المهيم رقدت ديك الليلة من الغلبة ، غدوا جا سراج للدار و انيس بقى يطلب مني السماح هو وزينو حتى خرجوني غداوني برا و كساوني و شراولي مكياج ، المهم اليوم ريهام و انفال و ياسمين حيجيو عندي و نباتو مع بعضانا ، ريهام خطيبة سراج و بنت عمي ، انتيك و عقليتها فووور ، هي فالحق حشومة و متهدرش بزاف و ماجينا ندخلوها فالجو تاعنا بسسسيييييييف ، المهم هي كيما شفتو زلوشة ، حتى خويا الله يبارك بقلاوة معسلة ، بصح وش نقلكم كي عرف بلي حتبات عندنا بدا ينقز وحدو كي القرد ، المهم صونا لباب رحت لقيتو زينو جاب انفال ، سلمت عليهم و دخلت انفال شوي و جات ياسمين ، الله الله الحطة و الشعر المطلوق و الماكياج و اللبسة الجديدة ، هادا كل على جالة البقة القرادة القرد البوقوص الزلوش تع خويا الحمار ، ايا المهم بتنا ساهرين هادو فيلمات رومونتيك و لا اكشن و كي يقولولي رعب نشعل فيعم ، من نهار هاداك التبهليل تع انيس و زينو حلفت منزيدش نتفرج les films d'horeures كون يصرا وش يصرا ، المهم خلصنا ولينا نقصرو حتى جا سراج دا ريهام حكا معاها 7 دقايق بالضبط رجعت وجها حمر حيطرطق من الارض مهزتوش مسكينة ، مبعد عيطلي انيس و قالي قولي لياسمين بالجمعة نجيو نخطبوها وحنا هداك النهار كنا الثلاثاء ، دخلت لقيا ياسمين و انفال يضحكو على ريهام و وجها لحمر رحت عند ياسمين و قتلها : يا لالة لي راكي ضحكي عليها راها قاتلك ماما بلي بلجمعة نجو نخطبو مسكينة تم ولات صح: صم بكم عمي و هم لا يبصرون طرطقت انا و انفال بالضحك ، المفيد عديناها ليلة ما تتنساش ، المهم غدوة منداك خرجت انا و انفال و ياسمين شرينا قنادر و كلش بالخميس عدى كلشي عادي ، حتى نهار لجمعة ناض انيس على 6 تع صباح ربي و هاز الطاوة و المغرفة و يخبط فيها و يعيط: آي ليوم خطبتي نوضو نوضو كنت من قبل نخمم نشري سردوك مي كي شفت انيس كفاه راه داير فقت بلي عندنا واحد ديجا ، ايا المهم صليت و دخلت دوشت بجال دوش ريحة تع نعناع ، درت شعري كيما هك👇
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
و لبست هكا👇للمعلومة منيش نفس الطفلة ولا نفس لاطاي راني نعتلكم ماطاي في بارت 1
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
