#أنتظمي ياأنفاسي
الكاتبة فاطمة عادل
العمارة
سارة : طلع عمو الصبح كال عندي شغلة شوية واجي اني نزلت جوة للمطبخ لزمتني خالة رابحة
رابحة : تعاي حبوبة كعدي
سارة : كولي خالة شنو محتاجة
رابحة : سمعيني زين حبوبة الشغل يتقسم بينة والكل هنا تشتغل مو كاعدة ومصفطة وخاتلة فوك وية الشيخ وتالي تريدلج اكل طيب ومجان نظيف كل هل الفترة كلت عروس ماادخل بس لهنا وكافي تشتغلين حالج حال البنيات وانه هنا اديرن الشغل واوجهجن وحتى البنيات من يجوون من المدارس يكملون شغلهم
وخلي بمعلومج زواج ناظم ونبيل كرب ( قرب ) يعني البيت اريدنة يلمع
سارة : اي خالة كوليلي شنو اشتغل واني اسوي
رابحة : عفية هيج اريدنج
سارة : وبدت خالة رابحة توجهنة ع الشغل واحنة نشتغل حتى خوات ندى بعدهم بالابتدائية يشتغلون وسبعات وبنات عمو قاسم هم يعلموهم الشغل بس خطية امهم مريضة انقهر عليهم وندى قايمة بيهم وتبدللهم وتغسللهم وتصبلهم الاكل وهمة وحدة اول ابتدائي والثانية اصغر بسنة
اني وندى كلش وحدة تقربت من الثانية ونكعد نسولف سوة
ندى : سارة انتي برضاتج تزوجتي عمي لو جبروج
سارة : بالبداية جبرني ابوية بس هسة لا احبة لعمو واحب حنيتة علية
ندى : بس هوة عمي بهواي اكبر منج كدرتي تحبي
سارة : ميأثر العمر اهم شي يكون الشخص حنين عليج وهاهية
ندى : انه ابوي يريد يزوجي لواحد من كرابتهم من بعيد بس انه ماريدنة
سارة : ليش متريدين تزوجين لو متريدي للعريس
ندى : احجيلج شي بس مو تكولين الاحد
سارة : اي كولي مااحجي
ندى : انه وكرم ابن عمي شهاب واحد يحب الثاني وانه احبنه ومااكدرن اتزوج غيرة
سارة : حبيبتي الله يسعدكم كرم خوش ولد وحباب وان شاء الله يطلع مثل ابو حنين ههههههه
ندى: ههههه عمي حنين جثير بس اللي گصة (قسة جاية من قساوة) كلبة سهير مرتة الاولى واللي سوتة بي وبينة
سارة : ليش شنو سوت سهير اني لحد هسة مااعرف شي عن سهير
راحت ندى مدت راسها كبال باب المطبخ وشافت يمنة ويسرة ورجعت للمطبخ كتلها هااا شنو
ندى : اسكتي اخافن احد يسمعنة بالعباس يذبحونة
سارة : حجيت بصوت اشبه بالخافت شنووو شسوت سهير احجيلي
ندى : سهير جانت عاشكة واحد وابوها زوجها لعمي شهاب غصبا عنها وخلفت اثنين من عمي شهاب ورجعت لعشيكها وهية ع ذمة عمي شهاب ومرة عمي لكفها بالبستان وية عشيكها وانهزمت وبعد ماردت وعمي شهاب طلكها ومايقبل احد يفتح سيرتها بالبيت بس عمي دور عليها كل الديرة وراح لبغداد ومالكاها والى هسة متحلف بيها بس يشوفنها يذبحها لان نزلت راسة للوحل وعمامي مايكدرون يرفعون عينهم بعين احد بعد عملتها السودة عبن همة الشيوخ
