عند غيث
كان بغرفته يطالع الباب يبي يروح لها الي سويته غلط غلط ي غيث ! اهه ي عصبيتك!
تذكر شكلها وهي متوجعه
قام بسرعه ونزل لتحت فتح الباب ؛ شه
سكتت وهو يشوف مافي احد ! طق باب الحمام" يكرم القارئ" مافي رد!
طلع للمطبخ يدور مافي احد ! دار البيت كله مالقاه صارخ يناديها محد رد عليها
جلس ع الكنب مصدوم راحت! خلاص! انت السبب ي غيث انت
قام طلع من البيت بسرعه ووقف عند باب سيارته يتصل ع ابوه
من جهه ثانيه كان بندر واقف يطقطق ع جواله ينتظر خويه شاف غيث يحوس عقد حواجبه ؛ شفيه هذا ؟
راح لعنده ؛ تبي شيء يالاخو؟
غيث طالعه باستحقار مو وقتك ! ؛ نعم ؟ احد طلب منك شيء !
بندر انقهر عصب ؛ انت هيه محد عاجبك اششوف!
غيث طالعها بغرور ؛ اقول انت ماتعرف انا مين يالله يالله روح فرش اسنانك وونام حبيبي
بندر ماتحمل وهجم عليه بس هيهات وهذا غيث وهو اصلا مقهور من شهد ف حط حرته فيه
من فوق
كانت وجدان تحوس طلت من الشباك بطفش شافت بندر يتهاوش مع غيث طارت عيونها صارخت وهي تنزل ؛ فووووازززز يمههههه فوووازززز
فواز طلع من غرفته بسرعه ؛ شششفيككك
ام فواز؛ وششش هالصصرراخخخ!!
وجدان ؛ بيذبحهه بيذذبحهههه
فواز مسكها مع كتوفها ؛ ممممينننن!!!
وجدان وهي تدمع وتشهق ؛ غيث وبندر
فواز طارت عيونه ويطالع حوله تركها وركض لاخوه طلع شاف غيث فوق بندر تقدم بسرعه ودف غيث لبعيدد ومسك اخوه وطالع غيث بعصبيه ؛ مووو محترمم اححددد جايييي تكمل ع اخويي بعدد!! بعد * سكتت عشان لايجيب العيد *
غيث وهو يطالعه وحس بكلامه شيء ؛ اخوك هو الي بداا هالبزر! ربيّه كويس بس عديم التربيه !
بندر وهو عينه مفقوعه ووجهه جروح تقدم بيطقه مسكه فواز وهو يصارخ؛ انا متربيي احسنن تربيهه مانييي واحد امه مايدري ميينن هي!
غيث انصدم هذا وش عرفهه ! طالعه بصدمه
فواز طالعه اخوه مصدوم !
بندر ابتسم بخبث ؛ هذا الي يصير مشهور كل شيء يطلع ومايتخبى !
فواز بهدوء سحب بندر ؛ امش معاي داخل يالله
غيث طالعهم بهدوء ودخل للبيت وجلس ع الكنب مسك راسه بخنقه وهمس ؛ يارب
تذكر شهد غمض عينه بقوه ؛ وينك؟ يارب تكونين عند ابوي يارب
رفع جواله ابوه يتصل عليه ؛ هلا
ابو غيث ؛ شفيه صوتك ! حبيبي تعبان؟
غيث دمعت عينه مافي غير ابوه ؛ تعبان ي ابوي تعبان
ابو غيث بخوف ؛ انا جاي لك الحين
صكر منه وغيث رمى الجوال ع الكنب وتنهد بألم متى بيرتاح؟ متى بيحس بالراحه تحاوطه؟
ماحس الا بجواله يرن كان ابوه قام فتح الباب ورجع جلس مكانه ابو غيث يتلفت يدور شهد جلس جمب غيث بخوف ؛ شفيك يابوك وش يألمك؟
غيث طالع ابوه بهدوء ؛ قلبي تعبت يبه تعبت امثل اني قوي تعبت اكابر تعبت اخبي تعبت اظهر بشخصيه الامبالي * همس بضعف* ابي امي
ابو غيث انصدم ؛ ء امك !
غيث دمعت عينه عض شفته بقوه ؛ دايم يقولون حضن الام يريح ابوي ابيها
ابو غيث ضم ولده وهمس ؛ ادعي لها تشوفها بالجنه كلنا مشتاقين لها يابوك امك ذهبه
غيث بتعب ؛ ابويي شهد وينها؟
ابو غيث طالع ولده باندهاش! ؛ مو هنا !
غيث ؛ لا دورتها مالقيتها * مسك راسه* مادري وين اختفت!
ابو غيث؛ صار بينكم شيء!
غيث تذكر بلع ريقه وطالع ابوه ؛ لا
ابو غيث ؛ متصله علي فوق 5 مرات بس ماكنت حول الجوال
غيث قام؛ الجووال!
ركض لفوق جاب جوالها وهو نازل فتح الجوال يشوف اخر المكالمات " عمي سعود ,زينه "
عقد حواجبه مين زينه!
جلس جمب ابوه وعطاه الجوال ؛ شكلها راحت لوحده اسمها زينه
ابو غيث ؛ ماتعرف مينن؟
غيث؛ لاا
ابو غيث تنهد ؛ الله يحفظها
غيث بهدوء ؛ عن اذنك بروح انام
ابو غيث ؛ زين بنام عندك اليوم
ابتسم غيث بدون نفس ؛ حياك الله تعال اوريك غرفتك
ابتسم ابو غيث وقامو ينامون
ببيت ام فواز
ام فواز وهي تطهر جرح بندر ؛ حسبي الله ونعم الوكيل انت وش الي طلعك اصلا!
بندر مقهور وساكت وناوي ع غيث
فواز تنهد؛ تصبحون ع خير
وراح لغرفته
زينه خنقتها العبره ع حاله اخوها همست ؛ يارب حقق له مناله يارب
قامت وراحت لجناح الضيوف لعند شهد
ابتسمت؛ احسن؟
شهد بتعب ؛ الحمدلله , ءء زينه بطلب منك طلب
زينه؛ امري؟
شهد ؛ ابي بكرا الصبح ع 7 بعد نروح المستشفى
زينه؛ ايه احسن بعد يعطونك عل
قاطعتها شهد؛ ابي تحليل
عقدت حواجبها ! ؛ تحليل ايش!
شهد بلعت ريقها وعضت شفتها بقوه ؛ ابي اثبت لغيث اني بنت واني ماخنته عشان انهي كل شيء بيننا
زينه انصدمت ؛ ايشششش!!!!
شهد لفت وجهها للجهه الثانيه تحاول تمسك بكيّتها ؛ غيث اتهمني بشرفي ي زينه هه ومع مين؟ مع ولد خالته! يحسبني خاينه
زينه بعصبيه ؛ هذاا يبي له ترربييههه
شهد هزت راسها ب لا ؛ لاتقولين كذا اكيد كان معصب مو حاس بعمره ترى غيث طيب مرا
زينه تنهدت بحزن ع حالها جلست جمبها وضمت كتفها ؛ بكرا باذن الله بنروح ولايهمك
ابتسمت شهد وسندت راسها ع كتف زينه همست؛ يارب ارتاح
-
الصباح
الساعه 10
ابو غيث قام ونزل شاف غيث يجهز الفطور؛ رحت جبته؟
غيث ؛ لا قلت للسايق يجيب مافيني حيل اطلع
رن تلفون البيت
ابو غيث راح يرد ؛ الوو
؛ هلاا عميي
ابو غيث بهدوء بدون لايبين لغيث اللي انشغل؛ هلا شهد يابوكك وينكك؟
شهد ؛ انا جايه عمي الحين شفت سيارتك عند الباب وبجي الحين
ابو غيث استغرب ؛ بانتظارك
صكر منها وراح فتح الباب خلاه مفتوح شوي ورجع دخل لعند ولده جلسو يفطرون
ابو غيث ؛ غيث
غيث بسرحان؛ همم
ابو غيث ؛ بقولك شيء انا امس كنت ببيت خالتك ام سطام
عقد حواجبه وطالع ابوه ينتظره يكمل
ابو غيث ؛ كلمت سطام واعترف لي بكل شيء وحلف اني كل الي قاله هو الصدق
غيث بعصبيه ؛ وشش قال الحقير!
شهد ب هاللحظه دخلت وسمعت كلام عمها
ابو غيث ؛ الي صار كله مخطط منه هو واخته! هو مالمس شهد وشهد شريفه ي ولدي انت ظلمتها واتهمتها ظلم حلف لي ي ابوك
غيث مصدوم بلع ريقه هو اتهمها ظلم! هو قذفها! قام بيطلع يبي هواء يبي يتنفس يحس انه انخنق انصدم وهو يشوف شهد واقفه ودمعتها ع خدها
شهد ابتسمت بين دموعها ؛ الحمدلله الي ربي بين كل شيء وعشان تتاكد سيد غيث * تقدمت ومدت له الورقه * تفضل هذي ورقه تاكد لك اني * سكتت وتكلمت بثقه* عمري ماخنتك ي غيث ماخنتك * شهقت وغطت فمها بيدها * الله يسامحك
اتجهت لعمها ؛ عمي خذني معك ماراح اضل ولا دقيقه هنا طلبتك
ابو غيث تنهد توقع انها تطلب كذا !والاحسن انهم يبعدون عن بعض فتره ؛ البيت بيتك تعالي
شهد ابتسمت بين دموعها وهزت راسها وطلعو
شهد لفت تطالع غيث الي لحد الان مصدوم بضعف منها ركضت وضمته بقوه وهي تبكي بقوه غمضت عيونها بقوه همست ؛ ادري الي اسوي غلط بس حسيت اني لازم اسويه
بعدت عنها وتغطت وطلعت ركبت جمب عمها وهي تبكي عضت شفتها بقوه طلعت منها شهقه
ابو غيث همس ؛ الله يهدي سركم ي بنتي
-
عند غيث
من طلعو وصكرو الباب استوعب جلس ع الكنب وضم راسه بقوه ؛ لمتى تبعد الناس عنك! لمتى تفهم الي تحبهم غلط ! لمتى تقارن دانه بـ شششههدد ! * رفع راسه وصارخ بقوه يبي يطلع الي بقلبه خلاص ماعاد فيه يتحمل!! *
قام لغرفته ودفن راسه بالمخده يبي ينسى! هو لازم يرجعها لاززززممم!!
-
بييت ابو نواف
للمره المليون تطالع الرساله " حددي الوقت اشوفك وافهم منك كل شيء ابي افهم ! وانتي عارفه وش اقصد !"
تنهدت للمره المليون كل ماطالعته شلون بتشوفه! مستحححيلل عضت شفتها مستحيل راح ترفض خلاص ماراح ترمي نفسها اكثر من كذا
تنهدت بعمق وارسلت له " اسفه ماقدر اسوي اكثر من الي سويته " وارسلته حست براحه ابتسمت من قلب نزلت للصاله وهي تشوف امها تبارك لنواف ؛ فرحوووننيي معاكممممم
نواف ابتسمم بقوه
ام نواف؛ ردو بالموافقه لا والملكه هالاسبوع
نوف بفرحه؛ ييياااااييي مبروككك ياخوووييي * اخذت الايباد وجلست جمب امها* تعاليي ندور فساتيينن
ضحكت ام نواف بسعاده عشان بنتها صارت احسن؛ ايي والله مايمديناا
نواف بضحكه؛ انا بطلع تبون شيء ؟
ام نواف بحنيه ؛ الله يوفقك ياولدي ويجعلك بكل خطوه توفيق بسم الله عليك
ابتسم نواف وباس راس امه وطلع
-
ببيت ابو خالد
جالسه بغرفتها وبس حاطه يدها ع بطنها وتفكر
طق الباب ودخل خالد ؛ شلونك الحين؟
ليان ؛ الحمدلله بغيت شيء؟
خالد؛ عماني كلموني بيجون يشوفون ابوي لانه مارد عليهم
ليان؛ مايدرون صح!
خالد؛ لا وحتى عمي سعود الله يستر
ليان ؛ ايش؟
خالد؛ ولاشيء
وطلع من الغرفه
دخل ابو خالد بابتسامه ؛ ليون؟
ابتسمت ليان ؛ هلا ابوي
جاء وجلس جمبها ؛ شلونك ي بابا؟
ليان تنهدت بابتسامه حزن ؛ الحمدلله
ابو خالد ؛ وش الي صاير بينك وبين بدر
ليان بلعت ريقها وطالعت ابوها تكّه وبتبكي ؛ مابيه ابي يطلقني
ابو خالد سكت لفتره وطالعها؛ ابشري ارتاحي انتي بس
ابتسمت ليان بهمّ
دخلت دانه وهي تتمخطر ؛ ناصرر
فزّ ابو خالد ؛ ي عيوننه
ليان طايره عيونها مستحيل هذا ابوها
دانه مسكت يده ؛ عندك ضيوف تحت خلينا ننزل نستقبلهم
ليان ؛ نعمم! نستقبلهم ! انتي هيه عععيبب ! هذولا عممانييي
ابتسمت دانه بخبث ؛ ماراح افوّت هالفرصه وبعدين * باستحقار* وحده زوجها يخونها كل يوم مع وحده المفروض ماتتكلم
ليان انصدمت ! طالعت ابوها الي يطالع الارض بهدوء ولا كأنها قايله شيء
دانه ؛ يالله حبيبي
وطلعو
ليان ؛ ابوي مو بعقله اككيدد
طلعت جوالها وارسلت لريناد " تعالي بيت اهلي ضضرورريي "
-
من جهه ثانيه تحت جالسين ابو غيث وابو نواف
ابو نواف؛ ابوك وينه تأخر؟
ابو غيث توه بيتكلم انصدم وطارت عيونه قام من مكانه يطالع مو مصدق !
دانه ماسكه بذراع ابو خالد ومبتسمه بكل خبث
خالد قام؛ ابويي هذي كيف تطلع قدام عماني!
ابو خالد ؛ شفيها؟ المهم هي مرتاحه * طالع اخوانه ابتسم* ي ه
قاطعه ابو نواف؛ هذييي مممينن!!!
ابو غيث كان يتمنى يموت ولا يسمع الكلمه الي بباله!
دانه بقوه ردت عنه وهي تطالع ابو غيث بتحدي ؛ زوجته يعني زوجه عم عيالكــم والكل بالكل
ابو غيث مسك ع قبضته بقوه ومعصب
ابو نواف؛ ايشششششش!!!!!!!
ابو خالد؛ شفيكم ي جماعه الخيرر
ابو غيث ؛ الي فينا انك ماخذ وحده كبر بنتك ! ووحده نصاااببه ومحتتتاله ! ابو خالدد شفيكك شالي صصارر لك! تتزوج بعد هالعمرر ومينن ! من وحده * سكتت بقهر *
ابو خالد بقوه وصراخ ؛ ماسمح لك تتكلم عليها كلمه سسسسمعتت! واسمعوني كلكم الي بيتكلم ع دانه كلمه وحده بسسس ينسى ان عنده يعرفه اسمه ناصرر!
مسك يد دانه وطلعو فوق
ابو نواف؛ مستحيل هذا اخوي!
خالد ؛ ابوي متغير كثييرر! احسه كان مسيرر
ابو غيث طالعه بهدوء وطلع من البيت متجهه للبيت وهو يفكر بالاحداث اخوه ! ولده! شهد! يارررربب
-
