هدية في حي الرجال

البارت ١

مررراحب حبات قلبي مشتاقتلكم🥰
يارب سنه خير وعافيه عليكم وعلى العالم اجمع وخصوصا على عراقنا الجريح ❤

طبعا حاولت اشيل اللدغه مالت البطله😪 بس شفت القصه تتشوه لمن اشيلها وهواي محطات راح تنلغي من القصه وباالتالي تفقد القصه جماليتها 🤔

لذالك تركتها كما هي

قراء ممتعه اتمنى ماتحكمون ع القصه من بدايتها ولاتملون من روتينيتها😊
لان القصه جدا مختلفه ومشوقه وراح تبداء باالتدريج 🤗

#هديه في حي الرجال

#الكاتبه_زينب_العبيدي(الزينبيه سابقاً)

#البارت_١

تمشي الرياح بما لاتشتهي السفن نسمعها كثيرا ونقولها اكثر واحيانا نشعر بها نحزن نبكي نتألم نصرح ونصاب باليأس والكأئبه ونتضجر واحياناً نجزع حين تعاكس الرياح سفن الحياة حين لايتحقق ماكان في احلامنا  فنبطش وتكون العواقب وخيمه  

فيأتي النداء من الله عسى ان تكرهوا شي وهو خيرا لكم والله يعلم وانتم لاتعلمون

نعيش نتامل نبني مستقبلا في مخيلاتنا ولكن انا اريد وانت تريد والله يفعل مايريد

.....................................

بيلسان بابا اغوح وياك عفيه

الاب حبيبتي بابا وين ترحين جاي اكلج رايح الصديقي جاي من الحج يعني رايح الرجال للشيخ عبد الله وين اخذج

بيلسان اهووو هم شيخ عبدالله لعد اني ضايجه حيل من اجينه للبصغه لليوم ماطلعت والله غاح ابجي

الاب تبجين غير احرك الدنيه والي بيها وجنج على طلعه حبيبة البابا بس ارجع اخذج ونطلع نتعشه ونتونس وافرج البصره كلها

كرص خدي وباس ايده وطلع ضحكت اني وسديت الباب ورا ورحت اكلب بالتلفزيون الساعه ب ٥ العصر امتابعه مسلسل تركي شايفته وداعيدها اسمها اكليل الورد ودا اكرز حب الملل فول

احجيلكم عني شوي  اني (كورديه) مسيحيه   مواليد ١٩٩٤ بابا اتزوج امي عن حب هو جان رجال متزوج بس شاف امي باالصدفه لمن جان بسفره للسليمانيه

وعشقها وتزوجها جانت امي جدا جميله و ايموت عليها باالبدايه اهلها رفضو وماقبلو يزوجوها اله بس ضل يلح عليهم بالروحه والجيه وخطبها اكثر من مره وافقو عليه بشرط ان ماياخذها للبصره لان مايتحملون بعدها فبقه باالسليمانيه واستقر اهناك

وضل يروح الزوجته الي بالبصره كل شهر يبقه يمهم اسبوع ويرجع عنده ٤ ولد من زوجته الاولى و٢ بنات

و من ماما بس اني لان بعدها اتمرضت امي وصار عدها مرض خبيث على الكبد  وتوفت بسنه ٢٠٠٥ وصار سبع سنوات من وفاتها

انتقلنه البغداد قبل وفاتها بسنه لان جانت تعالج اهناك وتوفت ببغداد وبابا حيل اتاثر عليها واني دخلت نوبه عصبيه وحاله نفسيه تعبت من اتوفت ماما فابابا حاول يهدي من مرضي ماهاين عليه يشوفني هيج  وضل كل فتره  يسفرني بين السليمانيه ودهوك واربيل وبغداد لحد ما اتحسنت حالتي