هدية في حي الرجال

بارت ٢٥

مراحب حبايب❤🙋‍♀️

باالمناسبه الاشعار الي جاي تنذكر باالقصه اغلبها واكثرها اشعار ابو عذب الحقيقيه
وبنهايه القصه راح اذكرلكم شلون كدرنه نحصل بعض من اشعار 🤔

٣٦١٢كلمه قراءه ممتعه١

#هديه_في_حي_الرجال
#بقلمي_زينب_العبيدي(الزينبيه)
#بارت٢٥

صحت اعلى دره

تعاي دره بويه

-هلا خويه جايتك

صعدت الغرفتي وهي لحكتني
كعدت على الجربايه وكلتلها تعاي كعدي

كعدت كول خويه

-بويه اليوم عمي ابو جعفر جايب عمي ابو عناد وعناد علمود يخطبون ويعقدون بااعتبار فاتحتج انقرت ورايتكم انحلت

لجن خويه اذا ماتردينه فهذا بحث اخر اهم شي قناعتج انه كتلج فكري بعناد بكل زينه وشينه سمعتيهن عنه وكتلج رايج وقناعتج اهم من كلشي ولاتخافين انه وياج بكل قرار اذا رفضتي وياج واذا وافقتي ماراح اتركج حسبي احساب دوم انه بتجيتج

-دنكت وكالت عساك دايم خويه انت طول عمرك تجيتي وانتم لتشوفونه سوه انه امشي برايكم

-حلوه البنيه تمشي بشور اهلها بس موش بهذا الوضع انتي الي راح تتزوجين موش احنه لاتستحين بويه احجي

-ضلت مدنكه وتعصر بصابيعها

-على بركة الله اليوم بليل جاين هما واعتبر سكوتج موافقه

كامت دره من رخصتك خويه

مرخوصه بعد خيج الله يكتب البي خير

............

نزلت دره وهييي تحس الدنيا مامكفيه فرحتها تحس لو تصرخ وتسمع الدنيا كلها هم ماموفيه فرحتها

نزلت وشبكت ظهر امها الي جانت جاي تصليي وهي كاعده

صاحت الحجيه الله واكبر وتبعد بيها
وهاي رجعت باستها حييييل من خدها وهي شابكتها
وتكللها حجيه انتي اكيد هل ايام جاي تدعيلي هواااي مبييين

والحجيه صاحت وهي تفك باايدين دره ايااااك نعبد واياااك نستعين

-اي يمه والله بس بي نستعين شعدنه غيره الحمدوالشكر لله تحجي وهي صافنه وشابكه الحجيه

اجت زينب سحبتها من دشداشتها وتكللها

مالك يوليه خنئتي المسكينه امك

شاورتها دره اليوم يجي عناد يخطبني ويقد علييي

-زينب واللهي بتتكلمي بكد لاء دى حئك (وشبكت الحجيه هي هم) وتكول واللهي حئك تخنئيها تفعصي

خلصت الحجيه صلاة وشالت السبحه واتريد اتطكهن وهي تكول بنات اليهود ولن مناا اريدن افهم شكلت بصلاتي مامش دره واجه اعلينه اليوم الساتر الله