تكملة فصلية الصكر العاشق🔞🔞🔞🔞🔞🔞🔞

29🔞🔞🔞

فرح....مرت هاي السبوعين واحنة البنات كاعدين للولد أكل واشرب ارتاح ولتكوم اكلنة كلوبهم بس من خوفنة وريم هم راحت لعمار وهناك الأخ هم ميكعد راحة😆
والعرس طبعا اتأجل شهر ونص يعني راح يصير ابداية الدوام تقريبا علما يطيبون الولد واللي هوة عرسي اني وعرس ريم وحسام وعصام ونسر والبنات ورانة بعطلة نص السنة يعرسون ماعرف ليش قررو الكبار هيج والولد والبنات ماعترضو علة هذة الحجي بدة عصام يتحسن بهاي الفترة وكام يمشي علة رجلة بس بحذر ويكزل(مشيتة غير عدلة) وبعد وضعة بحالة تحسن
اما صقري فلحمد لله اتحسن هواي عن قبل صار يكدر يحرك ايدة المصوبة بس اني اضل كاعدة يمة واضل انك علية ميحركهة هواي المهم الكل حالتهم الصحية والنفسية اتحسن حتة عمي وعمتي والولد هم طبعا عن طريق حنين
لأن من تجي مرات تجي وياهة وحدة من البنات لو نور لو رقية وثنيناتهن ينحبسن بالغرفة مال واحد منهم من يجن😆😂
ومينسمع منهم شي وكلما أحد راد يروحلهم يطلع بوجهة حسام لو نسر يطردة😼
المهم مر بعد أسبوع ومنا بدت عمتي وام عمار وطبكت وياهن أمي بدن يحجن علينة لأن مكابليهم وكاعدين ولسة ما جهزنة للعرس
طبعا امي وعمتي وام عمار صارن كلش صديقات ويتخابرن يومية ويضلن يسولفن ساعات ووحدة تعلم اللخ علة شغلات الطبخ والبيت وحتة المنكدر نحجي بيهة😆😂😂 (ولا يكعدن راحة الحجيات)
اخير شي اتفقنة نطلع بس اني وريم من البنات نجهز علة السريع بكم طلعة الأشياء اللي نحتاجهة
اما سالفة القضية والعصابة لسة عدنة خوف منهة
(بنات العصابة اللي يحجون عليهة هية عصابة متخصصة بتنفيذ جرائم بيع الأعضاء البشرية والمخدرات وخطف الأطفال والكبار ووضعهم كرهائن لحتة يستلمون الفلوس من الأهل ويقتلوهم وراح تعرفون شراح اسوي هاي العصابة )
فرح....صكر وعصام وعمار اصرو اليوم يطلعن لأن ضاجو من كعدة البيت فراح يطلعن ويرون وياهم اكيد حسام ونسر ميعوفوهم وهمة راح يرحون لمكان جوة جسر يمكن شط أو نهر من هيج شي كالو
ويجون ربعهم لهناك حتة يتونسون
ويتناقشون بموضوع العصابة والتهديد وملفهة
المهم عمتي استغلت الفرصة وكالت نطلع اليوم نشتري جزء من الغراض
وصدك طلعنة رحنة للسوك واشترينة هم كومة أشياء من ملابس طلعة وبيت ونوم وجانت هذي الطلعة بس للملابس اشترينة كم بدلة مال حفلات وقماشات مال الساري الهندي (الزي الهندي)لأن جان عجبنة حيل اني وريم المهم احنة ودنمشي بالسوك انتبهت لثنين رياجيل يطلع عمر الواحد بيهم شي 37 أو 40 يعني بين نهايت الثلاثين وبداية الأربعين وجانت شكولاتهم تخوف صراحة وكصونة كص بنضراتهم اني وريم عاد ضربت ريم بأدية أريدهة تنتبه
ريم....اخ فرح شكو ولج اذيتيني بضربتج
فرح.....عوفي الضربة هسة وانتبهي لهذولة الثنين الورانة نضراتهم مو راحة وصارلهم ساعة يمشون ورانة
ريم....انداريت علة كيف بحجة اشوف الملابس بالمحلات وجان اشوف ذولة الثنين صدك نضراتهم مو راحة وشكولهم غريبة
فرح....شفتي ولج خايفة منهم ذولي
ريم....ولج دعوفيهم ميسوون شي لتخافين اذا همة حتة الشياب كامت تعاين وتزحف تردين ذولة ميعاينون
فرح....ولج مادري بس كلبي لاعب منهم
ريم....هسة دمشي واجاهليهم هسة يضيعونة بالازدحام والهوسة
فرح....أي خلينة نمشي بسرعة
....ضلينة نمشي علة السريع وصلنة للشارع العام خابرنة واحد من الولد اجة نسر اخذنة ورجعنة للبيت بس لسة نضراتهم وابتسامتهم القذرة متروح من بالي
المهم رجعنة وحيل مابينة حتة نسفط الملابس ولا نرتبهن فبدأت علة السريع ملابسي وكعدت دا أوكل ملاك أكلهة (يعني مثل السيريلاك وغيرة طعام خاص بالاطفال)
علمود أكمل وأنزل اسوي عشة وية ريم والولد علة جية فدا امسح بهدوم ملاك دمرته بحركاتهة صايرة هواي تتحرك وما حس غير الجهاز يمي اجتة رسايل قصيرة وحدة ورة اللخ استغربت منو يدزلي رسايل بعدين اذكرت غياث والبنات واخوتي عدهم رقمي فتوقعتهم همة اللي دازين عفتة ورحت اساعدهم بالعشة
انطيت ملاك لعمي ورحت للمطبخ
كملنة واجو الولد طبو يرتاحون صبينة وكعدنة كليتنة دناكل
وصكر كلسا يسوي فد شي لو يطخ رجلة برجلي من جوة الميز لو يغمز لو يهمس مشتاقلج اخير شي خزرتة وجمالة هوة يضحك ويعاينلي
المهم كملنة أكل وشلنة الماعين وغسلناهن رحت للصالة لكيت ملاك مدمرة روحهة بالككو الجابلهيا صكر ويا كمشتهة حطيتهة بحضن ريم وصعدت اجيبلهة ملابس ابدللهة
مدري شلون المبايل صار كدامي وشلتة فتحتة
وصارن كدامي الرسايل
من رقم غريب اني قريتهن
وأحس دم مضل بية
كلهة جانت رسايل تهديد ومن ضمنهة جانت وحدة تكول مثل ما دمرتي مستقبلي ادمرج
ضليت صافنة منو اللي اني مأذيتة ما مأذية أحد أخذت التلفون وياية
ونزلت كلت لازم اشوفهن لصكر
بدلت لملاك ملابسهة ورحت للمطبخ واشرت لصكر يجي هوة شافني وراسا كام
طب للمطبخ وسد باب المطبخ واجة حضني وحط راسة بركبتي يشم بقوة ويبوس ويحجي
صكر....لازم اشتاقتلي الحلوة واشرتلي
فرح....صكر فدوة هسة مو وكت هذة الحجي أريدك اشوف هاي الرسايل بالأول
صكر باستغراب....يا رسايل؟
فرح....هذني....وهية تراويهيا
......طلعتلة الرسايل ضل يكلب بيهن وهوة عاقد حواجبة بغضب حجة بغضب
صكر....هذة منو اللي توصل بي يهدد حرمة والأكثر انوب حرمة الشيخ صكر شنو الضاهر ناوي علة روحة
فرح....حجة هيج وبالاخير من قرة آخر الرسايل ابتسم بطرف شفتة بشر
صكر.....هااا عرفتهة
فرح....شنو عرفت
صكر.....لتهتمين حبي ماكو شي هاي النعل جميلة لتخافين كلشي متكدر اسويلج هلمرة واذا حاولت موتهة يصير علة ايدي هاي المرة
فرح....وشلون عرفت هية
صكر.....مبينة من رسايلهة
لتهتميلهة وهسة عندي شغل وياك جندي
فرح وهية توكف باستعداد. ....شنوة سيدي
صكر بنبرة امر.....أريد منك تصبيرة علة السريع اختبر بيهة مهاراتك
فرح.....لا سيدي عفية انتة مترحم
صكر....اكيد ما ارحم ياجندي هذة ولا شي من التدريب اللي راح يجيك بعد سبوعين لازم تتعود😂😂
فرح.....سيدي بس....
ما انطاهة مجال الضابط مالتنة وأخذ شفايف الجندية مالتة وهوة يمتصهن بقوة مرة ومرة بحب خلاهة غصبن عنهة تجاوب وتتفاعل ويا ليشيلهة ويخليهة علة الميز وهوة يتلمس جسمهة بجرئة ومستمر ابوستة وهوة واكف بين رجليهة
أما هية فجانت لافة رجليهة علة بطنة واديهة علة ضهرة وراسة تدفعة أكثر عليهة......يتبع

مرحبا حبايب
طبعا آسفة علة التأخير
واريدكم تعذروني هاي الفترة راح اتأخر بالتنزيل شوي لأن دا اقرة  عندي بعد كم يوم امتحان مال مؤجلين دور ثاني اريدكم تنطوني توقعاتكم للي راح ايصير وشنو علاقة جميلة وامهة بالتهديد والعصابة واحاول انزللكم بهاي الفترة بارت لأن لحد يوم 2/9 راح ابقة مشغولة وأقر فورة يوم ثنين تسعة راح اعوضكم واكتبلكم النهاية مالتهة ابارت طويل
وكلش آسفة واعذروني اذا منزلت بهاي الأيام
تفاعلوا وعلقوا بليز

احبببببببببببكممممممم ياقوم😙😙😙😙😙😗😗😗😗😗