حطاام زهرة

الحلقة التاسعة

#حطام_زهرة
الحلقة_التاسعة
جنت اخاف افراگكم من جنتوا يمي
جنت اگلكم كلشي سووا…
ولا تغيب وجوهكم فد يوم عني
ابدونكم المن...... اغني؟ 🥀🕊️

كاظم : انه رايح اسبح وانتي طبي وراي وتحضر بعد ورانه كومه هوسه وناس تجي وهااا منا لليل لحد ما نرجع لهذا عشنه (يقصد الغرفه) اريد كل شويه تصبيره واذا ما نطيتيني اسحلج واجيبج هناا

زهره :ههههههه انشالله تدلل طب سبح وطلع واني طبيت سبحت وطلعت لكيته كاعد بالغرفه جان شعري بعده مبلل وداريد امشط اجه وكف ورايه وصار يبوس بركبتي ويشمني

كاظم :افيييييييش رحمه على روح ابوج صكد من سماج زهره حتى ريحه جنهه ريحه زهره يا زهره حياتي

زهره :يله حبيبي تعال نتريك والله ميته جوع

كاظم :بس انه عاجبني اتريك بيج

زهره :عليك الله اكعد بس خلي اتربك راح اخرب

كاظم :نطيني بوسه يله نكعد نتريك

زهره :تقربت عليه وحوطت ايدي على ركبته وبسته بوسه خفيفه من شفته وابتعدت

كاظم :يا بويااااااااااااي شنهي هاي انتي مو زهره عسل تعاي حبابه عوفي الريوك

زهره :والله ما معليه ورحت كعدت وخليت الصينيه كدامي تعال اتربك يله حباب لخاطر زهرتك

كاظم :تروح فدوه عشيره كويظم اتريك بس انتي توكليني بأيدج

زهره :اي مو تدلل

كاظم :كعدت وزهره كامت تسوي قطع صغار وتوكلني بأيدهه وكل شويه اصابعهه طخ شفايفي وانه جد جدي ينسمط حجيت كافي شعلتي اهلي انه اكل

زهره :هههههههه مو انته ردت اوكلك

كاظم :بطلت واكلي قبل لا اندمج وما اخليك تاكيلن

زهره :كملنه ريوك وخلت هديه

كاظم :يله انه اترخص اخذن راحتجن

زهره :لج تعاي داسألج على كريمه شونهه

هديه :هههههه شونهه تخبل كلسع الكاهه كارصه بغرفتهه وانزلهه سحل ما تستحي

زهره :ههههههههه شون احجي شسوت
هديه :لج اليوم غير الصباحيه وصعدنه انه وامي اخذنالهم ريوك جان تهمس بأذني

كريمه :بداعت ابوج اخذي امج ونزلن اريد اكعد ويه رجلي اخذلي حبه منه مال الصبح

هديه :ياا يااا يمعزايه فلك صابج ما شبعتي

كريمه :اوووووف هوه اخوج جنه حلويات ينشبع منه

هديه :ايا طايحه الحض يلما تستحين

كريمه :يله حبابه اخذي امج ونزلي

هديه :وانه هم اخذت امي ونزلت كلت خطيه بعدهم عرسان وره الريوك هوه طلع اجه صديقه وشفتهه صاحته بالمطبخ انه واكفه جنت بالصاله متدري بيه رحت وراهه