حطاام زهرة

الحلقة السابع وعشرون

#حطام–زهرة

#الحلقة—السابع وعشرون

#بقلم–سمر–اسامة"

گآلتلِي يآعيني وبجت
وگالت بعد مآ اگدر ،
تتوقـع اتحمل بُعد؟
وانَه ٲگلب الدنيآ جنت
من تطلَع وتتٲخر ،💔

مريم :امي طلعت من المستشفى واني حبست نفسي بعد ما طلعت من الغرفه حتى متشوفني وتنتكس حالتهه

شمس :الاوضاع متأزمه امي بغرفتهه ومريم هم منشوفها وحتى اكل متاكل وتركت الدوام واني رجعت اداوم وره مطلعت امي من المستشفى ب ٤ ايام رجعت من الدوام تغدينه ونمت كبل من التعب كعدت العصر وسمعت صوت نسوان بالاستقبال باوعت نور وجنه واكفات وره الباب يتسمعن رحت يمهن وحجيت شكوو

نور :اششش سكتي صوتج خلي نسمع شديصير

شمس :شكو شديصير

نور :هاي ام حسام الي اجتي خطبت مريم ذاك اليوم ذوله جيرانه

شمس :اي شبيهه شكو جايه

نور :اجتي مره ثانيه طلبت ايد مريم من امي

شمس :عزززا وامي شكالت

جنه :شنو عزا بدال متفرحين شبيج

شمس :حجيت بكلبي((اي حقجن متدرن مريم شبيهه))احنه تجنبنه نحجي اي شي لنور وجنه مكنالهن على سالفه مريم هيج فضلنه اني وامي نحس بعدهن صغار منريد يتأثرن حجيت هسه شنو امي شكلتلهن

نور :امي كلتلهن نفكر ونردلكم خبر

شمس :وهسه شديحجن

نور :هيج سوالف مو شي مهم غيرن السالفه

شمس :عفتهن ورحت كعدت بالمطبخ شويه وطلعن النسوان واجتي امي كعدت يمي هاا يمه وهسه شراح تسوين

زهره :هاا دريتي بالمصيبه والفضيحه الي راح ننفضحها

شمس :اي كالت نور ام حسام جتي خطبت مريم وهسه شنو راح تكولين للعالم

زهره :والله مادري شكللهم بتي مو بنيه

شمس :جنه دنحجي وجان المح مريم واكفه بالباب

مريم :شكو شصاير

شمس :ام حسام جتي طلبت ايدج لحسام

مريم :شنووو

زهره :اي طبعاً انصدمتي منو راح ياخذج بعد

مريم :بس حسام يدري بسالفتي حجيتله

زهره :انتي شكاعد تمسلتين شمدري وشون تحجيله غبيةةةة انتييي

شمس :كمت على امي ولزمت ايدهه يمه فدوه بس اهدي ولتصيحين باوعت اجني جنه ونور يركضن باوعت عليهن وكتلهه نور حبيبتي دنحجي بموضوع مال كبار رجعن ادرسن

نور :ماشي امشي جنه ورانه امتحان عوفيهن كلسع كابتلهن العيطه

شمس :احجي مريم شوكت حجيتيله