫﺬﺍ ﺍﻟﺒﻴﺖ ﺑﺎﺍﺳﻮﺀ ﺍﻧﻮﺍﻉ ﺍﻟﻮﺩﺍﻉ ﺍﺭﻳﺪ ﺍﻧﻬﺰﻡ ﻭﺗﻐﺮﺏ ﺍﻟﻐﻴﺮ ﻭﻃﻦ ﻣﺎﺍﺷﻮﻑ ﺭﻭﺣﻲ ﺍﻟﻪ ﺑﻲ
ﻭﺍﺣﻀﻦ ﺍﺧﺘﻲ ﻏﺮﻭﻣﻪ ﻭﺍﺑﺠﻲ ﻣﻨﺎ ﻟﻤﻦ ﺗﺘﻮﻛﻒ ﺃﻧﻔﺎﺳﻲ
ﻣﺸﻴﺖ ﺧﻄﻮﺗﻴﻦ ﺑﺨﻮﻑ ﻭﺭﻋﺐ ﻫﻤﺴﺖ ﺑﻨﺤﻴﺐ ... ﻭﻳﻨﺞ ﻏﺮﻭﻣﻪ ﻓﺎﻗﺪﺗﺞ ﺍﺭﻳﺪ ﺍﺷﻜﻴﻠﺞ ﻣﺸﺘﺎﮔﻪ ﺍﻟﺮﻳﺤﺘﺞ ...
ﺍﻧﻪ ﺟﺎﺍﻱ ﺍﻣﻮﺕ ﺍﺧﺬﻳﻨﻲ ﻳﻤﺞ ﺍﺩﻋﻴﻠﻲ ...
ﺟﻨﺖ ﺍﺗﻠﻔﺖ ﺑﻨﻬﻴﺎﺭ ﺣﺴﻴﺖ ﺷﺊ ﻓﺎﺕ ﻣﻦ ﻳﻤﻲ ﺻﺮﺧﺖ ﺑﺼﻮﺕ ﻋﺎﻟﻲ
ﺟﺎﻥ ﺟﺮﻳﺬﻱ ﺍﺳﻮﻭﺩ ﺿﻠﻴﺖ ﺍﻧﻜﺖ ﺑﻤﻼﺑﺴﻲ ﻭﺍﺭﻋﺶ ...
ﻛﻤﻠﺖ ﺧﻄﻮﺍﺗﻲ ﺑﻴﺄﺱ ﻭﺍﻧﻲ ﻧﺎﺳﻴﻪ ﻭﻳﻦ ﻳﺼﻴﺮﻭﻥ ﺑﻴﺖ ﻋﻤﻲ ﻫﻢ ﺻﺢ ﻗﺮﻳﺒﻴﻦ ﺑﺲ ﻣﺎﺍﻧﺪﻟﻬﻢ
ﻋﺒﻦ ﺷﻨﻬﻲ ﻛﻠﻪ ﻧﺮﻭﺡ ﺑﺎﻟﺴﻴﺎﺭﻩ ﺍﻟﻬﻢ ...
ﻭﺻﻠﺖ ﻟﻨﻬﺎﻳﺔ ﺍﻟﻔﺮﻉ ﻭﻣﺎﺍﺷﻮﻑ ﺍﻟﻪ ﻭﺍﺣﺪ ﺿﺮﺏ ﻛﻠﻮﺏ ﺍﻟﺴﻴﺎﺭﻩ ﻋﻠﻴﻪ ...
ﻟﻤﻴﺖ ﻧﻔﺴﻲ ﺑﺨﻮﻭﻑ ﻭﻧﺰﻟﺖ ﺭﺍﺳﻲ ﻭﻛﻤﻠﺖ ﻃﺮﻳﻘﻲ ...
ﺳﻮﻳﺖ ﻧﻔﺴﻲ ﺍﻧﻲ ﻣﺨﺎﻳﻔﻪ ﻭﻃﺎﻟﻌﻪ ﺑﻌﻠﻢ ﺍﻫﻠﻲ ...
ﻫﻮ ﻧﺰﻝ ﻣﻦ ﺳﻴﺎﺭﺗﻪ ... ﻭﻣﺸﺊ ﺑﺴﺮﻋﻪ
ﻭﺍﻧﻲ ﺳﺮﻋﺖ ﺑﻤﺸﻴﺘﻲ ﻭﺭﻛﻀﺖ ...
ﻣﺎﺍﺷﻮﻑ ﺍﻟﻪ ﺳﺤﺒﻨﻲ ﻣﻦ ﻋﺒﺎﺗﻲ ﻭﺟﺮﺍﻧﻲ ﺣﻴﻴﻴﻞ ...
ﺻﺮﺧﺖ ﺑﺨﻮﻭﻑ ﻭﺑﻜﺎﺀ ... ﻓﺪﻭﻭﻩ ﺍﻟﻠﻪ ﻳﺨﻠﻲ ﺟﻬﺎﻟﻚ ﻋﻮﻓﻨﻲ ﺍﻧﻪ ﺭﺍﻳﺤﻪ ﻟﺒﻴﺖ ﻋﻤﻲ ...
ﻫﻮ ﺭﺩ ﺑﻘﺴﻮﻩ ... ﺍﻟﺒﻴﺖ ﻋﻤﺞ ﻳﺎ ﺍﺩﺏ ﺳﺰ
ﻓﺘﺤﺖ ﻋﻴﻮﻧﻲ ﻳﻤﻪ ﻫﺬﺍ ﺍﻟﺼﻮﺕ ﺍﻋﺮﻓﻨﻪ ...
ﺟﻨﺖ ﻣﻐﻤﻀﻪ ﻋﻴﻮﻧﻲ ﻭﻣﻨﻄﻴﺘﻪ ﺿﻬﺮﻱ ﻻﺯﻛﻪ ﺭﻭﺣﻲ ﺑﺎﻟﺤﺎﻳﻂ ﻫﻮ ﺩﺍﺭﻧﻲ ﻋﻠﻴﻪ ﺑﻘﺴﻮﺓ ﺭﻓﻊ ﺍﻳﺪﻩ ﻭﺿﺮﺑﻨﻲ ...
ﺑﺲ ﻣﺎﺍﺟﺖ ﺑﻮﺟﻬﻲ ﺍﺟﺖ ﻋﻠﺊ ﺍﺫﺍﻧﻲ ﺣﺴﻴﺖ ﻓﻘﺪﺕ ﺍﻟﺴﻤﻊ
ﺿﻠﻴﺖ ﻣﺎﺍﺳﻤﻊ ...
ﺟﺮﻧﻲ ﺣﻴﻴﻞ ﻣﻦ ﺣﺠﺎﺑﻲ ﻭﻋﻴﻮﻧﻪ ﺗﺠﺪﺡ ﻭﺷﺎﺩ ﻋﻠﺊ ﺷﻔﺎﻳﻔﻪ
ﻓﺘﺤﺖ ﻋﻴﻮﻧﻲ ﺑﺮﻋﺐ ﺟﺎﻭﺑﺘﻪ ﺑﻨﺤﻴﺐ ... ﺍﻟﻤﻨﺬﺭ
ﺟﺎﻭﺑﻨﻲ ﺑﻘﻤﺔ ﻏﻀﺒﻪ ﻭﻋﺼﺒﻴﺘﻪ ... ﺍﻧﻌﻞ ﺍﺑﻮﻭﺝ ﻳﺎ ﺍﺑﻮ ﺍﻟﻌﺮﻓﻨﻲ ﺑﻴﺞ ....
ﺳﺤﺒﻨﻲ ﻣﻦ ﺍﻳﺪﻱ ﻭﻫﻮ ﻳﺴﺐ ﺑﻜﻼﻡ ﻣﺎ ﻋﺮﻓﺖ ﻣﻌﻨﺎﻩ ﺍﻭﻝ ﻣﺮﻩ ﺍﺳﻤﻊ ﻫﻴﺞ ﻏﻠﻂ ...
ﺟﻨﺖ ﻋﺒﺎﻟﻲ ﺭﺍﺡ ﻳﺮﺟﻌﻨﻲ ﻟﻠﺒﻴﺖ
ﺑﺴﺮﻋﻪ ﺩﻓﻌﻨﻲ ﺩﺍﺧﻞ ﺍﻟﺴﻴﺎﺭﻩ ﻭﺭﻛﺐ ﻗﻔﻞ ﺍﻟﺒﺎﺏ ﺑﻜﻞ ﻋﺼﺒﻴﻪ ﺣﺴﻴﺖ ﺍﻟﺴﻴﺎﺭﺓ ﺗﻜﺴﺮﺕ ....
ﺧﻔﺖ ﺣﻴﻞ ﻣﺴﺪﺳﻪ ﺑﺤﺰﺍﻣﻪ ﻭﻭﺟﻪ ﻣﺎ ﻳﻄﻤﻦ
ﻛﻠﺖ ﺧﻠﺺ ﺭﺍﺡ ﺍﻣﻮﺗﻦ ﻳﻄﻜﻨﻲ ﻃﻠﻘﻪ ﻭﻳﻜﻠﻬﻢ ﺍﻧﻬﺰﻣﺖ
ﻭﺍﺻﻴﺮﻥ ﻋﺎﺭ ﻋﻠﻰ ﺍﻫﻠﻲ ...
ﻟﺰﻣﺘﻪ ﻣﻦ ﺍﻳﺪﻩ ﻭﺍﻧﻪ ﺍﺗﻮﺳﻞ ﺑﻲ ... ﻓﺪﻭﻭﻩ ﻣﻨﺬﺭ ﺑﺮﻭﺡ ﺍﺑﻮﻭﻙ ﺍﻧﺖ ﻭﻳﻦ ﻣﺎﺧﺬﻧﻲ ﺍﻧﻪ ﻭﺍﻟﻠﻪ ﺍﺭﻳﺪﻥ ﺍﺭﻭﺣﻦ ﺍﻟﺒﻴﺖ ﻋﻤﻲ ...
ﻋﺒﻦ ﺷﻨﻬﻲ ﺿﺎﻳﺠﻪ
ﻫﻮ ﺑﺎﻭﻋﻠﻲ ﺑﺤﺪﻩ ﻭﻧﻈﺮﺍﺗﻪ ﺗﺨﺘﺮﻗﻨﻲ ... ﺍﻟﻴﻮﻡ ﺍﺩﻓﻨﺞ ﺍﻧﺘﻲ ﻭﻋﻤﺞ ...
ﺻﺮﺧﺖ ﺑﺨﻮﻭﻑ ... ﺍﻧﺖ ﻣﻮﺵ ﺍﻟﻤﻨﺬﺭ ﺍﻻﺣﺒﻪ ﺍﻧﺖ ﻣﻮﺵ ﻧﺬﺭﻱ ﺫﺍﻙ ﺍﻻﺳﺪ ﺍﻧﻪ ﺍﺧﺎﻑ ﻣﻨﻚ ...
ﺿﻠﺖ ﺍﺗﻮﺳﻞ ﺑﻲ ﻭﺍﺑﻮﺱ ﺑﻴﺪﻩ ﻭﻫﻮ ﻭﻻ ﻛﺄﻥ ﺍﺗﻮﺳﻞ ﺑﻲ
ﻭﺻﻠﻨﻪ ﺍﻟﻤﻜﺎﻥ ﻣﻀﻠﻢ ﻫﺎﺩﺉ ﻣﻬﺠﻮﺭ ...
ﻓﺘﺢ ﺑﺎﺏ ﺍﻟﺴﻴﺎﺭﺓ ﻭﻧﺰﻝ ...
ﻭﺍﺟﻪ ﻳﻢ ﺍﻟﺒﺎﺏ ﺍﻟﺠﻨﺖ ﻛﺎﻋﺪﻩ ﺑﻲ ﺳﺤﺒﻨﻲ ﻣﻦ ﺍﻳﺪﻱ ﻭﺍﻧﻲ ﻟﺰﻣﺖ ﺑﺎﻟﺴﺘﻴﺮﻥ ...
ﻭﺍﺑﺠﻲ ﻭﺍﺗﻮﺳﻞ ﺑﻲ ﻣﺎﺍﺭﻳﺪ ﺍﻧﺰﻝ ...
ﺣﺴﻴﺖ ﺍﻳﺪﻱ ﺍﻧﺨﻠﻌﺖ ﻣﻦ ﺍﻟﺠﺮ ﻭﺍﻟﻌﺖ ...
ﻧﺰﻟﺖ ﻭﺭﺍﻩ ﻭﻫﻮ ﺳﺤﺒﻨﻲ ﻭﺍﻧﻲ ﺍﺭﻛﺾ ﻭﺭﺍﻩ ﻻﻥ ﻫﻮ ﺳﺮﻳﻊ ﺑﻤﺸﻴﺘﻪ ....
ﺿﺮﺑﺘﻪ ﺑﻴﺪﻱ ﻋﻠﺊ ﺿﻬﺮﻩ ﺑﺲ ﺟﺎﻧﺖ ﺿﺮﺑﺎﺗﻲ ﻣﻮﺵ ﻛﻔﻴﻠﻪ ﺑﺨﻼﺻﻲ ﻣﻨﻪ ....
ﺳﺤﺒﻨﻲ ﻓﺘﺢ ﺍﻟﺒﺎﺏ ﻭﺷﻤﺮﻧﻲ ﺑﺎﻟﺒﻴﺖ
ﺟﺎﻥ ﺑﻴﺖ ﻣﺘﻮﺳﻂ ﻭﻣﺘﺮﻭﻙ ﺭﻏﻢ ﻣﺎﺛﺚ ﻭﺣﻠﻮﻭ
ﺑﺲ ﻣﺘﺮﺏ ...
ﻫﻮ ﺗﻘﺮﺏ ﻣﻨﻲ ﻭﺍﻧﻲ ﺭﺟﻌﺖ ﺧﻄﻮﺍﺕ ﭼﺒﻴﺮﻩ ﻭﺭﺟﻠﻴﻪ ﺗﺮﻋﺶ ﻣﻦ ﺍﻟﺨﻮﻭﻑ ....
ﻫﻮ ﺟﺎﻥ ﻋﺎﻗﺪ ﺣﻮﺍﺟﺒﻪ ﻭﻋﻴﻮﻧﻪ ﺣﻤﺮ ﻳﺨﻮﻓﻦ ﻭﻳﺠﺪﺣﻦ ....
ﺳﺤﺒﻨﻲ ﺿﺮﺑﺖ ﺑﺼﺪﺭﻩ ﻧﺰﻟﺖ ﺭﺍﺳﻲ ﺑﺎﻟﻢ
ﻫﻮ ﺣﻂ ﺍﻳﺪﻩ ﻋﻠﺊ ﺟﺘﻔﻲ ﺻﺎﺭ ﺭﺍﺳﻲ ﺑﻴﻦ ﻋﻀﺪﻩ ﻭﺻﺪﺭﻩ ﻫﻤﺲ ﺑﺼﻮﺕ ﺧﺎﻓﺖ ... ﻭﻳﻦ ﺍﻟﻠﻪ ﻭﻳﺎﺝ؟
ﺑﻠﻌﺖ ﺭﻳﻜﻲ ﺑﺨﻮﻑ ... ﺭﺩﺕ ﺍﺭﻭﺣﻦ ﺍﻟﺒﻴﺖ ﻋﻤﻲ ﻋﺒﻦ ﺍﺭﻳﺪﻥ ﺍﺗﻄﻠﻚ
ﺭﻓﻊ ﺭﺍﺳﻲ ﺑﺎﺍﺻﺎﺑﻌﻪ ﺑﻘﺴﻮﻩ ﻭﺭﺩ ﺑﻔﺤﻴﺢ ... ﺗﺮﺩﻳﻦ ﺗﻄﻠﻜﻴﻦ ﻟﺞ ﺯﻣﺎﻟﻪ ...
ﻫﺰﻳﺖ ﺭﺍﺳﻲ ... ﺑﺄﻱ
ﻟﺰﻡ ﺣﺠﺎﺑﻲ ﻭﺷﻤﺮﻩ ﻭﺷﻤﺮ ﺍﻟﻌﺒﺎﻳﻪ ﻭﺻﺮﺥ ﺑﻮﺟﻬﻲ ... ﻟﻮ ﺗﻤﻮﺗﻴﻦ ﻭﺗﻌﻴﺸﻴﻦ ﻭﺗﺮﺟﻌﻴﻦ ﺗﻤﻮﺗﻴﻦ ﻣﺎﺍﻃﻠﻜﺞ
ﻭﺍﻟﻠﻪ ﺍﺗﺰﻭﺝ ﻋﻠﻴﺞ ﻭﺍﺧﻠﻴﺞ ﻣﻌﻠﻜﻪ ﻻ ﺍﻧﺘﻲ ﻣﻄﻠﻜﻪ ﻭﻻ ﺍﻧﺘﻲ ﻣﺘﺰﻭﺟﻪ ...
ﻟﺞ ﺣﻘﻴﺮﻩ ﺗﺮﺩﻳﻦ ﺗﻨﻬﺰﻣﻴﻦ ﻣﻨﻲ ﺭﺍﻳﺤﻪ ﻟﺒﻴﺖ ﻋﻤﺞ ﺗﺎﻟﻲ ﺍﻟﻴﻞ
ﺍﻧﺘﻲ ﻏﺒﻴﻪ ﻛﻠﺸﻲ،ﻣﺎ ﺗﻨﺪﻟﻴﻦ ﺑﺎﻟﻠﻪ ﺿﻌﺘﻲ ﺧﻄﻔﺞ ﻭﺍﺣﺪ
ﺷﻜﻮﻝ ﺷﺤﺠﻲ ﺗﺮﺩﻳﻦ ﺗﻨﺰﻟﻴﻦ ﺭﺍﺳﻲ
ﻳﻜﻮﻟﻮﻥ ﺍﻟﻤﻨﺬﺭ ﻣﺎ ﺣﻔﻆ ﻋﺮﺿﻪ ﺗﺮﺩﻳﻦ ﺗﻠﺒﺴﻴﻨﻲ ﻋﺎﺭ ﻓﻮﻙ ﻋﺎﺭ ﻧﻴﺮﺍﻥ ...
ﺷﺴﻮﻳﻠﺞ ﺍﺫﺑﺤﺞ ﺍﻧﺘﻘﻢ ﻣﻨﺞ ...
ﺷﻠﻮﻥ ﺗﺘﺠﺮﺋﻴﻦ ﻭﺗﻄﻠﻌﻴﻦ ﺑﺪﻭﻥ ﻋﻠﻤﻲ ...
ﻧﺰﻟﺘﻲ ﻣﻦ ﻋﻴﻨﻲ ﺷﻜﺪ ﻣﺎ ﺟﻨﺘﻲ ﻛﺒﻴﺮﻩ ﺻﻐﺮﺗﻲ ...
ﺻﺮﺗﻲ ﺑﻜﺪ ﺍﻟﺤﺸﺮﻩ
ﺟﺎﻥ ﻳﺤﺠﻲ ﺑﺄﻟﻢ ﻭﻛﺎﻥ ﺷﺨﺺ ﻓﺎﻗﺪ ﺍﻟﺜﻘﻪ ﺑﺎﺣﺒﺎﺑﻪ ...
ﻛﻌﺪ ﻋﻠﺊ ﺍﻟﺘﺨﻢ ﻭﺣﻂ ﺭﺍﺳﻪ ﺑﻴﻦ ﻛﻔﻮﻓﻪ ﻫﻤﺲ ﺑﺎﺍﻧﺠﺮﺍﺡ ... ﺗﺮﺩﻳﻦ ﺗﺰﻋﻠﻴﻦ ﺍﺯﻋﻠﻲ ﺗﺮﺩﻳﻦ ﺗﺮﺣﻴﻦ ﻻﻫﻠﺞ ﻛﻠﻴﻠﻲ ﺍﻧﻲ ﺍﺧﺬﺝ
ﻣﻮ ﺗﻨﻬﺰﻣﻴﻦ ﺑﻨﺺ ﺍﻟﻴﺎﻟﻲ ﻭﺍﻧﺘﻲ ﻣﺎ ﺗﻨﺪﻟﻴﻦ
ﺑﻴﻨﺘﻲ ﺍﻟﻲ ﺍﻧﺘﻲ ﺍﻛﺒﺮ ﺻﻠﻔﻪ ﻭﻭﻛﺤﻪ
ﻻﻥ ﺍﻟﺘﺴﻮﻱ ﺳﻮﺍﻳﺘﺞ ﻣﻮ ﻋﺎﻗﻠﻪ ﻭﻻ ﺷﺮﻳﻔﻪ
ﻭﻛﻔﺖ ﻣﻔﺰﻭﻋﻪ ﻣﺠﺮﻭﺣﻪ ﻣﻦ ﻛﻼﻣﻪ ﺟﺎﻭﺑﺘﻪ ﺑﺒﻜﺎﺀ ﻭﺍﻧﻬﻴﺎﺭ .... ﻳﺎﻟﻪ ﺍﻧﻪ ﺍﺷﺮﻑ ﻣﻦ ﺍﻟﺸﺮﻑ
ﺍﻧﻪ ﻋﻤﺮﻱ ﻣﺎ ﻃﻠﻌﺖ ﻣﻦ ﻏﻠﻄﻪ ﺗﺨﺺ ﺍﻟﺸﺮﻑ ﻣﻮﺵ ﻋﻠﺊ ﻣﻮﺩﻙ ﻭﻻ ﺍﻟﺨﺎﻃﺮ ﻭﺍﺣﺪ
ﺑﺲ ﺍﻧﻪ ﻣﻌﺎﻫﺪﻩ ﺭﺑﻲ ﻣﺎ ﺍﻏﻠﻂ
ﺍﻧﻪ ﺍﺻﻮﻣﻦ ﻭﺍﺻﻠﻲ ﻣﺴﺘﺤﻴﻞ ﺍﺷﻮﻑ ﺍﻟﻐﻠﻂ ﻭﺍﺳﻮﻱ
ﺭﻓﻊ ﺭﺍﺳﻪ ﺑﺬﻫﻮﻝ ... ﻭﻃﻠﻌﺖ ﻧﺺ ﻣﻦ ﺍﻟﻴﻞ ﺷﺴﻤﻴﻨﻬﺎ ﻫﺎﺍ ﺷﺴﻤﻴﻨﻬﺎ ...
ﺑﻠﻌﺖ ﺭﻳﻜﻲ ﻭﺍﻧﻪ ﺍﺷﻬﻚ .... ﻣﺎﺍﺩﺭﻱ ﺗﻌﺒﺖ ﺧﻠﺼﺖ ﻃﺎﻗﺘﻲ
ﺍﻧﺖ ﻣﻮﺵ ﺫﺍﻙ ﺍﻟﻤﻨﺬﺭ ﺍﻻﺣﺒﻪ ﺍﻧﺖ ﺗﻐﻴﺮﺕ ﺣﻴﻴﻞ ﻣﻦ ﺗﺰﻭﺝ ﻣﺆﻳﺪ ﻟﺤﺪ ﻫﺴﻪ ﻭﺍﻧﺖ ﻣﺘﻐﻴﺮ
ﻛﺎﻝ ﺑﻌﺼﺒﻴﺔ ... ﻻ ﺗﺘﻬﻤﻴﻨﻲ ﺑﺎﻟﺪﻛﺘﺎﺗﻮﺭﻳﻪ
ﺍﻧﻲ ﻣﻤﺘﻐﻴﺮ ﺑﺲ ﺍﻧﺘﻲ ﺗﺘﺤﺴﺴﻴﻦ ﻭﺗﺨﻠﻘﻴﻦ ﻣﺸﺎﻛﻞ ﻭﻋﻘﻠﺞ ﺍﻟﺒﺎﻃﻨﻲ ﻳﺼﻮﺭﻟﺞ ﺍﺷﻴﺎﺀ ﺧﻄﺄ
ﺟﺮﻳﺖ ﻧﻔﺲ ﻣﺸﻬﻮﮒ ... ﻳﺎﻟﻪ ﺍﻧﺖ ﻣﺜﻞ ﻣﺎ ﻛﻠﺖ ﻛﺘﺎﺍﺗﻮﺭﻱ ... ‏« ﺩﻛﺘﺎﺗﻮﺭﻱ ‏»
ﺗﺤﺐ ﺗﻀﻠﻤﻨﻲ ﻭﺗﻔﻀﻞ ﺍﻣﻬﺎﺕ ﺍﻟﻮﺻﺦ ﻋﻠﻴﻪ
ﺷﻨﻬﻲ ﺑﻴﻤﻦ ﺑﺸﻴﺮﻩ ﺍﺣﻠﺊ ﻣﻨﻲ ﻭﺑﻴﻦ ﺍﺭﺗﺐ ﻣﻨﻲ
ﻟﻴﺶ ﺗﻀﺤﻚ ﻭﻳﺎﻫﺎ ﻭﺍﻧﻪ ﻣﻄﻨﺸﻨﻲ ﺷﻨﻬﻲ ﺍﻧﻪ ﺗﻌﻼﻛﻪ ﺑﻜﻨﺘﻮﺭﻙ ...
ﺷﻮﻛﺖ ﻣﺎ ﺍﺭﻳﺪ ﺗﻌﻠﻚ ﻋﻠﻴﻬﺎ ﻫﺪﻭﻣﻚ ...
ﻫﻮ ﻣﺴﺢ ﻋﻠﺊ ﻭﺟﻪ ﺑﻌﺼﺒﻴﺔ ﻭﺣﺎﻭﻝ ﻳﻀﺒﻂ ﺍﻧﻔﺎﺳﻪ ... ﺍﻧﺘﻲ ﺗﺪﺭﻳﻦ ﺟﺎﻱ ﺗﺰﺭﻋﻴﻬﺎ ﺑﻌﻘﻠﻲ
ﺟﺎﻭﺑﺘﻪ ﺑﺒﻜﺎﺀ ... ﻫﺎﺍﺍ ﻫﺎﺍﺍ ﺗﺤﺒﻬﺎ ﻋﺮﻓﺘﻚ
ﻳﺎﻟﻠﻪ ﻃﻠﻜﻨﻲ ﻭﺍﻧﻪ ﺍﺷﻜﺮﻙ ﺗﻌﺮﻓﺖ ﻋﻠﻴﻚ ﺟﻨﺖ ﺧﻮﻭﺵ ﺭﺟﺎﻝ
ﺻﺤﻴﺢ ﺗﻄﻚ ﻭﺗﻜﺘﻞ ﺑﺲ ﻣﺎ ﺍﻧﺴﺊ ﻓﻀﻠﻚ ﺷﻜﺮﺍ
ﻫﻮ ﺑﻠﻞ ﺷﻔﺘﻪ ﻭﻋﻀﻬﺎ ﺑﻌﺪﻡ ﺭﺿﺎ ﺟﺎﻭﺏ ﺑﻬﺪﻭﺀ ... ﺷﻜﺪ ﺷﺎﻳﻒ ﺣﻤﺎﺭﺍﺕ ﻣﺜﻠﺞ ﺣﻤﺎﺭﻩ ﻣﺸﻔﺖ
ﺟﺎﻭﺑﺘﻪ ﺑﻌﺒﺮﻩ ... ﺷﻔﺖ ﺟﻨﺖ ﺩﻛﻠﻲ ﺍﻧﺘﻲ ﻏﺰﺍﻟﻪ ﺍﻧﺘﻲ ﻭﺭﺩﻩ ﻭﺍﻧﺘﻲ ﺍﻭﻝ ﺍﻟﺼﺒﺢ
ﻭﻫﺴﻪ ﺩﻛﻠﻲ ﺣﻤﺎﺭﻩ ﺷﻔﺖ ﺷﻠﻮﻥ ﺗﻐﻴﺮﺕ ﺍﻧﺖ ﻣﺎ ﺗﺤﺲ ﺑﺮﻭﺣﻚ ﺑﺲ ﺍﻧﻪ ﺍﺗﺤﺴﺲ ...
ﺟﺮ ﻧﻔﺲ ﻛﺎﻝ ... ﻟﺞ ﺑﺎﺑﺎ ﻣﺎﻋﻨﺪﻱ ﺷﺊ ﻭﻳﻪ ﺑﺸﺮﺉ ﻭﻻ ﺍﻱ ﻭﺣﺪﻩ ﺍﻧﺖ ﺟﺎﻱ ﺗﺨﻠﻘﻴﻦ ﻣﺸﺎﻛﻞ ﻟﻨﻔﺴﺞ
ﻭﻣﺤﺪ ﻳﺘﻀﺮﺭ ﻏﻴﺮﺝ ﺷﻮﻓﻲ ﺟﺴﻤﺞ ﺗﻌﺐ ﻭﺭﺍﺣﺖ ﺭﻭﺣﺞ
ﺑﺎﻋﻲ ﻭﺟﻬﺞ ﺷﻠﻮﻥ ﻋﻴﻮﻧﺞ ﻣﺤﻮﺭﻩ ﻭﻭﺟﻬﺞ ﺍﺻﻔﺮ
ﻟﻴﺶ ﻫﻴﺞ ﺗﺎﻛﻠﻴﻦ ﺑﺮﻭﺣﺞ ﻟﻴﺶ ﺗﻐﺎﺭﻳﻦ ﺍﻟﻐﻴﺮﻩ ﻣﻮ ﺣﻠﻮﻩ
ﺟﺎﻱ ﺗﺎﺫﻳﻨﻲ ﻭﺗﺎﺫﻳﻦ ﻧﻔﺴﺞ
ﻟﺤﺪ ﺍﻻﻥ ﻣﻤﺴﺘﻮﻋﺐ ﻃﻠﻌﺖ ﻣﻦ ﺍﻟﺒﻴﺖ ﻧﺺ ﺍﻟﻴﻞ ﺍﻧﻲ ﻟﻮ ﻣﺠﺎﻱ ﻭﻻﻛﻴﺞ
ﺟﺎﻥ ﻫﺴﻪ ﺍﻟﻠﻪ ﺍﻋﻠﻢ ﺍﻧﺘﻲ ﺑﺄﻱ ﺍﺭﺽ ....
ﺗﻘﺮﺏ ﻣﻨﻲ ﻭﻫﻤﺲ ﺑﺤﻨﺎﻥ ... ﻣﻨﺎﺭﻱ ﻳﺮﻭﺣﻲ ﻻ ﺗﺨﻠﻴﻦ ﻧﺎﺭ ﺍﻟﻐﻴﺮﻩ ﺗﺤﺮﮔﺞ ...
ﺭﺟﻔﺖ ﻣﻦ ﻛﻼﻣﻪ ﻭﺷﻬﻜﺎﺗﻲ ﻭﺩﺭﺕ ﻭﺟﻬﻲ ... ﻣﺎ ﺍﻧﺴﺊ ﺷﻠﻮﻥ ﺿﺮﺑﺘﻨﻲ
ﺍﻟﺨﺎﻃﺮ ﺑﺸﻴﺮﻩ ﺍﻡ ﻋﻄﻮﺏ ﻭﺣﻨﻴﻨﻪ ﺍﻟﺴﻌﺪﺍﻧﻪ ...
ﺟﺮ ﻧﻔﺊ ﻗﻮﻭﻱ ﻭ ﺯﻓﺮﻩ .... ﻟﺞ ﻳﻜﻠﺒﻲ ﻛﻠﻤﺘﺞ ﺟﺎﻧﺖ ﻗﺎﺳﻴﻪ ﻣﺎ ﺗﺤﻤﻠﺘﻬﺎ ...
ﺩﺭﺕ ﻭﺟﻬﻲ ﻋﻠﻴﻪ ﻭﺳﺎﻟﺘﻪ ﺑﺬﻫﻮﻝ ... ﻭﻫﻴﺞ ﺗﻀﺮﺑﻨﻲ ﻣﺎ ﺧﻔﺖ ﺍﻣﻮﺗﻦ ﺑﻴﺪﻙ ...
ﺍﻧﺖ ﺷﺎﻳﻒ ﺍﻳﺪﻙ ﺍﻟﻠﻪ ﻳﺴﻠﻤﻚ ﺍﻛﺒﺮ ﻣﻦ ﺍﻳﺪ ﺻﻠﻒ ﺑﻌﺸﺮ ﻗﺎﻃﺎﺕ ...
ﻫﻮ ﺍﺑﺘﺴﻢ ﺑﻬﺪﻭﺀ ...
ﺍﻧﻘﻬﺮﺕ ﻳﻀﺤﻚ ﺣﺴﻴﻦ ﻓﻬﻤﻲ ...
ﻭﻛﻔﺖ ﻣﻘﺎﺑﻴﻠﻪ ﻭﻧﺰﻟﺖ ﺛﻮﺑﻲ ﻣﻦ ﺟﺘﻔﻲ ﺟﺎﻧﺖ ﻣﻦ ﻧﺎﺣﻴﺔ ﺟﺘﻔﻲ ﺍﺯﺭﻙ ﻭﺻﺎﻳﺮ ﺑﻨﻔﺴﺠﻲ ...
ﻛﺘﻠﻪ ﺑﻘﻬﺮ ... ﺷﻮﻑ ﺷﻮﻑ ﺷﻠﻮﻥ ﺿﺮﺑﻚ ﻳﻮﺟﻊ ﻭﺍﻟﻠﻪ ﺍﺫﺍ ﺭﺍﺡ ﺍﻻﺛﺮ ﻣﻦ ﮔﻠﺒﻲ ﻣﺎ ﻳﺮﻭﺡ ...
ﻫﻮ ﺍﺣﺘﻀﻦ ﺧﺼﺮﻱ ﻭﺣﻂ ﺭﺍﺳﻪ ﻋﻠﺊ ﺑﻄﻨﻲ ﺭﻣﺸﺖ ﺑﻌﻴﻮﻧﻲ ﻭﺧﺠﻠﺖ ﺣﻴﻴﻞ ....
ﺩﻓﺘﻌﻪ ﻭﻫﻮ ﻭﻛﻒ ﻧﺰﻝ ﺍﻟﺜﻮﺏ ﻣﻦ ﺟﺘﻔﻲ ﻭﺑﺎﺱ ﺍﻟﻀﺮﺑﻪ
ﻫﻤﺲ ... ﺍﻭﻭﻭﻑ ﻻﺑﺴﻪ ﺳﻤﺎﺋﻲ ﻭﺣﺮﻣﺘﻨﻲ ﻭﺍﻟﻠﻪ ﺍﻧﺘﻲ ﻛﺘﻠﺞ ﺣﻼﻝ
ﺩﻓﻌﺘﻪ ﻭﺭﺩﻳﺖ ... ﺷﻔﺖ ﻣﺎ ﻳﻬﻤﻚ ﺑﺲ ﺟﺴﻤﻲ ﺍﻧﻪ ﻣﺎﺍﺣﺒﻨﻚ
ﻫﻮ ﻣﺴﺢ ﻭﺟﻪ ﻭﻫﺰ ﺭﺍﺳﻪ ... ﻭﻟﺞ ﺑﺎﺑﺎ ﺍﺣﺒﺒﺒﺒﺞ ﺍﻣﻮﺕ ﻋﻠﻴﺞ ﻟﻮ ﻣﺎﺍﺣﺒﺞ ﻣﺎ ﺗﺰﻭﺟﺖ
ﺑﺲ ﻣﺪﺍﻡ ﻫﻴﺞ ﺻﺎﻳﺮﻩ ﻣﺨﺒﻠﻪ ﻻﺯﻡ ﻧﻠﮕﻪ ﺣﻞ
ﺟﺎﻭﺑﺘﻪ ... ﺍﻱ ﺧﻮﻭﻭﺵ ﻃﻠﻜﻨﻲ
ﻛﺎﻝ ... ﺧﻠﺼﻲ ﺍﻣﺘﺤﺎﻧﺎﺕ ﻭﻟﻜﻞ ﺣﺎﺩﺙ ﺣﺪﻳﺚ
ﺍﻧﻘﻬﺮﺕ ﻣﻦ ﻛﻼﻣﻪ ... ﻫﺎﺍﺍ ﺧﻮﻭﺵ ﻋﻮﺩ ﺗﺰﻭﺝ ﺑﺸﻴﺮﻩ ﺭﻭﺟﻴﻦ ﻭﻟﻮ ﺗﺰﻭﺝ ﺣﻴﺤﻮ ﺍﺣﺴﻦ
ﺭﺩ ﺑﺠﻤﻮﺩ ... ﺑﻜﻴﻔﻲ ﺍﻧﻲ ﺍﺧﺘﺎﺭ ﻣﻮ ﺍﻧﺘﻲ ﺍﺗﻘﺮﺭﻳﻦ
ﺭﺩﻳﺖ ﺑﻐﺮﻭﺭ ... ﻳﺎﻟﻪ ﺍﺻﻼ ﺷﻌﻠﻴﻪ ﺑﻴﻚ ﺍﺧﺮ ﻫﻤﻲ ﺍﻧﻪ ﻫﻢ ﺍﻟﺘﻬﻲ ﺑﺮﻭﺣﻲ ﻗﺎﺑﻞ ﺍﺿﻠﻦ ﻋﺎﻧﺲ ...
ﺍﺷﻮﻓﻦ ﺍﺑﻦ ﺍﻟﺒﺪﻭﻱ ﺑﻠﻜﻲ ﺑﻌﺪﻩ ﻣﺎ ﻣﺘﺰﻭﺝ ﻭﺍﺭﻭﺣﻦ ﺍﺗﺰﻭﺟﻪ ...
ﻫﻮ ﺳﺤﺒﻨﻲ ﺣﺴﻴﺖ ﺿﻬﺮﻱ ﺍﻧﻜﺴﺮ ﺑﻴﻦ ﺍﺩﻳﻪ ﻛﺎﻝ ... ﺍﻫﻮﻭﻭﻭﻥ
ﻣﺎ ﺭﺩﻳﺖ ﻋﻠﻴﻪ ﻫﻮ ﻣﺎ ﻳﻬﻮﻥ ﺍﺣﺒﺒﺒﻨﻪ ﺣﻴﻴﻞ ﻟﻮ ﻳﻄﻠﻜﻨﻲ ﻣﺎ ﺍﺗﺰﻭﺝ ﻏﻴﺮﻩ ﺑﺲ ﺍﺣﺮﻙ ﺑﻜﻠﺒﻪ
ﺭﺟﻊ ﺳﺌﻞ ﻛﺎﻝ .... ﺍﻫﻮﻭﻭﻥ
ﺟﺎﻭﺑﺘﻪ ﺑﺜﻘﻪ ... ﺍﻟﺮﺧﺼﻨﻲ ﺍﻋﻮﻭﻓﻨﻪ ﺍﻫﻢ ﺷﺊ ﻛﺮﺍﻣﺘﻲ
ﺍﻧﻪ ﻣﻦ ﺑﻌﺪ ﺍﻟﺴﻮﻳﺘﻪ ﻣﻦ ﺍﺷﻮﻓﻨﻚ ﺍﺧﺘﻨﻚ ﺗﺼﻴﺒﻨﻲ ﺟﻠﻄﻪ
ﺳﺮﻓﻦ ﺭﺩﺍﻧﻪ ﻛﺎﻝ ... ﺍﻱ ﺻﺢ ﻫﺎﻱ ﺛﺎﻧﻲ ﻣﺮﻩ ﺗﻌﻴﺪﻳﻬﺎ ﻭﺍﻧﻲ ﻣﺎﺍﻗﻮﻡ ﺑﺎﻟﻮﺍﺟﺐ ﻻﺯﻡ ﺍﺳﻮﻳﻠﺞ ﺗﻨﻔﺲ ﺍﺻﻄﻨﺎﻋﻲ ﺣﺘﺊ ﺗﺮﻭﺡ ﺍﻟﺨﻨﮕﻪ ....
ﺣﻄﻴﺖ ﺍﻳﺪﻱ ﻋﻠﺊ ﺧﺼﺮﻱ ﻭﺍﻧﻪ ﺍﺑﺠﻲ ... ﺗﺘﻤﻨﻪ ﺑﺲ ﺍﻧﺠﻠﻂ ﻭﺍﻣﻮﺗﻦ ﻭﻳﺴﻮﻟﻲ ﺗﻨﻔﺲ ﺍﺻﻄﻨﺎﻋﻲ
ﻭﺍﻟﻠﻪ ﻭﻻ ﺍﺭﻭﺣﻦ ... ﻟﻠﻤﺴﺘﺸﻔﻲ
ﻫﻮ ﺿﺤﻚ ﻛﺎﻝ ... ﻋﻠﻴﻤﻦ ﺭﺍﻳﺤﻪ ﺍﻧﻲ ﻣﻮﺟﻮﺩ ...
ﺭﺟﻊ ﺳﺤﺒﻨﻲ ﻣﻦ ﺧﺼﺮﻱ ﻭﺣﻂ ﺷﻔﺎﻳﻔﻪ ﻋﻠﺊ ﺷﻔﺎﻳﻔﻲ ﺑﺴﺮﻋﻪ ﻭﺩﻗﻪ ...
ﺩﻓﻌﺘﻪ ﻭﺣﺎﻭﻟﺖ ﺍﺧﻠﺺ ﻣﻨﻪ ﺑﺲ ﻣﺎ ﻛﺪﺭﺕ ﻣﻮﺵ ﻫﻮ ﺍﺳﺴﺪ ﺍﺳﺴﺪ
ﻭﺍﻧﻪ ﻣﺴﻜﻴﻨﻪ ﻓﺮﻳﺴﻪ ﺳﻬﻞ ﺍﺻﻄﻴﺎﺩﻱ ﺑﺲ ﻣﻮﺵ ﻣﻦ ﻛﻞ ﻭﺍﺣﺪ ﺑﺲ ﻣﻦ ﻧﺬﺭﻱ ...
ﺩﻓﻌﺘﻪ ﻭﻣﺴﺤﺖ ﺷﻔﺎﻳﻔﻲ
ﻭﻫﻮ ﻳﻜﻮﻝ ﺑﻌﺪ ﻣﺎ ﺿﺤﻚ ﻭﻏﻤﺰﻟﻲ ... ﻫﺎﺍﺍ ﮔﻠﻴﺒﻲ ﺷﻠﻮﻧﻪ ﺍﻟﺘﻨﻔﺲ ﺍﻻﺻﻄﻨﺎﻋﻲ ﻛﻠﻤﺎ ﺗﺨﺘﻨﻜﻴﻦ ﻛﻮﻭﻟﻲ ﻭﺍﺳﻮﻳﻠﺞ
ﺑﺮﺳﻢ ﺍﻟﺨﺪﻣﻪ ﺍﺫﺍ ﻣﻨﻮﺭﻩ ﻣﺎ ﻧﺘﻨﻔﺲ ﺍﻟﻬﺎ ﺍﻟﻤﻦ ﻧﺘﻨﻔﺲ ...
ﻣﺴﺤﺖ ﺩﻣﻮﻋﻲ ﺑﺨﺠﻞ ﻭﺭﺣﺖ ﻟﺒﺴﺖ ﺣﺠﺎﺑﻲ ﻭﻋﺒﺎﺗﻲ
ﺍﺑﻮ ﺍﻟﻨﺴﻮﺍﻥ ﻳﻌﺮﻑ ﺷﻠﻮﻥ ﻳﺄﺛﺮ ﻋﻠﻴﻪ ﺑﺲ ﺍﻧﻪ ﻣﻮﺵ ﺭﺍﺿﻴﻪ ....
ﺟﺎﻭﺑﺘﻪ ... ﻳﺎﻟﻠﻪ ﻭﺩﻋﻴﻨﻲ ﻟﺒﻴﺖ ﻋﻤﻲ
ﺗﻘﺮﺏ ﻣﻨﻲ ﻭﻋﺪﻝ ﻋﺒﺎﺗﻲ ﻭﻫﻤﺲ ... ﺍﺣﺐ ﺍﻟﻌﺒﺎﻳﻪ ﻣﻦ ﺗﻠﺒﺴﻴﻬﺎ ...
ﺭﺩﻳﺖ ﺑﻌﻨﺎﺩ ... ﺍﺧﺬﻧﻲ ﺍﻟﺒﻴﺖ ﻋﻤﻲ
ﻛﺎﻝ ... ﻻ ﺧﻠﺼﻲ ﺍﻣﺘﺤﺎﻧﺎﺕ ﻭﺍﺧﺬﺝ ﺍﻟﺼﻠﻒ ﻭﻣﻦ ﺑﻌﺪﻫﺎ ﻧﻘﺮﺭ
ﺭﺩﻳﺖ ﺑﺜﻘﻪ ... ﺧﻮﻭﺵ ﺍﺧﻠﺺ ﺍﻣﺘﺤﺎﻧﺎﺕ ﻭﻛﻠﻤﻦ ﻳﺮﻭﺡ ﺑﺤﺎﻝ ﺳﺒﻴﻠﻪ
ﻫﺰ ﺭﺍﺳﻪ ﺑﺄﻱ
ﺍﺣﺴﻨﻪ ﻳﺠﺬﺏ ﻋﻠﻴﻪ
ﻭﻛﻌﺖ ﻋﺒﺎﺗﻲ ﻣﻦ ﺭﺍﺳﻲ ﺭﺟﻊ ﻟﺒﺴﻨﻴﻬﺎ ﻭﺭﺗﺒﻬﺎ ﺑﺎﺳﻨﻲ ﺑﺠﺒﻴﻨﻲ ﻭﺑﺬﻭﺑﺎﻥ ... ﻋﺒﺎﺗﺞ ﻋﺸﻘﻲ ...
ﻫﻤﺴﺖ ﺑﺨﺠﻞ .. ﻳﻤﻪ ﻣﻨﻚ ﻣﻮﺵ ﺭﺍﺣﻪ
ﻫﻮ ﺿﺤﻚ ﻭﺳﺤﺒﻨﻲ ....
ﻣﺸﻜﻠﺘﻲ ﺍﻛﺒﺮ ﻭﻛﺢ ﺑﺲ ﻳﻤﺞ ﺍﻧﻲ ﺍﺧﺘﻠﻒ
ﺷﺎﻳﻞ ﺑﺮﺍﺀﺓ ﻧﺒﻲ ...
ﺟﻲ ﺗﻠﺒﺴﻴﻬﺎ ﺑﺨﺠﻞ ﻛﻤﺖ ﺍﻧﻪ ﺍﺣﺐ ﺍﻟﻌﺒﻲ ....
ﺻﻌﺪﻧﻲ ﺑﺎﻟﺴﻴﺎﺭﻩ ﻭﺻﻌﺪ ﺟﺎﻥ ﺍﻟﻮﻗﺖ ﻣﺘﺎﺧﺮ ﺑﺲ ﺍﻟﺤﻤﺪ ﻟﻠﻪ ﺍﻟﺒﻴﺖ ﻣﻮ ﺑﻌﻴﺪ
ﺟﺎﻥ ﺍﻟﺴﻜﻮﺕ ﺳﻴﺪ ﺍﻟﻤﻮﻗﻒ ...
ﺩﺧﻠﻨﻪ ﻟﻠﺒﻴﺖ ...
ﻫﻮ ﻛﺎﻝ ... ﺗﻌﺎﻱ ﻣﺸﺘﺎﻕ ﺍﻟﺪﻻﻟﺞ
ﺭﻓﻌﺖ ﺣﺎﺟﺒﻲ ﻭﺭﺣﺖ ﻧﻤﺖ ﺑﻐﺮﻓﺔ ﻧﻴﺮﺍﻥ ...
ﺍﻭﻝ ﻣﺪﺧﻠﺖ ﺟﺎﻧﺖ ﻧﻴﺮﺍﻥ ﺗﺨﺎﺑﺮ ﺑﺎﻟﺘﻠﻴﻔﻮﻥ ...
ﺍﻭﻝ ﻣﺸﺎﻓﺘﻨﻲ ﻗﻔﻠﺖ ﺍﻟﺘﻠﻴﻔﻮﻥ ... ﺑﺎﺍﺭﺗﺒﺎﻙ ﻭﺧﻮﻑ
ﻛﺎﻟﺖ ﺑﻌﺼﺒﻴﺔ ... ﻫﻮﻭﻭﻱ ﺍﻧﺘﻲ ﻭﻳﻦ ﺟﻨﺘﻲ
ﺩﻭﺭﺕ ﺍﻟﺒﻴﺖ ﻛﻠﻪ ﻋﻠﻴﺞ ﻣﺎﻛﻮﻭﻭ ...
ﺑﻌﺪﻳﻦ ﺷﻔﺖ ﻏﺮﻓﺔ ﻣﻨﺬﺭ ﻣﻔﺘﻮﺡ ﺍﻟﻜﻠﻮﺏ ﻛﻠﺖ ﻳﻢ ﺍﻟﻤﻨﺬﺭ
ﺍﻧﺘﻲ ﻣﺜﻞ ﺍﻟﺒﺰﻭﻥ ﺗﺤﺐ ﺧﻨﺎﻛﻬﺎ ...
ﺷﻤﺮﺕ ﺍﻟﻌﺒﺎﻳﻪ ﺟﺎﻭﺑﺘﻬﺎ ... ﺍﻱ ﻋﻮﻭﺩ ﺭﺩﺕ ﺍﺭﻭﺣﻦ ﺍﻟﺒﻴﺖ ﻋﻤﻲ ﺑﺲ ﻣﺎ ﻗﺒﻞ ﻳﺎﺧﺬﻧﻲ ...
ﻣﻨﺎﺭﺱ ... ﺍﻧﺘﻲ ﺟﻨﺘﻲ ﺗﺨﺎﺑﺮﻳﻦ ﺑﻌﻤﺮ
ﺟﺎﻭﺑﺖ ﺑﺨﻮﻑ ﻭﺍﺭﺗﺒﺎﻙ ... ﺍﻱ ﺍﻱ ﺩﻳﻜﻮﻝ ﺍﻥ ﺷﺎﺀ ﻟﻠﻪ ﻗﺮﻳﺒﺎ ﺍﻟﻌﺮﺱ ...
ﺟﺎﻭﺑﺘﻬﺎ ... ﻫﺎﺍﺍ ﺧﻮﻭﺵ ﻣﺒﺮﻭﻙ
ﺭﺣﺖ ﻧﻤﺖ ﺑﺎﻟﻜﺎﻉ ﻭﻧﻴﺮﺍﻥ ﻋﻠﻰ ﺍﻟﺠﺮﺑﺎﻳﻪ
ﺗﺬﻛﺮﺕ ﻣﻦ ﻛﺎﻝ ... ﻻ ﺗﻠﻮﺛﻴﻦ ﻧﻔﺴﺞ ﺑﻐﻴﺮﺗﺞ ﻭﺗﺘﺼﺮﻓﻴﻦ ﺗﺼﺮﻓﺎﺕ ﻏﻴﺮ ﻋﻘﻼﻧﻴﺔ ...
ﺍﻧﺘﻲ ﺯﻭﺟﻪ ﻣﺜﺎﻟﻴﻪ ﺍﺷﻮﻑ ﺑﻴﺞ ﺑﺮﺍﺀﺓ ﺍﻃﻔﺎﻝ ﺍﺧﺘﻠﻄﺖ ﺑﻤﺸﺎﻋﺮ ﺍﻧﺜﺊ ﺭﻗﻴﻘﻪ
ﺍﻧﻲ ﻣﺴﺘﺤﻴﻞ ﺍﺧﺴﺮﺝ ﻓﺰﺕ ﺑﺨﻴﺮﺍﺕ ﺍﻟﺪﻧﻴﺔ ﻭﺑﺜﻮﺍﺏ ﺍﻻﺧﺮﻩ ..
ﺍﺣﻠﺊ ﺷﺊ ﺻﺎﺭ ﺭﻏﻢ ﻓﺎﺭﻕ ﺍﻟﻌﻤﺮ ﺍﻟﺒﻴﻨﻪ ﺧﻠﻴﺘﻴﻨﻲ ﺍﻟﺘﺠﺊ ﺍﻟﺮﺏ ﺍﻟﻌﺎﻟﻤﻴﻦ ...
ﻭﺍﻫﺘﻢ ﺍﻟﺼﻼﺗﻲ ﻭﺍﻗﻀﻲ ﻭﺍﺟﺒﺎﺗﻲ ﺍﻹﻟﻬﻴﺔ ....
ﻧﺒﻬﺘﻴﻨﻲ ﻟﻬﻮﺍﻳﻪ ﺍﻣﻮﺭ ﺟﻨﺖ ﻏﺎﻓﻞ ﻋﻨﻬﺎ ...
ﻻ ﺗﺨﻠﻴﻦ ﻧﺎﺭ ﺍﻟﻐﻴﺮﻩ ﺗﺒﻌﺪﺝ ﻋﻦ ﺭﺑﺞ ﻭﺗﺘﺼﺮﻓﻴﻦ ﺑﻄﻴﺶ ﻣﻔﻬﻮﻡ ﻳﮕﻠﺒﻲ ...
ﺟﺎﻥ ﻛﻼﻣﻪ ﻣﻮ ﻣﻬﻢ ﻋﻨﺪﻱ ﻓﻌﻼ ﺍﻧﻲ ﻣﺤﺮﻭﻛﻪ ﺑﻨﺎﺭ ﺍﻟﻐﻴﺮﻩ ...
ﺃﺣﺴﻪ ﻃﻔﻠﻲ ﺍﻟﻲ ﻳﺮﺩﻭﻥ ﻳﺎﺧﺬﻭﻧﻪ ﻣﻨﻲ ﻋﺎﺷﻘﺘﻪ ﺑﺠﻨﻮﻥ ...
ﺗﻌﺪﻳﺖ ﻣﺮﺣﻠﺔ ﺍﻟﺠﻨﻮﻥ ﻭﺩﺧﻠﺖ ﻟﻠﻴﺄﺱ ﻣﻦ ﺣﺎﻟﺘﻲ ...
ﺷﺴﻮﻱ ﻣﻮ ﺑﻴﺪﻱ ﺍﻧﻲ ﻣﻮ ﺑﻴﺪﻱ
ﻫﻮ ﺩﺧﻞ ﻟﻜﻠﺒﻲ ﻭﺍﺗﺮﺑﻊ ﻋﻠﺊ ﻋﺮﺷﻪ ﺳﻨﻴﻦ ﺍﺗﻮﺟﺖ ﺑﺤﺐ ﺍﻟﻤﻨﺬﺭ ....
ﻛﻞ ﻣﺎ ﺍﺫﻛﺮ ﺍﻟﻄﻼﻕ ﻋﻠﺊ ﻟﺴﺎﻧﻲ ﺍﺣﺲ ﺑﻐﺼﻪ ﺗﻜﻄﻊ ﻧﻴﺎﻁ ﮔﻠﺒﻲ ....
ﻭﺍﺣﺐ ﺍﺷﻮﻑ ﺭﺩﺓ ﻓﻌﻠﻪ ﻣﺮﻩ ﻳﻜﻮﻥ ﻫﺎﺩﺉ ﻭﻣﺮﻩ ﻳﺜﻮﺭ ﻋﻠﻴﻪ ...
ﻣﻦ ﻳﻜﻮﻥ ﻫﺎﺩﺉ ﺍﺗﺨﺒﻞ ﻳﺠﺘﺎﺣﻨﻲ ﺗﻴﺎﺭ ﻣﻦ ﺍﻟﺤﺰﻥ
ﻭﻣﻦ ﻳﺘﻌﺼﺐ ﻭﻳﺜﻮﺭ ﺍﻓﺮﺡ ﻻﻥ ﺍﺣﺲ ﻫﻮ ﻣﻴﺮﻳﺪ ﻳﺨﺴﺮﻧﻲ ...
ﻭﺍﺭﺟﻊ ﻭﺍﺫﻛﺮ ﺍﻟﻄﻼﻕ ﻣﺮﻩ ﺛﺎﻧﻴﻪ ...
ﺍﺳﺘﻤﺘﻊ ﺑﻜﻼﻣﻪ ﺍﻟﺠﺎﺭﺡ ﻭﻫﻮ ﻳﻜﻮﻝ ﺍﺩﻓﻨﺞ ﻭﻣﺎﺍﻃﻠﻜﺞ ..
ﻭﻣﻨﻮ ﻛﺎﻝ ﺍﻧﻲ ﺍﻗﺒﻞ ﺑﺎﻟﻄﻼﻙ ﺍﺩﻓﻦ ﺑﺸﻴﺮﻩ ﻭﻋﺸﻴﺮﺗﻬﺎ ﻭﻣﺎﺍﻧﻔﺼﻞ ﻋﻨﻚ ...
ﻧﻤﺖ ﺭﻏﻢ ﺿﺮﺑﻨﻲ ﺍﻟﻴﻮﻡ ﺑﺲ ﻓﺮﺣﺎﻧﻪ ﻻﻥ ﺣﺴﻴﺘﻪ ﻣﻴﺮﻳﺪ ﻳﻔﻘﺪﻧﻲ ...
ﻭﺍﻟﺘﻨﻔﺲ ﺍﻻﺻﻄﻨﺎﻋﻲ ... ﺍﻭﻭﻑ ﻣﻨﻪ ﺟﺎﻥ ﺍﻭﻛﺴﺠﻴﻦ ﻟﻄﻌﻢ ﺍﻟﺤﺐ ﻋﻤﺮﻱ ﻣﺎ ﺗﻨﻔﺴﺖ ﻫﻴﻴﺞ ﺗﻨﻔﺲ ...
ﻧﻤﺖ ﺳﺎﻋﻪ ﺍﺑﺠﻲ ﻭﺳﺎﻋﻪ ﺍﺑﺘﺴﻢ
ﻭﻧﺎﺳﻴﻪ ﺍﻻﻣﺘﺤﺎﻥ ﻭﻣﻠﺘﻬﻴﻪ ﺑﺎﻷﺳﺪ ...
ﻭﻣﺘﺎﻛﺪﻩ ﻫﺬﺍ ﺛﺎﻧﻲ ﺍﻣﺘﺤﺎﻥ ﺍﺻﺨﻢ ﺑﻲ ....
ﻭﺗﻌﺎﻝ ﺷﻮﻑ ﺍﻟﺸﻤﺎﺕ ﻭﺍﻟﻴﺘﻤﻨﻮﻥ ﺳﻘﻮﻃﻲ
ﻫﻮ ﻳﻮﻣﻴﻪ ﻳﻜﻠﻲ ﺍﺭﻓﻌﻲ ﺭﺍﺳﻲ ﺍﺭﻳﺪﺝ ﺗﻨﺠﺤﻴﻦ ﺍﺭﻳﺪ ﺍﻓﺮﺡ ﺑﻴﺞ ﻭﺍﺑﻴﻦ ﻻﻫﻠﻲ ﺍﻧﺘﻲ ﻛﺪ ﺍﻟﺜﻘﻪ ...
ﺣﺘﺊ ﺑﻌﺪﻫﺎ ﺍﺧﻠﻴﺞ ﺗﻜﻤﻠﻴﻦ ﺩﺭﺍﺳﻪ ﻭﺗﺼﻴﺮﻳﻦ ﺍﻓﻀﻞ ﻃﺎﻟﺒﻪ ...
ﺑﺲ ﺷﺴﻮﻱ ﻣﻮ ﺑﻴﺪﻱ ﺍﻻﺳﻼﻣﻴﻪ ﻣﺠﺎﻭﺑﺖ ...
ﻭﺍﻟﻌﺮﺑﻲ ﺍﻛﻴﻴﻴﺪ ﻣﺎﺍﺟﺎﻭﺏ ...
ﺍﻥ ﺷﺎﺀ ﻟﻠﻪ ﻣﻨﺎ ﻭﻫﻴﺞ ﺍﻗﺮﻩ ...
ﺣﺘﺊ ﻣﺎﺍﻃﻠﻊ ﺳﺎﻗﻄﻪ ﻭﻳﻜﻮﻟﻮﻥ ﻣﺮﺕ ﺍﻟﻤﻨﺬﺭ ﺳﺎﻗﻄﻪ ...
ﻳﺎ ﻋﻴﺒﺔ ﺍﻟﻌﻴﺒﻪ .....
.ّ ...............................
ﻧﻴﺮﺍﻥ
ﻛﻌﺪﺕ ﺍﻟﺼﺒﺢ ﺿﺎﻳﺠﻪ ﻭﻣﺘﻜﺌﺒﻪ ﻓﺎﺭﻭﻕ ﻳﺮﻳﺪ ﺍﺷﻴﺎﺀ ﺧﺎﺭﺝ ﻃﺎﻗﺘﻲ ...
ﺷﻠﻮﻥ ﺍﺧﻮﻥ ﺍﺧﻮﻭﻱ ﻭﺍﻏﺪﺭ ﻣﺮﺗﻪ ﻭﺍﻟﻠﻪ ﺻﻌﺒﻪ ﺻﻌﺒﻪ ﺣﻴﻞ ...
ﻭﻣﻮ ﻛﻞ ﻣﺮﻩ ﺗﺴﻠﻢ ﺍﻟﺠﺮﻩ ...
ﻛﻌﺪﺕ ﻣﺮﺓ ﻣﺆﻳﺪ ﺗﻘﺮﻳﺒﺎ ﺍﻟﺴﺎﻋﻪ ﺑﺎﻟﻌﺸﺮﻩ ﻭﻧﺺ
ﻏﺴﻠﺖ ﻭﺭﺟﻌﺖ ﺍﻟﻐﺮﻓﺘﻬﺎ ﻣﻜﻴﺠﺖ .. ﻭﺑﺪﻟﺖ ﻭﺭﺟﻌﺖ
ﻛﺎﻟﺖ ... ﺍﻭﻭﻭﻑ ﺩﺍ ﺍﺷﺘﻬﻲ ﺑﻘﻼﻭﻩ ﺍﻧﻲ ﺷﺎﻛﻪ ﺑﻨﻔﺴﻲ ﺣﺎﻣﻞ
ﻛﻠﺘﻠﻬﺎ ... ﺷﺒﺴﺮﻋﻪ ﺗﺮﺉ ﻫﺴﻪ ﺗﺰﻭﺟﺘﻲ
ﺟﺎﻭﺑﺖ ... ﺗﻘﺮﻳﺒﺎ ﺣﻴﺼﻴﺮ ﺷﻬﺮ ﺍﻧﻲ ﺍﺟﻴﺖ ﻣﻦ ﺍﻫﻠﻲ ﻧﻀﻴﻔﻪ ﻭﺑﺴﺮﻋﻪ ﻳﺼﻴﺮ ﺣﻤﻞ
ﻫﺰﻳﺖ ﺭﺍﺳﻲ ﺑﺄﻱ ... ﺍﻭﻙ ﻣﺒﺮﻭﻙ ﺍﻥ ﺷﺎﺀ ﻟﻠﻪ ﺗﻄﻠﻌﻴﻦ ﺣﺎﻣﻞ
ﺟﺮﺕ ﻧﻔﺲ ﻭﻛﺎﻟﺖ ... ﻻ ﻭﺍﻟﻠﻪ ﻣﺎ ﺗﻤﻨﺊ
ﺍﺳﺘﻐﺮﺑﺖ ﻛﻠﺘﻠﻬﺎ ... ﺍﻭﻭﻑ ﻟﻴﺶ
ﻟﻮﺕ ﺷﻔﺎﻳﻔﻬﺎ ﺑﻐﺮﻭﺭ ... ﺍﺧﺎﻑ ﻣﻦ ﻣﻨﺎﺭﺱ ﻻﻥ ﺑﺼﺮﺍﺣﻪ ﺧﻄﻴﻪ ﺍﻧﻘﻬﺮ ﻋﻠﻴﻬﺎ ﺻﺎﺭ ﻫﻮﺍﻳﻪ ﻣﻦ ﺗﺰﻭﺟﺖ ﻭﻣﺤﺒﻠﺖ
ﺍﺣﺘﻤﺎﻝ ﻋﻨﺪﻫﺎ ﻋﻘﻢ ...
ﻭﺍﻛﻴﺪ ﺣﺘﻐﺎﺭ ﻣﻨﻲ ﻭﺍﻧﻲ ﻣﺎﺍﺣﺐ ﻫﻴﺞ ﺷﺊ ﺍﻥ ﺷﺎﺀ ﻟﻠﻪ ﺍﻟﻠﻪ ﻳﺨﻀﺮ ﺑﻄﻨﻬﺎ ...
ﺑﺲ ﺣﺘﺊ ﻣﺘﻐﺎﺭ ﻣﻨﻲ
ﺗﻨﻔﺴﺖ ﺑﻀﻴﻖ ﻛﻼﻣﻬﺎ ﻣﺴﺘﻔﺰ ﺟﺎﻭﺑﺘﻬﺎ ... ﺗﺮﺉ ﻣﺴﻜﻴﻨﻪ ﺟﺎﻧﺖ ﺣﺎﻣﻞ ﺑﺲ ﺳﻘﻄﺖ ﻻﻥ ﺍﻧﻀﺮﺑﺖ ﺑﺴﻴﺎﺭﻩ ...
ﺧﻠﺖ ﻭﻭﻛﻔﺖ ﺭﺍﺣﺖ ﺗﺮﻛﺾ ﻟﻠﺤﻤﺎﻡ ﻭﻛﻌﺪﺕ ﺗﺘﻘﻴﺊ ..
ﺍﺟﺖ ﺍﻣﻲ ﻛﺎﻟﺖ ... ﺷﺒﻴﻬﺎ ﺣﻨﺎﻥ؟
ﻛﻠﺘﻠﻬﺎ ... ﻳﻤﻜﻦ ﺣﺎﻣﻞ ﺩﺗﺘﻘﻴﺊ
ﻫﻲ ﻃﻠﻌﺖ ﻧﺸﻔﺖ ﻭﺟﻬﻪ ﺑﺎﻟﺨﺎﻭﻟﻲ ﻭﺩﺧﻞ ﻣﺆﻳﺪ
ﻛﺎﻝ ﺑﺎﺳﺘﻐﺮﺍﺏ ... ﺷﻜﻮﻭ؟
ﻫﻲ ﺭﺩﺕ ﻋﻠﻴﻪ ﺑﻤﻴﺎﻋﻪ ... ﺣﺒﻴﺒﻲ ﺣﻀﺮ ﺭﻭﺣﻚ ﺣﺘﺼﻴﺮ ﺑﺎﺑﺎ
ﻫﻮ ﺗﻔﺎﺟﺊ ﻓﺘﺢ ﻋﻴﻮﻧﻪ ... ﻣﻌﻘﻮﻟﻪ ﺑﻬﻞ ﺳﺮﻋﻪ
ﺍﻣﻲ ﻛﻠﺘﻠﻪ ... ﺍﻋﻮﻭﺫ ﺑﺎﻟﻠﻪ ﺩﻛﻮﻝ ﻳﺎﻟﻠﻪ ﻭﺍﺣﺪﻛﻢ ﻃﻚ ﺑﺎﻟﺘﻼﺛﻴﻦ ﻭﺍﻧﺘﻮ ﻛﻠﺸﻲ ﻣﺎﻛﻮﻭ
ﺍﺭﻳﺪ ﺍﺳﻤﻊ ﻛﻠﻤﺔ ﺑﻴﺒﻲ ﻣﻦ ﺍﻭﻻﺩﻛﻢ ...
ﻣﺆﻳﺪ ﺿﺤﻚ ﻛﻠﻬﺎ ... ﺍﻥ ﺷﺎﺀ ﻟﻠﻪ ﺧﻠﻲ ﺍﺧﺬﻫﺎ ﻟﻠﻤﺠﻤﻊ ﺍﺧﺬﻟﻬﺎ ﺗﺤﻠﻴﻞ ...
ﻣﺎﻣﺎ ﺟﺎﻭﺑﺘﻪ ... ﺍﻱ ﺭﻭﺡ ... ﻭﻻ ﺗﺤﺠﻲ ﻻ ﻳﻄﻜﻮﻧﻜﻢ ﻋﻴﻦ
ﻫﻲ ﺭﺍﺣﺖ ﺑﺴﺮﻋﻪ ﻟﺒﺴﺖ ﺗﻨﻮﺭﻩ ﻛﺼﻴﺮﻩ ﻭﺗﺸﻴﺮﺕ ﻋﺮﻳﺾ ﺍﺣﻤﺮ ﻭﺷﺴﻮﺭﺕ ﺷﻌﺮﻫﺎ ﻭﺣﻄﺖ ﺣﻤﺮﻩ ﻭﺭﺍﺣﺖ
ﺩﻛﻮﻝ ﺟﺎﻱ ﻳﺰﻓﻮﻧﻬﺎ ﻭﺗﻄﻚ ﺑﻌﻠﺠﻬﺎ ....
ﻣﺆﻳﺪ ﻛﻠﻬﺎ ... ﺫﺑﻲ ﺍﻟﻌﻠﺞ ﻭﺍﻣﺴﺤﻲ ﺣﻤﺮﺗﺞ
ﻫﻲ ﻃﻠﻌﺖ ﺍﻟﻌﻠﺞ ﺣﻄﺘﻪ ﺑﻴﺪﻫﺎ ﺧﻠﺘﻪ ﺩﺍﺭ ﻭﺟﻪ ﺭﺟﻌﺘﻬﺎ ﻟﺤﻠﻜﻬﺎ
ﻳﻤﻤﻤﻪ ﺗﻔﺎﺟﺌﺖ ﺷﻜﺪ ﻋﺮﻣﻪ ... ﻭﺣﻤﺮﺗﻬﺎ ﺧﻔﻔﺘﻬﺎ ﺑﺼﺒﻌﻬﺎ ﻭﺭﻛﻀﺖ ﻭﺭﺍﻩ ....
ﻣﻨﺎﺭﺱ ﺑﺎﻻﻣﺘﺤﺎﻥ ﻫﻲ ﻭﻣﻨﺬﺭ ﻟﺤﺪ ﺍﻻﻥ ﻣﺎ ﺍﺟﺖ ...
ﺭﺣﺖ ﻧﻀﻔﺖ ﺍﻟﺒﻴﺖ ﻭﺳﻮﻳﺖ ﻏﺪﻩ
ﺍﻧﻜﺴﺮ ﺿﻬﺮﻱ ﺟﻨﺖ ﻣﺎﻧﻪ ﻋﻠﺊ ﻣﻨﺎﺭﺱ ...
ﻭﻫﻲ ﻣﺨﻠﺼﻪ ﻛﻞ ﺍﻟﺸﻐﻞ ﻭﺗﻜﺮﺏ ﻟﻴﻞ ﻭﻧﻬﺎﺭ ....
ﺧﺎﻳﻔﻪ ﺣﻴﻴﻞ ﻣﻨﺎ ﻋﻤﺮ ﻭﻣﻨﺎ ﻓﺎﺭﻭﻕ ...
ﻭﺻﺮﺕ ﺑﻴﻦ ﺣﺎﻧﻪ ﻭﻣﺎﻧﻪ ...
ﺍﺣﺲ ﺣﻤﻞ ﺟﺎﺛﻢ ﻋﻠﺊ ﺻﺪﺭﻱ ﻭﻛﺎﺑﻮﺱ ﻣﺮﻋﺐ ﻳﻮﻣﻴﻪ ﻳﺪﻣﺮﻧﻲ ...
ﺍﻱ ﻓﻌﻼ ﻓﺎﺭﻭﻕ ﻫﻮ ﺍﻛﺒﺮ ﻣﺨﺎﻭﻓﻨﻲ ﻭﺍﺭﻋﺐ ﻛﺎﺑﻮﺱ ﻣﺮ ﺑﺤﻴﺎﺗﻲ ....
...............................
ﻣﻨﺎﺭﺱ
ﻛﻌﺪﺕ ﺍﻟﺼﺒﺢ ﻛﻠﻬﺎ ﻧﺎﻳﻤﻪ
ﺭﺍﺟﻌﺖ ﺷﻮﻭﻳﻪ ﻣﺒﺘﺪﺃ ﻭﺧﺒﺮ ﻗﻮﺍﻋﺪ ﻭﻣﺪﺭﻱ ﺷﻨﻬﻲ
ﺣﺎﻓﻈﻪ ﺍﻧﺸﺎﺀ ﺍﻟﻤﻨﺬﺭ ﻛﺎﻝ ﺷﺘﻌﺮﻓﻴﻦ ﺍﻛﺘﺒﻲ ﺣﺘﺊ ﻟﻮ ﻏﻠﻂ ...
ﻫﻮ ﺍﺧﺬﻧﻲ ﻋﻮﺩ ﺍﻧﻪ ﺯﻋﻼﻧﻪ ﻭﻣﺎﺍﺣﺠﻲ ﻭﻳﺎﻩ
ﺑﺲ ﻫﻮ ﻳﺘﻐﺰﻝ ﻭﻳﺘﺤﺮﺵ ﻭﺍﻧﻪ ﻣﻮﺵ ﻣﻘﻠﺪﺗﻠﻪ ...
ﻣﻦ ﺍﺷﻮﻓﻨﻪ ﺍﻟﺘﻬﻲ ﺑﻜﺘﺎﺑﻲ ﻣﻊ ﺍﻟﻌﻠﻢ ﺑﺎﻟﻲ ﻛﻠﻪ ﻳﻤﻪ ...
ﺻﻌﺪﺕ ﺑﺎﻟﺴﻴﺎﺭﻩ ﻭﻫﻮ ﺷﻐﻞ ﺑﺎﻟﺮﺍﻳﺪﻭﻥ ﻣﺎﻝ ﺍﻟﺴﻴﺎﺭﻩ
ﻓﻴﺮﻭﺯ ....
ﻭﺍﻧﻪ ﻣﺴﻮﻳﻪ ﺭﻭﺣﻲ ﺍﻗﺮﻩ ﻣﻮﺵ ﻳﻤﻪ ...
ﻭﺻﻠﻨﻪ ﻟﻠﻤﺪﺭﺳﻪ ﺩﺧﻠﺖ ﻭﻫﻮ ﺑﺤﻜﻢ ﺷﻐﻠﻪ ﻭﺻﻪ ﻋﻠﻴﻪ ﺍﻟﻤﻌﻠﻤﻴﻦ ....
ﺩﺧﻠﺖ ﻟﻠﻘﺎﻋﻪ ﺩﺧﻠﺖ ﻣﺪﻳﺮﺓ ﺍﻟﻤﺪﺭﺳﻪ
ﺭﺩﺗﻠﻲ ﺍﻻﺳﺌﻠﻪ ﻭﺑﻌﺪﻫﺎ ﺭﺩﺗﻬﺎ ﻟﻠﻄﻼﺏ ...
ﻛﺎﻟﺖ ... ﺍﻧﺘﻲ ﺑﺲ ﻋﺒﺮﻱ ﺍﻹﻧﺸﺎﺀ ﻣﻨﺞ
ﺟﺎﻧﻮﻭﺍ ﺟﺎﻳﺒﻴﻦ ﺍﻧﺸﺎﺀ ﻋﻠﺊ ﺍﻷﺧﻼﻕ ... ﺍﺟﻴﺖ ﺍﻛﺘﺐ ﺍﻧﺸﺎﺀ ﻋﻠﺊ ﺍﻻﺧﻼﻕ ....
ﻭﺍﻛﺘﺐ ﻋﻨﻮﺍﻧﻪ ... ﺭﺟﻠﻲ ﺍﺑﻮ ﺍﻟﻨﺴﻮﺍﻥ ﻭﺍﺧﻼﻕ ﺻﺎﺣﺒﺎﺗﻪ
ﻭﻣﻀﻤﻮﻥ ﺍﻻﻧﺸﺎﺀ ﺍﺟﻴﺖ ﺍﻛﺘﺐ ﺍﺧﻼﻕ ﻛﻞ ﻭﺣﺪﻩ ﺗﺎﻓﻪ ﻳﻌﺮﻓﻬﺎ ...
ﺑﺲ ﺷﻨﻬﻲ ﻏﻴﺮﺕ ﺭﺃﻳﻲ
ﻋﺒﻦ ﺧﻔﺖ ﺍﺻﻴﺮ ﻣﺮﺓ ﻣﻜﺘﻮﻟﻪ ﺑﺎﻟﻜﺴﺮﻩ ﻭﻣﺠﺮﻭﺭﻩ ﺑﺎﻟﺴﺤﻠﻪ ...
ﺧﻠﺼﺖ ﺍﻣﺘﺤﺎﻥ ﺍﻟﺤﻤﺪ ﻟﻠﻪ ﺟﺎﻭﺑﺖ
ﻃﻠﻌﺖ ﻓﺮﺣﺎﻧﻪ ﺍﻟﻨﺬﺭﻱ ﻭﻣﺎﺍﺩﺭﻱ . ﻫﻮ ﻣﻮﺻﻲ ﻋﻠﻴﻪ ﻭﻣﺨﻠﻴﻬﻢ ﻳﺴﺎﻋﺪﻭﻧﻲ
ﻫﻤﺰﻳﻦ ﺍﺟﻪ ﻭﻳﺎﻱ ﻋﺒﻦ ﺍﺧﻴﺮ ﻣﻦ ﻣﺆﻳﺪ ﺑﺲ ﺻﺎﻓﻦ ...
ﻛﺎﻝ ﺑﺒﺘﺴﺎﻣﻪ ... ﺟﺎﻭﺑﺘﻲ ﺣﺒﻴﺒﻲ
ﺭﺩﻳﺖ ﺑﻔﺮﺡ ... ﺍﻱ ﺟﺎﻭﺑﺖ ﺣﻠﻴﺘﻬﺎ ﻛﻠﻬﺎ ﻋﺒﻦ ﺣﻴﻴﻞ ﺳﻬﻠﻪ ﻣﺎﻱ ﻣﺎﺍﺍﺍﻱ
ﻫﻮ ﺿﺤﻚ ﻛﺮﺹ ﺧﺪﻱ ﻛﺎﻝ ... ﺍﺩﺭﻱ ﻣﺮﻳﺘﻲ ﺷﻄﻮﺭﻩ
ﺍﻧﻪ ﺧﺠﻠﺖ ﻭﺭﺣﺖ ﺻﻌﺪﺕ ﺑﺎﻟﺴﻴﺎﺭﻩ ﻭﻫﻮ ﺻﻌﺪ
ﻫﻮ ﻳﺘﻐﺰﻝ ﻭﻳﻠﺰﻡ ﺍﻳﺪﻱ ﻭﻳﺒﻮﺳﻬﺎ ﻭﺍﻧﻪ ﺍﺗﻌﻴﻘﻞ ﻭﺍﺗﺪﻟﻊ ﺑﻌﺪﻧﻲ ﺯﻋﻼﻧﻪ ﻋﺒﻦ ﺷﻨﻬﻲ ﻣﺎﺍﺭﻳﺪﻩ ﻳﻜﺘﻠﻨﻲ ﺑﻌﺪ
ﺭﺟﻌﻨﻪ ﻟﻠﺒﻴﺖ ﺟﺎﻥ ﻫﺎﺩﺉ ﻃﻮﻝ ﻭﺍﻟﻄﺮﻳﻖ ﻭﺍﻧﻲ ﺳﺎﻛﺘﻪ
ﻭﺻﻠﻨﻪ ﻟﻠﺒﻴﺖ
ﺍﻭﻝ ﻣﺎ ﺩﺧﻠﻨﻪ ﺷﻔﻨﺎﻫﻦ ﻛﺎﻋﺪﺍﺕ ﻋﻤﺘﻲ ﻭﻧﻴﺮﺍﻥ
ﻧﻴﺮﺍﻥ ﺟﺎﻧﺖ ﺗﺴﻮﻱ ﺯﻻﻃﻪ ...
ﻛﺎﻟﺖ ﻋﻤﺘﻲ ﺑﺎﺍﺳﺘﻬﺰﺍﺀ ... ﻫﻼ ﺑﺎﻟﻤﺪﻳﺮﻩ ﺟﺎﻭﺑﺘﻲ ﻻ
ﺟﺎﻭﺑﺘﻬﺎ ﺑﻔﺮﺡ ... ﺍﻱ ﻋﺒﻦ ﻛﻠﺶ ﺳﻬﻠﻪ ﺟﺎﺑﻮﻭ ﺍﻧﺸﺎﺀ ﻋﻠﺊ ﺍﻻﺧﻼﻕ ﻭﻛﺘﺒﺖ ﻋﻠﺊ ﺍﺧﻼﻕ ﺑﺸﻴﺮﻩ
ﺍﻟﻤﻨﺬﺭ ﺣﻂ ﺍﻳﺪﻩ ﻋﻠﺊ ﺣﻠﻜﻲ ﻛﺎﻝ ﺑﻌﺼﺒﻴﻪ ... ﺍﺷﺶ ﻻ ﺗﺴﻮﻳﻦ ﻣﺸﺎﻛﻞ ﻋﻴﺐ
ﺳﻜﺘﺖ
ﻋﻤﺘﻲ ﻫﺰﺕ ﺭﺃﺳﻬﺎ ﻛﺎﻟﺖ ... ﺻﺪﻙ ﺻﺎﻳﺮﻩ ﻭﻛﺤﻪ ﻳﺠﻲ ﺻﻠﻒ ﻭﺍﻛﻠﻪ ﻋﻠﻴﺞ
ﻫﺴﻪ ﻟﻮ ﺣﻨﺎﻥ ﻫﻨﻪ ﻭﺳﺎﻣﻌﺘﺞ ﺟﺎﺍ ﻣﺎ ﺳﻮﺗﻬﺎ ﻫﻮﻭﺳﻪ
ﺟﺎﻭﺑﺘﻬﺎ ﺑﺜﻘﻪ ... ﻳﺎﺍﺍ ﻟﻴﺶ ﺟﺎﺍ ﺷﺒﻴﻬﻦ ﺍﺧﻼﻗﻬﻦ ﻫﻤﻪ ﺭﺍﺩﻭﻭ ﺍﻧﺸﺎﺀ ﻋﻠﺊ ﺍﻻﺧﻼﻕ ﻭﺑﺸﻴﺮﻩ ﺗﻨﻜﻂ ﺍﺧﻼﻕ ﻛﺘﺒﺖ ﻋﻨﻬﺎ
ﺍﻟﻤﻨﺬﺭ ﻫﺰ ﺭﺍﺳﻪ ﻭﻫﻮ ﻳﺒﺘﺴﻢ
ﻭﻋﻤﺘﻲ ﻣﺎ ﺭﺿﺖ ﺍﺑﺪ ﺑﻜﻼﻣﻲ
ﻛﻠﺘﻠﻬﺎ ... ﺟﺎﺍﺍ ﻭﻳﻦ ﺭﺍﺣﺖ ﺣﻨﻮﻧﻪ
ﻛﺎﻟﺖ ﺑﻔﺮﺡ ... ﺭﺍﺣﺖ ﺗﺤﻠﻞ ﻣﺎﻝ ﺣﻤﻞ ﺍﺣﺘﻤﺎﻝ ﺣﺎﻣﻞ
ﺍﻧﻲ ﻓﺘﺤﺖ ﻋﻴﻮﻧﻲ ... ﺍﺳﺘﻐﻔﺮ ﺍﻟﻠﻪ ﺷﺒﺴﺮﻋﻪ
ﻫﻲ ﺗﺨﺒﻠﺖ ﺭﺩﺕ ... ﺍﻋﻮﺫ ﺑﺎﻟﻠﻪ ﻻ ﺗﻄﻜﻴﻨﻬﻢ ﻋﻴﻦ ﺍﻋﻮﺫ ﺑﺎﻟﻠﻪ
ﺷﻮﻳﻪ ﻭﺍﻧﻔﺘﺢ ﺍﻟﺒﺎﺏ ﺍﺟﺖ ﻫﻲ ﺑﺴﺮﻋﻪ ﻭﺍﻟﻔﺮﺣﻪ ﻋﻠﺊ ﻭﺟﻬﻬﺎ
ﻛﺎﻟﺖ .. ﻋﻤﻪ ﻋﻤﻪ ﺣﺎﺍﺍﺍﻣﻞ ﺣﺎﺍﺍﺍﻣﻞ
ﻋﻤﺘﻲ ﺑﺎﺳﺘﻬﺎ ﻭﺑﺎﺭﻛﺖ ﺍﻟﻬﺎ ﻭﺿﻠﺖ ﺗﻬﻠﻬﻞ ...
ﺿﺤﻜﺖ ﺑﻔﺮﺣﻪ ... ﻣﺪﺍ ﺍﺻﺪﻙ ﺣﺎﺍﻣﻞ ﻋﻤﻪ ﻟﻮ ﺗﺸﻮﻓﻴﻦ ﺷﻜﺪ ﺑﻨﺎﺕ ﻣﺘﺰﻭﺟﻴﻦ ﻣﻦ ﺯﻣﺎﻥ ﻣﺎﻋﺪﻫﻢ ﻟﺤﺪ ﺍﻻﻥ
ﺍﻧﻲ ﺣﺘﺊ ﺧﻔﺖ ﻣﻦ ﺍﻟﺤﺴﺪ ﻣﻜﻠﺖ ﺣﺎﻣﻞ ﻛﻠﺖ ﻣﻤﺒﻴﻦ
ﺍﻟﻤﻨﺬﺭ ﺍﺷﻮﻑ ﺍﻟﻔﺮﺣﻪ ﺑﻌﻴﻮﻧﻪ ﻻﺧﻮﻭ
ﺣﻀﻨﻪ ﻭﺑﺎﺭﻛﻠﻪ ﻭﻣﺆﻳﺪ ﻫﻢ ﻓﺮﺣﺎﻥ
ﺍﻧﻲ ﺗﻘﺮﺑﺖ ﻣﻨﻬﺎ ﺑﺨﻄﻮﺍﺕ ﺣﺰﻳﻨﻪ ﺑﺎﺭﻛﺖ ﺍﻟﻬﺎ ﻭﻫﻲ ﺭﺩﺕ ﻣﻦ ﻭﺭﻩ ﺧﺸﻤﻬﺎ ....
ﺭﺣﺖ ﻟﻠﻐﺮﻓﻪ ﻧﺰﻋﺖ ﻣﻼﺑﺴﻲ
ﺣﻄﻴﺖ ﺍﻳﺪﻱ ﻋﻠﻰ ﺑﻄﻨﻲ ﺑﺎﺳﺊ ﺟﻨﺖ ﺣﺎﻣﻞ ﻣﺎﺍﺩﺭﻱ ﺑﺮﻭﺣﻲ ﻭﺳﻘﻄﺖ ﺣﺮﺍﻣﺎﺕ ﻟﻮ ﺿﺎﻝ ﻫﺴﻪ ﺑﻄﻨﻲ ﺟﺒﻴﺮﻩ
ﺍﻟﻤﻨﺬﺭ ﺍﺑﻮ ﺍﻟﻨﺴﻮﺍﻥ ﻛﺎﻝ ﺍﺗﺮﺱ ﺑﻄﻨﺞ ﻓﺮﻳﺨﺎﺕ ﺗﺎﻟﻲ ﺗﺮﺱ ﻭﺟﻬﻲ ﺿﺮﺑﺎﺕ ...
ﺳﻤﻌﺘﻬﺎ ﺩﻛﻮﻝ ﻣﺸﺘﻬﻴﻪ ﺭﻣﺎﻥ ﺩﺍ ﺍﺗﻨﺴﺊ ﻋﻠﻴﻪ
ﻟﻮﻳﺖ ﺷﻔﺎﻳﻔﻲ ﺍﻣﺪﺍﻧﻲ ﻭﻻ ﻋﻨﺪﻱ ﺍﺣﺴﺎﺱ ﻟﻨﺎﺱ ﺗﺘﻨﺴﺊ ﻭﺍﻧﻲ ﺣﺘﺊ ﻣﺎ ﺗﻨﺴﻴﺖ ﺷﻤﺎﻟﻨﻲ ...
ﻋﻤﺘﻲ ﺻﺎﺣﺖ ﻋﻠﻴﻪ ﻭﺭﺣﺖ ﺍﻟﻬﺎ ...
ﻛﺎﻟﺖ .. ﺗﻌﺎﻱ ﺻﺒﻲ ﻏﺪﻩ ﺣﻨﺎﻥ ﺣﺎﻣﻞ ﻭﻧﻴﺮﺍﻥ ﺗﻌﺒﺖ
ﻫﺰﻳﺖ ﺭﺍﺳﻲ ﺑﺄﻱ ﻭﺭﺣﺖ ﺍﺣﻀﺮ ﺑﺎﻟﻐﺪﻩ ...
ﺣﻀﺮﺕ ﺍﻟﻐﺪﻩ ﺧﻠﻴﺖ ﺍﻟﺴﻔﺮﻩ
ﻫﻲ ﺟﺎﻧﺖ ﻛﺎﻋﺪﻩ ﻋﻠﺊ ﺍﻟﺴﻔﺮﻩ ﻭﻻﺯﻣﻪ ﺑﻄﻨﻬﺎ ﻭﻛﺎﻋﺪﻩ ﺑﺘﻨﻮﺭﺗﻬﺎ ﻭﺳﻘﺎﻧﻬﺎ ﻃﺎﻟﻌﻪ ﻭﻣﺒﺘﺴﻤﻪ
ﻭﻣﺆﻳﺪ ﻛﺎﻋﺪ ﺑﺼﻔﻬﺎ ﻓﺮﺣﺎﻥ ...
ﺍﺟﻴﺖ ﺷﺎﻳﻠﻪ ﻣﻮﺍﻋﻴﻦ ﺍﻟﺘﻤﻦ ﺑﺼﻴﻨﻴﻪ ﺻﻐﻴﺮﻩ
ﻣﻦ ﺷﺎﻓﻨﻲ ﺍﻟﻤﻨﺬﺭ ﺣﻂ ﺍﻟﺠﻜﺎﺭﻩ ﺑﺤﻠﻜﻪ ﻭﻭﻛﻒ ﺍﺧﺬ ﻣﻨﻲ ﺍﻟﺼﻴﻨﻴﻪ ﻭﺣﺠﻪ ﻭﺍﻟﺠﻜﺎﺭﻩ ﺑﻴﻦ ﺷﻔﺎﻳﻔﻪ ﺟﺎﻧﺖ ﻛﻠﻤﺎﺗﻪ ﻣﻤﻔﻬﻮﻣﻪ ﺑﺲ ﺍﻧﻪ ﻋﺒﻦ ﺍﺣﺒﻨﻪ ﻓﻬﻤﺘﻬﺎ ﻛﺎﻝ .. ﺍﻧﻄﻴﻨﻴﺎﻫﻢ ﻋﻤﺮﻱ ﻭﺭﻭﺣﻲ ﺟﻴﺒﻲ ﻏﻴﺮﻫﻦ ...
ﺍﺧﺬ ﺍﻟﺼﻴﻨﻴﻪ ﻣﻦ ﺍﻳﺪﻱ ﻭﺍﻧﻄﺎﻫﺎ ﺍﻟﺤﻨﺎﻥ ﻭﻫﻲ ﻛﻌﺪﺕ ﺗﺴﻔﻂ ﺑﺎﻟﻤﻮﺍﻋﻴﻦ ﺑﺲ ﺿﺎﺟﺖ
ﺍﻧﻪ ﻓﺮﺣﺖ ﺣﻞ ﺗﺴﺘﺎﻫﻞ
ﻭﺭﺣﺖ ﺟﺒﺖ ﺍﻟﺒﺎﻗﻲ ﻭﻧﺬﺭﻱ ﻳﺴﺎﻋﺪﻧﻲ ...
ﻛﻌﺪﻧﻪ ﻧﺘﻐﺪﻩ ﻭﺍﻟﻤﻨﺬﺭ ﺍﺣﺴﻪ ﻳﻌﻄﻒ ﻋﻠﻴﻪ ﻛﻞ ﺷﻮﻳﻪ ﻭﺧﻠﻪ ﺍﻟﻤﺎﻋﻮﻥ ﻳﻤﻲ ﻭﺍﻟﺰﻻﻃﻪ ﻳﻤﻲ ﻭﻳﻤﺪ ﺍﻳﺪﻩ ﻋﻠﻴﻪ ﻭﻳﻜﺮﺻﻨﻲ
ﻭﺍﻧﻪ ﺍﺳﺘﺤﻲ ﻣﺎﺍﻛﺪﺭ ﺍﺗﻌﻴﻘﻞ ﻭﺍﺗﺪﻟﻊ ﻋﻠﻴﻪ ...
ﺧﻠﺼﻨﻪ ﻏﺪﻩ ﻭﺍﻧﻲ ﻟﻤﻴﺖ ﺍﻟﺴﻔﺮﻩ ﻭﺭﺣﺖ ﻏﺴﻠﺖ ﻣﻮﺍﻋﻴﻦ ...
ﺍﻟﻤﻨﺬﺭ ﻋﻨﺪﻩ ﺧﻔﺎﺭﻩ ﻣﻦ ﻭﺭﻩ ﺍﻟﻀﻬﺮ ...
ﺣﻀﺮﺕ ﻣﻼﺑﺴﻪ ﻭﺍﻏﺮﺍﺿﻪ ﺭﻏﻢ ﻣﺘﺰﺍﻋﻠﻴﻦ ﺑﺲ ﻭﺍﺟﺒﻲ ﺍﻗﻮﻡ ﺑﻮﺍﺟﺒﻪ ...
ﻛﻤﻠﺖ ﺍﻏﺮﺍﺿﻪ ﻫﻮ ﻳﻌﺪﻝ ﺑﺒﺪﻟﺘﻪ ﺍﻟﻌﺴﻜﺮﻳﻪ ﻭﺣﻂ ﺍﻟﻤﺴﺪﺱ ﺑﺤﺰﺍﻣﻪ ...
ﻭﻳﻌﺪﻝ ﺑﻲ ...
ﺍﺟﺖ ﺣﻨﺎﻥ ﺑﻌﺪ ﻣﺎ ﺑﺪﻟﺖ ﻻﺑﺴﻪ ﻧﻔﻨﻮﻑ ﻛﺼﻴﺮ ﻭﻧﺺ ﺭﺩﺍﻥ ...
ﻛﻠﺘﻠﻪ ﺑﺪﻟﻊ ﻣﺼﻄﻨﻊ ... ﻓﺪﻭﻭﻩ ﺍﻟﻤﻨﺬﺭ ﻣﺸﺘﻬﻴﻪ ﺭﻣﺎﻥ ﺗﻘﺒﻞ ﺗﻄﻠﻊ ﻭﺣﻤﻪ ﺑﺎﺑﻦ ﺍﺧﻮﻭﻙ
ﻫﻮ ﺑﺎﻭﻉ ﻋﻠﻴﻪ ﻭﺑﺎﻭﻉ ﻋﻠﻴﻪ ﻭﺭﺟﻊ ﺍﺗﺪﺍﺭﻙ ﺍﻟﻤﻮﺿﻮﻉ ﻭﻋﺪﻝ ﺣﺰﺍﻣﻪ
ﺟﺎﻭﺑﻬﺎ ... ﺍﺑﻮﻭ ﻣﻮﺟﻮﺩ ﻭﻳﺠﻴﺐ ﺍﻟﻪ
ﺣﻨﺎﻥ ... ﻭﺻﻴﺘﻪ ﺍﻟﺒﺎﺭﺣﻪ ﺑﺲ ﺟﺎﺑﻪ ﻳﺎﺑﺲ ﻣﻄﻴﺐ
ﻫﻮ ﻫﺰ ﺭﺍﺳﻪ ﻛﻠﻬﺎ ... ﺍﻥ ﺷﺎﺀ ﻟﻠﻪ
ﺑﺎﻭﻋﺖ ﻋﻠﻴﻪ ﻛﺎﻟﺖ ... ﻭﻧﺒﻲ ﻗﺒﻞ ﺷﻮﻳﻪ ﺣﻜﻴﺖ ﺧﺼﺮﻱ ﺍﺧﺎﻑ ﻳﻄﻠﻊ ﺑﺎﻟﻨﻮﻧﻮ ﻭﺣﻤﻪ ﺑﺨﺼﺮﻩ
ﺟﺎﻭﺑﺘﻬﺎ ... ﺍﻟﺤﻤﺪ ﻟﻠﻪ ﺑﺨﺼﺮﺝ ﻣﻮﺵ ﺑﺨﺸﻤﺞ ﻋﺒﻦ ﺧﺸﻤﺞ ﺟﺒﻴﺮ ﻭﺗﻄﻠﻊ ﻭﺣﻤﻪ ﺑﺨﺸﻢ ﺍﻟﻨﻮﻧﻮ ﺍﻗﺮﻱ ﻋﻠﻴﻪ ﺍﻟﺴﻼﻡ ...
ﻫﻲ ﺧﺰﺭﺗﻨﻲ ﻭﺭﺟﻌﺖ ﻟﻠﻤﻨﺬﺭ ... ﻣﺎﺍﻭﺻﻴﻚ ﻓﺪﻭﻩ ﺍﻟﻜﻠﺒﻚ
ﻫﻮ ﻣﺠﺎﻭﺑﻬﺎ ﺧﻠﻪ ﻭﻃﻠﻊ
ﺍﻧﻪ ﺭﻛﻀﺖ ﻭﺭﺍﻩ ﻟﺰﻣﺘﻪ ﻣﻦ ﺍﻳﺪﻩ
ﻫﻮ ﺑﺎﻭﻉ ﻋﻠﻴﻪ ﻛﺎﻝ ... ﻫﺎﺍﺍ ﺗﺮﺩﻳﻦ ﺗﻌﺎﺭﻛﻴﻦ ﺍﺟﻠﻴﻬﺎ ﺭﺣﻤﻪ ﻻﺑﻮﺝ ﻋﻨﺪﻱ ﺷﻐﻞ
ﺟﺎﻭﺑﺘﻪ ... ﻳﺎﻟﻪ ﺑﺲ ﺟﻴﺐ ﻟﻠﻨﻮﻧﻮ ﺭﻣﺎﻥ ﺧﻄﻴﻪ
ﺑﺎﻟﻠﻪ ﻫﻲ ﻧﻌﺎﻝ ﻣﺎ ﺗﺴﺘﺎﻫﻞ ﺑﺲ ﺍﻟﻨﻮﻧﻮ ﺷﻨﻬﻲ ﺫﻧﺒﻪ
ﻫﻮ ﻟﺰﻡ ﻭﺟﻬﻲ ﺑﺜﻨﻴﻦ ﺍﺩﻳﻪ ﻭﺗﻜﻠﻢ ﺑﻠﻬﻔﻪ ... ﺍﻧﻌﻞ ﺍﺑﻮ ﺍﻟﻨﻮﻧﻮ ﻳﺎ ﺍﺑﻮ ﺍﻡ ﺍﻟﻨﻮﻧﻮ
ﺍﺟﻴﺐ ﺭﻣﺎﻥ ﻭﻛﻞ ﻓﺎﻛﻬﺔ ﺍﻟﺠﻨﻪ ﻟﻨﻮﻧﻮ ﻣﺎﻟﺞ
ﻏﻤﺰﻟﻲ ﺍﻥ ﺷﺎﺀ ﻟﻠﻪ ﺍﻟﻨﺰﻟﻪ ﺍﻟﺜﺎﻧﻴﻪ ﻧﺴﻮﻱ ﻧﻮﻧﻮ ﻣﻔﻬﻮﻡ
ﺟﺎﻭﺑﺘﻪ ... ﻣﻮﺵ ﻣﺘﺰﺍﻋﻠﻴﻦ
ﻫﻮ ﺿﺤﻚ ... ﻧﻀﻞ ﻋﻠﺊ ﺯﻋﻠﺘﻨﻪ ﺑﺲ ﻧﺠﻴﺐ ﻧﻮﻧﻮ ... ﺧﻄﻴﻪ ﺷﻨﻮ ﺫﻧﺒﻪ ﻭﻟﺪ ﻋﻤﻪ ﻳﺠﻮﻥ ﻗﺒﻠﻪ
ﺟﺎﻭﺑﺘﻪ ... ﺧﻮﺵ ﻧﺴﻮﻱ ﻧﻮﻧﻮ ﻭﻧﺮﺟﻊ ﻧﺰﻋﻞ
ﻛﺎﻝ .. ﺍﻱ ﻧﺴﻮﻱ ﻫﺴﻪ
ﺑﺎﻭﻋﺘﻠﻪ ﺑﻌﺘﺐ ... ﻳﺎﻟﻪ ﺗﺎﺧﺮﺕ ﻋﻠﺊ ﺷﻐﻠﻚ
ﻫﻮ ﺑﺎﺳﻨﻲ ﺑﺮﻛﺒﺘﻲ ﻭﺭﺍﺡ ...
ﺣﻜﻴﺖ ﺭﻛﺒﺘﻲ ﻳﺒﺰﺯ
ﺑﺸﻮﺍﺭﺑﻪ
ﺑﺲ ﺍﻋﺸﻜﻨﻪ ﺍﺣﺒﻨﻪ .... ﻋﺒﻦ ﻫﻮ ﺍﺳﺴﺪ ...
...........
ﻣﺮ ﻳﻮﻣﻴﻦ ﻭﺍﺣﺖ ﺑﺸﺮﺉ ﻫﻲ ﻭﺍﻣﻬﺎ ﻳﺒﺎﺭﻛﻦ ﺁﻟﺤﻨﺎﻥ
ﺷﻜﺪ ﻛﺮﻫﺖ ﺟﻴﺘﻬﻦ ﺍﻟﺨﺒﻴﺜﺎﺕ
ﺿﻠﻦ ﻳﺘﻤﻀﺤﻜﻦ ﻭﻳﺘﺸﺎﻭﺭﻥ
ﻭﺩﻛﻠﻬﺎ ... ﺧﻮﻭﺵ ﻛﺘﻠﻪ
ﻣﺎ ﺍﻫﺘﻤﻴﺖ ﺍﻟﻬﻦ
ﺍﺟﻪ ﺍﻟﻤﻨﺬﺭ ﺩﺧﻞ ﺳﻠﻢ ﻋﻠﻴﻬﻦ ﻭﺍﻧﻪ ﻓﺮﺕ ﻟﻴﺶ ﻳﺪﺧﻞ ﻳﺴﻠﻢ ...
ﺧﻠﻴﺖ ﻭﻃﻠﻌﺖ ...
ﻫﻮ ﻃﻠﻊ ﻭﺭﺍﻱ ... ﺍﺟﺖ ﻫﺎﻟﻪ ﻫﻲ ﻭﺯﻭﺟﻬﺎ ﻭﺟﻬﺎﻟﻬﺎ ...
ﻛﺎﻟﺖ ﻧﺮﻳﺪ ﻧﺮﻭﺡ ﻟﻠﺠﺰﻳﺮﻩ ﻧﺘﻮﻧﺲ ...
ﺍﻧﻪ ﻛﻌﺪﺕ ﻋﻠﺊ ﺍﻟﺪﺭﺝ
ﻃﻠﻌﺖ ﺍﻡ ﺣﻨﺎﻥ ﺳﻠﻤﺖ ﻋﻠﺊ ﺍﻟﻤﻨﺬﺭ ﻭﻫﺎﻟﻪ ...
ﻛﻠﺘﻠﻪ ... ﺍﻱ ﻓﺪﻭﻩ ﺍﻟﻤﻨﺬﺭ ﺗﻌﺎﻝ ﻭﺻﻠﻨﻲ ﺍﻧﻲ ﻭﺑﺸﺮﺉ ﻻﻥ ﺑﻨﻴﻪ ﻭﺣﻠﻮﻩ ﺍﺧﺎﻑ ﺍﺧﺬ ﺗﻜﺴﻲ
ﻫﻮ ﺗﻨﻬﺪ ﻛﻠﻬﺎ ... ﺍﻱ ﺗﻔﻀﻠﻮﻭ
ﺍﻧﻪ ﺑﺎﻭﻋﺖ ﻋﻠﻴﻪ ﺍﻧﻘﻬﺮﺕ ﻭﻫﻲ ﻣﺸﺖ ﻛﺪﺍﻣﻪ ﺑﺎﻟﺒﺴﻬﺎ ﺍﻟﻀﻴﮓ ﻭﺣﺼﺮ ﻣﻔﺎﺗﻨﻬﺎ ﺑﺎﺭﺯﻩ ﻭﺗﻤﺸﻲ ﺑﺪﻟﻊ
ﺣﺮﻛﺖ ﻛﻠﺒﻲ ...
ﻭﻫﻮ ﺑﺪﻭﻥ ﻣﻴﺒﺎﻭﻉ ﻋﻠﻴﻪ ﺧﻠﻪ ﻭﻃﻠﻊ ...
ﺍﻋﺮﻑ ﻫﻮ ﺍﻧﺤﺮﺝ ﺑﺲ ﺟﺎﻥ ﻻﺯﻡ ﻳﻄﻤﻨﻲ ....
ﻛﻌﺪﺕ ﻫﺎﻟﻪ ﺗﺤﻀﺮ ﺑﺠﻬﺎﻟﻬﺎ ﻭﺭﺟﻠﻬﺎ ﻣﻨﺘﻈﺮﻫﺎ
ﺍﻧﻪ ﺭﺣﺖ ﻟﻠﻐﺮﻓﻪ ﻃﻠﺒﺖ ﻣﻦ ﻧﻴﺮﺍﻥ ﺗﻨﻮﺭﻩ ﻭﻗﻤﻴﺺ
ﻃﺘﻨﻲ ﺗﻨﻮﺭﻩ ﺿﻴﮕﻪ ﻭﻛﺼﻴﻴﺮﻩ ﻣﺜﻞ ﺗﻨﻮﺭﺓ ﺭﻭﺟﻴﻦ
ﻭﻗﻤﻴﺺ ﺿﻴﻚ
ﻓﺘﺤﺖ ﺷﻌﺮﻱ ﻭﺷﺴﻮﺭﺗﻪ ﺣﻄﻴﺖ ﺣﻤﺮﻩ ﺣﻤﺮﺭﻩ ﻭﻣﻜﻴﺎﺝ ﺑﺎﺭﺯ ....
ﻭﻟﺒﺴﺖ ﻛﻌﺐ ﻛﻮﻩ ﺍﻣﺸﻲ ﺑﻲ ...
ﺣﻄﻴﺖ ﺣﺠﺎﺏ ﻋﻠﺊ ﺷﻌﺮﻱ ﻭﻃﻠﻌﺖ
ﻛﻠﻬﺎ ﺗﻔﺎﺟﺌﺖ ﻣﻦ ﻟﺒﺴﻲ
ﻛﺎﻟﺖ ﻋﻤﺘﻲ ... ﺍﻭﻭﻑ ﻭﻳﻦ ﻭﻟﺞ
ﻛﻠﺘﻠﻬﺎ ..... ﺍﻟﻤﻨﺬﺭ ﻛﺎﻝ ﺭﻭﺣﻲ ﻭﻳﻪ ﻫﺎﻟﻪ ﻟﻠﺠﺰﻳﺮﻩ ﻭﺍﻧﻲ ﺍﺟﻲ ﻭﺭﺍﺝ ....
ﻋﻤﺘﻲ ﺳﻜﺘﺖ ﻣﻦ ﺑﻌﺪ ﺣﺠﺎﻳﻪ ﺍﻟﻤﻨﺬﺭ
ﺑﺲ ﻛﺎﻟﺖ ... ﻭﻫﻴﺞ ﺗﺮﺣﻴﻦ
ﺟﺎﻭﺑﺘﻬﺎ ... ﺟﺎﺍﺍ ﺷﻨﻬﻲ ﻛﻠﻬﺎ ﻫﻴﺞ ﺗﻠﺒﺲ
ﻫﺰﺕ ﺍﻳﺪﻫﺎ ﻭﺭﺍﺣﺖ ...
ﻭﺍﻧﻲ ﺭﺣﺖ ﺭﻛﺒﺖ ﻭﻳﻪ ﻫﺎﻟﻪ ﻭﺭﺟﻠﻬﺎ ﻭﺟﻬﺎﻟﻬﺎ ....
ﺑﺲ ﺷﻨﻬﻲ ﺍﻧﺤﺮﺟﺖ ﺣﻴﻴﻞ ﺗﺬﺑﺤﻮﻧﻲ ﻗﻄﺮﺓ ﺩﻡ ﻣﺎﺑﻴﻪ
ﺑﺲ ﺭﺩﺕ ﺃﻓﻬﻢ ﺍﻟﻤﻨﺬﺭ ﺍﻧﻪ ﺍﺣﻠﻪ ﻣﻦ ﺍﻣﻬﺎﺕ ﺗﻨﻮﺭﺍﺕ ﺍﻟﻴﺮﻛﺾ ﻭﺭﺍﻫﻦ ....
ﺑﺲ ﻭﺭﻭﺡ ﺍﺑﻮﻭﻱ ﻟﻮ ﻳﺪﺭﻱ ﺑﻴﻪ ﻳﻤﻮﺗﻨﻲ ﺗﻤﻮﺕ
ﻳﻤﻜﻦ ﻳﺸﻤﺮﻧﻲ ﻣﻦ ﺩﻳﻼﺏ ﺍﻟﻬﻮﺉ ....
ﻧﻬﺎﻳﺔ ﺍﻟﺒﺎﺭﺕ ... ﻳﺘﺒﻊ
ﻛﻮﻧﻮﺍ ﺍﻧﺘﻢ ﻛﻮﻧﻮﺍ ﺑﺨﻴﺮ ... ﺍﺣﺒﻨﻜﻢ ﻋﺒﻦ ﺍﻧﺘﻢ ﺣﺒﺎﺑﻴﻦ ❤
ﻧﻮﺭ ﺳﻤﻮ ﺍﻟﻌﺮﺍﻕ .
#روووعه