أحببتهُ كما هو

البارت 12

#أحببتهُ_كما_هو
#البارت12
#بقلمي_رسل_طالب

أحدهمْ يحفظ كلماتُك الّتي تظن أنها ليستْ مهمّة ،

ويحب صوتك الذي لاتُحبه .. :blue_heart:

*********&&&&&&&&*********

ماما .. يمه

لج شبيج تخبلتي من الصبح تصيحين !

عفيه دادور على الشال الاسود مالكيته؛ شوفي شهد وين مخليته؟

البسي أي شال هسه الا الاسود ياستار شعندج .

خرب ..يمه الدزاين تريدي يخرب !!

هسه اشوف اختج وين مخليه ملابسها.

طبعا لبست سترة بيضة وبيها ورد اصفر وجواها قميص فضفاض اصفر جرجيت وبنطرون اسود والحذاء ابيض بأسود والشال قررت اسود حتى تبين تفاصيل السترة .

رنا ؛يمه رنا هاج هاي الشيله مالت اختج .

اي عاشت ايدج يمه .. الله لا يحرمني منج :kissing_heart:

كملت ونزلت .. امي شافتني انصدمت شو كاشخه مو عوايدج .

ليش يمه اني يوميه اطلع قرده :thinking:

لا يمه حلوة بس اليوم احلى .

مو الاستاذ طلب انطي محاضرة لمجموعتي فعيب اطلع كدامهم مثل لبس كل يوم .. اليوم شويه اهتميت :wink:

زين يمه الله يوفقج :blush:

تسلميلي يا اطيب واحلى ام .. بست راسها وطلعت للدوام .

اي عيني شنو هالكيك اليوم ما عرفتج :wink:

خرب ببليسج اسو والنبي راح امشي واعثر من وراج اليوم:joy:

لا عيني باردة .. بس ما توقعت هنودي هيج راح يأثر :wink:

عابت يا هنودي يا بطيخ ولج عيب منظري اصعد واشرح كدامكم.

تشرحين شنو ؟

المحاضرة.. ليش ما كتلج اني اليوم راح اشرح وياه المحاضرة؟

لا خانم ما كلتي :expressionless: ولج من شوكت صرتي استاذه علينه ها :thinking:

عابتلج ؛ هاي بدل متشجعيني.:pensive:

انجبي تدرين اشاقة بس شراح يخلصج من الطلاب راح يشتغلوج اكس ومربع خخخخخ.

اي والله شايله هم لذولة :sweat_smile:

امشي اول محاضرة ماراح نفوت .

ليش اسو منفوت ؟

هيج معاجبني نفوت الها .

اني استغربت مو من عوايدها تضرب محاضرة اصلا : اكولج انتِ مصخنه لو متعاركه ويه احمد؟

عابتلج لا هاي ولا ذيج ولو احمد البارحه وداني لبيت اهلي وكالي من تخلصين امتحاناتج الشهرية خابريني ارجعج انتِ والجهال :pensive: