بعد مرور شهريـن على ابطالي الحلوين
خلوني احكي لكم شخص شخص وايش صار له
بدر وليان
ليان صارت بالشهر الثالث وبدر مراعيها بققوه وتغير وكثيرر عن قبل وكأنه استفاد من الي صار لاخوه ومن حاله اخوه الي كان يشفق عليه وبقوه ويخاف انه ليان تروح ويصير فيه زي ماصار لاخوه
وحمد ربه مليون مره انه قدر يعدّل غلطته ولا انه يغرق فيه زي ماغرق اخوه
-
خالد و نوف
بعد العزا باسبوع بالضبط خالد خطبها ووافقت وتمت الملكه بعدها بشهر وهذا هم يستعدون لزواجهم الي بعد شهرين تعالو نشوف اول مقابله بين خالد ونوف بيوم الملكه
"
دخلت نوف وهي خايفه ومتوتره جلست ع اول كنبه
خالد ابتسم بخفه قام وجلس ع ركبته قدامها ؛ نوف ؟
نوف طالعته بتوتر؛ هءهلا
ابتسم ؛ مبروك
نوف ؛ الله يبارك فيك
خالد ابتسم بخفه
نوف باستغراب؛ شفيك ؟
خالد همس ؛ مبسوط اني قدرت اخذك
نوف انحرجت
خالد؛ نوف
نوف؛ لبيه قصدي هلاا
خالد؛ ياليت الي صار قبل ننساه ولا كأنه صار ولا؟
نوف بهدوء ؛ نبدا بدايه جديده؟
خالد هز راسه ب رضا ؛ ايوه
نوف ابتسمت بهدوء نتيجه رضاها عن الي يصير
خالد همس؛ ادري عن حبك لي ترى
نوف طالعته بصدمه ونزلت راسها باحراج
خالد رفع راسها باصبعه وهو يبتسم ؛ ترى مو انتي لحالك .. انا احبك بعد
نوف لانت ملامحها بحُب ونزلت عيونها بحيا
"
-
نواف ولارا
تغيرت حياتهم جذرياً بعد محادثه هديل و لارا بـ اخر يوم من العزا تعالو نشوف وش حكو
"
هديل مسكت لارا وجلسو بالغرفه ؛ وش صاير بينك انتي ونواف؟
لارا بضيقه ؛ مو اول مره دايم كذا
هديل ؛ شلون يعني؟ دايم يهاوشك؟
لارا بصدق ؛ لا انا ابيه ولا هو يبيني ياختي والصراحه هو يهاوشني لاني استاهل بس مو قادره غصبب عنيي
هديل ابتسمت ؛ لارا نواف يحبك لاتضيعينه من يدك وانتي ابدي حبيّه عطيه فرصه لاتخلينه ينفر منك اسمعي له وتغاضي وابدي من جديد * ابتسمت بحزن* ترى بتندمين ع كل لحظه وانتي بعيده عنه ياختي لايجي يوم ويروح نواف و
لارا بخوف ؛ بسم الله عليه
ابتسمت هديل وضمتها ؛ لاتهدمين بيتك ي اختي
لارا ابتسمت برضا
طلعت من عند هديل وركبت مع نواف
نواف ساكت
لارا بهدوء ؛ نواف
نواف مستغرب هدوئها ؛ هلاا؟
لارا بتوتر ؛ شرايك نروح مطعم نتعشا نغير جو البيت؟
ابتسم نواف ؛ افا عليك الحين اقرب مطعم اوقف له
لارا ضحكت ؛ لا والله يعني بتوقف حتى لو ماك؟
نواف مو مصدق ضحك بفرحه ؛ ياشييخهه اوديك الي تبيينن
ابتسمت لارا يالله قد ايش انبسط* غمضت عيونها* شكرا ياختييي
راحو تعشو وكانت ليله حلوه بالنسبه لنواف بس بالنسبه ل لارا مانتهت للحين
وصلو للبيت
دخلت لارا بدلت ملابسها طالعت نفسها بالمرايا واخذت عطرها تعطرت تنفست بعمق وطلعت شافت نواف بيدخل الغرفه ابتسمت بتوتر ؛ نواف
نواف ابتسم ؛ عيونه
تقدمت لارا وهي تلعب بـ ياقه ثوبه ؛ يعني انا ابي اقولك انو انا اسفه و
نواف باس خدها ؛ وبعد؟
ابتسمت لارا وهي منحرجه ؛ وبس وش يعني
نواف ضمها وهو يهمس ؛ اليوم اول ليله لنا الي قبل محيناه خلااااص
"
-
هديل
شهرين وهي ببيت اهلها ماطلعت عشان الحداد كانت بكل يوم تفقد فيه الوليد تقرا القران وتحس براااحه وتنام بكل طمأنينه وبنفس الوقت متضايقه مرا على اخوها الي تغير وكثيرر صاير اكله قليل ونومه كثيرر لدرجه مُهلكه وحتى ماينام ببيتهم ينام ببيته الاولي غير انها كانت تحس ب شي جواها يكبر بس للحين ماتدري ايش هو بالضبط
شهد
على حالها واغلب الايام زينه تنام عندها ولا ام فواز ووجدان يجون مع زينه صارو لها اكثر من اهلل ب هالفتره صايره تنسى كل شي يضايقها من هالعايله الي تحسهم صارو اهلها مبسوطه فيهم مرا مرا بس من يجي الليل والكل يروح ينام وهي تروح لغرفتها تتذكر غيث وتبكي ذكراه واشتياقها له
وبطلتنا شهد راح نعرف اكثر من البارت احسن من اني احكي
-
غيث
بطلّي غيث ؟ خلوني احكي لكم من البارت احسن
-
ببيت غيث
نزل من غرفته جلس على الصاله وهو ماسك راسه الصداع ياكله غمض عيونه وصوتها يرّن باذنه هو يدري ومتاكد انه ضيّع حياته وهدمها يحس مهما سوى مستحيل يقدر يرجّعها او انه يرجع زي اول راحت وراح معها كل شي حلو " معقوله؟ نشوف نهايه الروايه " ايامه تمر بدون ولاشي مهم , بس انه يحاتي من شي واحد الا وهو " سطّام " الي للحين ماصادوه الشرطه وخايف مرا على شهد لايسوي فيها شي
رفع جواله كانت هديل همس ؛ هلاا
هديل ؛ غيث حبيبي شلونك؟
غيث بهدوء ؛ بخير وانتي؟
هديل؛ الحمدلله , غيث بطلبك طلب
غيث ؛ شنوو؟
هديل ؛ تعال اليوم تعشى معنا طلبتك
غيث ؛ بس
قاطعته هديل؛ غيثث الله يعافيك )؛ من زمان عننك
غيث باستسلام ؛ انزين
هديل بابتسامه؛ ننتظرك على 9 سلامم
صكر منها وسند راسه بتعب وقام يرتاح بغرفته
-
عند شهد
صبر صبر قبل لانروح عند شهد خلوني اقولكم اهم حدث صار قبل اسبوع بالضبط
"شهد وهي تتنفس بقوه ؛ ايش ؟
ابتسمت زينه ؛ شهد الحياه مستمره وانتي محتاجه شخص يكون معك دايم وفواز شاريك ويبيك انا ماناديتك هنا الا لاني ابي اسمع موافقتك قبل عشان فواز يتقدم لعمّك بشكل رسمي ويكون واثق
شهد ؛ بس ء
زينه قامت ؛ انا اسفه
وراحت
شهد استغربت طارت عيونها وهي تشوف فواز يجلس قدامها ؛ فءفواز!
فواز؛ شهد ابي اسمعها منك انتي بس عطيني الضوء الاخضر الكلمه الي منتظرها وصدقيني راح انسيك كل شيء راح اخذك بعيد بعيدد عنهم كلهم بس طلبتك
شهد طالعته بتردد ؛ بأيش؟
فواز؛ الكلمه انتي عارفتها
شهد نزلت راسها وهي تبلع ريقها الجاف طالعته ؛ انا ايش بالنسبه لك؟
فواز ابتسم ؛ الحين ماقدر احكي بس يصير بيينا نصيب احكي لك بس صدقيني ياشهد اني شاريك وابيك والله وافقي مارح تندمين
شهد قلبها يدق بقوه من الخوف طالعته ؛ مءموافقه
ابتسم بقوهه ؛ الحمدلله يارب الحمدلله صدقيني ماراح تندمين ابددد
شهد ابتسمت براحه من فرحته
دخلت زينه ؛ هاه؟
فواز قام باس راس اختهه ؛ احححبكك يالله بوصلكم
شهد ؛ ءلا
زينه سحبتها؛ يالله لاتنتظرين السايق والبيت قريب يالله
شهد بأكراه وهي مستحيه من فواز ركبت معهم ورى زينه ومشو لبيت شهد
فواز شغل اغنيه ويغني معاها ويطالع المرايا كأنه يقول لشهد اسسمعي وزينه كاتمه ضحكتها وشهد مستحححيه
شهد دمعت عينها وابتسمت بقوه همست ؛ الحمدلله
زينه حست عليها من شهقتها ابتسمت من قلب
وصلو للبيت
شهد بهدوء ؛ مشكور
فواز همس بفرحه ؛ انتي الي مشكوره
شهد نزلت وهي مبسوطه دخلت بيتها راحت للصاله جلست على الكنب وابتسمت بقوه هذا العوض من ربي سبحانه فعلا روحي للي يحبك ولا تروحين للي تحبينه الي يحبك بيقدم لك الدنيا ومافيها والي تحبينه راح يدوس على مشاعرك * الا من رحم ربي طبعاً مو كلهم* ضلت تبكي من الفرحه واخرتها همست بابتسامه * الحمممممدلله*
"
نرجع للوقت الحالي
اليوم ملكّتها على فواز
حاطينها ببيت ام فواز
البنات بغرفه زينه يتجهزون
شهد طالعت الساعه بتوتر صارت 6 وشوي
وجدان ؛ الناس جوو وامي تو اتصلت علي تقول ننزل انا وياك ي زينهه يالله
زينه ؛ اوك خلصت اناا * طالعت شهد * شوي ونجيك
شهد بلعت ريقها ؛ انزين
نزلو وجدان وزينه ؛ ليه خايفه هالقد؟
زينه؛ طبيعي لانها بتروح معه ومن بكرا بتصير زوجته
وجدان ؛ اف ياليتهم حاطين زواج
زينه بهدوء؛ هذا شرط شهد الوحيد وبعدين احسن لهم الفلوس يسافرون فيها وينبسطون احسن
تنهدت وجدان ؛ الله يسعدهم يارب
زينه من قلب ؛ امينن
سلمو على المعازيم
جات زينه بالكتاب لتوديه لشهد توقع
شهد بتوتر قربت ووقعت وماتشوف نفسها الا بحضن ام فواز ابتسمت بتوتر ؛ الف الف مبروك حبيبتي
شهد ؛ الله يبارك فيك يمه
ضمتها زينه وهي تهمس ؛ اخيرا صرتي من نصيبه
شهد بعدت عنها وهي عاقده حاجبها؛ شلون؟
زينه ابتسمت؛ بتعرفين كل شي منه اسفه
وجدان ضمتها ومسكتها؛ يالله زفّتك وبعدين تروحين
شهد شاغل بالها كلمه زينه بس تناست مع الخوف والتوتر مع ان مو اول مره
انزّفت بكل هدوء وبساطه وجلست والناس جاو يباركون لها
نص ساعه وقومتها زينه رايحين لـ فواز
دخلو المجلس لف فواز وهو يطالعها بكل حُب
زينه بعّدت وهي تطلع وتمسك الباب تصكره وهي تتمنى لهم كل السعاده
شهد منزله راسها ومتوتره
فواز طالعها بفستانها الاوف وايت اكمامه سيور ماسك من عند الصدر وبعدها منساب بشكل حلو طويل له ذيل وشعرها الي وصل لتحت كتفه سوت له ويفي بسيط كانت بسيطه ونعوممه
فواز همس ؛ مبروك
شهد ؛ الله يبارك فيك
فواز مسك يدها وجلّسها جمبه وهو مبتسم بحُب ؛ طالعيني
رفعت عيونها بتوتر سكّن كل شي فيها وهي تطالع عيونه الي حتى الي مايفهم يفهم لاشعوريا نزلت راسها منحرجه
فواز رفع راسه ؛ لا ي قلب فواز ارفعي راسك خليني اشوف هالعيون الي سهّرتني ليالي
طالعته شهد بنظرات تتمنى يجاوبها همست ؛ شلون؟ متى؟
فواز بابتسامه ؛ من اول مره شفتك فيها وانا عيونك ماقدرت اشيلها من بالي ياشهد انا احبك من زمان صدقيني بس كنت اقول هي بذمّه غيري عيب علي كنت اصبر واصبر لين جاء اليوم الي اقدر فيه اني اتكلم واحكي لامي ابيها هذيك الي خذت قلبي ابيها لعمري كله ابيها ام لعيالي وحبيبه وزوجه لي
شهد دمعت عينها من حُبه همست ؛ فواز
فواز؛ عيوني عيوني
شهد ؛ انا ماستاهلك
فواز رفع عيونها وبخوف ؛ شش لاتقولين كذاا
شهد ؛ انا انا قلب
قاطعها بابتسامه؛ بنتظر صدقيني بنتظر بس اسمحي لي اثبت حبي واظهره لك
شهد ابتسمت وهي تهز راسها
فواز سحبها لحضنه وهو يضمها بقوه همس ؛ ياليت ادخلك جواي واحميك من هالعالم كله انا راح احاول قد ماقدر اني اسعدك ي عيون فواز
شهد رفعت يدها بتردد تبادله
همس فواز بسعاده وهو يغني ؛ تمنّي يالي انتِ مني حبك سكني عيشني الهنا احبك طامع فِـ قربك مسعدني حبك مريحني انا
شهد ابتسمت بخفه وشدت بحضنه
