روايتنا الجديده #بنت التونسيه للكاتبه najah_alhaj
قراااءه ممتعه للجميع 🌸🌸🌸
🌸الادمن#لـــــوليــــتا👑
#بنت_التونسية
#الحلقة_28
~~~~~~~~~~~~~~~~~~~~~~~~~~
لايكاتكم قبل ماتقروا
....
انا مقعمزه مع ريما
انا_قلبي مش مرتاح ..انحس فيه
ريما_بسم الله خيرك...
انا_امس حلمت بحلم مش مريحني بكل
ريما_خير والصلاه ع النبي شن حلمتي
ريما_ حلمت بزوز عقارب والزوز فيه لدغوني الاولى فدغتني مرتين والثانيه لدغتني وطولت وهيا راشقه سمها فيا...وبعدها هربت من المكان الي هما فيه هربت وانا نجري ونجري لين نسمع في صوت كلب ونتلفت ونلقاه كلب كبير ويجري وراي قعدت نجري ونجري نشبح. في معتز قدامي انادي فيه نبيه يضرب الكلب تلفت شبحلي ومعدلش عليا لين اعترت طحت نشبح فيه مشي بعد ومعش رجع ..وصلني الكلب وعضني من يدي وبعدها نضت....
ريما_خير ان شاء الله تو نطلع صدقه عليها الحلمه
انا_ يستر الله ..احلامي هادي ديما اتصيرلي بعدها مصيبه...
ريما_لا ان شاء خير نوضي بري للسوق تو راه اميره تراجي فيك مش بتمشوا تشبحوا كروت العرس..
انا_ايه تو راهي تسب وتلعن عطلت عليها
مشيت لبست عبايتي وخديت سيارة ريما ( راه تعلمت السواقه الصيف يلي فات) ومشيتلها...
...
ريما خافت من الحلمه هلبا ...
ريما_الو عمار
عمار_هلا حبي شن الجو
ريما_تمام ..حبيبي نبيك اتجي ترفعني لمكان تو
عمار_حبي انجهز لعملية تو ..وين سيارتك
ريما_خدتها رنيم مشت بيها...عادي انكلم ياسر ولا يزيد يرفعوني
عمار_لاااااا... تو انكلم علي خوي يجيك
ريما_باه معناها انوتي روحي..
عمار_ الصغار وين بيقعدوا .ماتقوليش مع الشغاله
ريما_لا...خالد وقبس مشو مع رنيم لانها مش معطله وقيس بنرفعه معاي
عمار_باه تو انكلمه..ماتعطليش ..
ريما_حاضر ربي يعاونك حياتي..
عمار_ ويحفظك حبيبي.سلام
ريما_في امان الله...
.......
جي علي لريما ..وطلعت مع ولدها ولقت معاه بنته صغيره عمره سنه..
المهم مشت لحوس ناس تعرفهم مدتلهم زرف وطلعت...رجعت للحوش ثاني...
......
عند معتز
رجع فتح الصور ثاني
الصور الاولى كانت محداثات بين رقمي ورقم ثاني..وفيها
انا_حبيبي مش مصدقه اليوم فاتحتك علي غيرك..
هو_حبي انا قتلك افسخي ونخطبك طول
انا_قتلك مانقدرش مغتز يخبني هلبا مانقدرش نكسر قلبه هو الي وقف معاي ف الصغيره قبل الكبيره..سنين ليا معاه هك انجي نفسخ ونفوته..
هو_لكن انت تحبيني انا
انا_حب متأخر ومش ف وقته
هو_تي شن تحكي انت..انا انحبك من قبل ماتمشي لتونس يمكن عبرت عليها بطريقه غلط لكن حبيتك حبيتك قبله..
انا_مانقدرش ماانقدرش..
.......
الصوره الثانيات كانوا ليا في الفاتحه ...
ومعاهم مسج
حبيتك تشوفني قبله ..نحبك....
وشبح للوقت وكان فعلا قبل ما ايجيني..
...
معتز يمسح في وجهه
وبعدها...
حبيبي مش مصدقه انه حيلمسني غيرك ..اني حنرقد معاه قبلك قلبي قلبي نااار فيه
هو..حبي ماتحرقينيش اكتر من هك ..بنهبل انا
انا_تعال اليوم للشقه..مستحيل مستحيل يلمسني قبلك
هو_مجنونه انتي ..حيعرف من اول ليله..
انا_مش حيعرف انا بنمشي لتونس عشان الفيلو ..ونعرف دكتور كويس يدير في عمليه ترجعني بنت من اول وجديد هيا حبي معقوله ماتبيش..
هو_انا نتمنى طبعا لكن خايف عليك
اناماتخافش تعال بس الساعه عشره الصبح حنكون غادي...
هو _تمام حبي ...نستني فيك غدوه ف حضني..
...وبعدها مقطع الفيديو
انا ومع واحد ع سرير دار النوم في وضع حميمي جد...الضي ضعيف لكن شعري كان مغطي الوجوه...لكن مستحيل تكون وحده ثانيه..
...
الصور كلها وجهي مش باين هلبا لكن وجه الي معاي باينه ...معتز ماشافش يزيد الا مره ومن بعيد يحس في روحه شايف الشخص الي ف الصوره لكن ناسي وين..
والصور كانوا ف ثلاث ارواب ابيض واسود واحمر..وكل الصور حميميه وفيه صوره ليا انا باين فيها فمي بس وانا انبوس فيه ع خده وهو يبتسم
.....
معتز زي الطير المدبوح مش عارفه شن ايدير
وبعدين معاش قدر خلاص بدي يكسر كسر كل شيء ف الشقه الي يجهز فيها لينا....
هالمره كان صعب انه ما ايصدقش المفتاح عندي انا وبس والنقال مايفتحش الا ببصمتي...
كيف يوثق فيا بس
معتز_علاش يانوما بس علاش ...علااااااااش ياحبي علااااااش ......ياااااارب ....
الله يلعنك الله يلعنك يا ٪$#$٪ ياتافهه كنت بنجيب وحده زيك لحوشي....
...
انا من يومين نتصل بمعتز ما انحصلش فيه واليوم بس رد
انا_حبي وينك
معتز_كنك
انا_نعم ...وقفت قلبي يومين نتصل وانت ماتردش والله حتى النوم مانرقد من خوفي عليك
معتز_ شنو تبي ....نفختيه
انا_خيرك معتز
معتز_تبي شيء ولا نصكر..
انا_شكلك معصب...
معتز_سلام
انا_غير استني
معتز_بعصبيه...الله يلعنك احكي شنووووو تبي..
انا_عيوني تعبوا دمووع_ نبي نمشي لتونس غدوه عشان انجيب الفيلو وخالتي سهير ..
معتز_لا
انا_شن هو الي لا
معتز_ماتمشيش..
انا_لا بنمشي..انا وعدت خالتي اني انجيبها معاي ..جدي بيمشي عشان العمليه بنمشي معاه..
معتز_ باه عدي...عدي يارينم...( ف خاطره حنشوفوا اخرتها مع كدبك ..)
نضنا الصبح بكري جهزت روحي وانا مضايقه اضلا مارقدتش امس بكل بكل... وانا نتفكر في معتز لما سبني عمره مادراها خمس سنين مع بعض عمره ماعاركني...
خطم عليا ع فرج انا الاولى ومشينا لحوش جدي خشيت صبحت علي جدتي ولقينا معاها ياسر ويزيد وكالعاده ياسر بمجرد ما يسمع صوتي يدك راسه في الارض زي النعامه ..ويزيد يشبحلي في شبحه تخووووف...
المهم طلعت انا الاولى للسيار طلع وراي يزيد
انا_الله يربحك اخطاني مش ناقصاتك والاهم اني متزووووجه تو..
يزيد_خيرك معاي تفجرتي فيا زي القنبله انا بس بنعطيك اسم وعنوان الدكتور الي بيمشله جدي انا قتله عليه. .
ومدلي ورقه
انا_باه ..شكرا..
ومشي يزيد دكيت الورقه في شنطتي ...وطلعت نقالي قريت دعاء السفر وطلع جدي وع فرج ..وانطلقنا
