هدية في حي الرجال

البارت١٣

شلونكم حبيبات قلبي🙋‍♀️

حبايب لتكلولي اختصري ترى القصه في بدايتها وكل الي دينكتب هسه باالبارتات هو تعريف لطبع كل واحد بيهم وشخصياتهم وكلشي دينكتب بهذهن البارتات من اساسيات القصه والاحداث الجايه

٣٩٧٧قراءه ممتعه😅❤

#هدية_في_حي_الرجال
#بقلمي_زينب_العبيدي(الزينبيه سابقاً)
#بارت١٣

رحت للغرفه وهمزين لكيت دره كاعده
لان جنت ناويه اكعدها

جانت دا تسفط ملابسها باالكنتور

-شعجب منايمه

-طارت نومتي كلت التهي باالهدوم لحد ماترد النومه

-هذه بومه مو نومه

-ههههه

-اكول دغه شنو غايج نسوي مغامغه

-شنهي ..شنهي يعني

-اقصد نسوي فد شي يكسغ الغوتين يعني شي غغيب (غريب)

-خايبه حرام بالحرُم اذا افهمت شي دشي باالموضوع بالكت افهم

-عززه شنو السالفه اني اكلج خلي نطلع هسه

-(فتحت عيونها على كبرهن) وين انولي نطلع

-نغوح للمكان الي يغوحله هزاع ونشوف شديسون من بعيد

-يماااه يماااه انتي تخبلتي شجاج خيه

-يللله دغه يله فدوه لاتخافين عفيه

-لالا خيه شنهي مارايده روحي انوب اطلع تالي الليل لا و وين اروح للموت برجليه صمي حلكج استر الي والج ياحبيبه

-زين كوليلي هو وين ديروح

-شنهي بس لا تمشيله ولج

-لاما اغوح بس احب اعغف

-يرحون للمزرعه الجبيره يكعد هو وربعه اهناك ساعه ساعتين ويرد

-واو والغب بنفسي اغوح مزغعه واو اعشق الخضاغ وغيحة الشجغ(الخضار وريحه الشجر)

-اييي صدك يخبل المكان احنه كبل جنه (انروح وصفنت شوي واتحسرت ) الله على ذيج الايام تخبل ياريت لو ترد بس ..(وسكتت)

- زين لويش قطعتوا وماضليتوا تغوحون بس شنو

-ما ادري صار النه سنتين مارايحين هناك اهلي مالهم واهس اشو

-واوو زين المكان حلو

-يخبل جنها الجنه هاي الله يسلمج مزرعه شراها كبل ابو عذاب هو وصديجه رعد و ورى فتره اشتراها كلها دفع لرعد افلوسه وخذاها كلها اله يعني مالتكم هل مزرعه

-واوو صدك

-اي لا وانوب مساحتها ٣٣ دونم من حيث كلش جبيره وبيها بيت صغير كبل من جنه انروح نكعد بي هسه كاعد بي الحارس مال المزرعه