ابو غيث رفع صوته بفرحه؛ شهددد
لفت بابتسامه اختفت ابتسامتها وهي تشوف سرير غيث يطلعونه ابتسمت بخفه تقدمت ومسكت يده وهي تطالع وجهه ابتسمت هالمرّه مافي دم قربت لاذنه همست ؛ فمان الله حبيبي
باست جبينه وابتسمت ولفت تاركتهم
الكل طالعها باستغراب
ابو غيث ؛ شششهدد!
شهد لفت ابتسمت وكملت طريقها خارج المستشفى
ليان ونوف مصدومين!
هديل دمعت عينها همست ؛ ع الاقل انتظرتي لين يصحى " تذكرت الي صار بينهم "
"
بدورة المياه " يكرم القارئ"
هديل؛ شلون يعني!
شهد وهي تغسل وجهها همست بتعب ؛ ماراح ارجع لـ غيث لازم يستوعب اني ماصلح اكون معاه حنا مانصلح لبعض ماقدر اكون معاه ي هديل ماقدر
هديل؛ بس بس انت
قاطعتها شهد؛ قلبي ماتحمل يخليه وجيت ابي اتطمن عليه واروح ...هديل صدقيني هذا الي لازم يصير
هديل ضمتها ؛ الله يعوضكم كلكم
همست شهد برجفه؛ امين
"
دخلو غيث الغرفه الي كان يفتح عيونه شوي ويغمضها ويحس باصوات حوله ولكن رجع لـ نومه
ابو نواف؛ مايشوف شر ياخويي والحمدلله ع سلامته
ابو الوليد ؛ باذن الله عشان سلامته اني لاذبح له خروفين يستاهلل غيث
ابتسم ابو غيث ؛ تسلمون كلكم ماقصرتو * لف ع خالد* وش صار ع اخويي
ابتسم خالد ع نطقه؛ الحمدلله كل شي صار تمام
ابو غيث ؛ بكرا كلنا نروح نشوفه
خالد؛ حياكم الله
الوليد بتعب ؛ عن اذنكم
ابو الوليد لاحظ ؛ شفيك يابوك؟
الوليد؛ دايخ شوي
ابو غيث ؛ خلاص روح وهديل معنا
ابتسم الوليد بحب ؛ اسمح لي ياعم هديل قلبي ماقدر اخليها
ابو نواف بضحكه؛ استح ع وجهك
ضحك الوليد وراح اخذ هديل وراحو مع السايق لانه ابوه اصرّ مايسوق
هديل وهي مبوزه؛ غيث للحين ماصحى ابي اشوفه
الوليد ابتسم رغم تعبه ؛ حبيبي انا تعبان وابيك معي
هديل بخوف؛ بسم الله عليك شفيك؟ عشان كذا السايق
الوليد سند راسه ع كتف هديل؛ ايي فيني صداع ودوخه
هديل مسكت يده؛ حبيبي الحين نوصل واسوي ل
قاطعها وهو يبوس يدها؛ حبيبي انتي مابي شي بنام وانتي جمبي وبصير بخير * رفع عيونه وابتسم بحُب* انتي دواي
ابتسمت هديل
-
عند شهد
وصلت للبيت ودخلت للحمام جلست تحت الشاور والمويه تنزل عليها وهي تبكي بقوه قامت طلعت للغرفه بملابسها الي مبلله بالمويه
رن الجرس طلعت بالامبالاه وفتحت الباب همست ؛ زينه!
زينه طارت عيونها؛ ي مجججنوننه!
سحبتها ودخلو جو طلعت لها ملابس ؛ البسي بسرعه
شهد؛ شلون ؟
زينه فهمت قصدها عطتها ظهرها؛ فواز
وصكرت الباب
لبست وطلعت لها بالصاله جلست جمبها ؛ زءزينه
زينه طالعتها؛ هلاا
شهد دمعت عينها وتقوست شفاتها ؛ ودّعته خلاص
زينه ضمتها ؛ اذكري الله
شهد صارت تبكي اكثر
زينه ؛ شهدد خلاص اهديي
شهد بعدت عنها وقامت دخلت الغرفه انسدحت وهي تغمض عيونها بتنام بس مشهد غيث وهو بالسرير عجزت تنام ارسلت لـ هديل " صوريه لي "
وجلست تنتظر
جات زينه وجلست جمبها وهي تسمي عليها
-
قامت ارسلت للشهد الصوره بعد ما اخذتها من لارا وحطت جوالها بعيد ورجعت مكانها
حست ب الوليد يحط راسه بحضنها همس؛ العبي بشعري
هديل ابتسمت وصارت تلعب ب شعره همست وهي سرحانه ؛ فيك شي صح؟
ابتسم بوهن ؛ شلون تعرفين؟
هديل طالعته بنص عين ؛ سر
الوليد بهدوء ؛ احكي لي
هديل؛ عن ايش؟
الوليد ابتسم ؛ عن حبك لي
هديل استحت ؛ االوليددد!!!
الوليد ضحك بخفه ؛ ي عيون الوليد تدرين محد يقولي الوليد كذا ب هالنبره غيرك
ابتسمت هديل؛ طبعا انا غير
الوليد مسك يدها وباسها ؛ طبعا ي عيون وقلب الوليد انتَ الاولى والاخيره بقلبي
هديل ؛ وانتَ الوحيد والاوحد بقلبي
الوليد : انتِ جديد وقديم الوليد
هديل ابتسمت بحُب ؛ احبك
الوليد اخذ يدها وباس باطن كفها ؛ اكثر منك بوااااجد* عقد حواجبه بألم* اهه
هديل بخوف؛ بسم الله عليك عساه في
رفع اصبعه لفمها؛ اشش لاتقولين هالكلمه * كمل بابتسامه* انتي لازم تكونين بخير عشان ولدي
هديل ابتسمت وهي تتمنى ؛ يارب يارب ربي يرزقنا قرريببب
ابتسم الوليد ابتسامه واسعه وكله ثقه بربه ؛ باذن الله
هديل ؛ يصير الحين تنام عشان ترتاح؟
الوليد بنبره غريبه ؛ يصير اجلس اطالعك
هديل خافت من نبرته بس تجاهلتها وضحكت؛ لا مايصير لاني استحي
الوليد ضحك بخفه؛ تستحين مني! للحين!
هديل ابتسمت ؛ اييي
الوليد رفع راسه عنها وانسدح وحضنها لعنده ؛ اش الحين انتي نامي يالله
هديل ابتسمت ودفنت راسها بحضنه وهي تغمض عيونه وماسك يده بقوه
ابتسمت اكثر وهي تسمعه يقرا قران وهو يمسح ع راسها ويسمي عليها يحمي حبيبته وزوجته باعظم حمايه الا وهي القران وكأنه يستودعها ربـه لـ بقيه حياتـها وكأنـه ينهي دوره بحيـاتها بأنها تكون بحضنه ويقرا عليها اسمـى الايات
-
بالمستشفى
الساعه صارت 11
والكل راح ماباقي الا وهو وابوه الي جالس يقرا قران
فتح عيونه بألم صحى وشاف عمانه واهلهم عنده وبعدها عطوه مخدر ورجع نام والحين صحى غمض عيونه بقوه يبي يستوعب الي صار التفت لابوه ابتسم بحُب ؛ ابوي
ابو غيث انتهى من قراءه الايه ولف على ولده بابتسامه صكر المصحف ورفعه على جمب باس جبين غيث ؛ هلاا ابويي شلونك الحين احسن؟
غيث عقد حواجبه وهويبي يتذكر ؛ بخير بس وش الي صار ؟
ابوغيث تنهد؛ دانه
من قال ابوه اسمها رجع له كل شي صار ضل يطالع قدامه بسرحان همس ؛ كانت تبكي
ابو غيث باستغراب؛ دانه!
غيث هز راسه ؛ لالاا ... شءشهد
ابو غيث ؛ كانت معنا طول ما انت جوا
غيث ؛ وبعدين؟ وينها؟ مـ ا..ماشفتها مع بنات عمي
ابو غيث تنهد؛ يابوك هالكلام بعدين انت ارتاح الحين
غيث بحدّه؛ ابوويي
ابو غيث تنهد بقل حيله من ولده؛ كانت هنا وتطمنت عليك شافتك وانت طالع من غرفه العمليات وراحت
غيث عقد حواجبه وهو يتذكر كلمه " فمان الله حبيبي" صوت شهد... طالع ابوه ؛ وبعدين؟
ابو غيث ؛ خذ جوالك جمبك اتصل واعرف كل شي ماعرفت اكلمها ماترد علي
غيث ضل يطالع الجوال بتردد
ابو غيث قام بابتسامه ؛ انا انتظرك برا خذ راحتك
وطلع وقف ارسل ل شهد " غيث بيتصل عليك طلبتك ردي عليه "
صكر جواله وجلس ينتظر وهو يستغفر
عند شهد
صار لها ساعه تتأمل صوره غيث الي جاتها نايم بهدوء بعكس هيبته الدايمه وتعقيده حواجبه ابتسمت بحزن
زينه دخلت ؛ شهد انا بروح تبين شي؟
ابتسمت شهد قامت وضمتها؛ سلامتك ي اختي شكرا ع كل شي
زينه ابتسمت؛ مابيننا * باستها* استودعتك الله
شهد ابتسمت بامتنان همست؛ بحفظ الله
طلعت معاها للحوش وطلعت زينه لـ فواز
وشهد رجعت لغرفتها رفعت جوالها شافت رساله عمها دق قلبها بقوه وحست بخوف فجاه اهتز جوالها باسم " غـيث " رفعت الجوال وردت وهي متوتره ؛ غيث
غيث ؛ شهد
ضلو ساكتين كل واحد يسمع لانفاس الثاني
شهد كانت تبكي بصمت شهقت وغطت فمها
غيث بهدوء ؛ تبكين؟
شهد بصوت باين انها كانت تبكي ؛ لا, احم تبي شي؟
غيث ؛ ليه ماجلستي و
شهد قاطعته؛ لان بغيت اتطمن عليك عشان خايفه ع عمي و
قاطعها بعصبيه ؛ ككذااابببه * هدى صوته لاشعوريا وهو يحس قاعد يهدم كبريائه قدامها وبحزن *انتي كنتي خايفه علي انا شفت الخوف بعيوني وانا طايح وسمعت نبره الخوف منك يوم طلعت " فمان الله حبيبي" ليش ي شهد! ليش انتي قاسيه ليشش انتي انانيه! لييهه !!
شهد عضت شفتها بقوه ودمعت عينها وبصوت يرجف ؛ ء انا كنت خايفه عليك ايي بس بس ياغيث انا مو قاسيه انا اخذت هالقساوه منك قساوتك الي كنت تحطها فيني صارت عندي انا مو انانيه بس ياغيث انا مو قادره اعطيك حب مو قادره اكون جمبك موقادره اكون معك ...
سكتت وهي مو قادره تنطقها
غيث بهمس ؛ كملي
شهد همست بألم ؛ انت شكيت بشرفي الي اغلى من كل شي شكيت بتربيه ابوي وامي غيث بعد هذا تبيني ارجع لك؟ لا وتجاهلت هالشي عشانك بس وش لقيت؟ للمره المليون اشوفك معاها بنفس المكان وساكت ومستسلم .. كنت اداويك وانا قلبي موجوع منك بس خلاص قلبي ماعاد يتحمل
سكتت شهد تهدي نفسها وغيث سكت يبي يسمعها
غيث غمض عينه بقوه وهو يكسر اخر حاجز لكبريائه وبضعف ؛ ارجـ عـ ـي لـ ـي
شهد همست وهي تغني بألم ؛ ازا كنت بعزابي راضي وجاي تترجعني انا ياحبيبي جرح الماضي بعدو عم يوجعني ازا شايفني مش عم ببكي ليش انتَ خليت دموع ازا شايفني مش عم بشكي فكرك يعني مش موجوع * همست وهي تبلع ريقها الجاف وبرجفه وضحت بصوتها* فمان الله حبيبي
نزلت جوالها بهدوء وببالها انه صكر حطته جمبها همست وهي تكمل الاغنيه وتتذكر ايام ماكان يضربها وكانت تحاول توضح له وهو مايسمع لها ؛ ضيعني حبك ضيع مني ياما اشكي وماتسمعني حتى الاه الي بتوجعني صوته عندك مش مسموع
ضمت ركبتها وبكت بقوه
-
اما عند غيث سمعها وهي تغني الاخيره ماقدر وصكر بسرعه عند كلمه " مش مسموع " حط جواله بحضنه وهو يطالع الجدار بوجع غمض عيونه بقوه وصار يتنفس بسرعه يبي يتنفس للاسف غيث بالوقت الضايع كسر حاجز الكبرياء ولكن متى؟ مو كل شي انكسر ممكن يتصلح خصوصا اذا اشياء خبيناها وحاولنا نصلحها ولكن الطرف الاخر متمسك بمبدائه وكبريائه " الكبرياء اكبر عدو للانسان"
دخل ابو غيث بخوف؛ غيثثث
غيث همس بتعب ؛ ابـ ـي اتـ ـنـ فـ ـس
وماسك صدره بخنقه
طلع بسرعه ؛ ووولدددييي بيموتتتت الحققووووننييي
جاو ممرضات والدكتور اعطوه الاوكسجين وغيث يطالع السقف ويحاول يتنفس وصدره يعلى وينزل من قل الاوكسجين يبي يتنفس وجسمه يرجف
ابو غيث مسك ي غيث بقوه وهو يسمي عليه ؛ بسم الله عليك بسم الله عليك استودعتك ربي
سكن جسم غيث وعيونه بدت تغمض
ابو غيث لف ع الدكتور؛ شالي صصار!!!
الدكتور؛ تطمن ي عم غيث بخير الحمدلله وعطيناه الاوكسجين اللازم بس نام من التعب معليك بيفوق ويصير زين المهم نبضات قلبه وتنفسه صارو زينين
ابو غيث تنهد براحه ولف يطالع ولده بقل حيله
