وصلت للدار ، صونيت و حلت عليا ماما ، كي شافت حالتي تشوكات وقاتلي
مونى:ميار وشبيك ، عمري بنتي حبيبتي وشبيك
ماقلت والو ديغاكتومون ترميت في حضنها و انا نبكي بقوة ، مام هي قفلت الباب وبدات تمسحلي على ظهري وتبكي معايا بلا معمبالها حتى وش صاري ، شوي وجات ريهام تشوكات ولات بعدتني على ماما قعدتني فوق الكانابي ، وجابت كاس ما عطاتني نشرب وانا مش قادرة حتى نتنفس ، دموعي هبطو ويدان و الشهقات من فمي ورا بعضاهم حتى مقدرتش نتنفس ، ولا وجهي حمر بزاف ، قريب زراق ، والنفو تقطعلي خلاص ، ولات الشوفة تاعي مضببة كتر ، ونشوف في كلش دوبل نسمع في ماما و ريهام يعيطو ، حتى ختي الصغيرة وبابا و سراج شفتهم وهوما يعيطو ، بصح مانيش فاهمتهم وش راهم يقولو ، حتى ظلااام
#1hour later
ظلام في ظلام ، هادا وش راني نشوف ، حتى بشوي بشوي باه قدرت نستوعب ونشوف ، لقيتهم كامل دايرين عليا: انيس ، سراج ، ريهام ، انفال ، حسام ، الين(بنت حسام وانفال) ،اكرام ، بابا ، ماما وكامل يبكو ، انيس عينيه حمر دم ، بابا واقف وعاطيني ضهرو وسراج حاط يديه على عينيه، اما لخرين كامل يبكيو ، ياسمين ماجاتش باسك ولدت لبارح جابت طفلة تاني سماتها نورسين ، المهم ، ماكنتش مضطرة نحكيلهم واش صرا خاطر عيطت ام انفال لي هي بعد ام زينو وحكاتلها كلش و ديغاكتومون جات هنا ، و حكاتلهم
ماكلاه نوصفلكم كفاه عدا الشهر الاول من العدة تاعي ، غير بكاء وقلقة ،ماناكلش غير شوية ، ضعفت خلاااااااااااص ، شعري توجور واقف فالسماء مانيش معتنية بيه نهائيا ، دارولي الهالات السوداء ، مالغري اهلي متهليين فيا ، بابا توجور معايا يحاول يطلعلي لمورال ، خاوتي ، ختي ومام ماما ديما يحاولو فيا نرجع لحالتي مي والو
ريهام ماخلاتنيش عادت ترقد معايا ومترقدش مع سراج ، باسك بزاف مرات يديرولي ليكوشماغ و نولي نعيط ،كون مايكونش واحد معايا تخلا
انفال ، و واش نحكيلكم عليها مسكينة تقابضت مع زينو علاجالي ، بصح ماخسر عليها غير زوج كلمة:ماعندك مادخلك
المهم ، ليوم كنت كي عادتي قاعدة في بيتي ونبكي ، حتى دخلت عليا ياسمين، مام هي ضعافت، بنتها مغلبتها بزااف ، المهم جات طول ماهدر معايا ماوالو ، ديغاكتومون عطاتني كف ، وحكمتني من شعري شنشفتني ، تضرب وتبخص ، وانا مش قادرة نرد ،حتى هبلت ونضت ، ولينا نضاربو ونتقابضو كي لولاد تع 10 سنين ، بصح ولا علابالنا ، خرجت هاديك الطاقة السلبية(طاقة ولا باب😂😂 صاي اني رحت) لي عندي كامل ، حتى طحت فالارض وطاحت حدايا و شفنا مع بعضنا و تفلقنا بالضحك
كانو كامل واقفين حدا الباب ، ابتداء من حسام وانفال لي باتو عندنا لبارح حتى لبابا ،مشوكيين ، باسكو كنا نبانو مهابل وراني surصوتنا يتسمع من اخر الزنقة ، وقفت ياسمين وقالتلهم
ياسمين: سمحولي كامل ، بصح لاكان حابين ميار لقديمة ترجع خليونا انا وياها و انفال وريهام و مبعد شوي ونجيو
كامل راحو ودخلو لبنات عندي ، وقفتني ياسمين وداتني للمرايا ، عمبالكم متتصوروش الصدمة لي حسيت بيها وانا نشوف مع روحي ، انا ميار ### مدايرة لروحي هاك ، انا لي كانو رجال ورايا من جيهة لجيهة نولي هاك ،انا يلي من حطتي وزيني وعقليتي خطفني واحد مهبول بيا وليت هاك دارتلي صدمة، كفاه خليت واحد كيما زينو يحطمني ، كفاه خليتو يستمتع وهو يسمع بلي راني كل يوم نتحطم كتر وكتر علاجالو ،نن هادي مش انا انا لازمني نكون اقوى من هك ، انا لازمني نرجع ميار تع صح لااازم
درت لياسمين لي كانت تسمع فيا وش نقول باسك كنت نخمم بصوت عالي وابتسمتلي ، وقربولي لبنات ودارو عليا تهلاو فيا بالبيان ، رجعت نحكي عادي قدرت نتعدى الصدمة والفضل كل ،لعائلتي الحبيبة و صحاباتي
#4months later
*سيد جواد**** تقبل ميار *** زوجة ليك
#نعم اقبل
*انسة ميار *** تقبلي سيد جواد*** زوج ليك
#نعم اقبل
* سيدةسيلينا*** تقبلي تكوني شاهدة على زواج اخيك جواد ***من ميار**
#نعم اقبل
سيد انيس ***تقبل تكون شاهد على زواج اختك ميار*** من جواد***
#نعم اقبل
سيد جواد **** انسة ميار *** اعلنكما زوجا و زوجة هادا الدفتر العائلي تاعكم و كلشي مبروك😊
ايه كيما راكم تقراو ليوم لعقود تاعي انا وجواد خو سيلينا
****************************************************************stoooop
ياس اذا حبيتو تقتلوني اقتلوني
ايا رايكم في
زواج جواد و ميار
صدمة nn؟
love u all💖💘
