#رواية بنت التونسية لكاتبه🌺 najah_alhaj (مكتملة)💚

22

روايتنا الجديده #بنت التونسيه للكاتبه najah_alhaj
قراااءه ممتعه للجميع 🌸🌸🌸
           🌸الادمن#لـــــوليــــتا👑
#بنت_التونسية
#الحلقة_22
~《☆♥☆》🌸🌸🌸🌸🌸🌸🌸🌸🌸🌸
لايكاتكم قبل ما تقرواا..
¤¤¤
اول ماقبل ياسر الصداقه جاه مسج
بنت العز - هاااي
ياسر- وعليكم السلام...
بنت العز-سوري السلام عليكم
ياسر- وعليكم السلام ..
بنت العز- شن الجو
ياسر-تمام الحمد لله
بنت العز- ممكن سؤال ؟
ياسر-تفضلي شكله تحقيق من اولها
بنت العز -ههههههه لا مش قصدي..نتعرف عليك بس..مش بدينا اصدقاء ؟؟
ياسر- اكيد اسألي..
بنت العز- انت ماعندكش بنات بكل في اصدقائك علاش ضفتني..
ياسر- تيي الحق ف الاول مش ضايفك لكن قلت يلا انجرب انضيف بنت شن بيصير يعني..
بنت العز- وباه الي جت فيا اني..
ياسر- نسال اني تو
بنت العز- اسال عااادي
ياسر- شن اسمك..
بنت العز- رانيا
ياسر-عاشت الاسامي..
رانيا- الصوره الي ف الفيس هادي ليك؟؟
ياسر- ايه ..
رانيا- ما شاء الله عليك نحيها احسن ما يعينوك..
ياسر-هههههههه مش لهالدرجه..
رانيا- لا والله ماشاء الله عليك..
ياسر-خلاص معناها تو انقول لامي ترقيني..
رانيا- ايه ..كلمني عليك..احكي ع حياتك
ياسر-شن بنحكي ...نخدم في النقل الثقيل عندي شقه فوق اهلي اول بنت نكلمها من غير شيء رسمي  انتي.. كنت خاطب قبل وماصارش نصيب وحتى هيا ماكلمتها لين خطبتها
بنت العز-جد يعني نعتبر اول وحده تقريبا.
ياسر-ايه...
رانيا- محظووووظه ...
وبدوا يتعرفوا...
........
كان يحكي معاها لين رن موبايله من اخته هدايه..
ياسر-الوو شن فيه .
هدايه- انزل ليزيد بسرعه مروحه مش بوعيه..
ياسر-شنوووو...وصكر ونزل يجري
يزيد-ايأشر علي بوها...- حتى انت حاط عينك عليها...علاش امي مش قايمه بااواجب ادور ف غيرها
فؤاد-ضرب كف صكر فمك اخرها تروح سكران
ع وفاء- ماتعداش عليه مش بوعيه..مش عارف شن يحكي
يزيد-لا عاا رر ف ..يام هدا الي فرحانه بيه..
وصل ياسر ونزل فيه ضرب
خشوا اابنات يجروا لدارهم بعد عاركهم ياسر..
ونوضى دخله الدوش تحت الميه وفتحها وتلفت لامه -جيبي سمك كان فيه نيء من الي جبته بكري..
ع وفاء-فيه .تو انجيب..ومشت جابتها لقاته مقعمزه ع الصالون وواقف فوق راسه وجنبه بوه...مدت السمك لياسر..
خداه منها وبدي يشمم فيه لخوه
يزيد بدي يصحصح ..واول مافاق شوي
ياسر حدف السمكه علي خوه - بدل حوايجك ..خزي ...
وطلع لداره في الدور الثاني..
..
نهضت امه السمكه-شن بنقول بس  ربي يهديك ربي يهديك..وطلعت
قعد يزيد وبوه-شن قصدك بكلامك بكري
يزيد-قاعد ماصححش نهائي من اثار السكير..-كلام شن والنبي خلوني راسي بيطربق
طلع حتى ع فؤاد..
.....
استمرت علاقه ياسر برانيا...وبدي بينهم كلتم حب..
د عمار رجع للعمل...
ريما.. قاعده اتكوبس وماتطلعش حتى حوش جدي لينا ثلاث اسابيع مامشينا .
انا ومعتز امورنا ميه ميه وبعتلي ثلاث عبايات مع اخته هاله وبعت حتى لحالد ولد ريما العاب...
اما اميره وعلي ..فما ردتش عليه لبعد اسبوع ...ووقتها بس قبلت بعلاقه بشروط مكالمات كل يوم لا مكالمات بعد الساعه12 لا ..وهو كان فرحان وقبل بشروطها...
وفي ليلة تلبيسة ايهم مامشتش وتحججت بالقرايه والامتحانات ولما روحت امها واختها وخوتها لقوها صايخه في دارها
جاهم ياسر اسعفها للعياده وقالولهم سوء تغدية..وفقر ف الدم.وقعدت يومين ف المستشفى وحلفت امها انها ماتحكي لحد من عمامها ولا عماتها وحت خوالها لا انا بس وياسر الي سمعنا..
واليوم كانت ماشيه لحوش عمها ..ع اساس تباركلهم لانها ماجت للخطوبه..
....
وصلهم يزيد ..ونزلوا طقوا فتحلهم عمها..
سلموا كلهم
اميره-كيف حالك عمي مبروك لايهم ..
عمها-الله يبارك فيك والعقبه لك انشوفوك عروس ومتريحه في حوش مع راجل يهنينا عليك
عميمه-ان شاء الله وعينك حيه ياحاج..قاعدين العويله
عمها-ايه خشو خشوااا
خشوا وسلمت عليهم كلهم وباركتلهم ولما وصلت لمرت عمها...جبدتها وحضنتها وااكل تفاجأه
مرت عمها بهمس- ريحيه يا اميره ايهم مش عاجبني ريحيه الله يريحك..
اميره-مبروك عليه اتشوفيه عريس ان شاء الله .
مرت عمها-بنفس الهمس- خاطبها بس باش يقهرك نعرفه اني... ايموت فيك من لما كان صغير
بعدت ع حضنها
سلمت عليها عميمه وامل وهما مستغربين تصرف مرت عمها...
قعمزوا يهدرزوا ومرت عمهم مش باين عليها ااف حه بكل....وبعد قريب ساعه تهدريز
وقفت مرت عمهم- اميره تعالي نبيك شويه...
شبحت اميره لامهم..عميمه اشرتلها انها تنوض ورا عيله عمها
ناضت اميره ..
مشت بيها مرت عمها لدار نومها...خشوا وصكرت مرت عمها الباب
مرت عمها ( فوزيه) - ريحيه يابنتي الله يريحك..
اميره-في شن بنريحه اهو خطب وزي ماحكوا اابنات يبي العرس قريب شن عندي بنديرله..
فوزيه-انتي عاارفه علي شن نحكي اني..انا نعرف انه ايهم يبيك..ومن زمان من ايام الثانوي وهو يقول اميره ليا اني..وقبل عامين جاني فرحان وقال انك موافقه عليه..شن صار.شن ااي خلاك ترفضيه ويجن جنونه هو لتو قبل شهرين حكالي انه حيتزوجك السني احكي شن دارلك فاش غلط عارفاته عصبي وكان عصب ايقول ف كلام يغطي منه ااشيطان وجهه ..
اميره-بدت تبكي- شن تبي نحكيلك..شن تبي انقولك..انا ماقلته لحد ماقلته لحد الا لي رنيم بنت خالي بس. . مانقدرش نحكي مانقدرش
فوزيه-احكي وعليك امان الله مايسمع مني واحد حاجه من يلي حتحكيها...
اميره- بعبرتها- حنحكي ولو الشيء الي داره ايهم وااي قاله ترضيه لرواية انا حنسامحه وانوافق عليه لو قاعد يبيني..
فوزيه- حاضر نوعدك...
اميره- هدا يوم بيان رنيم بنت خالي حضرتيه انتي..تتفكري شن كنت لابسه..
فوزيه-تتفكر...ايه قفطان دهبي صح..
اميره-ايه...هو شد الا يبي يشوفني بالقفطان وانا انفوله لا ما ايجيش القفطان قصير فوت يا ايهم بلاش والله مانقدر..وهو بدي في اسطوانة ما اتحبني ماتوتقي فيا ..وزادت تبكي