عشاق الماضي

11

#الفصل_الحادي عشر

قاطعت كلامة بصفعه قويه علي وجهه وهي تقول بغضب : اخرس دا اخويا ومسمحلكش تتكلم عليا كدا
نظر اليه غير مصدقا لما هي فعلته وكيف تتجرأ علي صفعه امسكها بقوه من يديها ويهتف بغضب : انتي ازاي تعملي كدا .. انتي عارفه انتي عملتي اي .. بقه حته بت لا راحت ولا جت تمد ايديها علي الدكتور بتاعها
لم تستطيع الاكمال في تلك القوه والصرامة وانما هبطت دموعها وهي تقول : لما حضرتك تتكلم عني كلام زي دا وعن شرفي دا المفروض اعمل اي ويبق ردي اي ... اقل حاجة اعملها ان امد ايدي ... ثم اندفعت وهي تقول بقوه ومازلت دموعها تهبط :معتز وندي اللي هي اختي كانو راضعين علي بعض ف بالتالي هما اخوات ..وغير كدا رنا اختي وروان كذالك .. وبكدا يادكتور يامحترم يكون معتز اخويا قبل ما يكون ابن عمي وابن خالتي وليه الحق يعمل اي حاجة ..

بهت حمزه مما هي تقوله ولم يعرف بما يرد عليها... هو ظن السوء بها ولا يعرف كيف يتصرف ..ايعتذر لها ام ماذا!!?
نظر أرضا وهو يقول : بس انا معرفش وغيري ميعرفش وأول جمله هتيجي ف بالنا...
قاطعته قائله: اننا مقضينها احضان مش كدا يادكتور
تمتم بندم وهو يقول: اسف
التفتت نغم وهي تغادر مكتبه لكنها وقفت  وقالت: اظن حضرتك عرفت صله قرابتي بمعتز .. وهسمع الكلام والتزم المكان اللي انا فيه ..واحاول اتمدن شويه وانسي الارياف ...
جاء ان يتحدث لكنها ذهبت وهي تجفف دموعها .....
جلس علي مكتبه وعلي وجهه غضب شديد مما فعله ولكنه تحسس موضع اصابعها قائلا: تستاهل ياحمزه .. اول مره تخرج عن شعورك كدا ....
……………………………………………………………
جلست بجانب والدها وهو يأخذها في احضانه قائلا: وحشتيني ياندوش
ندي :وانت كمان يابابا وحشتني اوي
عادل : اومال فين هشام مجاش ليه
نزي بإرتباك: ها ا اصل هو عنده شغل وانا قولتله ان هنزل وهو هيخلص شغله وهيحصلني
نهي بقلق : انتو متخانقين ولا حاجة
ندي : لا لا لا مفيش حاجة متقلقيش ....
كان يتابع حديثهم رشاد بصمت وقد احسن من ارتباكها هذا ان يوجد شئ هي تخفيه .. لكنه سيعرفه من ابنه اليوم
قاطع هذا التوتر مجئ سيف وهو يهتف بفرحة: مامي انا حبيت هنا اوي وعاوز افضل هنا علي طول
اخذته نهي في احضانها قائله: بس كدا دا انت تؤمر ياسي سيف
دخل عليهم معتز فقد استأذن من عمله لكي يجلس معهم كثيرا واسرع سيف الي احضانه وهو يقول : عمو معتز
ندي : مش قولنا خالو 
سيف بحنق: يووه بقه هو انتي كل شويه كدا اقول عمو مش عاجبك ... طب انا هقول معتز بس
ضحك معتز قائلا: والله يبق ريحت الدنيا ياسيدي .. سيبك من ماما وقولي ..تحب تخرج فين النهارده
سيف ويضع اصابعه علي رأسه ف استغرب معتز وهتف : انت حاطت ايدك علي راسك كدا لي
سيف ببراءه: بفكر
انطلقت الضحكات من الجميع فقال معتز: هو اللي بيفكر بيحط ايده علي راسه ...  طب يالا ها فكرت
سيف : عاوز اروح الملاهي واكل ايس كريم وشبسي كتير بس بالططاطم
معتز: بال اي ياخويا
ندي ضاحكة: الطماطم.. بس هو رغم ان بقه سبع سنين ومن صغره ومش بيعرف يقولها
ابتسم معتز وغمز الي ندي وهو يقول : انا طالع اغير هدومي وشويه وهاتي سيف
ندي : حاضر
………………………………………………………………
انتظرت ان تبدأ المحاضره فجلست في ركن فارغ علي احدي المقاعد وحركة كثيره من الطلبه وهم يتجهون الي اماكن مختلفه  .. حاولت ان تهدء من نفسها بعدما حدث منذ قليل من هذا الدكتور ... حقا تكرهه منذ اول يوم لكنها لم تبالي به ولا تعطي له اي اهتمام ...لكنه اليوم تعدي حدوده ولابد ان يتعاقب ... فاقت من شرودها علي حديث تعرفه جيدااا وكأنها سمعته من قبل
فتاه تجلس بجانب شاب وتبكي حاولت ان تركز في الحديث بسبب فضولها
الفتاه: ليه مش راضي انا ماصدقت انهم وافقو
الشاب: كتير عليا اللي هما طالبينه انا مش هقدر علي دا
الفتاه ببكاء :يعني هتسبني
وقف الشاب وهو يقول : انتي عارفه ان بحبك بس مينفعش
وتركها وذهب وظلت تلك الفتاه تبكي
حاولت نغم ان تسيطر علي الدموع التي هبطت منها وقامت من مكانها وجلست الي جانب تلك الفتاه التس استغربتها كثيرا
تحدثت نغم قائله وهي تهدئها: متزعليش مفيش حاجة تستاهل الدموع دي ...وبكل حنان مسحت دموعها وهذه الفتاه تنظر اليها بعدم تصديق
نغم ب ابتسامة باهته: كلهم كدا مهما ضحينا ميستهلوش .. متفكريش انها مأساتك لوحدك ... لا غيرك داق من نفس الكاس ... انا سمعت كلامكو غصب عني بس عاوزه اقولك حاجة
الفتاه : حاجة اي
نغم : لو كان بيحبك فعلا كان وافق علي اي حاجة طالما هتكوني ملكة
جاءت ان تتحدث وتدافع عنه لكن نغم لم تسمح لها وقاطعتها: متدافعيش انا اكتر واحده دافعت واما خيروني بينه وبين اهلي اختارته هو وف الاخر مشي ... عاوزه اقولك انك متتغيريش ولا تبقي واحده تانيه .. انجرحتي ..ماشي خدي شهر اتنين علي ما تنسيه بس بلاش تضيعي حياتك عشان حد ميستاهلش دا ...قبل ما تعاتبي اهلك او تعاقبيهم فكري ازاي هما عاوزين يحموكي ... مش يمكن هما حطو ليه شروط عشان عارفين انه مش هيشتريكي !!!
قبل ان تفكر الفتاه في كلام نغم ..كانت نغم هي المصدومة من كلامها وما يخرج من فمها ...كأنها تحدث نفسها قبل ان تحدث الفتاه ...
ام هذه الفتاه ظلت صامتة تفكر في كلام نغم ونصيحتها .. جاهدت ان تبتسم لكي تشكرها وهي تقول : انا مش عارفه اقولك اي ... بس ممكن تكوني حسيتي بيا عشان كدا ربنا بعتك ليا .... واتشرفت جدا بمعرفتك .. انا اسمي ملك
نغم ب ابتسامة: وانا نغم لسه جديده ف الكليه
ملك : بس تفتكري هقدر انساه
تنهدت نغم وهي تقول : اكيد مش من اول يوم هتنسيه ... هتاخدي وقت علي كدا بس انا حبيت اجي واقولك بلاش تاخدي وقت كبير عشان عمرك ميضعش علي سراب ...اللي باع خساره فيه نزعل عليه فاهمة ياملك ... وبعد فتره هتنسيه وهييجي ندمان ..بس ساعتها هيكون فات الاوان
اومأت ملك رأسها متفهمة وتحدثت : طب هو احنا ممكن نكون صحاب
نغم : بس بشرط انك تكوني اقوي من كدا وتعيشي حياتك
ملك بإبتسامة: ان شاء الله
تركتها نغم وهي تنظر الي كل شاب وفتاه بسخريه ....
(الجرح في قلبنا بيعلم ...لكن من الجرح بنتعلم
صعب النسيان ... والظلم كمان ... والاصعب منه اما نسلم
اللي باع خساره فيه نزعل عليه ... عمر ضاع طب ليه نضيع غيره ليه )
………………………………………………………………
دخلت الي غرفته وكان هو ينتظرها حقا .. تحدث مع الصغير وبدأ يلاعبه وبعد فتره اخبره بأن يتركه لانه يريد ان يتحدث مع والدته
واخيرا كان الحوار بينهم وبدأ معتز الكلام: اطلقتي لي
ندي وبدأت الدموع تتجمع في عيونها لكن بحنان بالغ مسح هو اول دمعه هبطت وهو يقول : دموعك دي غاليه ومينفعش تنزل ابدا
ندي : انا تعبانه اوي يامعتز .. تعبت من حياتي معاه وخناقنا دايما واهماله ليا ولإبنه
معتز : طب ليه محاولتوش تتفاهمو
ندي : نتفاهم ازاي وهو مش موجود .. زي ما يكون اتجوزني تفضيه واجب وخلاص عشانن دا كان امر من جدو
معتز بتساؤل : انتي بتحبيه ياندي مش كدا !!? اوعي تقولي انك نسيتي الحب دا
وقفت ندي تدور في الغرفه وهي تتحدث بشرود : محبتش حد قده .. معرفش ليه هو بالذات .. بس اما وعيت علي الدنيا كان هو اللي موجود.. لما اتقدملي انا الفرحة مكانتش سيعاني ..بس داريت دا .. في البدايه كان عندي استعداد اقول عن كل كلمة جوايا ليه واحساسي .. بس ملقتش اللي يخليني اقدم الخطوه دي .. هو معتبرني زي اخته حتي بعد جوازنا اقول هيتغير ونقرب من بعض .. بس كان دايما بيهرب من المكان اللي موجوده فيه .. ولو قعدنا مع بعض مش بيتكلم بيفضل ساكت او بيشتغل
وبرضو جه سيف وقولت الحياه هتكون احسن... بسبب تعامله معايا كنت بتعامل معاه ببرود ... رغم ان جوايا بموت وانا بعامله كدا .. نفسي اقوله بحبك او وحشتني .. بس خفت ..خوفت يجرحني ... فدفنت مشاعري دي .. بس الظاهر ان انا اخترت غلط من الاول ... انا استحملت 8 سنين عشان خاطر سيف ... بس مقدرتش اكمل لما ..
ثم اجهشت في البكاء عندما تذكرت اخر حوار بينهما......
ندي بغضب: مين اللي كانت معاك دي
هشام ببرود: واحده
ندي : يعني اي واحده
هشام وقد القي قنبله في وجهها:يعني واحده وهتجوزها
.....
عادت ندي الي بكائها مره اخري  وهي تقول لمعتز : بكل بجاحة بيقولي هيتجوز ... يسيب بنت عمة وابنه عشان يتجوز
انصدم معتز من كلامها واخذها في احضانه يهدإها ولكن دخول رشاد وهو غاضبا جعلهم ينظرون الي بغضهم بقلق
رشاد ويوجه حديثه الي معتز: تتصل بالزفت دا وتقوله عمك بيقولك صفي شغلك واول طياره تاخدها وترجع بلدك ...وانا ليا حساب معاه..الظاهر ان معرفتش اربيه
ندي بتوسل : لا لا عمو ارجوك انا ماصدقت ان نزلت وسبته انا مش عاوزه ارجعله..لو بتحبني مترجعنيش ليه
اخذها رشاد في احضانه وهو يقول : انا هاخدلك حقك منه... هي غلطتي من الاول ان كنت مصمم علي جدك انكو تتجوزو.. كنت فاكر ان عرفت اربيه بعد موت اخويا..بس الظاهر اني فشلت.. بس احنا فيها
معتز: هتعمل اي يابابا !!?
رشاد : هعرفك هعمل اي... بس اهم حاجة محدش يعرف .. عادل مش ناقص كفايه تعبه وموضوع نغم ...
اومأت ندي رأسها متفهمة وهي تشرد الي ملكوت خاص بها...
………………………………………………………………
عادت من جامعتها مبكرا وفي قرار نفسها بالتغير والتبسم وترك هذا الحزن ... وستبدأ من الان
دخلت علي الجالسين وهي تذهب الي والدتها قائله: ازيك ياست الكل
نهي : ازيك يانونا جايه بدري لي
نغم: خلصت محاضرات وقولت اجي جري بقه اقعد معاكو ..ثم التفتت الي والدها وقبلت يديه قائله: قاعد انت مع الحاجة ومظبط نفسك
ضربها بخفه علي رأسها وهو يقول : بطلي شقاوه يابت
ضحكت نغم قائله: انا برضو ياحاج عادل .... دا انت مش راحمها وعمال تغازل فيها
نهي بخجل:بت يانغم بطلي وروحي غيري هدومك
وقفت وهي تحييهم تحيه عسكريه : تمام يافندم
وانطلقت مسرعه الي غرفتها تحت نظرات نهي وعادل المستغربه
نهي : ربنا يفرحك دايما يانغم
عادل : يارب ..اول مره اشوفها بتهزر كدا
نهي : يارب تفضل كدا علي طول
..................………………………………………
دخلت نغم غرفه روان لكي تتحدث معها
قصت عليها ما حدث وروان غير مصدقه لما هي فعلته ...بكلتا يديها صفقت
نغم : اي يامجنونه
روان بسعاده: مش مصدقه نفسي انك عملتي كدا
نغم : ولا انا .. بس يمكن عشان مش عاوزه حد يجرب ولا يحس اللي انا حسيته
روان : واهم حاجة انك قبل ما تكلميها وتنصحيها..كنتي بتكلمي نفسك
نغم : انا استغربت فعلا كلامي دا بس حسيت انه طالع من قلبي..ثم اخبرتها قائله: تفتكري في امل
روان بتشجيع: اكيييد طبعا وانتي بدأتي فعلا وهتكملي ومفيش حاجة هتخليكي مطفيه ابدا
قاطع حديثهم دخول معتز لكنه تفاجأ بنغم ف تحدث : اسف بحسبك لوحدك ياروان ...هبق اجيلك بعدين
قبل ان يتحدث احد قد اغلق الباب
حزنت نغم كثيرا
فتحدثت روان: متزعليش من معتز انتي عارفه هو بيحبك قد اي بس شويه وهيروق
نغم : انا هنزل اتكلم معاه مش هقدر اكمل حياتي وهو زعلان مني

هبطت  نغم وتدور في المكان وتبحث عنه ولم تجده ...خرجت خارج الفيلا لعله يكون واقفا او بجانب سيارته لكن لا يوجد احد ... تذمرت مثل الاطفال وهتفت بحنق : ماشي يامعتز

شخصان يتابعونها ..احدهما صدفه والاخر متعمدا
اوقفها صوت احد الاشخاص قائلا: نغم!!!
اما الاخر كان بسيارته وهو يقترب منهم وينظر اليهم بإستغراب والي وجهها الذي تحول من الدهشه الي الابتسامة فترك سيارته وذهب اليهم قائلا...........
………………………………………………………………
اليوم ستتحدث عن اكثر من شئ
سعاده اتت لها بسبب حديث نغم
وجانب اخر كانت حزينه ...هي تعرف ما يحدث الي ندي وما بها ...
فعليها الان التحدث الي جانبين
اولهما يخص ندي ومشكلتها .....

صارحوا حبكم لبعض ماتخبوش بحجة الكرامة وعزة النفس،،  وآياكم والحب من طرف واحد مافيش حاجة اسمها الحب ييجى بعد الجواز 💔 آمال الخطوبة اتعملت ليه.؟ ،، اتعملت علشان لو الحب ماجاش ف الفترة ديه تبعد علشان الرحمة مش هتيجى إلا بالحب الصبر وتحمل المسئولية والظروف مش هيحصل إلا بالحب الجواز لو مافيهوش حب صدقونى عمره ما هيكمل ربك قال :
" ومن آياته أن خلق لكم من أنفسكم ازواجاً لتسكنوا اليها وجعل بينكم مودة ورحمة " صدق الله العظيم 💙
اخلعوا رداء العادات وتقاليد المجتمع ماسمهوش جواز قرايب ف هما أولى ببعض ماسمهوش جواز صالونات والحب ييجى بعدين لا آسفة الحب مابيتأجلش الحب يا ييجى ف البداية يا هتفضل عايش طول حياتك تدور وعليه ومع ذلك بردوا مش هتلاقيه 😉💔👌
.....
اما الجانب الثاني كان يخص نغم وما فعلته ... كلماتها خرجت من قلبها هذه المره .. كأنها تتخذ مكان نغم وتوصف احساسها وتوالت الكلمات كالأتي ....
انت ياللى موجوع انت دكتور نفسى لكل المجروحين اللى زيكك 👌 انت تقدر تعالجهم وترجعهم احسن من الأول لأن انت مش هتقولهم " معلش "،،  انت مش هتهون عليهم وتنصحهم بمجرد " كلام" مالهوش فايدة ،، 💔 لا انت هتكلمهم من قلبك هتقولهم اللى نفسك تعمله وهتساعدهم علشان حاسس بيهم جداً حاسس بوجعهم لانه فيك هتقولهم على كل خطوة يمشوها ازاى علشان يتحدوا ضعفهم هتبقى سند ليهم واكبر حكيم فى حياتهم هتبقى اكبر واحد شايلين له جميل فرحتهم ❤👌 انت آه موجوع بس وجعك قادر يداوى جروح غيرك ،، صدقنى انت مرايٱ للناس والعكس صحيح ،، وعلشان كده شوف حياتك فى مراية حد غيرك وهتقدر تكون كائن فرحة بمعنى صحيح مش مجرد تمثيل ،، 👌
**  صدقنى تداوى وجع نفسك مع غيرك احسن ما تداوى غيرك على حساب نفسك ،، 😉💪
...............
نتقابل الاربع بإذن الله 😍