ابو صكر....رحمةالله والديك بس انة هم مثل ماكلت انتة ما أريد اجبر وحدة وهنة غاليات علية مثل ريم فرح وأكثر فأريد أسألهن واريد اسمع الموافقة من عدهن بوية انتن موافقات علة الولد لو متردن وخاصة بنيتي رقية راح اصيرين لحسام وبوية حنين لعصام ونور لنسر هاا شتكلون
البنات.....لا رد😶
الأمهات.....عيني مادامهن مايحجن موافقات مثل ريم
الآباء.....لعد نقرة الفاتحة على بركة الله
فرح....بعد ما انقرت الفاتحة اذكرت الولد جانوا يكلولي قريبا راح انجيبلج صديقات مكان ريم سووهة والله
المهم وصلنة للنجف وتحديدا للإمام علي عليه السلام طبعا من خلال باجات الشرطة مال صكر وعماد ومعارفهم جنة نفوت بدون تفتيش ولاانسلم اجهزتنة للامانات تكرمون بس الأحذية اول مطبيت الحضرة نزلت دمعتي تذكرت اهلي وفراكهم وتذكرت صكر لمن اذاني وتذكرت كلشي مريت بي دموعي صارت عشرة عشرة علة خدي وانتبه صكر علة هذة الشي اجة يمي وأخذ ملاك وكلي
صكر....انطيني ملاك بوية وطبيي زوري وادعي نرجع سوة مثل قبل ترة والله مرمرتي كلبي يفرحتي
فرح.....إنشاء الله
طبيت الحضرة وللضريح ولزمت الشباج وبجيت هواي يمة ودعيت
....ياسيدي يامولاي مالي غيرك انة اجيتك ودكيت بابك لاتردني خايبة أريد كل هم علة كلبي ينزاح وانسا وتصفة الامور بيني وبين صكر يامولاي بجاه ابنك الحسين ومصيبتة يامولاي يابو الحسن علي.....
دعيت من كل كلبي ودعيت للكل اهلي وملاك وصكر وعيالي ودعيت يتم زواج ريم والولد علة خير وطلعت بس صدك حسيت بطعم الزيارة هل مرة طلعت من الضريح وإني لا اراديا مبتسمة وفرحانة ما ادري ليش وأحس كل همومي انزاحت كعدنة بعد ما شفنة الولد وعمي والكل اجو كعدنة بمكان واحد وصدفة كعدتي صارت بصف مرة جبيرة بالعمر كلتلي
المرأة.....يمة منين انتو...
فرح....دار بيناتنة حديث وعرفت قصتي كالت
المرأة.....والله يايمة أبو الحسن عليه السلام مايرد احد وإنشاء الله يطيج مرادج ويمة روحي للإمام الحسين واخو زينب أبو فاضل وشوفي شون راح اتحسين براحة وشلون مشاكلج كلهة راح تنحل وترجع الأمور بينج وبين زوجج إنشاء الله أحسن من الاول
فرح....إنشاء الله
بعد ما كملنة كلام اني وهاي المرة كامت هية وراحت انداريت ولكيتهن مشغولين يقرون الزيارة ويصلون وملاك بحضن صكر تلعب بالسبحة اللي بين اصابيعة وهوة يقرة الزيارة منضرهم ما ادري شنو اوصفة وحسيت باشتياق لحضن صكر وعطرة واني اشوفة يقرة الزيارة وشفايفة تتحرك بهمس
هزت راسي وإني انفض هاي الأفكار وابدي اقرة الزيارة اقرة وإني دموعي اصب هسة تكلون انتو هاي دتبالغ بس والله اللي مريت بي كلش صعب أولا رحت فصلية وتهموني بشرفي وانضربت لحد ما جلدي انشال والاقسة من هذة كلة من شخص قريب علة كلبي اصلا جنت احسة عايش بكلبي وبنبضة هذة الشعور بحد ذاته كفيل يدمر الشخص ويخلي عندة حالة نفسية وخاصتا من قبل أشخاص مثلي آخر وحدة عد اهلهلة واصغرهم والمدللة وفجأة تواجه هيج ضروف مو اكول انو اني وحدة من ذني المايعات بس مامتعودة علة هيج ضرب واهاين المهم كملت زيارة وصليت ركعتين مال الزيارة وصلينة فضلينة كاعدين علما يأذن الضهر حتة نصلي ونطلع وطول الكعدة جنت اشوف صكر وهوة يحجي وية الولد ويضحك ما اعرف شنو من شعور اجاني حسيت بشي غريب اتجاهة شي اول مرة أحس بي عاينت علة ملاك موكفهة بحضنة وهية كلسا تحط حلكهة علة حلكة عود تبوسة وتكول متل مما (مثل ماما)😂😂خرب هاي شلون بيهة فضحتني جانو مو كلهم منتبهين بس حسام وعمار وأبو صكر وأبو عمار ويضحكون وينزلون روسهم خرب خرب وين انطي وجهي وانوب الاضرب صكر يعاينلي بنضرات مكر وخبث وعلة شفايفة ابتسامة خفيفة ويكول أي بابة أي وهوة يعاينلي اني رأسا سويت روحي دا اقرة بكتاب الزيارة 😂😂😂
المهم اذن وصلينة طبعا اني وريم مو جماعة من ورة ملاك حركة بشكل ومتكعد بس اعوفهة تربع الصحن (الحضرة) زحف فمرة ريم تكمشهة وإني أصلي ومرة اني اكمشهة وريم أصلي الحمدلله كملنة وصار وقت الطلعة طلعت من حضرة الإمام علي عليه السلام وصدك حسيت من طبيت وإني هموم الدنية جنت احسهة علة صدري وطلعت وهية منزاحة وفرحانة ومرتاحة مشيت وية البنات وملاك بيد صكر ردنة اروح للسوك طبعا جانت الدنية ضهرية بس ردنة نشتري شي تذكار الة صكر مقبل كلنة أوديجن بالليل لغير أماكن اشتروا منهة وطبعا منو يدفر النعمة برجلة رحنة بس شافت ملاك أبو الألعاب معما اني اشتريتلهة كومة بس طفلة جذبتهة الالوان صكر اشرلي اجي يمة وكال للباقين يرحون قبلنة للسيارة
صكر.....يابة اني اشتري للصغيرة واجيب وياية حلويات واجي روحو قبلنة للسيارة الدنية حارة
صكر....طبعا أشرت لفرح تبقى وياية اخذتهة ورحنة لمحل الألعاب وأخذت لملاك الي تريدة وطلعنة رحنة لأبو الحلويات هم أخذت برمة وبقلاوة وبامية والحلويات المفضلة عد فرح عش البلبل عيرلياهم ودفعت الحساب وطلعنة فاحنة ودنمشي كالت ملاك
ملاك وهية تمد راسهة لفرح بطفولية وبرائة.....أما ابج (ماما احبج)
فرح.....يروح مامة وإني هم احبج واموت عليج يروحي
صكر.....علة كيفج علة كيفج شنو بس هية تحبيهة لا وصارت روحج هم ترة ابوهة هم يعشقج ويتنفسج انتي متحبي؟
فرح بخجل وهمس....أي أحبة
صكر وهوة يوكف ويرفع ايدة....يابو الحسن علي ماخيبتني ولا رديتني ابد
نزل ايدة وهوة يعاين لفرح
لج اموت بشي اسمة فرح
فرح....كافي صكر فضحتنة شوف العالم كلهة تباوع علينة
صكر وهوة يشبك ايدة بأديهة ويمشي.....أي وخل يعاينون بس المهم مو عليج لج وأخيرا راح نرجع
فرح.....أي بس تنطيني وقت علمود ذيج الشغلة
صكر......اخ ميخالف بس المهم تبقين بحضني ومصالحين هاي عندي تسوة الدنية بس مو اطولين ترة أريد كلشي بيج ومنج واحسبلة بالثواني
فرح....كافي صكر والله عيب
صكر......اخ يمتة أخلص من العيب
فرح.....رجعنة وطول الطرق بس يتغزل ويذب حجي وصلنة للسيارة ولكيناهم ينتضرونة صعدنة وحركات السيارة مشى بينة مسافة طبعا هلمرة صكر اللي يسوق ودانة لمكان علة نهر وبي مكان للكعدة طبعا هل شي اقترحة بالسيارة كال صكر لو مطعم لو مكان نكعد بي علة نهر ويمة خضار فالشباب رأسا كالو النهر ومامة وام عماد كالن عدنة أكل هواي عليمن رايحين لمطعم صدك عاد وصلنة مكان كلش حلو بي خضار شوية ومكان للكعدة مثل الغرفة مفتوحة علة النهر من خوص يعني موكفين أعمدة وحاطين مثل الحصران من خوص علة السقف والجوانب ماعدا جهة النهر والمكان مزروع مبين مال ناس هنا وصكر اتصل بأحد بالسيارة علمود نبقة بس احنة بي وناخذ راحتنة صدك المكان حلو كعدنة ونزلنة الأكل من السيارة وحطينا وصارت سفرة شكبرهة وبيهة أشكال من التمن والدولمة والنواشف (المقليات ) والطرشي واللبن وغيرها
تغدينة الحمد لله كملنة أكل بس البنات جانن يستحن ياكلن والولد كلسا واحد يعاين علة وحدة وذني يتغصغصن بالأكل وبالنسبة لصكر سوة الاتعس منهم بس اني جنت ميتة من الجوع ومهتميت😂😂 كملنة وصبينة جاي جايبين ويانة بترمز يحفض الحرارة أما الأكل فجان بماعين سفري كملنة وذبيناهن وشلنة السفرة شربنة جاي والولد كامو يسبحون وهذولي نزعو بقو بالشورتات الادبسزية😂 وذني يسرقن النضرات أما اني وريم فجنة كاعدين وعادي لأن جان صكر وعمار كاعدين يمنة بس شوية والولد حجو
نسر.....ولكم تعالو اسبحو يفوتكم المي
حسام....اي والله المي يخبل تعالو بردو
صكر وعماد...جايين جايين
فرح.....خرب كام صكر نزع دشداشتة والفانيلة اني صخنت من المنضر وريم مو احسن مني من كام عماد يسبح أما بالنسبة لصكر جسمة معضل صدرة سكس بايك ولون جسمة حنطاوي علة سمار عاينلي بنضرة خبيثة واقترب راد يأخذ ملاك فكتلة
فرح....اوكف اوكف خل ابدللهة وطلعت الملابس مالتهة استحي ابدللهة كدامة فكتلة
فرح....صكر حباب روح واني اجيبهة الك
صكر.....لطولين
فرح....راح يركض عل خفيف وجسمة ضربتة أشعة الشمس خرب يذوب يمكن تمنيت بذيج اللحضة انام علة صدرة وهاي اول مرة أركز هلكد بجسمة لبستهة لملاك وطلعت تخبل وهية دبدوبة اجنن بذني اللي اشتريتهن الهة👙
أم صكر وام عماد.....يمة اللهم صل على محمد شنو ملبستهة هاي
فرح....خالة عجبني ولبستهيا
البنات كامن يعضعضن بخدهة ويكرصن بيهة شلتهة ووديتهة لصكر ضل صافن تقرب اخذهة من أيدي وهمس
صكر.....يوم الاشوفج وانتي لابسة ذني اووووووف بيومهة اخليج شهر متمشين علة رجلج واحبسج بالفراش واضل وياج من الصبح لليل بدون انقطاع😈😈
فرح بخجل......عزززززززة 😱😱😱صكر اسكت ليسمعك احد😳😳😳بعدين انتة متخاف علية هاا عدك عادي اتأذة😯
صكر.....رويحتي هاي أذية من نوع آخر كلش راح تعجبج
فرح....كافييي يامنحرف روح اسبح وياهم ودير بالك علة ملاك زين
صكر.....انتي كلتيهة منحرف وهاا رويحتي ضمي الكافي مو هسة تكليهة اكو غير أوقات تكليهة وانتي تعيطين😉😎
فرح وهية وجهة صار طماطة.....ميصير لك جارة اروح احسلي😳😳😶😶
فرح....خرب ولا يسكت أبد لازم يضل يحجي كلام ادبسز علة كولت ريم رحت كعدت وية البنات وإني اراقبة شلون شايل ملاك وهية تلعب برجليهة بالمي حجت مامة وخالة أم عمار....يمة فرح إنشاء الله صفت الأوضاع بيناتكم
فرح.....أي انشاء الله بس مو تمام تمام
أم عماد....أي يمة اشلعي كلبة شوية وادللي علية علمود يتوب يزعلج بعد
اني والبنات.....😂😂 صدك بس خطية
فرح.....جانت اكو كم صخرة بالصفحة مال الشط وجذع مال نخلة رحنة كعدنة علية ورجلينة بالمي وكلسا تنفقد وحدة من البنات والشباب وتجي لون وجهة احمر😂 لحد ما ريم كامت تروح اجيبلنة جباسة
ريم....طبعا ما اوصفلكم اللي صار لمن حجو بموضوعنة وقرو الفاتحة حيل فرحت للكل مو بس الية وجنت اشوف شلون عمار عيونة يلمعن ويضحك وصلنة وزرنة فمن رحنة للشط وكعدنة يم النهر رحت اجيب الجباسة الي وللبنات نتسلة بيهن اجة عمار سحبني ورة السيارة
عمار....اوفف ريمي وأخيرا صرتي مالتي رسميا
ريم....راد يتقرب أكثر فكتلة
ريم....عمار لتتقرب أكثر
عمار وهوة يعقد حواجبة بغضب.....وليش لا
ريم....لأن حرام
عمار....من كلتلي لتتقرب توقعتهة مرايدتني أو مجبرة بس من كالت حرام ارتاح كلبي وصدك حسيت علة روحي ابتعدت
عمار.....اوفففف يروحي شسوي وإني انسة روحي يمج خلص يكلبي ما اتقرب منا للعرس وما اكول بس الله يصبرني وينطيني من صبر النبي يوسف
ريم....ههههه😂
عمار.....ولج لضحكين كدامي هوة انة مدون ضحكج أبو ابوي مشعول
ريم....خلص بعد ما اضحك راح اروح ليشوفنة أحد وعبالة اكو شي
عمار.....لك فديت حبيبتي الفاهمة😗
ريم....أخذت الجباسة ورجعت يم البنات فكالت حنين
حنين.....بنات بما انو جنتن قبلي بالسادس بشرني شلونة صعب سهل
فرح....والله همة بكل مرحلة وزارية لازم يطيحون حضنة
ريم.....أي والله خو اني جان بالقنادر وياية اصلا جنت اتعارك وية المادة يلة احفضهة😂😂😂
حنين....خرب خوفتوني والله
نور ورقية....يعني راح نأكل تبن
فرح....ليش
نور. ..هاي متعرفيهة انتي من تقرة كلنة ندخل إنذار من وراهة الله يساعد خطيبهة شرح اسوي بي😣
حنين.....شسوي هذة طبعي خل يتحملني شوية
الكل....يتحمل يتحمل 😉😉
حنين....انجبن😅
فرح....بعدهة لعبنة بالمي شوية وطلعنة وطلع صكر وهوة مبلل وخصلة من شعرة نازلة علة جبهتة طالع يجنن اجة لبس الدشداشة وطلعو الولد جانت ساعة بالستة العصر تقريبا لبسوا وكملوا وشلنة الغراض وبدلت لملاك اللي نامت من التعب واللعب بالمي وصعدو بالسيارة المفروض اليوم انبات بالنجف فرحنة لفندق نزلنة بالباب ودخلنة حجز صكر خمس غرف غرفة لمامة وعمي وغرفة النة وغرفة لأبو عمار وام عمار وغرفتين للولد وللبنات كتلة انام وية البنات وانتة وية الولد مقبل المهم ملحيت عفتة علة راحتة صعدنة
للغرف جانن بالطابق الثالث طبينة حطيت ملاك علة الفراش ونزعت العباية حسيت بادين صكر محاوطة خصري ووجهة خلا بركبتي جوة الشال وضل يشتم بجنون وايدة تمشي علة بطني وتوصل لصدري وترجع تنزل لأسفل بطني ويهمس
صكر....اخ رويحتي حبيبتي خوما بعدج شايلة بكلبج علية يروحي ترة والله مرمرتي كلبي ارجعي لحضني خلي ارتاح
فرح....انداريت علية وذبيت شالي علة الجرباية وحاوطت رقبتة بأدية من الخلف وحجيت
فرح....اوعدني بشي اول
صكر....شنو يروح صكر
فرح وهية تمشي أصبع هى علة رقبتة ببطئ....أول شي توعدني مو من أول شي تعصب بالبداية تفهم مني
صكر وهوة متخدر من لمستهة ....وعد يعمري
فرح وهية تفتح دكم دشداشتة ابداية صدرة ....توعدني متضربني...
صكر وهوة يحس بجسمة يوجر نار من لمساتة اللي دتثيرة وتهيجة عليهة....وعد رويحت كلبي وبعد
فرح وهية تحرك اديهة مابين رقبتة وصدرة....وتخليني اداوم كلية
صكر وهوة يفقد سيطرتة ويشيلهة ويشمرهة علة الجرباية.....أشعل عشيرتة اللي مايخليج اداومين
صكر....كل لمسة منهة وهية تدلع بحجيهة تخليني اشب نار للسمة وأنزل للكاع هاي ما ناوية علة خير اليوم أحس بأديهة علة صدري وعلة رقبتي نار مو أدين عاديات اعاين ركبتهة وصدرهة من بداية القميص طالع يصيحلي اجي اضوكة يارب صبرني اني مو نبي حتة اصبر علة هيج قطعة كيك بيدي وإني اساسا موجر عليهة وانوب تدلع وتتلمس بجسمي اووووووف شلتهة وكبل للجرباية هية رأسا عاطت
فرح....صكر اوكف لسة مكملت حجي
صكر....كملي وانتي بين ادية
فرح بخوف.....صكر حباب انتة مو وعدتني انو تنطيني مجال
صكر....عاينت عليهة من حجت بنبرة خوف وتراجعت عن اللي جنت ناوي اسوي لأن كوة خليتهة ترجع لحضني مامستعد اخسرهة مرة ثانية فكلت
صكر....لعد خلي أخذ تصبيرة منا لمن تنزل رحمة الباري علينة
فرح....صكر اوكف لا....
قاطعهة وهوة يلتهم شفايفهة بجوع ونهم يمتص بيهن وهوة يدخل لسانة ليداعب لسانهة بدفو وهية بين احضانة ضايعة ابوستة ودفو صدرة صارت تبادلة وهذة الشي اللي خلا يجن جنونة ويفترسهة ليعض شفايفهة بشغف عاشق ويمتصهة ويضوك شهدهة بستمتاع لتتسلل ايدة لصدرهة بينما ينزل يطبع بوساتة علة رقبتهة الترفة متأوهة بوجع خفيف وهية تدفع راسة باديهة علة رقبتهةو تحس بجلد رقبتهة يمتصة ويعضة يخفة ويرجع يوزع بوساتة ويخلي اثارة معلمة علة ركبتهة وينزل لصدرهة اللي صار بين سنونة ليخلي تحفة فنية موقعة بآثار شفايفة وسنونة
صكر....بعد ما صبرت روحي بهل الشوية اللي هية ولاشي من اللي اجة بالي وهية تدلع كدامي واديهة علة رقبتي بس ما أريد اخذهة واكسر كلامي الي كلتة الهة خليهة علة راحتهة تكون بين ايدي بكامل ارادتهة بدون أي ضغط بس اللي لاحضتة هل مرة هوة انسجامهة وياية جنت احسهة تريد تكون ملكي وبين ايدي بس خوفهة يمنعهة جانت منسجمة إلى درجة كانت تهمس باسمي واديهة تدفع براسي عليهة اوووف بهاي اللحظة بالذات ما اعرف شلون صبرت روحي عليهة ضلت خانسة بحضني ووجهة صاير أحمر وتغطي بروحهة
صكر وهوة يضمهة لصدرة.....رويحتي ماكو داعي تخجلين احنة رجال ومرتة وهلشي ولاشي من اللي مخططلة بليلتنة مخدراتي😉
فرح....صكر الله عليك كافي ترة عيب وخلي اطب للحمام لتكعد ملاك
فرح....بعد اللي سوا صكر أو بالاحرى اني سويتة استحي اعاينة لأن من يوم اللي صار بيناتنة الحادث وإني أخجل منة ما اعرف ليش وجان كلما يتقرب مني لو يبوسني ارتبك ومعدتي تتقلص واليوم هوة ماقصر😂ولا اني طلعت ابداعاتي😂 فهسة ما اعرف شبية معما هذة الشي طبيعي بين الزوجين بس اني خجلانة منة😶طلعت وإني لابسة دشداشة قصيرة لونهة نيلي وصكر جان كاعد علة الجرباية وملاك ستوهة كعدت كام هوة وطب
للحمام وطلع اني بهاي المدة انطيت لملاك الممة تشربهة وصليت المغرب هوة هم اجة صلة وكمل واتمدد علة الجرباية رحت طلعت هدوم لملاك وطببتهة للحمام وغسلتلهة وطلعت لبستهة الملابس اللي هية عبارة عن ثوب أطفالي خفيف بارد وهية بس ادردم
صكر.....فرح جيبي هاي الشيطانة وتعاي
فرح....ليش شكو شيطانة
صكر....لاعبة بالجهاز لعب ممبقية ولا برنامج مداخلة علية ومخابرة نص الأرقام اللي بالجهاز ونص البرامج ماسحتهن
فرح.....صدك شيطانة صايرة مثل ابوهة
صكر وهوة يكوملهة.....خلي اراويج الشيطان شيسوي لعد
فرح وهية تحط ملاك علة الجرباية وتشرد بسرعة
فرح....لا لا لا صكر والله مو عليك والله لالا
صكر....اوكفي لج خلي الشيطان يوسوس الج علة أشياء تخليج تهمسين باسم رجلج بين ايدة
فرح.....خوش شيطان منحرف
فرح.....ضلينة نفتر بالغرفة وملاك بس تضحك تالي كمشني وعلة الجرباية عدل ضل يبوس ويتحرش انوب كلبني فوكا اجت ملاك دفعتني وخرت عن صكر وهية وصعدت علة صدر ابوهة وتلزم وجهة واتبوسة بشفايفة وتكول متل مما وتضحك وتكمز علة صدرة اخذتهة خوش لعبة😂😂
المهم كمنة لبسنة ملابسنة وطلعنة لكينة الكل موجود نزلنة رحنة لمطعم الفندق اتعشينة وطلعنة نفتر بالأسواق والسناتر مال النجف طبعا الكبار ضلو بالفندق ميكدرون يفترون هواي وصكر ودانة علة مجمع حلو وجبير دخلنة وافترينة وطلبنة عصاير واشترو الولد مداليات مال مفاتيح كلهم نفس الشي كتذكار أما بالنسبة النة البنات جذبنة أبو الاكسسوارات فكلنا اشترينة منة كلايد علة شكل فراشة كلش حلوة بالصدر اصير و واني عجبتني كلادة مكتوب بيهة اسم صكر ونقش مال نبض وقلب طبعا اصير كلادتين الكلب لفوك بزنجيل صغير والاسم جوا بزنجيل ثاني حيل عجبتني وجنت شايلة فلوس وياية فاشتريتهة وضميتهة حبيت افاجأ بيهة صكر بيوم من الأيام (اتوقع عرفتوا اليوم مو 😉)
واشتريت تراجي لملاك اصير علة شكل نجمات صغار وبيهن شذرة هم كلش حلوة اتمشينا شوية ورجعنة للفندق طبعا الحلو بالسفرة هوة اللمة والأجواء الحلوة وطبعهم يصرفون وميهتمون لأن مشاء الله العائلتين الله رازقهم وعدهم خير من الله سواء جان املاك وبساتين ومزارع ومحلات وداخلين شراكة بمجمع جبير بالعمارة
المهم رجعنة للفندق وكلمن صعد لغرفتة صعدت نيمت ملاك وبدلت ورحت لصكر
فرح....صكر😌
صكر....هااا يروح صكر
فرح....ارد انام بحضنك😋😶
صكر ....مو اكلكم هاي البنية ماناوية علة خير بس منو اليدفر النعمة برجلة😎......تعاي يروح صكر واهلة نامي وارتاحي بأجر ورانة درب وفرة ريحي جسمج
فرح....لفلفني باللحاف بحضنة والغرفة باردة لأن السبلت معلوك وإني من البرد لابدة بحضنة ويم رقبتة تحديدا 😅وهوة ايدة تمشي علة طول ضهري بطريقة خلتني استرخي واخدر وانام بحضنة.........يتبع
مرحبا حبايب شلونكم اول شي أحب اكللكم كل عام وانتو بخير وصحة وسلامة 😍😍😘😘😙😙💋💋وإنشاء الله حجيات بس متعوفن الواتباد والقصص الجريئة علمود الله يتقبل الحجة مالتجن😂😂😂 وإنشاء الله تبقن طول العمر متابعاتي النشيطات اليتفاعلن😂😂(اعرف هذة اسمة تلوك)😹😹
طبعا اني اعتذر علة الانقطاع بس ضروفي جبرتني امي حاليا علاجهة هوة ابرتين بالضهر بين الفقرات وتضربهن كل عشرة ايام اريدكم تدعولهة😔
والمغزة من كلامي انو اني اللي حشاكم ماكلتهة بالبيت لأن الجبيرة ولازم كلشي علية البيت والخطار والتنضيف واخوتي والاضرب احنة ابوية الجبير بالعائلة وتدرون بالعيد شيصير ابيت الجبير راح يكون اكو من هذولة👶👶👶👶👦👦👦👦👫👫👫👫👫👫هواي وتعاي يا زينة اركضي وراهم😧
أمة لا الله الا الله تجي ومنا يرحون لبيت جدي ليش ما اعرف😂😂 المهم هلة باليجي
بس انتو يا متابعيني الحلوين والحبابين اريدكم اصبرون علية شوية والله اكتب البارت بين ما التمن يفور😂😂 ولمن امي تروح للدكتور واليوم سهرت وما نمت بالليل علمودكم اكتب وإني عيوني تغمض من وحدهة😅 فدا اضغط هواي هلفترة علة روحي علمودكم يعني تدرون اهلي طلعوا يتونسون وإني مرحت علمود اكتبلكم جزء من البارت بالله كولي منو منكم تفوت الطلعة هاا محد مو بالله بس اني فوتتهة وضحيت بالدياحة😂😂أقصد بالطلعة علمودكم فاريدكم تقدرون ضروفي بلللللللليييييييز 😗
اريدكم تتفاعلون هواي هواي هواي هواي هواي هواي هواي بالبارت وتكتبولي رأيكم وتشجعوني😋 بكلماتكم الحلوة ياوردات🌹🌹🌹
وهاا قبل ما انسة شنو رأيكم نسوي فد بارت أو فقرة تسألوني واسألكم واسألة عامة عن العيد وتحضيراتة واسألة أخرى حول أي موضوع بس موضوعنة الرئيسي يكون العيد وطبعا احددلكم وقت علة ساعة معينة اذا تردون وعجبتكم الفكرة اكتبوا بالتعليقات😉😉 مو تنسونا واذا لا هم اكتبو رفضكم عادي استقبل كلشي
وهسةةة بايييي يا حلوين مو تنسونا التفاعل💋💋💋
احبكم قلبوشاتي😍😍😍😍😙😙😙😙😙😙😗😗😗😗😗😻😻😻😻😻😻😻👄👄👄👄👄👄💋💋💋💋💋💋💋💞💞💞💞💝💝💝💝💝💝💝
