#أنتظمي ياأنفاسي
الكاتبة فاطمة عادل
أجوي الجهال واخواني يركضون يكولون اجة العريس اني كلبي انقبض وجسمي كلة يرجف بدت دموعي تنزل بدون شعور
اجتي ماما يمي لزمت ايدي كالتلي ع كيفج امي لترجفين وربي يسعدج واني راضية عليج واندعليج دائما حبيبتي شوية واجوي الرياجيل يدخلون اول واحد طب هذا الرجال الدعمني مباوع علية اجة وكف يمي وبوسوني جيرانة وامي وباركولي دنريد نطلع نزع العباية اللي ع كتفة ولبسنياها ع كفتي باوع علية كلي مايجوز تطلعين هيج اني سكتت اجتي ماما لزمت ايدي وتمشيني لان رجلي مااكدر امشي اعرج وصعدت بالسيارة بدو يرمون كلش خفت ضميت دموعي وشهكاتي داخلي مااكدر اطلعها وصعد يمي الرجال الدعمني واكو واحد يسوق ورجال جبير بالعمر كاعد بالصدر ومشت السيارة بينة
سعد : بعد الشي اللي صار بيني وبين سارة مبينت ولا اجتي وكنالها لامي خابرتها امها متخربطة وطلعت وقصي هددني اني اذا اعيدها يكول الاهلي بس اني واعدتة متنعاد ورة كم يوم دااتمشة وصلت كبال فرعهم ولكيت هوسة ببابهم والكاها كلها جكسارت اخذت سارة وراحت زين ليش هيج اخذوها وهيه رجلها تعرج ماادري شبيها سألت واحد من الجيران كلي بنتهم تزوجت وهاي زفتها ضحكت هاي شبسرعة تزوجت رجعت كتلها لامي سارة تزوجت بنت ام ميادة
*ملاحظة : سعاد وباسم اسمهم اما ( ابو احمد ) او ( ابو ميادة ) كينيتهم احمد ابنهم الجبير اللي اصغر من البنات اما ميادة بنتهم الجبيرة اكو قسم يكولون بيت ابو احمد وقسم يكولون بيت ابو ميادة 🌹
ام قصي : هاا شعجب مجتي ام ميادة وحجت اشو هيج بسرعة بسرعة
سعد : ماادري ماما لكيت هوسة بباهم وسألت جيرانهم وكالي
ام قصي : الله يسعدها
شهاب : رحنة لبغداد وانه الطريج كلة مخنوك طاك جبدي ( كبدي) من اللي ديصير انه الشيخ شهاب انجبر ع جوازة انه اعلمة لابوها اذا مااكصمة نصين وصلنة لبيتهم او شبه بيت نزلنة وجايب وياية اخواني والكرايبي طببوني ليها ولكيت اللي متصورت الكا لابسة ثوب كصيف عليها انه روحي طكت كلت هية هاي مرت شهاب اللي تريدون تصون اسمة شلت عباتي وخليتها عليها وهية تفاجأت بس شكول للوادم شلون هيج مرت الشيخ صعدت بالسيارة وهية الطريج كلة ماسكتت بت بغداد بنية مايعة مووتتني والله لو انها وحدة من خواتي وهيج تبجيلي اله اسطرها بمحمدي اعدل فجها
مشت السيارة وقريب العمارة وصلنة وانه ساكت ابوية صاحلي شيخ شهاب
شهاب : أمرني بوية
حجي ابو شهاب : سكت مريتك وصلنة الديرة
شهاب : تامر بوية هية باعت بعيني أشرت الها وكلتلها بصوت ناصي اششش حسج مااهيسة
سارة : التفت علية وخزرني وكلي كلام مفهمتة كله بس عرفت ديكلي اسكتي اني صرت ارجف من الخوف بس جمدت بمكاني
وصلنه لبستان وعبالك بي قصر مو بيت نزل من السيارة واني بقيت كاعدة شوية واجة فتح باب السيارة كلي هاي الغطة خلي ع راسج اباوع هذا شال جبير خليتة ع راسي ونزلت اباوع ع الناس الموجودين كلش هواية بقيت صافنة اجة لزمني من ايدي كلي شبيج تباعين ع الناس نزلي عينج لا اكسرها اني التفتت علية لكيتة صاك ع اسنانة ويحجي كلش خفت منة كتلة اي اي ونزلت راسي وبقيت واكفة كلي تحركي فوتي جوة فتت ومااعرف وين اروح عاد اجتي بنية نقذتني من الموقف
