تكملة فصلية الصكر العاشق🔞🔞🔞🔞🔞🔞🔞

27🔞🔞🔞

فرح....شلت الضرف وفتحتة وشفت اللي بي وأحس انجنيت جان اكو بي ورقة مكتوب بيهة ......يا شيخ صكر احسلك تترك القضية انتة واخوك  والا راح تتندمون واشوفون شي ميعجبكم.....
وجان اكو وياهة طلققتين
اني من قريته وشفت الطلقتين أحس رجلية بعد ميشيلني وكلبي نغزني
لا يالله بس لا صار بي شي وكعت بالكاع ودموعي نزلت علة خدي مثل الشلال لا ياالله لاتفجعني بي
أحس بعد ما بقت طاقة ولا صوت اصيح عمتي وعمي بالف ياعلي شلت نفسي وإني اتعثر بخطواتي كوة طبيت للمطبخ وعمتي جانت كاعدة توكل ملاك هية شافتني وشافت حالتي شالت ملاك ووكفت واجت تركض
الأم. ...ولج يمة فرح شبيج ولج شكو احجي
فرح....ما كدرت اجاوب غير بس كعدت علة الكرسي ابجي بهسترية بعد ما انطيتهة الضرف والطلقتين خليتهة علة الميز صرت ابجي واشهك وعمتي هم ضلت اصيح علة عمي والولد وتبجي
الأم....أبو صكر ولك حسام ولكم ولدي راح يرحون مني يمة......كعدت علة الكرسي يتعب وكلب أم محروك علة ولدهة....اجة أبو صكر وحسام علة صوتهة وريم اجت تركض وهم تبجي وأصيح
..... سمعت صوت طلقات يمهم
....اني حيل مضل بية بعد وريم كملتهة أحس كلبي احترك حرك كلت خلص صكر راح من ايدي وجمالة مو بس صكر عصام ويا وحتة عمار هم شوية وخابرو بيت أبو عمار حجو نفس الحجي هم لاكين ضرف وبي تهديد وطلقة
عمي حاول يبقى قوي علمودنة معما قلقة مبين علة ولدة وحسام جر التلفون اول شي سوا دك علة نسر وعلى صكر نسر جاوب وجاي للبيت بس صكر تلفونة مغلق هوة وعصام ياربي أحس بهم كلش جبير وتنفسي ضاك وصدري اختنك مدا اكدر أجر النفس   
معقولة اذو معقولة صار بي شي معقولة مات لا ياربي
يالهي بجاه حبيبك محمد لاتفجعني بي أخذني الية ولا يصير بي شي
هسة يلة عرفت شكبر حبة بكلبي هسة يلة عرفت اني بدونة ولا شي اصلا ماكدر أتنفس ولا أعيش
بهاي الساعة اللي مرت علينة ماصار شي غير انو ضلينة كاعدين ونبجي وندعي لا صار بيهم شي ريم تبجي علة عمار واخوتهة وإني أحس راح انتهي خلص حيل مضل بية وإني أتخيل اذو انوجع لو مات هاي الفكرة بحد ذاتهة مو ترعبني أحس تملخ كلبي
انوب نتصل علة عمي وحسام ميردون اتصلنا علة نسر جاوب وحجة بسرعة
نسر....مو هسة مو هسة احاجيكم بعدين
....وقفل الخط انوب سمعنة يمهم صوت إسعاف وصياح وبجي وية حجية انتهينة كلنا عمتي اللي تبجي وشابكة ملاك واشم بيهة وأصيح
الأم....ولكم يمة ولدي راحو من ادية ولكم أريد ولدي يمة صكر ضي عيني وين انتة تعال لامك ولك يمة عصام وين صرت اخ يا ربي
....ما بقى عدنة حل غير انو نتوجه لرب العالمين وأهل البيت عليهم السلام
لأن لا عمي وحسام اللي يجاوبون ويطمنونة ولا يقبلون يأخذونة نشوفهم واحنة نحس كلوبنة راح اطك من القهر وميت الف فكرة تجي ابالنة كلنة فرشنة المصلايات  (السجادة مال الصلا)
وكعدنة ندعي ونبجي ونذرنة أشكال بس يرجعولنة سالمين وكلشي مابيهم ....

صكر....مسمعنة غير حس سيارات تشخط بالكاع وصوت طلقات كسر جام المركز كلة
صار المراكض بالمركز وجمالة جان اكو عالم مدنيين ركضنة نجرهم واذكرت عمار برة لا يالله وعصام
عصام وين ياربي شديصير دا أركض وادور عليهم شفت عصام واكع بالكاع ودينزف لا يالله رحتلة أركض وبعدهة صار صوت إطلاق نار وحسيت بألم بضهري ووكعت ومحسيت غير أني بالمستشفى ونايم علة بطني والأجهزة يمي غمضت عيوني وإني أحس بألم قوي بأعلى ضهري يم جهة جتفي ودايخ فتحت عيني مرت اللخ علة صوت الدكتور وهوة يتحمدلي بالسلامة......