هدية في حي الرجال

بارت٣٤

صباحكم عسل ياحبات قلبي🌹🙋‍♀️

👈٣٠٠٠كلمه قراءه ممتعه👉

بس خلي اعطيكم معلومه عن بكر بكر لمن جان يحب بيلسان جان يشتغل ببغداد سايق على خط بغداد بصره وجان يضل ببغداد يوم او ثنين علمود يشوف بيلسان بس

وهو صديق هزاع من ٥ سنوات قبل الحادثه يعني رعد وهزاع صداقتهم من ايام المراهقه اما بكر مستجد يعني من ٥ سنوات بس صادقهم

#هدية_في_حي_الرجال
#بقلمي_زينب_العبيدي(الزينبيه)
#بارت٢٤

لابإس ياغائبي🖤
ف أنا فقير حظ💔
واشيائي الجميله لاتدوم🖤
ها انت اجملها وقد رحلت💔

ديورت السياره ورديت للديوان بازعه الدنيه من عيني مالي خلك روحي
امشي وافكر معكوله كل هل زلم تفتر ومالكولج اثر بيلسان  شنهي ولج علكتيني وختفيتي لاتخليني اصدك باالمكتوب

وصلت للديوان لكيت حرمه متكتره اعلى صفحه لجحتها من ابعيد امبركعه و وياها جاهل واكف بحذاها عمره ٦ سنوات تقريبا

ورعد متكتر شوي عنها ومن اجيت كال هذا اجه ابو عذاب

تجدمت ليهم كلت السلام عليكم

ردت الحرمه ورعد وياها وعليكم السلام

-حجيت وانه مالي خلك دشي يخوج دشي المضيف شمشكلتج

-لا بو عذاب ما جايه ادش انه جايه وعندي حجي جثير ليك بس اريدك وحيدتك

-ضيكت اعلى نظراي ليش احس هل مره عرف التفتت اعلى رعد خويه رعد

وقبل لااكمل حجايتي هو كال اي بعد اخيك اخذ راحتك ترخصني

-مرخوص

وحجيت ويه الحرمه وانه مدنج دشي المضيف خويه دك تليفوني

-لا ما جايه ادش بس اريد احجي وخايفه

-لاتخافين من شي ....بس ترخصيني ارد اعلى التليفون

الوو ها ...شنهي ...بيت وين بيا بستان ..وشنهي لكيتو بي جايكم انه هلساع لاتجيسون شي بالكم اعلى بالكم

سديت التليفون مستعجل وطليت من باب الديوان جان فارغ كلتلها  خويه دشي هنا وانه انطي خبر للشيخ يستقبلج

-ب بس..

رحت من غير ما اسمع اي حجايه منها مستعجل التليفون الاجاني شدهني معكوله هاي اثر بيلسان هناك جود نلكاها كريب منا

شلت التليفون خابرت اعلى الشيخ

بويه اكو حرمه باب المضيف المسيجيني مادري شقضيتها استقبلها انه رحت عندي شغيله

وسديت التليفون حتى ماسمعت رد ابوي

وصلت للبستان....

لكيت ازلامنه هناك باالبساتين الي بطراف السلف