#أنتظمي ياانفاسي
الكاتبة فاطمة عادل
العمارة
سارة : اليوم الكعدة بالمضيف جاي حامد رجل حورية وشهاب والولد كلش متعصبين واحنة بالمطبخ نسوي الغدة وخالة رابحة تخبز واني وندى واميرة نطبخ دخل شهاب ضايج
شهاب : سارة تعاي لية
سارة : عفت البيدي ورحت
نعم شهاب
شهاب : اصعدي لحجرتنة جيبي الموبايل اريدن اخابر كرم يجي
سارة : انتبهت ع ندى رفعت راسها من شهاب جاب سيرة كرم ورجعت تشتغل مشافتة بعد طلاكهم جانت العدة ووراها ماأجة انقهر عليها احسها بعدها تحبة
اي شهاب هسة اروح اجيبلك موبايلك
بهل حجاية دخلت الحجية للمطبخ
الحجية : شهيب جا انت ماعندك عكل نديوة ميلي جيبي هذ مدري يسمونة مال عمج
وانتي سويوة ماتكعدين اله احش رجولج حش
شهاب : مابيها شي يمة لاتوهسين ع البت
سارة : لا خالة ع كيفي اروح واجي
الحجية : شهيب كول لمريتك تسمع الجلمة ترى بالعصا
شهاب : هاهية يمة جرى (صار )
ندى : تفضل عمو موبايلك
شهاب : شكرا بعد عمج
سارة : راح شهاب خابر كرم ورجع للمطبخ ضايج
شهاب : اميرة خوية صيحي ع نبيل
اميرة : اي خوية جرى (صار )
سارة : شهاب حبيبي تتريك
شهاب : انه بيا حال وانتي تكليلي تريج مسودن انه واكعد اتريج
الحجية : شهيب احسنك رويحتك مخبوصة ياشيخ مو طول عمرك انت تحل مشاكل الوادم جا اشوفنك متسودن علينة
شهاب : حجية تعبان كلها براسي وهاذ كرم مايقبل يجي جا انه المن خلفت الويلاد
الحجية : جا املص ركبتة وكعدة جدامك بلا علام
شهاب : لا حجية انه احب العلام وكود اريدن يصير خير براسهم لا يطلعون خايبين
الحجية : هاذ الحجي ماسخ ماتشبع منة
شهاب : لا حجية هاذ مستقبلهم
مو هيج بوية ندى
ندى : نعم عمو
شهاب : شني بوية ماجنتي تسمعين
ندى : لا عمو منتبهت
شهاب : اكولن العلام حلو يلة شدي حيلج حتى اخليج تكملين علامج وتدخلين الجامعة
ندى : عمي مايقبل ابوي اروحن للجامعة يكولي بس تكملين المدرسة ويكعدني بالبيت
شهاب : لا ماعليج من ابوج انه اقنعة
