#أنا_هي_جميع_نساؤؤك
بارت٢٧
ﺭﻭﺍﻳﺔ ... ﺍﻧﺎ ﻫﻲ ﺟﻤﻴﻊ ﻧﺴﺎﺅﻙ
ﺑﻘﻠﻤﻲ .. ﻧﻮﺭ ﺳﻤﻮ ﺍﻟﻌﺮﺍﻕ
💔💔💔💔💔💔💔
ﺃﺣـﻘـﺮ ﺍﻟـﻨﺴـﺎﺀ •••••!!!
* ﺍﻣـﺮﺃﺓ ﺗـﺨـﻮﻥ ﺯﻭﺟـﻬـﺎ !!
* ﺍﻣـﺮﺃﺓ ﺗـﻔـﺮّﻕ ﺑـﻴـﻦ ﺻـﺪﻳـﻘـﻴـﻦ !!
* ﺍﻣـﺮﺃﺓ ﺗـﻔـﺮّﻕ ﺑـﻴـﻦ ﺯﻭﺟـﻬـﺎ ﻭ ﺃﻣـﻪ !!
* ﺍﻣـﺮﺃﺓ ﺗـﻨـﻈـﺮ ﻟـﻠـﺮﺟـﻞ ﻋـﻠﻰ ﺃﻧـﻪ ﻭﺳـﻴﻠـﺔ ﻟـﺘـﺤﻘـﻴـﻖ ﻏـﺎﻳـﺘـﻬﺎ !!
* ﺍﻣـﺮﺃﺓ ﺗـﺤـﻤـﻞ ﺣـﻘـﺪ ﻭ ﺗـﻮﺭﺛـﻪ ﻷﺑـﻨـﺎﻫـﺎ !!
* ﺍﻣـﺮﺃﺓ ﺟـﻤـﻴـﻠـﺔ ﻟـﻜـﻦ ﻋـﻘـﻠـﻬﺎ ﺃﺟـﻮﻑ ﻓـﺎﺭﻍ !!
..................................
ﻃﻠﻌﺖ ﺑﺮﻩ ﺍﻟﻐﺮﻓﻪ ﺟﺎﻥ ﺍﻟﺠﻮﻭ ﻣﻀﻠﻢ ﻭﺍﻟﻜﻠﻮﺑﺎﺕ ﻣﻄﻔﻴﻪ ...
ﺭﺣﺖ ﺍﻟﻌﻤﺘﻲ ﻟﻜﻴﺘﻬﺎ ﻧﺎﻳﻤﻪ ...
ﺭﺟﻌﺖ ﺍﻟﻐﺮﻓﺘﻲ
ﺍﺛﺎﺭ ﺍﻧﺘﺒﺎﻫﻲ ﺻﻮﺕ ﻣﻦ ﻏﺮﻓﺔ ﻣﺮﺓ ﻣﺆﻳﺪ
ﺗﻀﺤﻚ ﺑﺪﻟﻊ ﻭﻫﻲ ﺩﻛﻠﻪ .... ﺍﻣﻮﻭﻭﺕ ﻋﻠﻴﻚ ﺍﻏﺎﺭ ﻣﻦ ﺍﺷﻮﻭﻓﻚ ﻭﻳﻪ ﻣﺮﺗﻚ ﺻﺢ ﺗﻔﻜﻴﺮﻱ ﻏﻠﻂ ﻭﺣﺮﺍﻡ ﺑﺲ ﺍﻟﺤﺐ ﻭﻣﺎ ﻗﺘﻞ ﺷﺴﻮﻭﻱ ﺍﺗﺤﻤﻞ ﺍﻟﺨﺎﻃﺮﻙ
ﺑﻠﻌﺖ ﺭﻳﻜﻲ ﻣﺤﺪ ﺑﺎﻟﺒﻴﺖ ﻣﻌﻘﻮﻟﻪ ﻭﻳﻪ ﺍﻟﻤﻨﺬﺭ ﻳﺎﻟﻪ ﻳﺎﺭﺑﻲ ﻳﺎﻟﻪ ﻣﻮﺵ ﻣﺼﺪﻛﻪ ...
ﺍﻟﻤﻨﺬﺭ ﻣﺴﺘﺤﻴﻴﻞ ﻳﺨﻮﻭﻥ ﺍﺧﻮﻭ
ﺻﺢ ﻫﻮ ﺍﺑﻮ ﻧﺴﻮﺍﻥ ﻭﻳﺤﺐ ﺍﻟﻨﺴﻮﺍﻥ ﺑﺲ ﻣﻮﺵ ﻋﻠﺊ ﻛﺮﺍﺑﺘﻪ
ﻭﺑﻄﻞ ﻳﻌﺎﻳﻦ ﻋﻠﺊ ﺍﻟﻨﺴﻮﺍﻥ ...
ﺟﺎﺍﺍ ﻭﻳﺎﻣﻦ ﺗﺤﺠﻲ ﻣﻮﺵ ﻭﻳﻪ ﻣﺆﻳﺪ ﻋﺒﻨﻪ ﻣﻮﺵ ﻫﻨﺎ
ﻭﺗﻜﻮﻝ ﺍﻧﺖ ﺭﺟﺎﻝ ﻣﺘﺰﻭﺝ ...
ﻋﻘﻠﻲ ﺿﺎﻝ ﻳﺠﻴﺐ ﺳﺎﻟﻔﻪ ﻭﻳﻮﺩﻱ ﺳﺎﻟﻔﻪ ...
ﺿﻠﻴﺖ ﺍﺭﻋﺶ ﻣﻦ ﺍﻟﺨﻮﻑ ﻋﺒﺎﻟﻚ ﺍﻧﻪ ﻻﺣﺠﻲ ﻭﻳﻪ ﻭﺍﺣﺪ ﻣﻮﺵ ﻫﻴﻪ
ﻳﺮﺑﻲ ﺍﺧﺎﻓﻦ ﺍﺩﺧﻞ ﻭﺍﺷﻮﻓﻬﺎ ﻫﻲ ﻭﻧﺬﺭﻱ
ﺿﺮﺑﺖ ﺧﺪﻱ ... ﻳﻤﻤﻤﻤﻤﺎﻱ ﻭﺭﻭﺡ ﺍﺑﻮﻭﻱ ﻭﺭﻭﺡ ﺍﺑﻮﻭﻱ ﺍﺫﺍ ﻫﺎﻱ ﺗﻀﺤﻚ ﻋﻠﺊ ﻧﺬﺭﻱ ﻭﻛﺎﻋﺪ ﻭﻳﺎﻫﺎ
ﺍﻃﻜﻦ ﺭﻭﺣﻲ ﻃﻠﻘﻪ ﻭﺍﻛﺘﻠﻬﺎ ....
ﺭﺟﻌﺖ ﺍﺗﺼﻨﺖ ﻋﻠﻴﻬﺎ ﺳﻤﻌﺘﻬﺎ ﺩﻛﻠﻪ .... ﺍﻣﻤﻤﻢ ﻛﺬﺍﺍﺏ ﻻ ﺑﻌﺪ ﻣﺎ ﺍﺣﺒﺒﻚ
ﺷﻨﻮ ﺷﻨﻮ ﺗﺴﻮﻱ ﺟﺴﻤﻲ ﺍﺯﺭﻙ ﻫﻬﻬﻬﻬﻪ ﺭﺍﺣﺖ ﻋﻠﻴﻚ ﺣﺒﻴﺒﻲ ﻃﻠﻌﺘﻲ ﺻﺎﺭﺕ ﺻﻌﺒﻪ ...
ﺍﺗﺎﻛﺪﺕ ﻫﻲ ﻣﻮﺵ ﻭﺍﺣﺪ ﻭﻳﺎﻫﺎ ﺑﺎﻟﻐﺮﻓﻪ ﻳﺎﻟﻪ ﻫﻲ ﺗﺨﺎﺑﺮ
ﺑﺼﺎﺣﺒﻬﺎ
ﺣﺴﻴﺖ ﺍﻟﻤﻮﺕ ﺳﺮﻩ ﺑﺠﺴﻤﻲ
ﺧﻄﻴﻪ ﻣﺆﻳﺪ ﺷﻨﻬﻲ ﺫﻧﺒﻪ ﻳﻄﻴﺢ ﺑﻤﺮﻩ ﻣﺜﻞ ﻫﺎﻱ ﻋﺎﺭ ﻣﺎ ﺣﻔﻈﺖ ﺷﺮﻓﻪ ﻣﻦ ﺍﻭﻝ ﺍﻳﺎﻡ ﻋﺮﺳﻪ ﻭﻻ ﺣﻔﻈﺘﻪ ﺑﻐﻴﺎﺑﻪ
ﺍﺣﺴﺎﺱ ﺑﺪﺍﺧﻠﻲ ﺟﻨﻲ ﺍﻧﻪ ﻣﺴﻮﻳﻪ ﻣﺼﻴﺒﻪ ﻣﻮﺵ ﻫﻲ
ﺭﺟﻌﺖ ﻛﺎﻟﺖ ... ﺣﺒﻴﺒﻲ ﻧﻌﺴﺖ ﺣﻘﻔﻞ ﺍﻟﺴﻤﺎﻋﻪ ﻣﻊ ﺍﻟﺴﻼﻣﻪ
ﺿﺤﻜﺖ ﺑﺪﻟﻊ ﻭﺟﺎﻭﺑﺘﻪ ... ﺷﻜﺪ ﻣﻨﺤﺮﻑ ...
ﻟﻄﻤﺖ ﺻﺪﺭﻱ
ﻣﺎ ﺍﺳﻤﻊ ﺍﻟﻪ ﺑﺮﻳﻚ ﺳﻴﺎﺭﺓ ﺍﻟﻤﻨﺬﺭ ﺍﺻﺪﺭ ﺻﻮﺕ ﻣﺰﻋﺞ
ﻃﻔﺊ ﺍﻟﺴﻴﺎﺭﻩ ﻭﻓﺘﺢ ﺍﻟﺒﺎﺏ ...
ﺍﻧﻪ ﺑﺴﺮﻋﻪ ﻃﻜﻴﺘﻬﺎ ﺭﻛﻀﻪ ﺍﻟﻐﺮﻓﺘﻲ
ﻟﻔﻴﺖ ﺭﻭﺣﻲ ﺑﺎﻟﻨﺰﻟﻪ ﻭﻧﻤﺖ ﺳﻮﻳﺖ ﺭﻭﺣﻲ ﺍﺣﻠﻢ ﻭﺑﺴﺎﺑﻊ ﻧﻮﻭﻣﻪ ...
ﻫﻮ ﺩﺧﻞ ﻭﺳﻤﻊ ﺻﻮﺕ ﺍﻟﺒﺎﺏ ﺍﻧﺴﺪ
ﻛﻠﺶ ﺍﻧﻘﻬﺮﺕ ﺍﻟﻴﻮﻡ ...
ﺍﺟﺖ ﺭﻭﻳﺠﻪ ﺍﻡ ﺳﻴﻘﺎﻥ ﻭﻫﻮ . ﺗﻐﻴﺮ ﻋﻠﻴﻪ ...
ﻭﻃﻠﻊ ﻣﻦ ﺍﻟﻌﺼﺮ ﻫﺴﻪ ﻳﺎﻟﻠﻪ ﻟﻔﻪ ...
ﺍﻛﻴﺪ ﻋﺪ ﺍﻡ ﺳﻴﻘﺎﻥ ﻋﺒﻦ ﺷﻨﻬﻲ ﺗﺮﻛﺺ ﺷﺮﻗﻲ
ﻭﺍﻧﻪ ﺍﺭﻛﺺ ﻋﻤﺎﺭﺟﻲ ...
ﺣﻴﻞ ﻏﺜﺎﻧﻲ ﻣﻦ ﺭﺍﺡ ﻭﻳﺎﻫﺎ ﻭﻃﺒﻮ ﺑﺎﻻﺳﺘﻘﺒﺎﻝ ﻭﺗﺎﺧﺮﻭ
ﻭﺗﺎﻟﻲ ﻃﻠﻊ ﻣﻦ ﺍﻻﺳﺘﻘﺒﺎﻝ ﺩﺵ ﻟﻠﻐﺮﻓﻪ ﺍﺧﺬ ﺿﺮﻑ ﺍﻧﻄﺎﻩ ﺍﻟﻬﺎ
ﻭﻫﻲ ﺭﺍﺣﺖ ﺗﻄﻚ ﺑﻜﻌﺒﻬﺎ ... ﻛﻮﻥ ﺍﻧﻜﺴﺮﺗﻲ ﺍﻧﺘﻲ ﻭﻛﻌﺒﺞ
ﻋﺒﻦ ﺷﻨﻬﻲ ﺩﺍﻗﺘﻨﻲ ﺩﻕ ...
ﻭﺍﻧﻪ ﺍﺫﺍ ﺣﺠﻴﺖ ﺣﺴﻴﻦ ﻓﻬﻤﻲ ﻳﻨﻜﻠﺐ ﻋﻠﻴﻪ ﻭﺣﺶ ﻭﻳﻀﻞ ﺑﺲ ﻳﺮﺯﻝ ﺑﻴﻪ ﻭﻳﻄﻠﻌﻨﻲ ﺍﻧﻪ ﺍﻟﻐﻠﻄﺎﻧﻪ
ﺗﻤﻨﻴﺖ ﺍﺭﺟﻊ ﻃﻔﻠﻪ ﻭﻛﻞ ﻫﻤﻲ ﻟﻌﺒﺘﻲ ﻭﻟﻮﻭ ﺍﻧﻪ ﻣﺎ ﻋﻨﺪﻱ ﻟﻌﺒﻪ ...
ﺑﺲ ﺟﺎﻧﺖ ﺟﺪﺗﻲ ﺗﺨﻴﻂ ﺍﻟﻨﻪ ﻟﻌﺎﺑﺎﺕ ﺍﻧﻪ ﻭﻏﺮﻭﻣﻪ ﻭ ﺍﺯﻫﺎﺭ ...
ﻭﻣﺮﻩ ﻟﻌﺎﺑﺔ ﺍﺯﻫﺎﺭ ﺍﺣﻠﻪ ﻣﻦ ﻟﻌﺎﺑﺘﻨﻪ
ﺍﻧﻪ ﻭﻏﺮﻭﻣﻪ ﺍﻧﻘﻬﺮﻧﻪ ﻧﺰﻋﻨﻪ ﻫﺪﻭﻡ ﻟﻌﺎﺑﺘﻨﻪ ﻭﻟﺒﺴﻨﺎﻫﺎ ﺍﻟﻌﺎﺑﺔ ﺯﻫﻮﺭﻩ ...
ﻭﺧﻤﻄﻨﻪ ﻟﻌﺎﺑﺘﻬﺎ ﻫﻬﻬﻬﻪ ....
ﻭﻫﻲ ﺛﻮﻟﻪ ﻣﺎ ﺍﻧﺘﺒﻬﺖ
ﺍﻟﻠﻪ ﻳﺮﺣﻤﺞ ﻳﺒﻌﺪ ﻛﻠﺒﻲ ﻳﺎ ﻏﺮﺍﻡ ﻋﺒﻦ ﻣﻮﺵ ﻣﺼﺪﻛﻪ ﻃﻮﻟﺞ ﺍﻟﺤﻠﻮﻭ ﺿﻤﻪ ﺍﻟﺘﺮﺍﺏ ...
ﺍﻧﻪ ﻭﻳﺎﺝ ﺗﻮﻡ ﺗﻘﺎﺳﻤﻨﻪ ﺍﻟﺤﻴﺎﺓ ﻭﺍﺣﻨﻪ ﺑﺒﻄﻦ ﺍﻣﻲ
ﺑﺲ ﻏﺪﺭﺗﻴﻨﻲ ﻳﻐﺮﺍﻡ ﻋﺒﻦ ﺧﻠﻴﺘﻨﻲ ﻭﺣﺪﻱ ...
ﺍﻱ ﺻﺪﻙ ﻏﺮﻭﻣﻪ ﺍﻧﻪ ﺍﺭﻳﺪ ﺍﺳﻮﻟﻒ ﻭﻳﺎﺝ ﻭﻣﺎ ﺍﻋﺘﺒﺮﺝ ﻣﺘﻲ ﻭﺍﻧﺘﻬﻴﺘﻲ ﻣﻦ ﺍﻟﺤﻴﺎﺓ ...
ﻳﺎﻟﻪ ﺍﻧﺘﻲ ﻋﺎﻳﺸﻪ ﺑﺮﻭﺣﻲ ...
ﺗﺬﻛﺮﻳﻦ ﻣﻦ ﺣﺠﻴﻨﻪ ﺍﻧﻪ ﻭﻳﺎﺝ ﻭﻛﺘﻠﺞ ﺍﺭﻳﺪﻧﻪ ﻓﺎﺭﺱ ﻭﺍﺭﻳﺪﻧﻪ ﺷﺎﻋﺮ ﻭﺍﺭﻳﺪﻧﻪ ﺟﺮﻳﺊ ...
ﺍﻧﻪ ﺣﺼﻠﺖ ﻋﻠﻴﻪ ﻭﺣﻴﻞ ﺍﺣﺒﻨﻪ ﺑﺲ ﻫﻮ ﻣﻮﺵ ﻫﻠﻜﺪ ﻳﺤﺒﻨﻲ
ﺻﺢ ﻫﻮﻭﺍﻱ ﻳﺒﻮﺱ ﻣﻦ ﻟﻬﺎﻣﻪ ﻟﺠﻌﻮﺏ ...
ﺑﺲ ﺷﻨﻬﻲ ﺍﺫﺍ ﻳﻜﺘﻞ ﺑﻮﻭﻳﺎﻱ ﺟﺪﻱ ﺻﻠﻒ ﺍﺭﺣﻢ ﻣﻨﻪ
ﺟﺎﺍ ﻏﻴﺮ ﻃﻜﻨﻲ ﺑﻨﻄﺎﻕ ﻟﻬﺴﻪ ﻃﺎﺑﻊ ﺑﺠﺴﻤﻲ
ﺑﺲ ﺷﻨﻬﻲ ﺯﻋﻠﺖ ﻭﺿﻞ ﻳﺮﺍﺿﻲ ﺑﻴﻪ ﺍﺧﺬﺍﻧﻲ ﻟﻠﺤﺒﺎﻧﻴﻪ ﺷﻜﺪ ﺣﻠﻮﻭﻩ ... ﺑﺲ ﻣﻮﺵ ﺍﺣﻠﻪ ﻣﻨﺞ
ﻭﻧﺴﻴﺖ ﺍﻛﻠﺞ ﺧﻄﻴﻪ ﻣﺆﻳﺪ ﻣﺮﺗﻪ ﺗﺨﻮﻧﻪ ﺧﻄﻴﻪ ﻓﻘﻴﺮ ﻭﻓﺎﻫﻲ ... ﺍﺩﻋﻴﻠﻪ ﻋﻨﺪ ﺭﺑﺞ ﺗﺴﺘﻌﺪﻝ
ﺷﻔﺘﻪ ﻃﻠﻊ ﻣﻦ ﺍﻟﺤﻤﺎﻡ ﺑﺴﺮﻋﻪ . ﻏﻤﻀﺖ ﻋﻴﻮﻧﻲ ﻋﺒﻦ ﺍﺭﻳﺪﻧﻪ ﻳﻌﺮﻑ ﺍﻧﻪ ﻧﺎﻳﻤﻪ ﻭﻣﻮﺵ ﻣﻨﺘﻈﺮﻩ ﺟﻴﺘﻪ
ﻓﺘﺤﺖ ﻋﻴﻮﻧﻲ ﺍﻟﺮﺅﻳﻪ ﻋﻨﺪﻱ ﺿﺒﺎﺑﻴﻪ ...
ﺷﻔﺘﻪ ﻳﻨﺸﻒ ﺑﺸﻌﺮﻩ ﺑﺎﻟﺨﺎﻭﻟﻲ
ﺍﺗﻤﻨﻴﺖ ﺍﺭﻭﺣﻦ ﺍﻟﻪ ﻭﺍﺿﻠﻦ ﺍﺻﻴﺢ ﻭﺍﻛﻠﻪ ﻫﺴﻪ ﺗﺤﺠﻲ ﺷﻨﻄﻴﺖ ﻻﻡ ﺳﻴﻘﺎﻥ
ﺑﺲ ﺍﻧﻪ ﻛﻞ ﻣﺎ ﺍﺣﺠﻲ ﻳﺘﺮﻛﺐ ﺍﻟﺤﻖ ﻋﻠﻴﻪ ﻭﺍﺿﻠﻦ ﺍﺟﻔﺺ
ﻭﺍﺷﺒﻊ ﻃﻦ ﺑﺠﻲ ....
ﺷﻔﺘﻪ ﺗﻘﺮﺏ ﻣﻨﻲ ﻏﻤﻀﺖ ﺻﺪﻙ ﻭﺍﺻﻄﻜﻴﺖ
ﻫﻮ ﺳﺤﺐ ﺍﻟﻨﺰﻟﻪ ﻣﻨﻲ ﻭﺗﻐﻄﻪ ﻭﻳﺎﻱ ﺣﺴﻴﺖ ﻋﻠﻴﻪ ﻳﺘﻠﻤﺲ ﺧﺼﻼﺕ ﺷﻌﺮﻱ ...
ﻫﻤﺲ ﺑﺼﻮﺕ ﺍﻗﺮﺏ ﻟﻠﻨﻌﺎﺱ ... ﻣﻨﻮﻭﺱ ﺗﻌﻮﻓﻴﻨﻲ ﻭﺗﻨﺎﻣﻴﻦ
ﺍﻧﻪ ﻣﺎ ﺻﺪﻛﺖ ﻛﻌﺪﺕ ﻛﻌﺪﻩ ﻛﺘﻠﻪ ... ﺍﻱ ﻣﺜﻠﻚ ﻣﻦ ﻋﻔﺘﻨﻲ ﻣﻦ ﺍﺟﺖ ﺍﻡ ﺳﻴﻘﺎﻥ ﻟﺤﺪ ﻫﺴﻪ
ﻭﻳﻦ ﺟﻨﺖ ﺍﺣﻠﻒ ﺑﺮﻭﺡ ﺍﺑﻮﻙ ﻣﻮﺵ ﻭﻳﺎﻫﺎ
ﻫﻮ ﺿﺤﻚ ﺑﺼﻮﺕ ﻋﺎﻟﻲ ﻭﺿﻤﺎﻧﻲ ﻟﺼﺪﺭﻩ
ﻛﺎﻝ .. ﻭﺷﻌﻨﺪﻱ ﻭﻳﺎﻫﺎ ﻻﻳﺎﺑﻪ ﻻ ﺭﺍﻳﺢ ﻭﻻ ﺷﺊ ﻫﺎﻱ ﺍﻻﻓﻜﺎﺭ ﺍﻟﺴﻠﺒﻴﺔ ﺷﻴﻠﻴﻬﺎ ﻣﻦ ﻋﻘﻠﺞ
ﻋﻨﺪﻱ ﺍﺷﻐﺎﻝ ﺍﻫﻢ ﻣﻦ ﺭﻭﺟﻴﻦ ﻭﺍﺑﻮ ﺭﻭﺟﻴﻦ
ﻣﺴﺤﺖ ﺩﻣﻮﻋﻲ ﺑﺤﺴﺮﻩ ... ﺑﺲ ﻣﻦ ﺍﺟﺖ ﺍﻧﺖ ﺗﻐﻴﺮﺕ ﻭﻃﺮﺩﺗﻨﻲ ﻛﺪﺍﻣﻬﺎ
ﺍﻟﻤﻨﺬﺭ ... ﻻ ﻣﺎ ﻃﺮﺩﺗﺞ ﺑﺲ ﻛﺘﻠﺞ ﺭﻭﺣﻲ ﻻﻥ ﺍﻋﺮﻓﺞ ﺑﺲ ﺗﻀﻠﻴﻦ ﺗﺘﻌﺎﺭﻛﻴﻨﻬﺎ
ﺩﺭﺕ ﺷﻔﺎﻳﻔﻲ ﺑﺰﻋﻞ ... ﻭﺷﻨﻬﻲ ﺧﺎﻳﻒ ﻋﻠﻴﻬﺎ ﺗﺰﻋﻞ ﺍﻡ ﻣﺸﺎﻋﺮ ﻭﺭﺩﻳﻪ ﻳﻮﻭ ﺧﺎﻳﻒ ﻋﻠﺊ ﻛﻔﺸﺘﻬﺎ ﺗﺨﺮﺏ ﺍﻟﺘﺴﺮﻳﺤﻪ ﻣﻦ ﺍﻟﻌﺮﻛﻪ ...
ﺭﺩ ﺑﺴﻴﺎﺳﻪ ... ﺗﺮﺉ ﺭﻭﺟﻴﻦ ﺍﻛﺒﺮ ﻣﻨﺞ ﻭﺍﺿﺨﻢ ﻭﺍﺳﻤﻦ ﻭﺍﻃﻮﻝ ... ﻭﺍﻧﻲ ﻋﻤﺮﻱ ﺍﺧﺎﻑ ﻋﻠﻴﺞ ﺍﻧﺘﻲ ﻳﺨﺮﺏ ﺷﻌﺮﺝ
ﺗﺮﻭﺣﻠﺞ ﻓﺪﻭﻩ ﺭﻭﺟﻴﻦ ﻭﺷﻌﺮﻫﺎ
ﺑﺎﻭﻋﺘﻠﻪ ﺑﺒﺮﺍﺋﻪ ﻭﺧﺠﻞ ... ﻗﺼﺪﻙ ﺍﻧﻪ ﻣﺠﻌﻮﺻﻪ ﻭﻣﺜﻞ ﻣﺎ ﺗﻜﻮﻝ ﻗﺒﻞ ﻣﻮﺵ ﻧﺎﺿﺠﻪ
ﺭﻓﻊ ﺣﺎﺟﺐ ﻣﺎ ﻋﺠﺒﻪ ﻛﻼﻣﻲ ... ﺍﻧﺘﻲ ﻣﻮ ﻧﺎﺿﺠﻪ؟ ﻛﻞ ﻫﻞ ﻧﻀﻮﻭﺝ ﻭﻣﻮ ﻧﺎﺿﺠﻪ
ﺍﺳﻮﻟﻔﻠﺞ ﻟﻮ ﺍﺳﻜﺖ
ﺟﺎﻭﺑﺘﻪ ﺑﻌﺪﻡ ﻓﻬﻢ ... ﺳﻮﻟﻒ
ﻫﻮ ﻗﺮﺏ ﻭﺟﻬﻪ ﻣﻦ ﻭﺟﻬﻲ ﻛﺎﻝ .... ﻳﺎﻟﻠﻪ ﺍﺳﻮﻟﻔﻠﺞ ﺭﺣﻠﺘﻲ ﻋﻠﺊ ﺍﺟﻤﻞ ﺍﺭﺽ ﺧﺼﺒﻪ ﻭﻫﻲ ﺍﻧﻮﺛﺘﺞ ﻭﻧﻀﻮﺟﺞ
ﺷﻔﺖ ﺍﺟﻤﻞ ﺍﻟﻤﻨﺎﻇﺮ ﺍﻟﺨﻼﺑﻪ ﻭﺍﺳﺘﻨﺸﻘﺖ ﺍﺟﻤﻞ ﺍﻟﻌﻄﻮﺭ ﺍﻟﻔﺮﻧﺴﻴﻪ ﺗﺮﺟﻤﺖ ﺍﺣﺴﺎﺳﻲ ﻋﻠﺊ ﻛﻞ ﻗﻄﻌﻪ ﺑﺠﺴﻤﺞ
ﺿﻞ ﻳﺤﺠﻲ ﺑﻐﺰﻝ ﺻﻔﻨﻲ ﺧﻼﻧﻲ ﺍﺑﻠﻊ ﺑﺮﻳﻜﻲ
ﻣﻦ ﺧﺠﻠﻲ ﺣﻄﻴﺖ ﺍﻳﺪﻱ ﻋﻠﺊ ﺷﻔﺎﻳﻔﻪ ﻫﻤﺴﺖ ﺑﺨﺠﻞ ... ﻛﺎﻓﻲ ﺗﺮﺉ ﺍﺳﺘﺤﻲ
ﺳﺤﺐ ﺍﻳﺪﻱ ﻭﺑﺎﺳﻬﺎ ﻛﺎﻝ ... ﻣﻮ ﺗﺮﺩﻳﻦ ﺍﺳﻮﻟﻔﻠﺞ
ﺧﻠﻲ ﺍﻛﻤﻞ ﺭﺣﻠﺘﻲ ﻭﻳﺎﺝ ﻭﺻﺮﺕ ﺳﺎﺋﺢ ﻣﺤﺐ ﺍﻟﻤﺪﻳﻨﺔ ﺳﺮ ﺍﻧﻮﺛﺘﺞ ﻭﻃﻠﺒﺖ ﺍﻗﺎﻣﻪ ﻋﻨﺪﺝ
ﺍﺑﺘﺴﻤﺖ ﺑﺨﺠﻞ ﻳﻌﺮﻑ ﺷﻠﻮﻥ ﻳﺄﺛﺮ ﻋﻠﻴﻪ ﺑﻌﺪ ﺿﺎﺑﻂ ﻭﺍﺑﻮ ﻧﺴﻮﺍﻥ ﻭﺗﺮﺑﻴﺔ ﺭﻭﺟﻴﻦ ....
ﻏﻴﺮﺕ ﺍﻟﻤﻮﺿﻮﻉ ... ﺷﺘﺮﻳﺪ ﺍﻡ ﺳﻴﻘﺎﻥ
ﻫﻮ ﺳﺤﺒﻨﻲ ﺍﻟﺼﺪﺭﻩ ﻭﺑﻬﺪﻭﺀ ﻭﺑﺼﻮﺕ ﺭﻭﻣﺎﻧﺴﻲ ... ﻻﻧﻌﻞ ﺍﺑﻮﻫﺎ ﻟﺞ ﺗﻌﺎﻱ ﻣﺸﺘﺎﻕ
ﺩﻓﻌﺘﻪ ﺑﺨﺠﻞ ... ﻳﺎﻟﻪ ﻻ ﺗﺘﻘﺮﺏ ﻣﺎ ﻋﻠﻴﻪ ﺻﻼﻩ
ﺍﺑﺘﺴﻢ ﻭﺭﺟﻊ ﺳﺤﺒﻨﻲ ﺿﻞ ﻳﺴﻮﻟﻒ ﻭﻛﻞ ﻣﺎﺍﺳﺌﻠﻪ ﺷﺮﺍﺩﺕ ﺭﻭﺟﻴﻨﺎ
ﻳﻐﻴﺮ ﺍﻟﻤﻮﺿﻮﻉ
ﻭﻣﻦ ﻛﺜﺮ ﻣﺎ ﻟﺤﻴﺖ ﻛﺎﻝ .. ﺟﻮﺍﺯﻫﺎ ﻋﻨﺪﻱ ﺍﻧﻄﻴﺘﻪ ﺍﻟﻬﺎ
ﺑﺲ ﻫﻮ ﺣﺬﺍﺏ ﺷﻠﻮﻥ ﻣﻮ ﻗﺒﻞ ﻛﺎﻝ ﺳﻔﺮﺗﻬﺎ ﻟﻠﺒﻨﺎﻥ
ﻣﻮﺗﻨﻲ ﻳﺮﺑﻲ ﺷﺴﻮﻱ ﺍﺣﺒﻨﻪ ﻭﻣﺎﺍﺭﻳﺪﻥ ﺍﺻﺪﻙ ﻳﺨﻮﻧﻲ
ﻭﺧﻄﻴﻪ ﻣﺆﻳﺪ ﻣﺮﺗﻪ ﺗﺨﻮﻧﻪ ﺷﻨﻬﻲ ﺫﻧﺒﻪ ﻣﺴﻜﻴﻦ ...
ﺍﺑﻮ ﺍﻟﻨﺴﻮﺍﻥ ﻣﺮﺗﻪ ﺷﺮﻳﻔﻪ ﻭﺍﻟﻔﻘﻴﺮ ﻣﺮﺗﻪ ﻣﻮﺵ ﺭﺍﺣﻪ
ﺍﺳﺘﻐﻔﺮ ﺍﻟﻠﻪ ﻳﺮﺑﻲ ﺷﺠﺎﻱ ﻳﺼﻴﺮ ﻣﺎﻛﻮﻭ ﻣﻌﺎﺩﻟﻪ ﻭﻻ ﻋﺪﻝ ﺑﻬﺬﺍ ﺍﻟﻤﻮﺿﻮﻉ ...
ﻧﻤﺖ ﻋﻠﺊ ﺻﺪﺭ ﺍﻟﻤﻨﺬﺭ ﻭﺍﺣﻼﻡ ﺗﺮﺍﻭﺩﻧﻲ ﺑﺲ ﻣﺎ ﻣﻴﺰﺗﻬﺎ
ﺑﺲ ﺣﻠﻢ ﻓﺮﺯﻧﺘﻪ ﺍﺧﺘﻲ ﻏﺮﺍﻡ ﺗﺒﺎﻭﻋﻠﻲ ﺑﺤﺰﻥ ﻭ ﻻﺑﺴﻪ ﺍﺑﻴﺾ ﻭﺩﻛﻠﻲ ... ﺍﻧﺘﻲ ﺗﻜﺴﺮﻳﻦ ﺧﺎﻃﺮﻱ ﺍﻧﻪ ﺍﺣﺒﻨﺞ ﺑﺲ ﺩﻳﺮﻱ ﺑﺎﻟﺞ ﺍﻧﺘﻲ ﻣﻮﺵ ﺑﺨﻴﺮ
..........................
ﺻﺤﻴﺖ ﻣﻦ ﺍﻟﻨﻮﻡ ﺍﻟﻐﺮﻓﺔ ﻇﻠﻤﺔ ﻭﺿﻮﺀ ﺧﻔﻴﻒ ﻳﺘﺴﻠﻞ ﻣﻦ ﺍﻟﺴﺘﺎﺋﺮ .. ﺧﻠﻴﺖ ﺍﻳﺪﻱ ﺟﻮﺓ ﺭﺍﺳﻲ ﻭﻋﻴﻮﻧﻲ ﻉ ﺍﻟﺴﻜﻒ ﻭﺍﺑﺎﻭﻉ ﺑﻌﺸﻮﺍﺋﻴﺔ .. ﻭﺍﻓﻜﺮ ﺷﻨﻮ ﺻﺎﺭ ﺍﻟﻔﺎﺭﻭﻕ ﻓﻄﺲ ﻟﻮ ﻳﺼﺢ ﺑﻴﺪﻱ ﺍﻟﻪ ﺍﻗﻄﻊ ﻟﺤﻤﺔ ﻭﺻﻠﺔ ﻭﺻﻠﺔ ﻭﺍﺷﻤﺮﻩ ﻟﻠﺠﻼﺏ ﺣﻘﻴﺮ ﻳﺴﺘﺎﻫﻞ ﺍﻟﻤﻮﻭﺕ ﺍﻟﻲ ﺳﻮﺍ ﺑﻌﺮﺿﻪ ﻭﺷﺮﻓﻪ ﻭﺑﻨﺖ ﻋﻤﻪ ﺣﺘﻰ ﺍﻟﺤﻴﻮﺍﻧﺎﺕ ﻣﻴﺴﻮﻭﻫﺎ ..
ﻭﺍﻧﻲ ﻋﻠﻰ ﻫﺬﺍ ﺍﻟﺤﺎﻝ ﺍﻧﻔﺘﺤﺖ ﺍﻟﺒﺎﺏ ﻭﺩﺧﻠﺖ ﻧﻴﺮﺍﻥ ﻣﺪﺕ ﺍﻳﺪﻫﺎ ﻟﻨﻘﻄﺔ ﺍﻟﻜﻬﺮﺑﺎﺀ ﻭﻓﺘﺤﺖ ﺍﻟﻀﻮﺀ .. ﻇﻠﻴﺖ ﺍﺑﺎﻭﻉ ﺍﻟﻬﺎ ﻭﻣﻘﻠﺺ ﻋﻴﻮﻧﻲ ﻣﺰﻋﻮﺝ ..
ﺗﻘﺮﺑﺖ ﻣﻨﻲ ﻭﻣﺒﻴﻨﻪ ﻣﺘﻮﺗﺮﺓ ﻇﻠﻴﺖ ﺍﺑﺎﻭﻋﻠﻬﺎ ﺑﺘﻔﺤﺺ ﻣﻨﺘﻈﺮ ﻣﻨﻬﺎ ﺗﺘﻜﻠﻢ ..
ﻛﺎﻟﺖ ﺑﺼﻮﺕ ﻣﺮﺗﺠﻒ ﻣﺮﻋﻮﺏ ؛ ﻋﻤﺮ ﻫﺬﺍ ﻭﺛﺎﺏ
ﻛﻤﺖ ﻣﻦ ﻣﻜﺎﻧﻲ ﻣﺼﺪﻭﻡ ﺑﺲ ﻣﺤﺎﻭﻟﺖ ﺍﺑﻴﻦ ﺍﻟﻬﺎ
ﻟﺰﻣﺘﻬﺎ ﻣﻦ ﻋﻜﺴﻬﺎ ﻛﺘﻠﻬﺎ ﻭﻳﻨﻪ ؟؟
ﻇﻠﺖ ﺗﺒﺎﻭﻉ ﻻﻳﺪﻫﺎ ﻭﺗﺒﺎﻭﻋﻠﻲ .. ﺍﻧﺘﺒﻬﺖ ﻋﻠﻴﻬﺎ ﻭﻓﻠﺘﺘﻬﺎ ..
ﻛﺎﻟﺖ : ﺍﻧﺪﻛﺖ ﺍﻟﺒﺎﺏ ﻭﺍﻧﺖَ ﻧﺎﻳﻢ ﻣﺤﺒﻴﺖ ﺍﺯﻋﺠﻚ ﻃﻠﻌﺖ ﻭﻃﻠﻴﺖ ﻣﻦ ﻓﺘﺤﺔ ﺍﻟﺒﺎﺏ ﺷﻔﺘﻪ ﻫﻮ ﺍﻧﺮﻋﺒﺖ ﻭﺩﺧﻠﺖ ﺍﺻﻴﺤﻠﻚ ﺑﺲ ﻛﻮﻟﻲ ﺷﻴﺮﻳﺪ ﻫﺬﺍ ﺟﺎﻱ ؟
ﺗﺠﺎﻫﻠﺖ ﺳﺆﺍﻟﻬﺎ ﺗﻮﺟﻬﺖ ﻟﻠﺰﺍﻭﻳﺔ ﺍﺧﺖ ﻣﻨﻬﺎ ﺗﻴﺸﻴﺮﺕ ﻭﻟﺒﺴﺘﻪ ﺑﺴﺮﻋﺔ ﻭﻫﺮﻋﺖ ﻟﻠﺒﺎﺏ .. ﻭﻛﻔﺖ ﻣﻘﺎﺑﻴﻠﻪ ﻣﺘﺮﺩﺩ ﺍﻓﺘﺤﻪ ﻟﺰﻣﺔ ﻳﺪﺓ ﺍﻟﺒﺎﺏ ﻭﺑﻘﻴﺖ ﻭﺍﻛﻒ ﺍﻟﺘﻘﻂ ﺍﻧﻔﺎﺳﻲ ﻭﺍﺳﻴﻄﺮ ﻋﻠﻰ ﻧﻔﺴﻲ ﻭﺍﺳﺘﻌﻴﺪ ﻫﺪﻭﺋﻲ .
ﺑﻌﺪ ﻟﺤﻈﺎﺕ ﻓﺘﺤﺘﻬﺎ ﻭﺻﺎﺭ ﻣﻘﺎﺑﻴﻠﻲ ﺍﻟﺸﻴﺦ ﻭﺛﺎﺏ
ﻭﻣﺒﻴﻦ ﻛﻮﺓ ﻣﺘﺤﻜﻢ ﺑﻐﻀﺒﻪ ..
ﻛﺘﻔﺖ ﺍﻳﺪﻳﻪ ﻭﻛﺘﻠﻪ ﺧﻴﺮ ﺍﻣﺮ ﺧﺪﻣﺔ ؟
ﻣﺎﻧﻄﻖ ﻭﻻ ﺣﺮﻑ ﻓﺎﺕ ﻟﻠﻜﺮﺍﺝ ﻳﻤﺸﻲ ﺑﻬﺪﻭﺀ ﺗﺒﻌﺘﻪ ﻭﺻﺮﺕ ﻭﺭﺍﻩ ﻭﺳﺪﻳﺖ ﺍﻟﺒﺎﺏ ..
ﺍﻟﺘﺎﻑ ﻭﻫﻮ ﺷﺎﻳﻞ ﻃﺮﻑ ﻋﺒﺎﺗﻪ ﻛﺎﻝ : ﺍﻧﺖَ ﺍﻟﻲ ﺻﻮﺑﺖ ﻓﺎﺭﻭﻕ ﻭﻻ ﺗﻨﻜﺮ ﺍﻧﻲ ﺷﻔﺘﻚ ﻭﺍﺫﺍ ﺍﺷﺘﻜﻴﺖ ﻋﻠﻴﻚ ﺗﺮﻭﺡ ﺍﻋﺪﺍﻡ .
ﺑﻌﺪﻧﻲ ﻣﺤﺎﻓﻆ ﻋﻠﻰ ﻫﺪﻭﺋﻲ ﺳﺒﻠﺖ ﺍﻳﺪﻳﻪ ﻭﺧﻠﻴﺘﻬﻢ ﺑﺠﻴﺐ ﺍﻟﺘﺮﺍﻛﺴﻮﺕ .. ﻛﺘﻠﻪ ﺑﻨﺒﺮﺓ ﺑﺮﻭﺩ ﻣﺎﻋﻨﺪﻙ ﺩﻟﻴﻞ ﻋﻠﻴﻪ ﻭﺷﺘﺮﻳﺪ ﺗﺴﻮﻱ ﺳﻮﻱ
ﻭﺛﺎﺏ ﺑﺤﻘﺎﺭﻩ : .... ﺍﻧﻲ ﺷﻔﺘﻚ ﺟﻨﺘﻚ ﻓﻮﻙ ﺑﻐﺮﻓﺘﻲ ﻭﺷﻔﺘﻚ ﻣﻦ ﺷﺒﺎﺝ ﻏﺮﻓﺘﻲ
ﺑﺲ ﺳﻜﺘﺖ ﻣﻮﺵ ﺍﻟﺨﺎﻃﺮﻙ ﻻ ﻻﻥ ﺍﻧﻪ ﺍﺭﻳﺪﻥ ﻛﻠﻜﻢ ﺍﻭﺩﻳﻜﻢ ﺑﺴﺘﻴﻦ ﺩﺍﻫﻴﻪ
ﻋﻤﺮ ﺑﻬﺪﺀ ... ﺍﻋﻠﺊ ﻣﺎ ﺑﺨﻴﻠﻚ ﺍﺭﻛﺒﻪ ﻭ ﻣﺎﻟﻚ ﺷﺊ ﻋﻨﺪﻱ ﻻ ﻋﻨﺪﻙ ﺩﻟﻴﻞ ﺿﺪﻱ
ﻭﺛﺎﺏ ... ﻻ ﺗﻨﺴﺊ ﺑﻌﺪ ﺗﺤﻠﻴﻞ ﺍﻟﻄﺐ ﺍﻟﻌﺪﻟﻲ ﻭﺭﺍﺡ ﻳﺒﻴﻦ ﺍﻟﻄﻠﻘﻪ ﻃﻠﻌﺖ ﻣﻦ ﻳﺎ ﻣﺴﺪﺱ ﻭﺍﻛﻴﺪ ﻣﺴﺪﺳﻚ ﺍﻟﻄﻠﻖ ﺍﻟﻨﺎﺭ
ﻋﻤﺮ ﺑﺘﻨﻬﻴﺪﻩ ... ﺍﻱ ﺭﻭﺣﻮ ﺍﺷﺘﻜﻮ ﻋﻠﻴﻪ ﻭﺍﻧﻲ ﺍﺷﺘﻜﻲ ﻋﻠﺊ ﻓﺎﺭﻭﻕ ﺍﻟﻨﺬﻝ ﻏﺪﺭ ﻧﻴﺮﺍﻥ ﻭﻛﺎﻧﺖ ﻓﺮﻳﺴﺘﻪ
ﺍﺑﺘﺰﺍﺯ ﺑﺸﺮﻓﻬﺎ ﻭﻋﺮﺿﻬﺎ ﻭﺍﺧﺬﻫﺎ ﻟﺸﻘﻪ ﻣﺸﺒﻮﻫﺎ ﻭﺍﺷﺘﻜﻲ ﻋﻠﻴﻬﺎ ﺩﺧﻠﻬﺎ ﺍﻟﺴﺠﻦ ﺑﺎﻃﻞ
ﺍﻧﺖ ﺗﺸﺘﻜﻲ ﻭﺍﻧﻲ ﺍﺷﺘﻜﻲ
ﻭﺛﺎﺏ ﺑﻀﺤﻜﻪ ... ﻣﺎ ﻋﻨﺪﻙ ﺩﻟﻴﻞ؟
ﻋﻤﺮ ﺑﺒﺘﺴﺎﻣﻪ ﺗﻐﺚ ... ﻋﻨﺪﻱ ﺩﻟﻴﻞ ﻭﻣﺎ ﺿﺮﺑﺘﻪ ﺍﻟﻪ ﻭﺍﻧﻲ ﺍﻣﻠﻚ ﺩﻟﻴﻞ ﻗﻮﻭﻱ ﺿﺪﻩ...
ﻧﻴﺮﺍﻥ ﻋﺮﺿﻲ ﻭﺷﺮﻓﻲ ﺍﺫﺍ ﻭﺻﻞ ﺍﻟﺨﺒﺮ ﻻﺧﻮﻫﺎ ﻗﺴﻤﺎ ﺑﺬﺍﺕ ﻟﻠﻪ ﻳﺘﺮﺱ ﺣﻠﻜﻢ ﺗﺮﺍﺏ ...
ﻣﺎ ﺣﺒﻴﺖ ﺍﻭﺻﻠﻪ ﺍﻟﻪ ﻻﻥ ﻣﺎﺍﺭﻳﺪ ﺍﻟﻌﺸﻴﺮﻩ ﺗﻨﻘﺴﻢ
ﺛﺎﺭﻱ ﻭﻳﻪ ﻓﺎﺭﻭﻕ ﻭﺍﺧﺬﺗﻪ
ﻭﺛﺎﺏ ﺑﻌﺼﺒﻴﺔ ... ﺍﺫﺍ ﻓﺎﺭﻭﻕ ﻣﺎﺕ ﻭﺭﻭﺡ ﺍﺑﻮﻭﻭﻱ ﺍﺩﻓﻨﻜﻢ ﻭﺍﻧﺘﻢ ﻋﺪﻟﻴﻦ
ﻭﺍﻧﻪ ﻫﺴﻪ ﺳﺎﻛﺖ ﻣﻨﺎ ﻟﻤﻦ ﻳﺼﻴﺮ ﺯﻳﻦ ﺍﺫﺍ ﻣﺎﺕ ﺍﻧﻪ ﻋﺪﻭﻛﻢ ﺍﻟﻴﻮﻡ ﺍﻟﺪﻳﻦ ﻭﺛﺎﺭﻱ ﺍﺧﺬﻩ ﻟﻮ ﻳﻀﻞ ﻳﻮﻡ ﺑﻌﻤﺮﻱ
ﺍﺷﺮﺕ ﺍﻟﻪ ﻳﻄﻠﻊ ﻛﻼﻣﻪ ﻣﻴﻌﺠﺒﻨﻲ ﻓﻮﻙ ﺷﻴﻨﺔ ﻛﻮﺍﺕ ﻋﻴﻨﻪ ...
ﻫﺬﺍ ﺷﺮﻑ ﻭﺍﻟﺸﺮﻑ ﻣﺎ ﻳﻨﺴﻜﺖ ﻋﻨﻪ
ﻫﻮ ﻟﻒ ﻋﺒﺎﺗﻪ ﻭﻃﻠﻊ ﺑﺴﺮﻋﻪ ﻭﻳﻌﺼﺮ ﺑﺴﺒﺤﺘﻪ
ﻭﻳﺴﺐ ﻭﻳﻐﻠﻂ ﻭﻛﻞ ﺷﻮﻳﻪ ﻭﻛﺎﻝ ... ﺍﻟﻤﻨﺬﺭ ﻫﻮ ﺩﺯﺓ ﻳﻜﺘﻞ ﻓﺎﺭﻭﻕ ... ﺑﺲ ﻭﺍﻟﻠﻪ ﺍﻛﺘﻠﻬﻢ ﻛﻠﻬﻢ ﻭﺍﺭﻣﻞ ﻧﺴﻮﺍﻧﻬﻢ
ﻋﻤﺮ ؛ ﺗﻮﺟﻬﺖ ﻟﻠﺒﻴﺖ ﻓﺘﺤﺖ ﺍﻟﺒﺎﺏ ﺻﺎﺭﺕ ﻣﻘﺎﺑﻴﻠﻲ ﻧﻴﺮﺍﻥ ﺩﻣﻮﻋﻬﺎ ﻋﻠﻰ ﺧﺪﻫﺎ ﻭﺗﺮﻋﺶ ﻭﺍﻟﺨﻮﻑ ﻣﺘﻮﻏﻞ ﺑﻜﻞ ﻣﻼﻣﺤﻬﺎ ..
ﺳﺪﻳﺖ ﺍﻟﺒﺎﺏ ﺑﺒﺮﻭﺩ ﻭﻓﺘﺖ .. ﺻﺎﺭﺕ ﻣﻘﺎﺑﻴﻠﻲ ﺗﺤﺠﻲ ﻭﻣﺮﻋﻮﺑﺔ ..
ﻧﻴﺮﺍﻥ : ﻋﻤﺮ ﺍﻧﺖَ ﺷﻨﻮ ﺳﻮﻳﺖ ﻟﻔﺎﺭﻭﻕ ﻗﺘﻠﺘﻪ ﻣﻮﻭﺗﻪ ﺧﻼﺹ ؟؟
ﻋﺼﺒﺖ ﻣﺪﻳﺖ ﺍﻳﺪﻱ ﻟﺰﻣﺘﻬﺎ ﻣﻦ ﻣﻌﺼﻤﻬﺎ ﻭﺳﺤﺒﺘﻬﺎ ﺍﻟﻴﻪ ﺑﻘﻮﻭﺓ ﻃﺨﺖ ﻛﻠﻬﺎ ﺑﺼﺪﺭﻱ ﺻﺮﺧﺖ ﺑﻮﺟﻬﻪ ﻭﺍﻧﺖِ ﺷﻨﻮﻭﻭ ﺿﺎﻳﺠﺔ ﻋﻠﻴﻪ ؟؟
ﺗﺒﺎﻭﻋﻠﻲ ﺑﺨﻮﻑ ﻭﻧﺸﻐﺖ ﻣﺮﻋﻮﺑﺔ .. ﻣﻠﺼﺖ ﺍﻳﺪﻫﺎ ﻣﻨﻲ ﻭﺍﺑﺘﻌﺪﺕ ﻋﻨﻲ ﺗﺤﺠﻲ ﺑﺘﻮﺳﻞ ﻭﺗﺒﺠﻲ
_ ﻻﻻﻻ ﻋﻤﺮ ﻟﺘﻔﻬﻤﻨﻲ ﻏﻠﻂ ﺍﻧﻲ ﺧﺎﻳﻔﺔ ﻋﻠﻴﻚ
ﻭﺭﺟﻌﺖ ﺗﻘﺪﻣﺖ ﺑﺨﻄﻮﺍﺕ ﺳﺮﻳﻌﺔ ﻭﺧﻠﺖ ﺭﺍﺳﻬﺎ ﻋﻠﻰ ﺻﺪﺭﻱ ﻭﻛﻔﻮﻑ ﺍﻳﺪﻳﻬﺎ ﺛﺒﺘﺘﻬﻢ ﻋﻠﻰ ﺍﻛﺘﺎﻓﻲ ﻭﺗﺒﺠﻲ ﺑﻨﺤﻴﺐ ..
ﻟﺰﻣﺘﻬﺎ ﻣﻦ ﺍﻛﺘﺎﻓﻬﺎ ﻭﺧﺮﺗﻬﺎ ﻣﻦ ﺻﺪﺭﻱ ﺛﺒﺘﺖ ﻧﻈﺮﺍﺗﻲ ﻋﻠﻰ ﻭﺟﻬﻪ ﺍﺗﻔﺤﺺ ﻣﻼﻣﺤﻬﺎ ﻭﺍﺗﺄﻛﺪ ﻣﻦ ﺻﺪﻕ ﺍﺩﻋﺎﺋﺘﻬﺎ
ﻟﻤﻌﺖ ﻧﻈﺮﺓ ﺑﺮﻳﺌﺔ ﺑﻌﻴﻮﻧﻬﺎ ﺍﻟﻤﻐﻮﺭﻛﺔ ﺑﺎﻟﺪﻣﻮﻉ ﻭﺷﻔﺎﻳﻔﻬﺎ ﺍﻟﻤﻔﺘﻮﺣﺔ ﻭﺗﺮﺟﻒ
ﻭﺗﻜﺮﺭ ﻛﻼﻣﻬﺎ ؛ ﻭﺍﻟﻠﻪ ﺧﺎﻳﻔﺔ ﻋﻠﻴﻚ ﻛﻮﻟﻲ ﺷﺮﺍﺡ ﻳﺴﻮﻭﻥ ﺍﻟﻚ ﻛﻮﻟﻲ ﻋﻤﺮ ﻋﻔﻴﺔ ..
ﺗﺮﻛﺘﻬﺎ ﺑﺪﻭﻥ ﺍﺟﺎﺑﺔ ﺗﻮﺟﻬﺖ ﻟﺘﺨﻢ ﻭﻛﻌﺪﺕ ﺑﻬﺪﻭﺀ ﻋﻜﺲ ﺍﻟﺒﺮﺍﻛﻴﻦ ﺍﻟﻤﺘﻔﺠﺮﺓ ﺑﺪﺍﺧﻠﻲ ..
ﺍﺟﺖ ﻛﻌﺪﺕ ﺟﻮﺓ ﺍﻟﺘﺨﻢ ﻭﺧﻠﺖ ﺭﺍﺳﻬﺎ ﻋﻠﻰ ﺭﻛﺒﻲ ﻭﺗﺒﺠﻲ ﺑﻨﺤﻴﺐ ﻳﻘﻄﻊ ﺍﻟﻘﻠﺐ .
ﺧﻠﻴﺖ ﺍﻳﺪﻱ ﻋﻠﻰ ﺭﺍﺳﻬﺎ ﺍﺗﻠﻤﺲ ﺧﺼﻼﺕ ﺷﻌﺮﻫﺎ ﺑﺪﻭﻥ ﺗﻌﻤﻖ ﻭﻧﻈﺮﺍﺗﻲ ﺑﺎﻟﻔﺮﺍﻍ ﻭﺩﺍﺧﻠﻲ ﻳﻐﻠﻲ
ﺑﻌﺪ ﻣﺮﻭﺭ ﻳﻮﻣﻴﻦ ....
ﺭﺟﻊ ﻣﺆﻳﺪ ﻣﻦ ﺍﻟﻌﻤﺎﺭﻩ ﻭﺍﻧﻪ ﺳﺎﻟﺘﻪ ﻋﻦ ﺍﻫﻠﻲ ﻭﺿﻠﻴﺖ ﺍﺑﺠﻲ
ﻛﺎﻝ ... ﺯﻳﻨﻴﻦ ﻭﺍﻥ ﺷﺎﺀ ﻟﻠﻪ ﺍﻣﻲ ﺗﺠﻲ ﺑﺲ ﻣﻮﺵ ﻫﺴﻪ
ﺿﻠﻴﺖ ﺍﻧﻀﻒ ﺑﺎﻟﺒﻴﺖ
ﺍﻧﺪﻙ ﺍﻟﺒﺎﺏ ﺭﺣﺖ ﻓﺘﺤﺘﻪ
ﺿﺠﺖ ﺷﺮﻓﺖ ﺑﺸﻴﺮﻩ ﻭﺍﻣﻬﺎ ﺷﺎﻳﻼﺕ ﻓﻮﺍﻛﻬﻪ
ﺳﻠﻤﺖ ﻋﻠﻴﻬﻦ ﻭﺩﺧﻠﻦ ...
ﺭﺍﺣﻦ ﻛﺒﻞ ﺍﻟﻐﺮﻓﺔ ﺣﻨﺎﻥ ...
ﺍﻧﻪ ﺿﻠﻴﺖ ﺍﻛﻤﻞ ﺗﻨﻀﻴﻒ ﺑﺲ ﺑﺼﺮﺍﺣﻪ ﺿﺠﺖ ﻋﺒﻦ ﺷﻨﻬﻲ ﺻﺎﻳﺮﻩ ﺧﺪﺍﻣﻪ ﺑﺲ ﻣﺎﻝ ﺗﻨﻀﻴﻒ ...
ﻧﺬﺭﻱ ﻳﺸﻮﻓﻨﻲ ﻣﻜﺴﻮﺭ ﺿﻬﺮﻱ ﺑﺲ ﻣﺎ ﻳﺤﺠﻲ
ﻭﺍﻧﻪ ﻣﺎﺍﺣﺐ ﺍﺷﻜﻲ ﺍﺭﻳﺪﻥ ﻫﻤﻪ ﻳﺤﺴﻮﻥ
ﺍﻟﻤﻨﺬﺭ ﺩﺍﺋﻤﺎ ﻣﺎ ﻣﻮﺟﻮﺩ ﻭﻣﺎ ﻳﻌﺮﻑ ﺷﻨﻬﻲ ﻳﺼﻴﺮ
ﺑﺲ ﺍﻟﻌﺘﺐ ﻋﻠﺊ ﻋﻤﺘﻲ ﺗﺨﺎﻑ ﻋﻠﺊ ﺍﻟﻔﺮﺥ ... ﺍﺀ ﻗﺼﺪﻱ ﺍﻟﺠﺎﻫﻞ ...
ﺍﺗﻤﻨﺊ ﺍﺣﺒﻞ ﺑﻠﻜﻲ ﺗﺪﺍﺭﻳﻨﻲ ﺷﻮﻭﻳﻪ ﻭﻣﺎ ﺗﺨﻠﻴﻨﻲ ﺍﻧﻀﻒ
ﺩﺧﻞ ﺍﻟﻤﻨﺬﺭ ﻛﻠﺖ ﺧﻠﻴﻨﻲ ﺍﺧﻄﻔﻪ ﻭﺍﺧﺬﻩ ﻟﻠﻐﺮﻓﻪ ﻋﺒﻦ ﺍﺧﺎﻑ ﻳﺸﻮﻑ ﺃﻡ ﻋﻄﻮﺏ
ﻟﺰﻣﺘﻪ ﻛﺘﻠﻪ ... ﺍﻟﻠﻪ ﻳﺴﺎﻋﺪﻙ ﺍﺩﺧﻞ ﺟﻮﻩ ﺑﺎﻟﻐﺮﻓﻪ ﻋﺒﻦ ﻋﺪﻧﻪ ﺧﻄﺎﺭ
ﻫﻮ ﺿﺤﻚ ﺑﺎﺳﻨﻲ ﺑﺨﺪﻱ ﻭﺭﺍﺡ ﻟﻠﻐﺮﻓﻪ
ﻭﻣﺎﺍ ﺍﺷﻮﻓﻦ ﺍﻟﻪ ﺻﺮﺧﻪ ﻣﻦ ﻏﺮﻓﺔ ﺣﻨﻴﻨﻪ
ﺭﻛﻀﻨﻪ ﺍﻧﻲ ﻭﺍﻟﻤﻨﺬﺭ
ﺍﻧﻪ ﺩﺧﻠﺖ ﻟﻠﻐﺮﻓﻪ ﺷﻔﺖ ﺣﻨﺎﻥ ﺗﺼﺮﺥ ﻭﺍﺧﺘﻬﺎ ﻻﺯﻣﺘﻪ ﻭﺍﻣﻬﺎ ﻭﺍﻛﻔﻪ ﺗﻠﻄﻢ ﻭﺟﻬﻬﺎ
ﻛﺎﻟﺖ ﺑﻌﺼﺒﻴﺔ ... ﺻﻴﺤﻲ ﺍﻟﻤﻨﺬﺭ ﺑﺴﺮﺭﺭﻋﻪ
ﺍﻟﻤﻨﺬﺭ ﺻﺎﺡ ... ﻣﻨﺎﺭﺱ ﺍﻛﻮﻭ ﺷﺊ
ﻛﺘﻠﻪ ... ﻧﺬﺭﻱ ﺍﺩﺧﻞ ﺣﻨﺎﻥ ﻣﺪﺭﻱ ﺷﺒﻴﻬﺎ
ﻫﻮ ﺩﺧﻞ ﺑﺲ ﻣﺪﻧﮓ ﻛﺎﻝ .. ﻫﺎﺍﺍ ﺷﻜﻮﻭ ﺷﺼﺎﻳﺮ
ﺍﻣﻬﺎ ﻛﻠﺘﻠﻪ .... ﺷﻴﻠﻬﺎ ﺧﻠﻲ ﻧﺎﺧﺬﻫﺎ ﻟﻠﻤﺴﺘﺸﻔﺊ
ﻫﻮ ﺷﺎﻟﻬﺎ ﻭﻫﻲ ﺍﻟﺴﻌﺪﺍﻧﻪ ﻣﺎ ﺻﺪﻛﺖ ﺩﻓﻨﺖ ﻭﺟﻬﻬﺎ ﺑﺮﻛﺒﺘﻪ ﻭﺗﺘﻨﻔﺲ ﻋﻠﻴﻬﺎ
ﺗﺨﺒﻠﺖ ﺍﻧﻪ ﺍﺑﺪﻱ ﺍﺧﺬﻫﺎ ﻣﻨﻪ ﻭﺍﺭﻛﻌﻬﺎ ﺑﺎﻟﻜﺎﻉ
ﺣﻈﻦ ﺍﻟﻤﻨﺬﺭ ﺑﺲ ﺍﺧﻠﻲ ﻫﺎﻱ ﺷﻨﻬﻲ ﻭﻳﺤﻄﻬﺎ ﺑﺤﻀﻨﻪ
ﻫﻮ ﺷﺎﻟﻬﺎ ﻭﻃﻠﻊ ﺑﻴﻬﺎ ﺑﺮﻩ ﻭﺑﺸﻴﺮﻩ ﻭﺍﻣﻬﺎ ﻭﻳﺎﻫﺎ
ﻭﻫﻲ ﺩﻛﻠﻪ ﺍﻟﻤﻨﺬﺭ ﺍﺍﺍﻩ ﺑﻄﻨﻲ ﻓﺪﻭﻩ ﺍﺭﻭﺣﻠﻚ ﻻ ﺗﺘﺮﻛﻨﻲ
ﻭﺑﺸﺮﺉ ﺗﻠﺰﻡ ﺑﻴﻬﺎ ﻭﺗﻌﺪﻝ ﻣﻼﺑﺴﻬﺎ ﻭﺗﻄﺦ ﺑﻲ ﺧﺒﻠﻨﻲ
ﻋﺴﺎﺟﻦ ﺑﺤﺎﺩﺙ ﻣﺎ ﻳﻄﻠﻊ ﻣﻨﻲ ﺳﺎﻟﻢ ﺑﺲ ﻧﺬﺭﻱ
ﺿﻠﻴﺖ ﺍﻛﻞ ﺑﺮﻭﺣﻲ
ﻛﻞ ﻳﻮﻡ ﺍﺳﻤﻌﻬﺎ ﺗﺨﺎﺑﺮ ﻭﺫﺍﻙ ﺍﻟﻴﻮﻡ ﺗﺨﺎﺑﺮ ﺑﺎﺍﺧﺘﻬﺎ
ﻭﺫﺍﻙ ﺍﻟﻴﻮﻡ ﺩﻛﻠﻬﺎ ﺍﻱ ﺍﺧﻠﻲ ﻳﻮﺭﻁ ﻣﻨﺎﺭﺱ
ﺍﻧﻪ ﺣﻴﻴﻞ ﺧﻔﺖ ﻭﺍﺧﺎﻑ ﺍﻛﻮﻝ ﻟﻨﺬﺭﻱ ﻣﺎ ﻳﺼﺪﻙ
ﻗﺮﺭﺕ ﺍﺳﻮﻟﻒ ﻻﻡ ﻃﺎﻟﺐ ﺑﻠﻜﻲ ﺗﻨﺼﺤﻨﻲ ...
ﺑﺲ ﺷﻨﻬﻲ ﺍﺧﺎﻑ ﺗﻀﻞ ﺗﺘﻌﻴﻘﻞ ﻋﻠﻴﻪ ﻋﺒﻦ ﺷﻨﻬﻲ ﻫﻲ ﻧﺠﺤﺖ ...
ﻭﺍﻧﻪ ﻃﻠﻌﺖ ﺑﺎﻟﺪﻳﻦ ....
ﺑﺲ ﻫﻲ ﺗﺤﺒﻨﻲ ﺍﻛﻠﻠﻬﺎ ...
ﺫﺍﻙ ﺍﻟﻴﻮﻡ ﺍﺟﻦ ﺣﻤﻮﺍﺗﻲ ﻭﻧﺴﻮﻟﻒ ﻋﻠﺊ ﺍﻟﻨﺴﻮﺍﻥ ﺗﺨﻮﻥ ﺭﺟﻮﻟﺘﻬﻦ ...
ﻭﺣﻨﺎﻥ ﺩﻛﻠﻬﻦ ﻧﺴﻮﺍﻥ ... ﻛﺢ ... ﻣﺪﺭﻱ ﺷﻠﻮﻥ ﺗﺴﻮﻝ ﺍﻟﻬﻦ ﻧﻔﺴﻬﻦ ﻭﻳﺨﻮﻧﻦ ﺭﺟﻮﻟﺘﻬﻦ
ﺑﺲ ﺍﻟﺘﺮﻳﺪ ﺗﺨﻮﻥ ﺗﺨﻮﻥ ﻟﻮ ﺗﺤﻄﻴﻬﺎ ﺑﻘﻔﺺ ...
ﻭﻟﻤﺎ ﺗﺮﻳﺪ ﺍﻟﺨﻴﺎﻧﻪ ﻣﺎ ﺗﺨﻮﻥ ﻟﻮ ﺗﺤﻄﻴﻬﺎ ﺑﺠﻴﺶ ﻣﺎﻝ ﺯﻟﻢ
ﺗﺒﺎﻭﻉ ﻋﻠﻴﻪ ﻭﺗﺤﺠﻲ
ﻭﺍﻧﻪ ﻓﺎﺗﺤﻪ ﺣﻠﻜﻲ ﻋﺮﺿﻴﻦ ﻋﺒﻦ ﻣﺘﻔﺎﺟﺌﻪ ﻣﻦ ﺟﺬﺑﻬﺎ
ﻋﻤﺘﻲ ﻣﻮﺵ ﻫﻨﺎ ﺭﺍﺣﺖ ﺍﻟﻬﺎﻟﻪ
ﻣﺮﺕ ﻧﺺ ﺳﺎﻋﻪ ﻭﻣﺤﺪ ﺑﻴﻦ ﻣﻨﻬﻢ ....
ﺑﻌﺪﻫﺎ ﺍﻧﺪﻙ ﺍﻟﺒﺎﺏ ﺍﻧﻲ ﻛﻠﺖ ﻣﻨﻮﻭ ﻣﻨﻮﻭ
ﻣﺤﺪ ﺭﺩ
ﺑﺲ ﺍﻟﺪﻙ ﻣﺴﺘﻤﺮ ﻋﻠﺊ ﺍﻟﺒﺎﺏ
ﻓﺘﺤﺖ ﺍﻟﺒﺎﺏ ﻭﺍﻧﻪ ﺷﻔﺖ ﻭﺟﻬﻪ
ﺍﻧﺮﻋﺒﺖ ﻣﻦ ﺍﻟﺨﻮﻭﻑ ﺳﺪﻳﺖ ﺍﻟﺒﺎﺏ ﺑﺲ ﻫﻮ ﺟﺎﻥ ﻗﻮﻭﻱ ﺩﻓﻊ ﺍﻟﺒﺎﺏ ﺣﻴﻴﻞ
ﻣﻦ ﺩﻓﻌﺘﻪ ﻟﻠﺒﺎﺏ ﻭﻛﻌﺖ ﺑﺎﻟﻜﺎﻉ ﺣﺴﻴﺖ ﺿﻬﺮﻱ ﺍﻧﻄﺮ
ﺻﺮﺧﺖ ﺑﺨﻮﻭﻑ ... ﻣﺤﺪ ﻣﻮﺟﻮﺩ ﺷﺘﺮﺭﻳﺪ
ﻧﻬﺎﻳﺔ ﺍﻟﺒﺎﺭﺕ ... ﻳﺘﺒﻊ
ﻛﻮﻧﻮﺍ ﺍﻧﺘﻢ ﻛﻮﻧﻮﺍ ﺑﺨﻴﺮ ... ﺍﺣﺒﻜﻢ 💔
ﻧﻮﺭ ﺳﻤﻮ ﺍﻟﻌﺮﺍﻕ
YOU ARE READING
انا هي جميع نساؤك
Mystery / Thrillerرواية...#انا_هي_جميع_نساؤك..💔💔 فتاة ريفية من جنوب العراق تلجأ طالبةً المساعدة من ضابط .. فيغرم بها .. فتصبح بين نارين نار الحب ونار اهلها..وجبروت احد رجال العشائر... انا هي جميع نساؤك...لم لا أستطيع ان انام... واصحو عشر ليال في احضانك...من انا ضاع...
